" جوز حضرتك عندو ورم في المخ والمرحله متأخره جدا
.. ومعنى ان حضرتك حامل ان ممكن الجنين يكون مصاب بالوراثه بالمرض دا "
" انتا بتقول ايه يا دكتور "
" انا اسف .. بس دا اللي بينته التحاليل "
" باقي كتير عليه؟ "
" والله يا مدام العلم عند الله .. بس حالات زي دي
مبتعديش السنه بالكتير اوي ... وهوا بقالو اكتر من شهرين عالحال دا بس كان لسه
الورم في اوله "
" ايوا فعلا كان دايما يقول انه مصدع .. طيب مفيش
اي حل يادكتور .. اي حل ان شاء الله لو نسفرو برا معندناش مشكله "
" مفيش حل يامدام للاسف غير عمليه والعمليه دي نسبة
نجاحها مش بتعدي 2 في الميه "
" يعني خلاص؟ "
" انا اسف جدا لحضرتك ونصيحتي ليكي تتأكدي من وجود
جنين او لاء عشان لو فعلا في تلحقي تتخلصي منه قبل ما يتم 3 شهور وبالتالي يكون
صعب انك تسقطيه .. عن اذنك "
ومشي الدكتور ومي واقفه مش عارفه تتصرف ازاي ولا تقول
ايه
واقفه لسانها وجسمها وحتى عقلها اتشلو عن الحركه او
التفكير او الكلام
مش عارفه تتحرك مش عارفه تفكر مش عارفه تتصرف
ومش عارفه تواجه عمرو هتقولو ايه !!
وفجأه لقت شريف طلع من الغرفه
بصلها لقاها بتبكي
" مدام مي في ايه "
ومي مش بترد .. بتبكي وبس
شريف حس قلبه وجعه من المنظر وخاف جدا وفهم انها حاجه
كبيره
" طب ارجوكي اهدي عشان افهم .. تعالي معايا "
وخدها وراحو قعدو في الكافتريا
" ممكن تهدي ارجوكي وتفهميني "
مي هديت شويه وبدأت تتكلم وتشرحله اللي الدكتور قاله
شريف سمع الكلام من هنا ودموعه هوا كمان نزلت ومعرفش
يقول ايه
اتصدم .. معرفش يتكلم ولا عرف يرد
وافتكر كل لحظه كان عمرو بيتعب فيها من الصداع وفهم
معناه
" طيب وانتي يا مدام هتعملي ايه "
" مش عارفه يا شريف .. مش عارفه "
" لا اله الا الله "
في البيت عند بسمه ..
الساعه كانت 4 الصبح
قامت بسمه من عالسرير مش عارفه تنام من لما رجعت من
خطوبة عمرو
قاعده تلف حواليها في الاوضه ومامتها وباباها نايمين
وحاسه انها قلقانه جدا
حست قلبها مقبوض بس مش عارفه من ايه
راحت فتحت درج الكومدينو لقت صورها مع عمرو
مسكتها وبصت عليها واتدايقت اوي
راحت وقفت على حافة السرير ومسكت الصور ورمتها فوق
الدولاب
وهيا بترفع رجلها عشان ترميها رجلها فلتت ووقعت عالارض
اغم عليها
منار بدأت تصرخ بسبب الصوت اللي سمعته وصراخها يعلى اكتر
واكتر لحد ما مامت بسمه صحيت عليه
جريت على اوضة بسمه تشوف في ايه بتفتح الباب لقت بسمه
مرميه عالارض
" بنتيييي "
وجريت على المطبخ جابت كوباية ميه ورجعت لبسمه وكبتها في
وشها وبسمه فاقت وهيا بتشهق
وبتتنفس بصعوبه
في المستشفى
" طب يا مدام تعالي نقوم لعمرو عشان ميتدايقش وهوا
قاعد كل دا لوحدو "
" هنقولو ايه يا شريف هنقولو ايه انا هموت من الخوف
انا مش متخيله الموقف مش متخيله انه مفيش عمرو تاني خلاص .. مش متخيله اني حتى لو
كنت حققت حلمي وحلمه بالخلقه خلاص راح مش عارفه اقول ايه مش عارفه بجد
اااااااااااااااه "
" اهدي ارجوكي يا مدام مي وتعالي نشوفو وربنا ارحم
على عباده من اي حد في الكون هنعمل ايه غير اننا نقف جنبه يعني .. تعالي معايا
"
ودملها ايه وحطت ايدها في ايده وقامو سوا وفضل ساندها
لحد ما وصلو لغرفة عمرو وقبل ما يدخلو
" ارجوكي امسحي دموعك قبل ما ندخل "
مسحت مي دموعها ودخلو ..
