قصة مجرد حلم الحلقه 1

" ماما ماما اصحي "
" ايه يا ندى مالك بتصحيني بدري كدا ليه "
" قووووومي يا ماما شوفي انا عملت ايه "
" ياربي عليكي ياندى "
ومسكت ندى ايد مامتها وشدتها ومامتها مستسلمه ليها وفي نفس الوقت بتفتح عنيها بالعافيه
دخلت اوضة ندى وندى سابت ايدها وسكتت
الام بصت حواليها في الاوضه وشهقت
" ايه يا ماما وحش؟ "
" تحفه ياندى امتى عملتي كل دا "
" انا جبت الالوان والدهانات من وراكو عشان محدش يزعل مني ولا يمنعني وفضلت سهرانه عليها 5 ايام ورا بعض عشان كدا كنت بقفل الاوضه بالمفتاح وساعات كنتو بتشمو ريحة دهان .. "
" ياربي عليكي وعلى جنانك يا ندى .. بس جميله اوي ياحبيبتي الاوضه ورسمك زي ما دايما انا رأيي فيه .. ابداع "
" بجد يا ماما عجبتك "
" بجد ياروح ماما عجبتني .. وريتيها لبابا؟ "
" لاءا انا لسه مخلصاها من شويه وبابا لسه نازل الشغل من ساعتين تقريبا "
" طيب ياحبيبتي لما بابا يجي ويشوف المنظر دا هيفرح اوي "
" اوعي تقوليلو يا ماما خليها مفاجأه "
" ههههههه حاضر يا فنانه يلا بأه عالمذاكره ياثانويه عامه عشان ندخل فنون جميله واحنا ضامنينها "
" ياااااارب يا ماما بجد دا حلم حياتي اطلع رسامه مشهوره "
مامتها قربت باستها على راسها " ان شاء الله ياحبيبت ماما .. يلا عالمذاكره وانا هروح ابدأ في الغدا "
" حاضر يامامتي "
ودخلت ندى على اوضتها وبدأت تذاكر ..
وعالساعه 3 الضهر كان باب الشقه بيتفتح
اول لما ندى سمعت صوت الباب طلعت من اوضتها جري عليه
" بابااااا "
" دلوعة بابا فين الحضن "
حضنته ندى جامد اوي وبعدت عنه
" بابا عندي ليك مفاجأه "
" الله فرحيني يلا "
" تعالى معايا "
وخدته من ايدو ودخلته اوضتها
" ايه دا يا ندى "
" ايه رأيك يا بابا .. انا اللي راسمه كل اللي عالحيط دا وانا اللي داهناه وملوناه "
" روووووعه ياندى بجد روعة ياحبيبتي دماغك جميله اوي "
" يعني مزعلتش وحسيت اني بوظت الحيطه "
" بالعكس دنا مبسوط جدا باللي انا شايفه يلا انا هروح اغير هدومي ونتغدى فين ماما "
" في المطبخ "
" ماشي حبيبتي "
وسابها ودخل اوضته يغير هدومه وندى حاسه انها طايره من الفرحه
باباها غير هدومه وكانت ندى ومامتها بيحطو الاكل عالسفره وطلع باباها وقعدو يتغدو سوا
وعالغدا ..
