" ايه دا بجد "
" بجد والله ياندى ؟ "
" احم .. اه يا بابا بجد .. "
" وانتي حاسه انك مرتاحه ياحبيبتي للقرار دا "
" امممم اه يا ماما عادي "
" وانا بصراحه مستعجل عشان البس دبلتها في ايدي "
ندى سمعت الكلمتين دول من هنا ووشها جاب احمر من الكسوف وبصت في الارض
" ها ايه رأيكو "
" اللي تشوفوه يابني انا تحت امرك فيه اهم حاجه علاء ومدام حنان يوافقو "
" والله يا محمد انا معنديش مانع وانتي ياحنان "
" ولا انا .. اهم حاجه رضا ندى "
كلو بص لندى مستنيها ترد وتقول موافقه بس دي باصه للارض ومش معاهم اساسا
" ندى "
" ها .. نعم يا بابا "
" انتي سرحتي فين يابنتي .. ايه رأيك موافقه يعني خلاص ؟ "
" اللي حضرتك تشوفو "
" اكيد يا عمي موافقه بعد الكلام دا .. وبجد ياندى متعرفيش انا مبسوطه اد ايه "
ندى بصتله وابتسمت ابتسامه خفيفه وهيا مكسوفه وبصت لباباها
" ها ياحبيبتي خلاص؟ "
" خلاص يا بابا "
" على بركة الله وانا هحجز القاعه من هنا على اساس نلحق نعمل الخطوبه بعد ما نوصل بكام يوم عشان قبل دراسة ندى ما تبدأ "
" سامح ممكن اقول على حاجه؟ "
" عنيا يا ندى اتفضلي "
" انا معنديش استعداد اي حاجه توقفني عن دراستي مهما كانت ولو الجوازه دي هتيجي على حساب حلمي انا هوقفها انا اسفه اني صريحه بس لازم تبأه فاهم اد ايه الموضوع دا بالنسبالي حياه مش مجرد حلم "
" انا عارف كل دا ياندى متقلقيش وانا مستحيل اقف قصاد طريقك وحلمك وان شاء الله اللي بينا يكمل حلمك مش يوقفه "
ندى حست براحه لكلامه وابتسمتلو وكملو اكل وهما بيتكلمو وبيهزرو كلهم ..
خلصت ايام شرم ورجعو عالقاهره وتمت الخطوبه وندى حاسه انها عادي لا مبسوطه ولا متدايقه لكن كمان حاسه انها مرتاحه
اما سامح ف حس انه اخيرا عمل اللي عايزو واللي دايما بيعمل كدا لما يكون عايز حاجه بيعملها وبيوصل ليها مهما كان التمن
فاتت الايام وبدأت دراسة ندى
واول يوم ليها في الجامعه ..
كانت نايمه وشويه وموبايلها رن
صحيت بصت لقتو سامح
غمضت عنيها وفتحتها تاني ومسكت الموبايل وردت
" اممم "
" ههههههه صباح الخير يادلوعه يلا بينا عندك جامعه انهردا "
" حاضر انا قايمه اهو "
" ماشي حبيبتي وانا مستنيكي "
" مستنيني ازاي يعني "
" منا هوصلك الجامعه "
" ايه دا بجد "
" طبعا اومال اسيبك تركبي تاكسي ولا تاخديها مشي !! ياحبيبتي انتي خطيبة الظابط سامح محمد "
" ههههههه ماشي ياسيدي انا قايمه اهو "
" وانا مستنيكي يلا "
" حاضر "
قفلو مع بعض وقامت ندى من عالسرير مبسوطه اوي
ومكنتش متأكده اذا فرحتها دي بسبب انها اخيرا رايحه لفنون جميله حلم حياتها ولا عشان مكالمة سامح عالصبح ومعاملته ليها
ولا بسبب الاتنين سوا
بس اللي كانت متأكده منه انها مبسوطه وطايره من الفرحه
قامت غسلت وشها وراحت لقت مامتها لسه بتصحى جريت عليها باستها على راسها
" صباح الخير يا مامتي "
"صباح النور ياحبيبت ماما دنا كنت جايه اصحيكي "
" لاء ما سامح صحاني وهيجي ياخدني يوصلني "
" ليه التعب دا كلو "
" معرفش هوا قاللي خطيبة سامح متركبش تاكسي ابدا "
" ماشي ياست الدلوعه انتي .. يلا روحي البسي احسن تتأخري "
" حاضر يامامتي وانتي ارجعي نامي "
" ماشي ياحبيبت ماما "
وسابتها ندى ورجعت اوضتها بصت على هدومها مكنتش عارفه تلبس ايه
في الاخر لبست وخدت شنطتها ونزلت
اول لما نزلت لقت عربية سامح تحت البيت واول لما سامح شافها بسرعه طلع من العربيه وراح فتحلها باب العربيه عشان تركب
" لالالا انا مش أد الجمال دا كلو ورايحه الجامعه كمان طب على فكره انا بغير "
" ههههه بطل يا سامح "
ودخلت العربيه وقفل وراها الباب ورجع ركب من ناحيته وحرك العربيه وخدو طريقهم عالجامعه
" على فكره والله مش بهزر انا مطمن بس عشان خاتم خطوبتنا في ايديكي لكن غير كدا دنا كنت دخلت حضرت معاكي "
" ههههههههههه يامجنون "
" مجنون بيك ياجميل "
ندى بصتله وابتسمت وبصت قدامها من تاني
وصلو لحد الجامعه وقفل ما تنزل
" ندى "
" نعم "
مدلها ايده قامت حطت ايدها في ايده مسك ايدها وباسها فيها من جوا
" خدي بالك من نفسك واما تخلصي تكلميني عشان اجيلك اخدك واعملي حسابك انهردا هغديكي برا "
" حاضر "
" يلا حبيبي مع السلامه "
" باي باي "
وسابته ونزلت عالجامعه
ماشيه فيها وباصه لفوق بتتفرج وهيا مش مصدقه انها في الكليه اللي طول عمرها بتحلم بيها
وهيا ماشيه خبطت في حد وشنطتها وقعت في الارض
نزلت تجيب شنطتها لقت واحد واقف قدامها وهوا اللي نزل يجيبها
ومسكها وادهالها
" انا اسف سامحيني "
" لالا ولا يهمك انا اللي اسفه انا مش واخده بالي "
" منا خدت بالي انك باصه فوق انتي سنه اولى ؟ "
" هههه اه باين عليا ولا ايه "
" جدا .. شكلك تايهه .. المدرج من هنا "
وشاورلها عليه ..