عمرو كان نايم عالسرير وفاتح عينو ....
اول لما دخلو ابتسملهم
دخلو وقعدو وبصولو ..
" في ايه يا مي "
" مفيش ياحبيبي سلامتك "
" مي انا عارف ان عندي حاجه كبيره بس مش متأكد
ريحيني ارجوكي "
مي بصت لعمرو بنظره مكسوره وبصت لشريف بنظره بتقولو فيها
انقذني من الموقف
" انا هقوم ياحبيبي ادخل اغسل وشي ورجعالك "
وراحت باسته على راسه ومسكت ايده فتحتها وباسته على كف
ايده ودخلت تغسل وشها
عمرو بص لشريف
" قول ياشريف "
" اقول ايه ياصاحبي "
" قول باقي عليا اد ايه "
" لا اله الا الله متقولش كدا العلم عند ربنا
"
" ونعم بالله .. بس انا فهمت من اللي بيحصل ان عندي
الكانسر .. قوللي باقي عليا اد ايه ارجوك "
" مش هتكمل السنه .. "
عمرو ابتسملو ورجع راسه عالمخده وبص للسقف واتنهد
" الحمدلله على كل شيء "
" بس في عمليه ممكن تعملها ياعمرو وفي كيماوي
هتاخدو وربنا ان شاء الله قادر على انه يشفيك "
" لا ياصاحبي مش هاخد اي حاجه ولا هعمل اي عمليه ..
ياه لو اشوف بسمه قبل ما اموت .. دي هتبأه امنيتي الاخيره "
شريف نزلت دموعه ومقدرش يمسك اعصابه من البكا
" ليه ياشريف دموعك دي .. خلي ايمانك بربنا كبير ..
انا بقالي كتير بتعذب ولسه هتعذب تاني بالوجع .. اكيد ربنا عارف ان الموت اهون
عليا من العذاب دا .. وان شاء الله ربنا يجمعني ببسمه في الجنه بعد عمر طويل ليها
"
" عمرو ارجوك متقولش الكلام دا .. كلامك بيوجع
"
" ميهمكش ياصاحبي .. روح يلا روح وانا ان شاء الله
على بليل هطلع من هنا وهطلق مي عشان معذبهاش معايا اكتر من كدا هيا لسه صغيره
والدنيا قدامها ياما .. يارب بس متكونش حامل مني "
" الدكتور سألها اذا في جنين ولا لاء عشان لو في
تتخلص منه قبل 3 شهور من الحمل عشان هيكون عندو المرض بالوراثه "
" يادوب تلحق تعمل تحاليل عشان تتأكد ويارب ميكنش
في اي جنين "
" يارب "
ومي رجعت قعدت عالكرسي بتاعها
اول ما قعدت بصت لعمرو لقته باصص للسقف وساكت ومبتسم
" مي حبيبتي "
" امؤمرني ياعمرو وانا عنيا متغلاش عليك "
" يخليكي ليا يارب .. سامحيني بس انا مش هقدر اعذبك
معايا "
" يعني ايه "
" انا حبيتك والله يا مي .. وجودك جنبي الفتره اللي
فاتت بجد قربتني منك اوي وحبيتك اوي اوووووي .. مقدرش انكر اني لسه بحب بسمه بس
قدرتي تنسيني تعبي من غيرها وقدرتي تقربي لقلبي وخدتيه مني .. بس انا مقدرش اخليكي
معايا في الوضع دا ابدا .. انتي ياحبيبتي ترجعي بيتك والمؤخر هيتدفعلك وان شاء
الله مش هقصر في اي حاجه معاكي وسامحيني على اي حاجه عملتها وادعيلي في موتي
"
" بعيد الشر عنك ياحبيبي متقولش كدا ارجوك "
" تعالي يا مي "
قامت مي قعدت جنبه عالسرير وبصتله
مد ايده وهيا بتترعش ومسحلها دموعها
غمضت عينها وحست بايده على خدها ومسكتها
" بلاش يامي دموعك انتي متعرفيش اد ايه هيا غاليه
عليا .. انتي لسه صغيره والدنيا لسه قدامك "
" انا اعيش خدامه تحت رجلك تاخد بالها منك لحد اخر
لحظه في عمرها "