" ايه يا ندى ياحبيبتي عامله ايه في المذاكره خلاص الامتحانات قربت "
" متقلقش يا بابا بنتك دي هتجيب ان شاء الله نسبه تشرفك زي السنه اللي فاتت ويقولو بنت المهندس علاء فنانه كبيره "
" يارب ياحبيبتي يجي اليوم دا "
" يارب يا بابا "
" بس يانودي انا مش عايزاكي ياحبيبتي تسيبي مذاكرتك وتفضلي ترسمي انتي الاوضه بتاعتك كلها رسومات سيبي الرسم والحاجات دي لحد ما تخلصي ثانويه عامه على خير وبعدين تدخلي الكليه وتبدعي اكتر واكتر براحتك ومحدش هيقولك لاء "
" متخافيش يا مامتي ان شاء الله هبذل مجهود كبير اوي عشان ادخل فنون جميله "
" ان شاء الله حبيبت ماما "
" على فكرى هدى واسماء جايين يذاكرو معايا انهردا "
" ينورو ياحبيبتي في اي وقت انا كدا كدا نازله عالمغرب كدا مع بابا مشوار وهما يجو في اي وقت "
" رايحيين فيييييييين "
" اااا .. عادي رايحين نزور ناس قرايبنا "
" ماشي يا مامتي اوكي انا هشوف بأه هما جايين على امتى "
وقامت ندى من عالاكل دخلت غسلت ايدها ودخلت على اوضتها تكمل مذاكره
باباها ومامتها خلصو اكل هما كمان وغسلو ايدهم ودخلت الام تعمل الشاي
خلصت وطلعت لقت جوزها بيتفرج عالتليفزيون راحت حطت الشاي وقعدت جنبه
" انا فرحانه اوي بندى ياعلاء بجد وبتمنى من ربنا تحقق حلمها وتبأه فنانه كبيره دي ما شاء الله من يوم ما كانت عندها 4 سنين وهيا بترسم حاجات وهميه "
" وانا والله رافع راسي بيها اوي ياحبيبتي وياااارب ربنا يحققلها حلمها اللي نفسها فيه ولو لاقدر الله محصلش نصيب انا هدخلها جامعه خاصه او معهد فنون جميله وبردو هحققلها اللي نفسها فيه دي بنتي الوحيده واللي تتمناه تلقاه "
" ربنا يخليك ليها ياعلاء ويخليها لينا يارب "
" امين يارب .. اوعي بس تكوني قلتلها اننا رايحين انهردا نقابل سامح "
" لاء متقلقش مقلتلهاش حاجه بس احنا امتى هنفاتحها بالموضوع "
" لما تخلص دراستها على خير مش عايز اقلقها واوترها دلوقتي نهائي "
" تمام "
" طيب انا هقوم انام شويه مهدود حيلي انهردا كلو وابأي صحيني على صلاة المغرب تكوني لابسه عشان مديين الناس معاد "
" حاضر من عنيا "
" تسلملي عنيكي يا ام ندى "
وباسها على راسها ودخل ينام
دخلت هيا عالمطبخ تعمل اي حاجه حلوه عشان اصحاب ندى لما يجو
فضلت واقفه في المطبخ لحد الساعه 5 ونص سمعت جرس الباب بيرن
جت تفتح الباب
لقت اسماء وهدى اصحاب ندى
" يا ندددددددددى ...
اهلا اهلا يابنات اتفضلو حبايبي البيت نور "
" الله يخليكي ياطنط عامله ايه "
" الحمدلله يا اسماء انتي عامله ايه وماما عامله ايه "
" كلو تمام يا طنط .. "
" وانتي ياهدى عامله ايه "
" الحمدلله ياطنط بخير "
" اتفضلو حبايبي وانا ثواني انده على ندى زمانها كالعاده مشغله اغاني ومش سامعه حاجه "
" هههههه والله ياطنط ندى دي مجنونه "
" ههههه ربنا يهديكو ياحبيبتي ثواني اتفضلو اقعدو "
واسماء وهدى قعدو في الصاله ودخلت مامت ندى تنده عليها
" ندى حبيبتي "
" نعم يا ماما "
" اسماء وهدى جم يلا اطفي الاغاني دي وقومي سلمي عليهم "
" حاضر يا ماما .. "
جت تطلع مامتها من الاوضه
" ماما ماما اصبري "
" ايه ياندى "
جريت ندى عليها وباستها على خدها
" ربنا يحميكي يابنتي "
" ويخليكي ليا يا اعظم ام في الدنيا "
وطلعت الام ووراها ندى
اول لما شافت اصحابها ابتسمت
" يا اهلا ياحلوه منك ليهااااا جايين متأخر ليه ياعيال "
" والله انتي اللي تايهه ياندى شوفي ساعتك الساعه لسه 5 ونص "
" هههههه اه تصدقي "
" اصدق اه منتي مجنونه وربنا "
" هههههههههههه تعالو طيب "
ودخلو الاوضه
اول لما دخلو بصو عالحيطان بصدمه كبيره
" ايه دا يانددددددددددددى "
" واااااااااااااااااااو ياندى تحفه "
" ايه ياعيال مالكم "
" الاووووووووضه "
" هههههههههه اه صحيح نسيت انكو مشفتوهاش .. ايه رأيكو "
الاتنين في نفس واحد " جناااااااااااااااان "
" اي خدمه "
" متقوليش انك انتي اللي عامله كل دا "
" مين غيرها يعمل كدا يعني ياهدى بذمتك "
" هههههههههه قوليلها يا سمسم "
" بس بجد .. بجد يعني .. معدييييييييييييه لبكرا "
" طب ايه هنفضل نتفرج كدا يلا بأه نذاكر "
" يلا يامجنونه "
وبدأو يذاكرو ...
