" يعني ايه يا عمي مش فاهم حاجه انا "
" طب يا سامح انا هجيبلك ندى تفهمك هيا .. ومن بعدها مش عايز اشوف وشك هنا تاني ودا اقل حاجه ممكن اقولها .. عن اذنك "
وساب سامح ودخل ينده على ندى وكل دا سامح بيبلع ريقه بالعافيه مش عارف يتصرف ومن جواه بيقول
ربنا ياخدك يا منه
شويه وطلعتله ندى واللي استغربله انها جاياله بتبتسم
" ندى حبيبتي في ايه "
" عايز ايه يا استاذ سامح "
" استاذ سامح؟ في ايه ياندى ماتفهموني "
" هيا مراتك محكتلكش ولا ايه "
" مراتي مين يا جدعان وحكتلي ايه فهميني "
" منه قالتلي على كل حاجه يا سامح "
" اااا .. قالتلك كل حاجه ازاي "
" كل حاجه بينكو .. وانتا متلزمنيش من انهردا ودي ... حاجتك من يوم ما عرفتك اتفضل "
وادتله صندوق كبير فيه كل حاجه سامح كان جابها لندى ..
سامح بص للصندوق بعدين بص لندى وهوا وشو مخطوف
ومش قادر يفهم معنى ابتسامة ندى
ندى بصتله بكل ثقه وابتسمت اكتر
" مش عايزه اشوفك تاني ياسامح "
" انا اسف "
" لا ابدا مفيش اي حاجه .. تؤمر بحاجه "
" تسامحيني وتحاولي تسمعيني "
" ابدا مش هيحصل .. ابعد عني كفايه لحد كدا "
" هفضل بحبك "
" ههههههههههه .. عن اذنك .. اه على فكره خد "
وحطتله دبلتها في ايديه
وقامت قفلت الباب وسندت عليه بضهرها واتنهدت تنهيده كبيره
غمضت عنيها وابتسمت وحست انها بأت احسن من بعد ما خلصت من انسان زي سامح دا
ودخلت للصاله
" ها يابنتي عملتي ايه "
" خلاص يا ماما الحمدلله ادتله حاجته كلها وقلتله مش عايزه اشوفك تاني .. "
" الحمدلله .. متزعليش يا بنتي .... ربنا يديكي احسن منه "
" ههه صدقيني مش عايزه "
" متقوليش كدا يا ندى .. عادي دا نصيب يا بنتي والله ومحدش عارف الخير فين "
" والله يا بابا انا ما زعلانه الحمدلله على كل شيء انا خليني في دراستي وخلاص "
" الحمدلله يابنتي .. اخبار المعرض ايه "
" اهو هيبدأو فيه الاسبوع الجاي وربنا يسهل بأه واروح عليه شويه واروح الجامعه شويه .. عارف يا بابا .. رغم ان حصل فيا كل دا .. بس والله فرحانه وطايره لموضوع المعرض دا اهو يشغلني عن اللي انا فيه "
" طب الحمدلله ربنا يوفقك ياحبيبتي "
" امين يارب .. انا هدخل اذاكر شويه عايزين حاجه "
" سلامتك يابنتي "
" سلامتك يانودي ربنا معاكي يارب "
وسابتهم ودخلت الاوضه وبدأت تذاكر ..
تاني يوم والد سامح اتصل بوالد ندى
" الو "
" اهلا يا محمد ازيك "
" زعلان منك يا راجل "
" ليه يا محمد "
" ايه اللي عملتوه انتا وندى دا "
" لا يا راجل .. وايه اللي عملو ابنك دا يا صاحبي .. ياصاحب عمري "
" طيش شباب "
" انتا شايف كدا يعني "
" طبعا .. ولازم الميه ترجع لمجاريها "
" مفيش ميه ومفيش حاجه هترجع زي ما كانت ياريت متحاولش يا محمد "
" كدا بردو "
" كدا بردو انتا .. دنا كنت فاكرك هتقف قدام ابنك "
" بس هوا معملش حاجه وحشه اوي كدا "
" ايه دا .. ولو دا مش حاجه وحشه اومال ايه اللي ممكن يعملو يخليها تبعد عنه "
وفات اسبوع وبدأ المعرض واول يوم ليه كانت ندى في المعرض
ولقت ناس كتير معجبين بالرسومات بتاعتها .. ومع كل نظرة اعجاب من الناس برسوماتها
كانت ثقتها بنفسها بتزيد اكتر .. بس مكنتش حاسه بغرور
يوم ورا التاني وبدأت امتحاناتها وكانت كل فتره تقابل منه وبعد الامتحانات بشهر عرفت ان منه ولدت
وراحت تزورها ...
منه اول لما شافت ندى استغربت اوي
" حمدلله على سلامتك يا منه "
" اا .. الله يسلمك يا ندى ازيك "
" الحمدلله تمام انتي عامله ايه "
" بخير الحمدلله .. "
" ربنا رزقك ب ايه "
" ربنا رزقني بندى "
" سميتيها ندى يا منه "
" عشان دايما اشوفك قدامي .. "
" سامح عرف؟ "
" لاء .. "
" طب لازم يعرف يا منه .. دا حقك وحقها عليه .. اومال سجلتيها ازاي "
" لسه مسجلتهاش يا ندى .. وهوا مش هيعترف بيها ... مش عارفه هعمل ايه انا "
" متخافيش يا منه انا هقف معاكي وان شاء الله مش هسيبك في الموضوع دا الا وهيا واخده اسمو "
" بجد يا ندى؟ "
" بجد طبعا "
" مش عارفه بجد اقولك ايه .. انتي بجد جميله اوي "
" العيش والملح اللي بينا ليه حق عليا ودا واجب .. استني بس "
" هتعملي ايه "
" هتشوفي "
ومسكت ندى موبايلها واتصلت بسامح
سامح اول لما شاف رقمها اتخض وفرح اوي وفي نفس الوقت استغرب جدا ..
ورد عليها ..
" الو "
" اهلا ازيك يا سامح "
" الحمدلله يا ندى انتي عامله ايه "
" ما علينا ... عايزاك في موضوع مهم لو سمحت "
" عنيا ليكي يا ندى تحت امرك .. "
" طيب شوف نتقابل فين "
" المكان اللي نفسك فيه انا معاكي "
وتفقو عالمكان وقفلو
" اقوم انا بأه يا منه ومتخافيش مش هسيبك "
" هتعملي ايه "
" مش مهم المهم متشيليش هم ان شاء الله خير "
" شكرا يا ندى .. بجد شكرا "
" ولا يهمك يابنتي فداكي .. يلا اروح الحق انا والف مبروك ليكي "
" الله يبارك فيكي ويخليكي يارب ياندى "
" عن اذنك "
" مع السلامه "
وسابتها ندى ونزلت خدت تاكسي وراحت المكان اللي اتفقو عليه هيا وسامح
واول لما وصلت لقت سامح مستنيها
اول لما شافها ابتسم وراح سلم عليها
" ازيك يا ندى "
" الحمدلله .. "
" اتفضلي "
وقعدت ندى وهوا كمان قعد
" وحشتيني "
" انا مش جايه عشان حاجه بيني وبينك انا جايه طالبه منك طلب لو سمحت "
" تحت امرك "
" تكتب بنتك ب اسمك ! " 