" لا ياحبيبتي ارجوكي اسمعي كلامي .. انتي تروحي
تعملي التحاليل ولو في حمل تتخلصي منه وترجعي بيتك وورقت طلاقك هتوصلك ان شاء الله على بعد بكرا بالكتير
.. سامحيني ياحبيبتي "
ومسك ايدها وباسها عليها
" انتي طالق "
شريف افتكر موقف عمرو من طلاق بسمه وموقفه دلوقتي واتأكد
ان مهما جت انسانه بدل بسمه مش هتكون عمرها بدالها ولا هتعرف توصل لحاجه جنبها عند
عمرو مهما عمرو قدر يحبها
مي باست راس عمرو وقامت من مكانها
" اسمحلي كل يوم اجي اطمن عليك "
" ملوش لزمه صدقيني .. هما ايام وهروح "
" بعيد الشر عنك ياعمرو يارب يومي قبل يومك "
" بعيد الشر عليكي .. يلا روحي اعملي اللازم
واتأكدي من موضوع الحمل وارجعي بيتك وان شاء الله مؤخرك هيوصلك مع ورقة طلاقك
"
" عمرو انا مش عايزه حاجه انا متنزلالك عنه وعن اي
حاجه يارب تقوم بالسلامه انا عندي امل في ربنا كبير "
عمرو ابتسملها وهيا طلعت ودموعها في عيونها مبتخلصش ...
عند بسمه ..
بسمه باصه لمامتها وبتتنهد وبتتنفس بصعوبه كبيره
" الف سلامه عليكي يابنتي مالك ايه اللي حصل "
" عمرو "
" مالو عمرو ياحبيبتي "
" عمرو مش كويس يا ماما .. ماما انا لازم اكلمو
لازم اعرف مالو قلبي مقبوض عليه يا ماما فين عمرو فينه ها فينه يا ماما فين عمرو
"
" بسم الله عليكي يابنتي فيكي ايه لا اله الا الله
استهدي بالله عمرو كويس وموجود في بيته "
" لا يا ماما لاء "
وشاورت على قلبها
" دا مقبوض عليه .. انا عارفاه لما عمرو بيبأه مش
كويس دا بيقولي .. عمرو مش كويس يا ماما "
" اهدي يا بسمه "
بسمه فضلت ساكته شويه
" ماما انا فاكره كل حاجه انا فاكره عمرو فاكره
ازاي اتقابلنا فاكره ازاي عرفته فاكره يوم فرحنا فاكره سنيني معاه سنيني مع حبيبي
يا ماما .. فين حبيب عمري يا ماما ضاع مني .. ضاع مني يا امي ضاع راح اتجوز بعد ما
بغبائي طلبت منه يطلقني كان اتقطع لساني قبل ما اطلب اتطلق منه "
وكل دا بسمه هتموت من العياط ومامتها جنبها عالارض مش
مصدقه ان بنتها اخيرا خفت وافتكرت كل حاجه
خدتها في حضنها وفضلت تطبطب عليها
" ماما لازم اكلمو يا ماما .. لازم "
" تكلميه ازاي بس وهوا متجوز يابنتي "
" اعمل ايه يا ماما .... عمرو دا بتاعي انا .. محدش
ينفع ياخدو مني .. ازاي كدا "
" انتي يا بسمه اللي عملتي كل دا متلوميش يابنتي
غير نفسك "
" ااااااااااه يا ماما عايزه جوزي عايزه حبيبي يا
ماما عايزااااااااااه "
" استهدي بالله يابنتي مينفعش اللي بتعمليه في روحك
دا "
" عمرو محتاجني والله يا ماما محتاجني قلبي بيقولي
كدا انا عارفه انا متأكده يا ماما متأكده جوزي حبيبي عايزني ومحتاج ليا عمرو مش
كويس يا ماما اسمعي مني ونبي وسيبيني اروحلو "
" يالهوي تروحي لمين يابنتي الساعه 5 الصبح بيت
راجل متجوز "
" الراجل دا حبيبي اناااااااااااااااااااا "
" لا حول ولا قوة الا بالله .. اهدي الله يرضى
عليكي يابنتي "
وفجأه سمعو صوت باب البيت بيتفتح وبيتقفل تاني ..