شويه ومامت ندى دخلت عليهم بصينيه فيها بسبوسه
" يلا اهو انا مش حرماكم من حاجه "
" لالالا ياطنط متقوليش عامله بسبوسه "
" طبعا مانا عارفه انكو انتو التلاته زي الحيتان في البسبوسه لازم اشجعكو عالمذاكره "
" ندى ينفع تسلفيني مامتك للابد "
" وانا وانا ونبي ياندى "
" ههههههههههه والله ابدا دي بتاعتي انا بس "
" ههههههههه ربنا يكرمكو يابنات يلا يارب تعجبكو "
" اكيييييييييييد عاجبانا كفايه منظرها اصلا انا هاخد انا وهدى باقي الصينيه عالبيت ملناش فيه "
" يالهوي كلو الاول يامفجوعه منك ليها ايه الطمع دا في اصحاب كدا "
" يعني احنا اول مره نعرفك ياندى دحنا عشرة 11 سنه "
" ربنا يخليكو لبعض حبايبي وينجحكو ياااارب "
التلاته في نفس واحد " ااااااااااامين "
" نودي حبيبتي انا رايحه البس واصحي بابا وننزل "
" ماشي واحنا هنفضل قاعدين لبليل بنذاكر انتو ماشين على امتى "
" اشطه انا معاكي لبليل "
" وانا معاكي "
" تمام ربنا يوفقكو حبايبي "
وطلعت وقفلت الباب وراها ..
دخلت تلبس وصحت جوزها وصلو المغرب ونزلو
في الطريق
" تفتكر ياعلاء لو ندى عرفت تزعل "
" وايه اللي يزعلها بس .. ربنا يقدم اللي فيه الخير احنا بنعمل لمصحلتها ياحنان "
" امين يارب ياعلاء بس انا بردو خايفه انا كنت عايزه ناخد رأيها الاول "
" ناخد رأيها بعد مانتعامل احنا في الموضوع ونقتنع ساعتها ليها انها تأمر براحتها "
" يارب خير يارب "
" يارب "
ووصلو لفيلا كبيره اوي وكان مستوى الفيلا فخم وعالي
اول لما وصلو البوابه اتفتحت ودخلو بالعربيه واتقفلت البوابه من تاني
ركن علاء العربيه ومسك موبايله
" الو "
" حبيب قلبي "
" ههههههه الله يكرمك يامحمد انا اهو في الفيلا "
" تمام وانا مستنيك انا وسامح والمدام اتفضلو "
" تمام ماشي "
وقفلو ..
" يلا بينا؟ "
" يلا "
ونزلو من العربيه ودخلو عالفيلا من جوا
اول لما دخلو كان محمد واقف
" اهلا اهلا بصاحب عمري وحشتني ياراجل "
" والله انتا اللي وحشتني يامحمد عامل ايه "
" بخير الحمدلله .... اهلا يامدام اتفضلي "
" اهلا بحضرتك مرسي "
ودخلو على الريسبشن وبعدين دخلو على الصاله
كان سامح ومامته موجودين
" سلام عليكم "
" اهلا ياعمي وعليكم السلام "
" وعليكم السلام يابشمهندس اتفضل "