" تقومي تغسلي وشك وتيجي تتصلي بمحمد
تعتذريلو .. وبعد كدا ربنا يسهلها .. يلا "
وباستها على راسها وابتسمتلها
سمر ابتسمت وقامت من جنبها راحت غسلت وشها
ورجعت
" ايوا كدا القمر رجع ينور من تاني ..
يلا حبيبتي اتصلي بيه "
مسكت موبايلها ولسه هتتصل بمحمد لقته بيتصل
" مين؟ "
" دا محمد "
" طب كويس ردي بأه "
فتحت المكالمه وحطت الموبايل على ودنها وهيا
متوتره ومش عارفه هتقول ايه
" الو "
" ايوا يا محمد "
" وصلتي ؟ "
" اه من شويه "
" طب الحمدلله على سلامتك .. مش عايزه
حاجه "
" اه عايزه "
" اؤمريني "
بصت لميمي بخوف .. ميمي هزتلها راسها
وابتسمتلها
" كنت عايزه اعتذرلك .. انا اسفه يامحمد
بجد والله .. غصب عني اتعصبت واتوترت و ادم كمان ملوش ذنب
انا زعلت عليه هوا التاني .. سامحني انا اسفه
"
" لا ياحبيبتي محصلش حاجه .. حصل خير
"
" بجد ؟ "
" بجد "
" طب انا عايزه اكلم ادم .. تفتكر
هيتدايق مني؟ "
" ادم بيحبك ياسمر .. هيسمعك .. بس انتي
عايزه تكلميه ف ايه "
" يعني .. اعتذرله .. واقولو ان مفيش
حاجه مستحيله والواحد ميعرفش ايه اللي هيحصل بعدين يعني .... "
" ماشي كلميه بس اوعي تكوني بتلعبي
ياسمر "
" لاء .. انتو تعزو عليا وانا معرفش
العب بمشاعر حد .. انا بس مش عايزاكو تدايقو بعيد عن اي حاجه تاني "
" خلاص كلميه يلا "
قفلو مع بعض واتصلت بـ ادم اعتذرتلو فعلا
وفهمتو انها اتخضت مش اكتر والله اعلم باللي جاي بس هما هيفضلو صحاب واخوات
والكلام دا مش هيأثر على علاقتهم
ادم قلبو ارتاح لما سمر كلمته وفرح اوي وحس
ان لسه في امل ..
قفلو مع بعض وسمر قامت وحضنت ميمي وشكرتها
. . .
الموبايل كان بيرن .. خلصت الحاله اللي كانت
عندها ومسكت الموبايل لقته مجدي
رفعت حاجبها واستغربت جدا .. وبعد تردد كبير
اتصلت بيه
من باب الفضول والانتصار انه لجألها من تاني
!
" الو "
" نعم "
" ازيك ياهناء "
" ملكش دعوه .. واسمي الدكتوره هناء ..
خير عايز ايه "
" طيب .. ماشي ياستي ولا يهمك .. انا
عمتن مش متصل احب فيكي لا سمح الله
ولا اعتذرلك وانتي اللي تكوني انتصرتي في حرب
انتي بس الطرف اللي فيها
زي ما خيالك صورلك اكون متصل عشان كدا يعني
.. انا متصل عشان سمر "
" هه! ماشي ومالو .. ومالها سمر "
" انهردا عيد ميلادها اللي طبعا عمره ما
جه ولا هيجي على بالك .. انا شايف انو من باب
اقولك الذوق بلاش الامومه لانك للاسف
متعرفيهاش .. انك تتصلي تعيدي عليها "
" وانتا جبت منين الحنيه دي يخويا
"
" تقدري تقولي كدا عرفت غلطي وحقهم عليا
بعد ما راح مني واحد منهم .. بس الحمدلله على كل شيء
عموما بردو عشان مطولش في الكلام اللي ممنوش
فايده .. ياريت تكلميها .. دا ابسط حق ليها بعيد عن
اي حاجه حصلت .. دا عيد ميلادها بردو "
" وانتا اللي جاي تعرفني الصح من الغلط
"
" طيب .. انا عملت اللي عليا .. سلام
يادكتور هناء "
وقفل قبل ما هيا ما ترد
لانه عارف انها هتفضل تتكلم وتعاتب وترمي
كلام وهوا مش غاوي وجع دماغ
كان خلص مشوار الفندق وظبط كل حاجه عشان
الساعه 8 بالظبط العيد ميلاد يتم
خد عربيته وطلع ع البيت
مسكت موبايلها بعد ما قفل معاها وفضلت تفكر
في كلامه
ماهو بردو ممكن تحاول تكسبها من تاني بعد
اللي حصل
مش عشان تعيش معاها من تاني لانها متفرقش
كتير ..
