تاني يوم . .
صحي مجدي وراح على اوضة سمر خبط وفتح الباب
لقاها طالعه من الحمام
" صباح الخير حبيبتي "
" صباح النور يا بابا "
وراح باسها على راسها
" عامله ايه انهردا وايه النشاط دا
"
" والله خروجة امبارح نشطتني هههههه
"
" يارب دايما اكون قادر اخلي بنتي
حبيبتي مبسوطه "
" ربنا يخليك يارب يا بابا وعلى فكره
ميار دي عسوله اوي ربنا يخليهالك بجد عرفت تختار "
" خلي الواحد يختار ولو مره واحده بس صح
في حياته ويعوض نفسه هههه "
سمر بصتلو وابتسمت لما افتكرت مامتها وحست انها
مش فاهمه هيا حاسه ايه اصلا .. لكن واثقه مليون في الميه ان مامتها مش واحشاها ولا
هيا وحشت مامتها !
" سرحتي فـ ايه؟ "
" ها .. لاء مفيش "
" طب يلا عشان نفطر بأه "
" حاضر هغير هدومي وانزل "
نزل مجدي قال لسماح تحضر الفطار واستنى لحد
ما سمر تنزل
خلصت سمر لبس وخدت شنطتها ونزلت فطرو مع بعض
وسألها مجدي هتروح فين
قالتلو ان عندها محاضره قالها لما تخلصي
كلميني عشان نطلع ع الشقق اللي هنشوفها
وسمر اصرت ان ميمي تروح معاهم وهما بيشوفو
الشقه باعتبارها مراته ووجودها ورأيها مهم
فرح اوي مجدي انها عايزه ميمي تبأه موجوده
ووافق على كلامها مع انه كان عايز يحسسها انها المهمه اكتر حتى من ميمي
خلصو الفطار وكل واحد ركب عربيته وراحو
مشاويرهم . . .
وصلت سمر الكليه وركنت قدام المدرج ومسكت
موبايلها اتصلت بمحمد
" الو "
" صباح الخير ياسمر "
" صباح النور انتو فين "
" انا وادم اهو داخلين ع الجامعه وعصام
مش عارف وصل ولا لسه "
" طيب انا واقفه قدام المدرج مستنياكو
وهكلم ماجي اشوفها "
" كلمتي بيتر؟ "
" لاء ومش ناويه "
" ماشي خدي بالك من نفسك ومتنزليش من
العربيه لحد ما نيجي "
" حاضر "
قفلو سوا واتصلت بماجي .. ماجي قالتلها انها
مش هتقدر تيجي انهردا . . .
ادم ومحمد في الطريق
" ها كلمتو يا محمد؟ "
" لاء ومش طايقه سيرتو اصلا "
" طب حلو اوي "
" ونبي قوللي انتا فرحان على ايه وانتا
مش راضي تحكيلها حاجه "
" خايف تصدني يامحمد وبعدين دي لسه
طالعه من وفاه ولسه طالعه من قصه بقالها كام سنه مينفعش يعني "
" بص .. الحقها قبل ما غيرك يسبقك
"
" تقصد ايه مش فاهم "
" يعني احنا خلاص كلها سنه ونتخرج ..
وهيا ماشاءالله قمر والف مين يتمناها .. واكيد هيتقدملها ناس .. الحق نفسك انتا
بأه "
" ربك يسهلها "
مفيش 10 دقايق وكان محمد وادم وصلو
سمر " ازيكو "
سلمو عليها وادم من لما شافها مفارقتهوش
الابتسامه
محمد " ايه القمر دا "
ادم " ايه ياعم انتي كل يوم تحلوي
"
سمر " ههههه الله يجازيكو .. كلمتو
عصام؟ "
ادم " هوا اللي يشوفك يفتكر عصام بردو
"
سمر " ياواد بطل "
وخبطتو على كتفو بهزار
بصلها وابتسم ومحمد مسك موبايلو اتصل بعصام وطلعو
ع المدرج
عصام قال لمحمد انو داخل ع الكليه خلاص
وهيطلعلهم ع المدرج
محمد " اومال ماجي فين "
سمر " مش عارفه قالتلي مش جايه انهردا
ومفهمتش منها حاجه كانت نايمه قلتلها اما تصحي كلميني "
وصل عصام وقعدو يتكلمو سوا شويه
لحد ما الدكتور دخل وبدأت المحاضره
و ادم كل همه بيدور على بيتر كل شويه ويبص
حواليه هوا موجود ولا لاء
ومرتاح جدا انه مش شايفه قدامه
خصلو المحاضره وطلعو قعدو في الكافيه
في الوقت دا كان مجدي اتصل بماجي واتفق معاها
ع العيد ميلاد وطلب منها تعزم كل صحابهم
بصت في الساعه لقتها 12 ونص
فكرت اذا تكلمهم ولا لاء
افتكرت ان سمر كلمتها وهيا نايمه وزمانهم لسه
في الجامعه
فـ اتصلت بـ بيتر
" الو "
" ايوا يا ماجي "
" ازيك يا زفت "
" كويس يختي "
" فينك انتا من امبارح "
" مفيش مش طايق نفسي وقاعد ف البيت
"
" سمر؟ "
" هوا في غيرها مشقلب حالي "
" بيتر انتا عارف ان مهما حصل مش هتكونو
لبعض لا انتا هتبأه زيها مسلم ولا هيا هتقلبلك مسيحيه "
" بحبها ياماجي مش مستحمل مكونش معاها
طب ومش عارف اعمل ايه "
" شوفلك واحده من دينك وخلاص يابيتر ..
