" اممممم .. حاضر يامحمد ماشي مع اني مش فاهمه حاجه بس حاضر
"
وقام محمد مشي وهيا تايهه مش عارفه في ايه
اتصلت بـ ادم وقالتلو ع المطعم اللي هيا فيه
وطلبت منه يجي عليه
شويه وكان ادم داخل المطعم
سلم عليها وقعد معاها وهوا التاني كان حاسس
انه متوتر جدا
سمر كانت مستغرباهم ومش فاهمه ايه الحكايه
" ادم مالك "
" ها مالي .. ! "
" مش طبيعي متوتر كدا ومش مظبوط في ايه
"
" بصي يا سمر انا عايز اتكلم معاكي في
موضوع مهم وعبال ما اخدت قرار اني اكلمك فيه طلعت عيني والله "
سمر كان نفسها تضحك بس مسكت نفسها على اد ما
تقدر عشان متحسسهوش انها بتقلل قيمته وعشان ميعرفش ان محمد جه زي ما محمد طلب منها
حطت ايدها على خدها وبصتله
" ايه مالك؟ "
" ههه مالك انتا يابني اتكلم طيب سامعاك
"
" هوا انتي لسه بتحبي بيتر ! ؟ "
سمر استغربت اوي من السؤال !! حاولت تفهم هما
عايزين ايه بس مجاش في بالها اي حاجه ابدا !
وقررت تجاوب وخلاص
" والله يا ادم انا اكتشفت اني مكنتش
بحب بيتر اصلا "
" ودلوقتي انتي مبسوطه؟ "
" الحمدلله "
" سمر بصراحه كدا .. انا بحبك من زمان
وكنت بشوفك دايما مع بيتر وبكون متدايق ومخنوق بس بسكت ومش بقدر اتكلم
عشان كنت بشوف اد ايه بتحبو بعض وانا كان
نفسي تفضلي مبسوطه رغم اني عارف ان عمر ما اللي بينكو هيكمل .. بس مكنتش عارف اعمل
ايه اكتر من كدا وعارف انك بتشوفيني صاحبك واخوكي وكل حاجه بس بصراحه انا بشوفك
اكتر من كدا بكتير .. باختصار انا بشوفك حاجه مينفعش اعيش من غيرها .. انا بحبك
وعندي استعداد من دلوقتي اتقدملك واخطبك بس انتي قولي اه "
سمر من كتر الصدمه معرفتش تنطق!
اي حاجه كانت ممكن تيجي ع بالها الا ان ادم
يفكر فيها التفكير دا .. وكمان من زمان
سابت الاكل اللي كانت بتاكلو ورجعت بضهرها
لورا ع الكرسي
فضلت باصه لادم من غير اي تعبير ..
هوا حس انها رافضه تماما وانها بتحاول تدور
على اي كلمه تقولهالو بذوق بدل ما تجرحو
لكن في الحقيقه سمر كانت بتحاول تفكر في حاجه
واحده بس: " ازاي !!!!! "
نظرتها ليه حسسته ان مفيش امل بالمره ..
اما هيا كانت بتتأمله ودماغها في: "
ازاي !!! "
" طيب انا اسف يا سمر اني صارحتك .. كنت
عارف اني هخسرك بعد ما اصارحك بس مكنتش قادر اسكت اكتر من كدا
يارتني ما اتكلمت ! .. بجد بعتذرلك جدا ..
واضح ان الطريق بينا مسدود .. ومفيش امل .. خدي بالك من نفسك وانا زي
مانا وزي عصام ومحمد .. اخواتك .. ودايما
هفضل جنبك لو احتجتي لاي حاجه عن اذنك "
قام من جنبها وراح للكاشير دفع الحساب ووقف
عند الباب
بص عليها قبل ما يمشي لقاها قاعده نفس القعده
..
ومشي ..
.
سمر فضلت قاعده ساكته مش عارفه تعمل ايه ..
فجأه كأنها فاقت بصت حواليها وخدت شنطتها
وقامت تدفع الحساب
قالولها انه اتدفع .. اتكسفت اوي وطلعت ركبت
عربيتها وقعدت ..
