عند ندى وسامح ..
وصلو لحد المطعم ودخلو قعدو وطلبو وندى قاعده مكسوفه اما مبسوطه من الكليه
" مالك يا سامح "
" ها .. مالي يا ندى مليش "
" سرحان ليه من ساعة ماجيت خدتني من الجامعه "
" لالا ابدا مفيش اسرح في ايه يعني "
" دنا تقريبا طول الطريق بتكلم لوحدي "
" عادي ياحبيبتي كنت بسمعك "
" طيب "
وكل دا كانت دماغ سامح رايحه لعند منه
خلصو غدى ووصلها عالبيت ومشي وهيا مستغربه سرحانو دا اما مش مهتمه للدرجه اللي تخليها تفكر ماله
طلعت ندى عالبيت وكان باباها ومامتها موجودين
" انا جيييييييت "
" حبيبت بابا عملتي ايه "
" تحفه تحفه تحفه يا بابا مش مصدقه ان حلمي بيتحقق بجد مبسووووووطه وطايره من الفرحه "
" وعرفتي اصحاب يا نودي؟ "
" اه يا مامتي عرفت واحده اسمها منه عسوله اوي وخدتها معايا انا وسامح عشان نوصلها "
" ايه يا ندى ازاي تركبي بنت لسه اول مره تعرفيها معاكي انتي وخطيبك "
" عادي ايه المشكله "
" لا يابنتي خدي بالك البنات اليومين دول مش كويسين عشان خاطري ياحبيبتي خدي بالك "
" حاضر يا ماما ميهمكيش .. انا هروح انااااااااااام بأه "
" مش تتغدي؟ "
" لاء ما سامح غداني "
" كتر خيره يارب "
" يلا عن اذنكو "
وراحت باست كل واحد فيهم على راسه ودخلت اوضتها
اما عند سامح ..
فضل يلف بالعربيه مش عارف يعمل ايه ..
كل تفكيره رايح لمنه ..
هوا خلاص ضمن مكان بيتها بس مش معقوله من اول يوم كدا يروحلها وهيا عارفه انه خاطب
راح روح عالبيت ونام
واتكرر موضوع توصيل منه دا اكتر من يوم ورا بعض بحجة ان عربية منه بايظه بتتصلح
وفي يوم ..
بعد ما سامح وصل منه ووصل ندى رجع عند بيت منه
ونزل من عربيته بص عالعماره لقى منه باصه في الشباك
شاورتله انه يستنى ودخلت البيت وهيا هتموت من الفرحه
حطت برفان ونزلت
اول لما وصلت قدامه مدتله ايدها
" ازيك يا سامح "
" الحمدلله ياقمر "
منه بصتله وابتسمت
" طب ايه هنفضل نتكلم هنا "
" اومال "
" يعني .. تعالي معايا العربيه "
" امممم "
" من غير تفكيييير .. يلاااااا "
" هههههههه "
ودخلو العربيه واتحركو
منه بصت لسامح واتعدلت بجسمها قدامه
" سامح ؟؟ "
" عنيه الاتنيييين "
" مش خايف ندى تشوفنا؟ "
" ندى مبتحبنيش وانا بعد ما شفت القمر دا ميهمنيييييييش "
" اومال رابطين بعض ليه "
" اهو .. رسميات عيلتي وعيلتها كدا .. ابويا وابوها اصحاب "
" قلتلييييييي .. طب احنا رايحين فين "
" هقعدك في اي كافيه "
وفضلو ماشيين بالعربيه لحد ما وصلو لكافيه مشهور ونضيف اوي
منه اول لما شافت المكان عنيها لمعت
سامح لما شاف لمعت عنيها فرح مش عشان هيفرحها بس عشان هيعرف يعمل كل اللي نفسه فيه قصاد الفلوس
دخلو وقعدو ومنه بصت لسامح
وجه الجارسون
" ايه "
" هههه ايه انتي .. تاخدي ايه "
" اي حاجه على زوقك "
" طيب .. اتنين نسكافيه لو سمحت "
" تحت امرك يافندم "
ومشي الجارسون ..
" من الاخر يا منه عايز اتجوزك "
" هااااااا .. على طول كدا "
" وحالا دلوقتي .. وهعمل كل اللي انتي عايزاه "
" ايه دا ايه دا حيلك حيلك انا ليا اخت بردو "
" ياستي كل اللي انتو عايزينو هعملو بس على شرط "
" ايه هوا "
" الجواز يبأه عرفي "
" نعم "
" لحد بس ما اخلص من ندى .. انا مش هقدر استنى اقعد من غيرك اكتر من كدا انتي جننتيني بعنيكي من اول لحظه "
" دا بجد؟ "
" بجددددددد اوي "
" طيب .. وانا موافقه بس لحد ما تسيب ندى وبس "
" عنياااا .. يلا حالا بأه "
" هههههههه حالا ازاي بس "
" دلوقتي يلا ونطلع على فيلا بتاعتي انا وصحابي بس انا هاخدها كام يوم واقولهم محدش يجي "
" دنتا مظبط الدنيا بأه "
" اوي اوي يعني "
" هههههه ماشي "
" طب نشرب النسكافيه ويلا بينا؟ "
" ماشي .. "
وشربو النسكافيه وخدها من ايدها عالعربيه وهيا طايره من الفرحه انها عملت اللي عايزاه
ركبو العربيه وكلم اتنين من اصحابه وراحو عالمأذون يشهدو
واتجوزو عرفي وطلعو عالفيلا ..
وبليل راح وصلها على بيتها وخد رقمها
ورجع عالبيت
والايام بتعدي وكل يوم منه تبعد عن ندى اكتر وندى ملهاش الا منه
وحتى سامح اختلف تعامله معاها ورغم كدا مجاش فبالها ان العلاقه بينها وبين منه ليها دعوه بالعلاقه بينها وبين سامح
وعالشهر التالت من الدارسه بدأت الامتحانات
وفي اخر يوم امحانات راحت ندى تسلم على منه ومنه سلمت عليها بكل بردو وسابتها ومشيت
سامح جه خد ندى وروحها عالبيت
وعلى بليل كان موبايل سامح بيرن
" الو .. "
" ايوا يا سامح انا منه "
" ايه يا حبيبتي عامله ايه "
" كويسه .. عايزاك ضروري "
" في ايه "
" عايزه اشوفك مش هعرف اكلمك في التليفون "
" طب انا مع اهلي وهنروح لندى البيت وشكلنا هنتفق عالشبكه وهنسافر سوا الغدرقه ولا شرم تاني "
" نعم .. شبكه .. شبكة ايه يا ساااامح "
" في ايه يا منه "
" احنا مش اتفقنا انك هتخلص من ندى في اقرب وقت "
" مش دلوقتي طيب "
" اومال امتى؟ بعد ما تجيبو عيلين تلاته! "
" اتكلمي عدل يا منه "
" عايزاك حالا يا سامح تتصرف وتجيلي بقولك حالا "
" مش هقدر "
" قلتلك حالا يا سامح !! "
" قدري ظروفي يا منه "
" سامح لازم تعرف اللي هقولك عليه "
" طيب يا منه هحاول ازوغ ساعه منهم .. "
وقفل مع منه وراح قال لمامته وباباه انه هروح يجيب هديه لندى وهتتأخر شويه وهما يسبقوه وهوا هيحصلهم
واتفقوا ومشيو وهوا خد عربيته وراح لمنه ..
دخلت العربيه وبصتله لقته مكشر "
" زعلان انك مرحتش لحبيبت القلب "
" ما تهدي بأه وتفهميني في ايه بسرعه عشان امشي "
حلو
ردحذف