مش هيحصل جديد مهما عملت "
" فكك طيب عشان بأمانه مخنوق "
" طب بقولك ايه باباها اتصل بيا وقاللي
انه عايز يعملها مفاجأه عشان عيد ميلادها "
" باباها !! غريبه .. اممممم طيب انا مش
عارف هحضر ولا لاء "
" عيب متحضرش مهما كان مهي حضرت عيد
ميلاد تالا "
" وانا احضر بصفتي ايه "
" صحاب يا اخي .. وهات تالا معاك "
" طيب خلاص هشوف ايه الدنيا "
في الجامعه خلصو قعدتهم وبدأو يتحركو .. سمر
اتصلت باباها
قالها انه لسه مخلصش شغل واتفقو انها هتروح ع
البيت تغير هدومها وهوا يعدي على ميمي بعدين يعدي عليها ياخدها
قفلت معاه وروحت ع البيت غيرت هدومها وخدت دش
ولبست لبس خروج عبال ما باباها يجي . .
شويه ومجدي اتصل بيها انو في العربيه في
الفيلا ومستنيها تطلع
طلعت لقت ميمي في العربيه سلمت عليها واتحركو
ع الشقه
دخلو 3 شقق وعجبتهم جدا اخر شقه
وفي لحظتها اشتراها مجدي وقررو يودو حاجتهم
كلها من بكرا . .
فاتو 4 ايام خلصو فيها كل حاجه وفعلا انتقلو
ع الشقه الجديده ووضبو حياتهم وخدو سماح معاهم
كانت خلاص ماجي اتفقت مع ادم وعصام ومحمد
وبيتر على موضوع العيد ميلاد وكام بنوته صحابهم معاهم في الدفعه
ميمي ومجدي حضرو كل حاجه واتفقو مع الفندق
اللي هيعملو فيه عيد الميلاد . .
وجه اليوم اللي قبل عيد ميلاد سمر بيوم . .
" ليلة عيد ميلادها "
الصبح . . .
اتصلت ماجي بسمر وقالتلها انها هتنزل معاها
بليل مشوار
وسمر وافقت
بعدها شويه ومحمد اتصل بيها وقالها انه عايز
يتكلم معاها ضروري
واتفقو يتقابلو ويتغدو سوا انهردا . .
ع الغدى سمر راحت المطعم اللي محمد اتفق
معاها عليه
لقته قاعد مستنيها
راحت سلمت عليه وقعدت معاه ..
محمد كان متردد جدا وهوا قاعد ومتوتر لدرجة
ان سمر حست ان فعلا في حاجه
" في ايه يا محمد مالك !! "
" مش عارف انا اللي بعملو دا صح ولا لاء
بس انا لازم اعمل كدا "
" يابني في ايه قلقتني "
" لسه بتفكري في بيتر يا سمر ؟ "
" بيتر!! لاء خلاص .. انا اصلا اكتشفت
اني مكنتش بحبو .. مجرد كان حب لاحساسي معاه مش اكتر .. كان ناقصني حاجات لقيتها
فيه لكن محبتهوش كذاته "
" اممم .. طيب دي حاجه كويسه "
" متقوليش انك بتحبني ههههههههه "
" لاء انتي اختي ياهبله "
" انا هبله عشان اعرفك اصلا .. في ايه
مالك بأه "
لسه هيرد عليها لقو موبايلها بيرن
بصت في الموبايل لقته ادم استغربت اوي
" مين ياسمر! "
" ادم! "
" ادم !!!!!!؟ طيب ردي "
وردت عليه
" ازيك يا ادم "
" الحمدلله عامله ايه انتي "
" انا كويسه الحمدلله "
" فاضيه اشوفك؟ "
" ههههههههههههه هوا انا هموت بكرا ولا
ايه ياعيال .. كلكو عايزين تشوفوني في ايه "
" بعيد الشر عنك يابنوته .. عموما لما
تفضي كلميني انا برا "
" حاضر شويه كدا وهكلمك "
وقفلو مع بعض ..
سمر بتضحك ومحمد متوتر اكتر
" مالو ادم "
" مش عارفه عايز يشوفني وانتا عايز
تشوفني وماجي الصبح كلمتني عايزه تشوفني انتو ايه حكايتكو ياعيال "
" طيب خلي ادم يجيلك ع هنا انا همشي
"
" في ايه يامحمد! "
" ادم هيفهمك كل حاجه بس عشان خاطري
متجيبيلوش سيره اني كنت معاكي اوعديني وغلاوة ما بتشوفيني اخوكي "
rw3aaa yslm 2ydk
ردحذفجميله اوي يافنانه <3
ردحذف