بس لو جت عاشت معاها من تاني او حتى بقت
كويسه معاها
هيعتبر دا بالنسبالها انتصار في حد ذاته
قامت خلعت البالطو وخدت شنتطها ونزلت
ركبت عربيتها وراحت محل ساعات كبير وغالي
اختارتلها ساعه بنوتي وشيك اوي وغاليه اوي
واشترتها
خدتها واتحركت بعربيتها ع الفيلا .. وصلت
هناك لقتها مقفوله
فضلت ترن كلاكس العربيه محدش فتح نزلت من
عربيتها رنت الجرس برا كذا مره بردو محدش رد
استغربت اوي ركبت عربيتها تاني ومسكت
موبايلها واتصلت بسمر
سمر وميمي ومجدي كانو بيتغدو
موبايل سمر رن قامت تشوفو .. بصت في الاسم
وبرقت
ميمي " في ايه ياسمر "
مجدي " مين بيتصل يابنتي في ايه! "
سمر " مش هتصدقو! "
مجدي " في ايه بس "
سمر " ماما !!!!! "
ميمي بصت لمجدي ومجدي سكت متكلمش
سمر " مش غريبه تتصل بعد كل الفتره دي!
وهتكون عايزه ايه يعني "
ميمي " ردي عليها شوفي في ايه مش هتخسري
حاجه "
سمر فتحت المكالمه . .
" الو "
" ايوا ! "
" ازيك ياسمر "
" كويسه "
" وحشتيني ياحبيبتي "
سمر سكتت مردتش . .
مجرد ابتسامه استهزاء فهمها مجدي
" اممم .. انتي فين ياسموره "
" ليه "
" قوليلي بس "
" في البيت "
" محدش بيرد في الفيلا والفيلا مقفوله
غريب اوي الموضوع دا ! بيت ايه اللي انتي فيه "
" اه اصلنا نقلنا "
" نقلتو ! فين "
" ايه المطلوب "
" ايه المطلوووب !! دا جزاتي بردو
"
" هههههه "
" بتضحكي .. ماشي ياستي .. انا عايزه
اشوفك طيب اعمل ايه "
" ليه "
" لما اشوفك هتعرفي .. قوليلي عنوان
البيت "
" لا مش هديكي العنوان .. نتقابل في
مكان برا احسن "
واتفقو ع المكان وقفلو مع بعض
ميمي " مالها ياسمر "
سمر " انا اعرف .. عايزه تشوفني "
مجدي " احسن انك مدتهاش العنوان ..
"
سمر " اكيد .. انا هقوم البس وانزلها
اشوفها عايزه ايه دي وبعدين اروح لماجي عشان كانت عايزاني انهردا بليل ضروري
مش عارفه ايه حكاية الكل .. كلو عايز يشوفني
انهردا حاسه اني هموت بعد اخر مقابله دي "
ميمي " بعيد الشر عنك "
مجدي "
حبيبتي الف بعيد الشر عنك .. روحي طيب البسي وانزلي .. وخدي بالك من نفسك
"
سمر " حاضر "
دخلت سمر تلبس ومجدي فهم ميمي انه اتصل بهناء
عشان تعيد على سمر
خلصت سمر لبس ونزلت راحت تقابل هناء . . .
في الكافيه
" حبيبتي ازيك "
وجت تحضنها .. سمر مدت ايدها وبعدت لورا شويه
عشان متسلمش باكتر من الايد
هناء ابتسمت وعدتها رغم انها فهمت الموقف
" تعالي حبيبتي اقعدي تعالي .. وحشتيني
بجد .. عامله ايه "
" كويسه .. خير "
" امممم .. دي مقابله بردو بعد المده دي
كلها "
" ههههه قولي انتي بأه .. ما علينا ..
خير "
" ماشي ياستي .. عموما "
وطلعت العلبه من شنطتها
" كل سنه وانتي طيبه "
وادتها العلبه
" ايه دا "
" افتحيها وشوفيها "
" سوري مش بقبل هدايا "
" انا مامتك يابنت .. عيب عليكي ..