شريف دخل البيت وسامع صوت بسمه ومامته بيتكلمو وبسمه
بتبكي
مسح دموعه من عنيه ودخل يشوف في ايه ..
دخل عليهم الاوضه
بص عليهم وهوا مستغرب من المنظر وبيبص وراه لقى باباه صحي من النوم وجه
" في ايه "
" مش عارف يا بابا انا كنت برا ولسه جاي حالا
"
" بسمه رجعتلها الذاكره "
" بجددددددددددد؟ "
" بنتي حمدلله على سلامتك الحمدلله يارب الحمدلله
"
" بس انا مش فاهم في ايه .. ايه اللي مقعدكم كدا
وبتعيطو على ايه ومنار كل دا بتعيط ومحدش ماسكها "
وراح شريف مسك مي وشالها حضنها وفضل يطبطب عليها
وبص لمامته وبسمه
" في ايه "
" بسمه عازيه ترجع لعمرو يابني "
شريف بص لبسمه وكشر وهوا مستغرب جامد اوي
بسمه بصتله وحست في عنيه كلام كتير
" بتقول كمان ان قلبها واجعها عليه وانه مش كويس
"
" ايه ! "
" ايه اللي ايه ياشريف "
" ازاي يابسمه "
" ازاي ايه "
" ازاي عرفتي "
بسمه بصت لمامتها ورجعت بصت لشريف
" شفتي قلتلك جوزي تعبان قلبي مش بيخيبني انا عارفه
انا عارفه ومتأكده .. جوزي عايزني .. مالو ياشريف ونبي قوللي فيه ايه "
شريف كان هدى منار ونيمها ورجع نيمها عالسرير وقام من
جنبها ودموعه في عنيه بيحاول يخبيها
" شريف في ايه اتكلم "
" مفيش حاجه يا ماما "
وطلع برا الاوضه ..
طلعو التلاته وراه وبسمه هتموت من العياط ..
" ممكن بس يابسمه ارجوكي "
" مالو عمرو ياشريف اتكلم "
" مش عارف اقول ايه يا بابا "
" ماتتكلم يابني ! "
" الموضوع اكبر من الكلام يا امي "
بسمه قامت جريت على موبايلها مسكته واتصلت بعمرو
" بتعملي ايه يامجنونه انتي زمانه نايم هوا ومراته
"
" لا يا ماما عمرو في المستشفى .. وطلق مي "
بسمه بسرعه قفلت الخط قبل ما يرن وبصت لشريف
" بتقول ايه "
" بيعمل ايه في المستشفى وطلق مراته ليه "
" في ايه ياشريف انطق "
" طب ممكن تهدو عشان اعرف اتكلم بأه "
7lwa 2wyyyyyyyyyyyyyyyyyyyyyyy 2wyyyyyyyyyyyyyyyyyy
ردحذفnte a7laaaaaaaa :))
ردحذف