" مرسي بجد لحضرتك .. "
" تحت امرك "
وابتسمتله ومشيت
اما هوا ف فضل واقف باصص عليها لحد ما دخلت عالمدرج وهوا موهوم بجمالها
دخلت ندى المدرج لقت شباب وبنات كتير اوي راحت قعدت ووراها كان داخل الدكتور
حضرت المحاضره وخلصت وطلعت وطلعت وراها بنت بتنده عليها
" لو سمحتي .. "
" ايوا اتفضلي "
مدتلها ايدها وندى مكسفتهاش وسلمت عليها بابتسامه
" انا منه "
" وانا ندى "
" اهلا يا ندى .. انا كنت قاعده وراكي في المدرج وحبيت اعرفك بجد "
" دا شرف ليا طبعا يا منه "
" تيجي نقعد في الكافيتريا "
" اوي اوي اتفضلي "
وراحو قعدو هناك سوا ..
وكان كل كلامهم تعارف على بعض وندى حست انها مبسوطه جدا بيها
وشويه واتصلت ندى بسامح يجي ياخدها ..
" هتروحي ازاي يا منه "
" امممم يا هاخدها مشي يا هركب تاكسي لان عربيتي بتتصلح من امبارح "
" طب انا خطيبي جاي ياخدني تعالي نوصلك معانا "
" لالالا ملوش لزوم التعب دا "
" ولا اي تعب يابنتي .. يلا بينا اهو وصل "
وخدتها من ايديها ومنه مستسلمه لندى
سامح اول لما شاف منه معرفش يشيل عينه من عليها بس ندى كانت قدامها ف اتعدل
" سامح دي منه معايا في الدفعه ولسه انهردا اعرفها .. منه دا سامح خطيبي .. ظابط "
" اووووه ظابط .. اهلا يا سامح "
" اهلا بيكي يا منه .. يلا يا نودي "
" يلا بس معلش هنوصل منه معانا عشان عربيتها بتتصلح "
" عنيا الاتنين "
وفتح لندى الباب ومنه ركبت ورا سامح وهيا باصه عالمنظر وركبت ندى وقفل سامح الباب وراح ركب هوا
وطول الطريق ندى بتحكي لسامح عن يومها اما سامح باصص عالمرايه قصاده على منه اللي كانت كل شويه تبصله
سامح وصل منه وسلمت عليهم وشكرتهم ومشيت
وسامح وندى راحو عالمطعم يتغدو ..
منه بعد ما مشيو طلعت على بيتها واول لما دخلت
جريت على اختها اللي كانت قاعده عالكنبه بتتفرج عالتليفزيون
" روااااااااان الحقييييييييييييييييييني "
" ايه يابت انتي مالك "
" واد قمررررررررر قمر ياروان مش قادره اقولك لاء و اييييييييه ظااااااااابط ياخراااااااااااااااابي "
" واااااو كل دا طب اهدي اهدي وفهميني ونبي بالراحه "
منه مسكت كوباية ميه كانت جنب روان شربتها ورجعت قعدت جنب روان
" شوفي ياستي .. الصبح رايحه الجامعه الا اشوفلك واحده نازله من عربية واللي سايق جنبها قمر
طبعا انتي عارفه اختك متسبش حلوين يروحو منها بالساهل كدا "
" اااااه انتي هتقوليلي كملي كملي "
" وبس ياستي طلعت البنت دي معايا في الدفعه مسكتها بعد المحاضره وادتها كلمتين جو اني صاحبه ولسه جديده ومش عارفه ايه "
" هههههه ايوا ايوا "
" وعرفت منها انه خطيبها "
" نعم ياختي "
" اصبري بس "
" اصبر ايه انتي اتجننتي ولا ايه "
" ياستي بقولك ظابط وقمرررررررر "
" كملي يا منه اما نشوف اخرتك ايه "
" بس ياستي سلمت عليه وركبت معاه العربيه ووصلني لحد هنا .. طبعا هيا اللي عرضت عليا وانا وافقت وطول الوقت في العربيه باصصلي في المرايه منا اتعمدت اقعد وراه "
" يابنت اللئيييييييمه "
" هههههههه عيب عليكي دنا اختك .. ولسه والله لا اجيبه لحد هنا "
" ازاااااااي "
" هتشوفي " 
اوبااااااااااااااااااااا بس الحلقة تجنن
ردحذفهولي
علي فكرة سامح ده مش كويس المفروض انه بيحب ندي يبقي يبص لغيرها ليه بقي وشكل منة هتعمل بينهم مشاكل وهتخليهم يسيبوا بعض
ردحذفرووعه ا
ردحذف