فضلت ساكته كدا شويه وبصت على شنطتها مسكت
الموبايل واتصلت بمحمد
" الو "
" ايوا يا محمد انتا فين "
" جنب البيت .. مالك؟ "
" عايزه اتكلم معاك ضروري هعدي عليك
"
" ماشي اوكي مستنيكي "
قفلو سوا واتحركت سمر بالعربيه راحت عدت ع
محمد ركنو تحت بيته وقعدو في العربيه
" في ايه ياسمر مالك وشك مخطوف كدا ليه
"
" ادم "
" اممم .. مالو "
" بيحبني ! "
حست ان محمد مستغربش ..
" محمد انتا عارف؟ "
محمد فضل ساكت ومردش عليها
سمر بدأت تتعصب شويه .. وعلت صوتها "
محمد كنت عارف بقولك! "
" ممكن تهدي؟ "
" مقولتليش ليه!! مسبتونيش اختار ليه !
مفوقتونيش ليه قبل ما الطريق يتسد ! هوا انا ناقصه يا اخي !!!! "
وبدأت تعيط
محمد مكنش عارف يتصرف ازاي فضل يطبطب عليها
ويهديها
لحد ما هديت شويه . . .
" سمر ممكن تسمعيني ..
انتي فاكره انها حاجه سهله عليه انه جه وقالك
انا بحبك؟
انتي مش متخيله هوا بيحبك من امتى .. بس انتي
شكلك مش فاكره انتي وبيتر كنتو عاملين ازاي
سمر .. بيتر كان عايش معاكي اكتر ماكنتي
بتعيشي مع اهلك في البيت
كان واكل وقتك كلو مكناش بنشوفك في الجامعه
الا صدفه
حتى في المحاضرات بطلتو تقعدو معانا!
عايزاه يجي يقولك معلش سيبي بيتر وتعاليلي
انا بحبك؟ انتي فاهمه انها لعبه ولا ايه! "
" وانتا مجتش تحكيلي ليه !! "
" اقولك ادم بيحبك معلش سيبي بيتر
عشانو؟ دا صاحبي ياسمر .. ولو كنت قلتلك كدا وقتها
كان ابسط حاجه هتعمليها تقطعي علاقتك بينا
احنا الاتنين وعصام معانا فوق البيعه
وتقولي لبيتر وبيتر كان زعل معانا .. واحنا
من امتى بنتخانق مع بعض محنا دايما اخوات!
حتى بيتر معتبرينو اخونا !! قوليلي عايزاني
اقولك ايه ياسمر!! اعقلي وفكري ..
وبعدين انتي زعلانه ليه ماهو الوقت قدامك اهو
وانتي خلاص سبتي بيتر .. شوفي نفسك بأه شويه
وشوفي انتي عايزه ايه .. بس متغلطيش ياسمر
فيا وفي ادم .. عشان انا وهوا عملنا لمصلحتك في الاول والاخر "
" مصلحتي احب واحد مسيحي؟ واتجوزو من
ورا الناس كلها واغير ديني!!!! "
" هوا انتي مبتفكريش ومعندكيش عقل ولا
ايه! "
" وهوا انتو مش صحابي وحقي عليكو توروني
الصح فين من الغلط!!!! ياخي انا غلطت .. انتو فين! "
" لما احتجتيني كنت جنبك ياسمر ورجعتك
عن كل اللي عملتيه .. بس احنا منقدرش نقولك سيبيه .. دي حاجه بتاعتك انتي
منتي عارفه ان عمركو ما هتكونو لبعض ..
ومكمله! فين حقك على نفسك "
سمر بصتله وسكتت ..
حست انها فعلا غلطانه وان محدش ليه ذنب في
حاجه غيرها
" اسمعي يا سمر .. ادم دا راجل وانا
عارف انك لو مش واثقه في حد في الدنيا هتثقي فيا انا
وادم دا انا حاطط فيه كل ثقتي .. لو بأه في
حياتك .. هيشيلك ف عنيه .. فكري كويس اوي قبل
ما تاخدي اي قرار .. واعرفي اني سواء انا ولا
هوا ولا عصام منتمنلكيش الا كل خير
انتي مهما كان اختنا وبنحبك وبنخاف عليكي ..