"
" بمناسبة ايه "
" عيد ميلادك ياحبيبت قلب ماما "
سمر بصتلها واستغربت اوي .. طلعت الموبايل لقت
ان بكرا عيد ميلادها
ازاي هيا نسيته كدا .. اللي بيحصل حواليها
للدرجادي نساها انه الليله عيد ميلادها
بصت لمامتها
وفضلت تفكر هيا ازاي افتكرته وليه جايه تعيد عليا ..
" ايه مش هتفتحيها "
" شكرا "
" العفو ياحبيبتي .. كل سنه وانتي طيبه
"
" وانتي طيبه .. "
وموبايلها رن .. لقتها ماجي
حست انها في وقتها وانها اخيرا انقذتها ..
بصت في الساعه لقتها 6 ونص
ردت على ماجي
" ايوا يا ماجي "
" ايه يابنتي عامله ايه "
" تمام الحمدلله جهزتي؟ "
" اه عبال ما تيجي اكون خلصت خالص
"
" طيب تمام مسافة السكه "
قفلو مع بعض واستأذنت سمر من هناء وقامت مشيت
هناء اتدايقت اوي انها مقدرتش تكسبها زي ما
كانت ناويه وفاهمه انه هيحصل
طول الطريق وسمر بتفكر هيا ازاي افتكرت عيد
ميلادها وهيا نفسها مش فاكراه
يمكن تكون متسجل ع الموبايل وانها عملت كدا
عشان تحلالها في عنيها وتبقى كويسه معاها
بس دا بعدها .. اصل دا مش تفكير ام اصلا !
لانها فاكره انها عمله بتلعب بيها ويا صابت يا خابت
حسب هيا ملك ولا كتابه والرهان ليها ضد مجدي
على ايه
وصلت لماجي كانت الساعه 7 وربع
سلمت عليها بعد ما ركبت معاها العربيه
واتحركو
ماجي لاحظت ان سمر مش طبيعيه
" سمر مالك "
" ابدا مفيش .. عامله ايه "
" تمام كويسه .. في ايه بس مالك "
" هحكيلك بعدين .. قوليلي بأه في ايه
"
" عادي ادينا بنلف وحشتيني "
" هههههه انتي كمان "
" يعني ايه "
" ميعنيش ... قوليلي هنروح فين "
ماجي قالت لسمر ع اسم الفندق وبصت في الساعه
لقت انه يادوب يطلعو ع هناك
سمر استغربت من الفندق وسألتها عنه
قالتلها عايزه تروح تقعد هناك مع مينا
وبالمره يتعرفو على بعض اكتر
سمر عدتها ولو انها مش مبسوطه ان ماجي عملتها
وسيله بينهم هما الاتنين بس ماشي . .
واتحركو ع الفندق
هناك ماجي طلبت من سمر تستناها في الرسبشن
لحد ما تروح تسأل عن مينا وترجع تاني
سمر راحت قعدت شويه ولقت ماجي بتقولها تقوم
معاها
دخلو قاعه كبيره وفجأه لقو الاغاني اشتغلت
وكانو صحابهم كلهم هناك ومعاهم ميمي ومجدي
سمر اتسمرت مكانها واتخضت
مكنتش متوقعه كل دا ..
بصت لماجي ماجي خدتها في حضنها وعيدت عليها
كان بيتر وتالا موجودين وقفو سلمو عليها وسمر
سلمت بابتسامه وسلام ايد باردين
بعد ما طفو الشمع وقعدو سوا والحفله شغاله
وهزار وضحك ..
راحت سمر قعدت وحدها .. شافها ادم وراح قعد
معاها
" كل سنه وانتي طيبه يا سمر "
" مرسي يا ادم وانتا طيب "
" مالك في ايه "
" بفكر "
" فيا؟ ههههههه " وغمزلها
ابتسمتله وبعدين ضحكت ضحكه خفيفه
حست انها فعلا ضحكت من روحها من جوا
وانها مبسوطه انه مش زعلان ولا شايل منها
" سمر .. انا بحبك وناوي افضل احبك كدا
على طول .. ومتأكد ان هيجي يوم وهتقوليهالي بس انا مش مستعجل عليها
عشان لو مجتش من قلبك بجد يبقى انا مش عايزها
"
سمر ابتسمتله
" ادم .. انتا اول طريق قصادي .. بعد ما
بقى مسدود .. اتفتحلي "