اوي ! انا همشي .. روحي البيت واقعدي فكري كويس
وشوفي انتي عايزه ايه .. بس يابنت الناس لو
منتيش قد المسؤوليه متعلقيهوش فيكي اكتر ما هوا
عشان ربنا وحدو يعلم هوا جواه ايه ناحيتك ..
خدي بالك من نفسك وهبأه اتطمن عليكي انك وصلتي البيت كمان شويه "
وسابها ونزل وقفل وراه باب العربيه من غير
مايستنى منها اي رد
فضلت قاعده باصه عليه لحد ما بعد .. عنيها
دمعت مسحتها واتحركت بالعربيه
كل تفكيرها في ادم .. ياترى هيا ليه زعلانه
اوي كدا انها مكنتش تعرف .. مش مبرر لكل العصبيه دي اصلا
وليه لما عرفت حست قلبها دق اوي .. اصل
مستحيل حب يجي في لحظه كدا ..
بس هيا عارفه ادم .. وجدعنته معاها ورجولته
.. معقوله كل دا بيحبها !!
وهيا ولا حاسه بيه ولا شايفاه وعايشه مع واحد
تاني خالص!
حست انها زعلانه اوي من نفسها انها مكنتش
حاسه بيه ولا شايفاه
وانها كمان ضايقته لما مردتش عليه .. دا فوق
زعيقها مع محمد وكلامها اللي يزعل
رغم ان ملهاش اي حق تعمل اي حاجه في كل دا !
روحت البيت لقت ميمي قاعده بتتفرج ع
التليفزيون
" سموووره ازيك ياحبيبتي تعالي "
راحت سمر قعدت جنبها
" ايه دا انتي ليه شكلك معيط مالك !
"
" متضايقه اوي بجد "
" طب في ايه بس .. متعيطيييييش اهدي بس
وقوليلي في ايه "
فضلت سمر تعيط اكتر .. ميمي خدتها في حضنها
وفضلت تهدي فيها
" سمر حبيبتي اهدي بأه عشان خاطري اخس
عليكي كدا مليش خاطر عندك؟ "
" غصب عني "
" طب اهدي بأه شويه "
" هوا بابا فين "
" كلمني ياحبيبتي وقاللي انه انهردا
هيتأخر شويه عشان عندو مشوار "
" طيب ينفع اللي هحكيهولك متقوليهوش
لبابا ؟ "
" حاضر من عنيا وعد .. وانتي ممكن
تقوليلي بأه مالك!؟ "
وسمر حكتلها على كل حاجه ماعدا موضوع جوازها
من بيتر وانها غيرت دينها .. اما الباقي كلو فـ حكته لميمي
فضلت ميمي تسمعها لحد ما خلصت كلامها وسكتت
..
" بصي ياسمر اولا العياط دا لا ليه لزمه
ولا هيغير حاجه
انتي عشان حاسه انهم مدوكيش فرصه تختاري
بتعيطي .. وانك حاسه بالذنب ناحية ادم
بس ان جيتي للحق محمد كان صح لما اتكلم معاكي
الكلام اللي من شويه دا .. يعني فعلا هما ازاي
كانو هياخدوكي مع بيتر وانتي بتقولي كان
واخدك من الناس كلها ومكنتيش بتشوفي حد غيرو "
" انا عارفه .. ما انا زعلانه عشان زعلت
محمد وقولت كلام مش صح بس اعمل ايه زعلت واتعصبت بأه "
" معلش حصل خير "
" طب اعمل ايه دلوقتي "
nice bgd gmylh gdn ^_^ yoka
ردحذفHarrah's Lake Tahoe Casino & Hotel - MapyRO
ردحذفGet 군포 출장샵 directions, reviews and information for 사천 출장샵 Harrah's 안양 출장마사지 Lake Tahoe Casino 김천 출장마사지 & 서울특별 출장안마 Hotel in Stateline, NV. This casino also includes a nightclub, nightclub, spa, an entertainment