قصة مجرد حلم الحلقه 22 والاخيره

اسماء " مأذون!!؟ ... مين يا ندى !! "
ندى " عماد "
اسماء وهدى بصو لبعض وفي نفس النَفَس " ايـــــــه "
ندى " زي ماسمعتو كدا "
هدى " طب ماتحكي عشان احنا بجد مش فاهمين حاجه "
وندى قعدت تحكيلهم وبعد ما خلصت كان عماد بيتصل بيها
ندى " ثواني عشان بيتصل .. الو "
" ايوا يا ندى صباح الخير "
" صباح النور ازيك يا عماد "
" الحمدلله كويس ها فاضيه؟ لازم ننجز انا خلاص كلمت المأذون وهوا هيجي مش احنا اللي هنروحلو .. يعني خلال نص ساعه بالكتير ان شاء الله هنكون انا وهوا عندك وبعد ما نكتب الكتاب هننزل عالجامعه نخلص الورق "
" خلاص ماشي انا مستنياك "
قفلو مع بعض وندى بصت للموبايل بابتسامه ورجعت بصت لاسماء وهدى
اسماء " ليه حاسه اني مش فاهماكي "
ندى " لان انا نفسي مش فاهمه انا بعمل ايه غير اني بخلص من سامح وبس "
هدى " بس انتي كدا يا ندى هيبأه اسمك متجوزه وفي لحظه هتبأي مطلقه "
ندى " صدقيني مش فارقه معايا كتير ولو حصل نصيب واتجوزت تاني ودا انا مش عايزاه ف هحكيله على كل حاجه "
اسماء " بس انا عندي احساس ان عماد هيحبك وتحبيه زي ما قلتلك بس بأه بعد الجواز "
هدى " ياستي يارب بدل وجع القلب والطلاق والكلام دا "
ندى " ياعيال بيعاملني على اني اخته .. يلا انا هقوم اغير هدومي واظبط نفسي كدا عشان قاللي نص ساعه ونجيلك "
اسماء " ماشي ياستي هيا طنط فين "
ندى " مش عارفه من ساعة ما رجعنا من عند بابا وهيا في اوضتها "
اسماء " تيجي ياهدى ندخل نشوفها "
هدى " احسن تكون متدايقه "
ندى " لالا تعالو دي بتفرح لما بتشوفكو منتو عارفين .. يلا وانا هدخل اوضتي البس "
ودخلت ندى اوضتها وراحت اسماء وهدى قعدو عند مامت ندى

ندى خلصت وطلعت دخلت على مامتها واسماء وهدى الاوضه
اسماء وهدى اول لما شافوها قامو وقفو
اسماء " ايه الجمال دا يا ندى "
هدى " قمر قمر قمر ... "
الام " ربنا يحميكي يابنتي يارب ويجعلو فعلا من نصيبك "
ندى " ايه دا بطلو كلامكو دا "
هدى " هههههه طب انتي تتكسفي منه هوا مش مننا احنا "
ندى " اااا .. طب انا هروح اشوف هعمل ايه بأه "
الام " هههه يابنتي استني بس اخواتك دول مش حد غريب "
اسماء " خدي لما اقرصك عشان اتجوز بعدك تعالي "
هدى " وانا وانا "
ندى " تقرصوني؟ لالالالا انا عارفه ايديكو اوعى حد فيكو يقرب مني "
وجريت ندى وجريت اسماء وهدى وراها وهما بيضحكو بصوت عالي لحد ما في الاخر التلاته قعدو عالكنبه وهما لسه بيضحكو
ندى " ههههههههههههه ياااااه من امتى مضحكتش من قلبي اوي كدا "
هدى " بقالنا كتير اوي كلنا مضحكناش الضحك دا "
اسماء " اه والله يا بنات .. "
وفجأه سمعو جرس الباب بيرن
ندى " هوا هوا هوا "
اسماء " ههههههههههههه طب اهدي اهدي مالك في ايه "
ندى " شكلي عامل ازاي ها "
هدى " ههههه يابنتي قمر المهم ادخلي اتأكدي انتي واحنا هنفتح الباب "
ندى " حاضر "
وجريت ندى على اوضتها وراحت هدى فتحت الباب واسماء راحت تنده على مامت ندى ..
هدى " اهلا اهلا اتفضلو "
عماد " اهلا ازيك يا هدى عامله ايه "
هدى " الحمدلله بخير اتفضلو "
المأذون " السلام عليكم ورحمة الله وبركاته "
هدى " وعليكم السلام اتفضلو "
عماد " اتفضل ياسيدنا الشيخ "
ودخل المأذون ووراه هدى وعماد
" الا ندى فين "
" زمانها جايه ياعماد متستعجلش "
" ههههه ماشي "
وطلعت مامت ندى واسماء سلمو على عماد وقعدو
الام " قومي يابنتي استعجلي ندى "
هدى " حاضر ياطنط "
اسماء " خديني معااااكي "
وراحو هما الاتنين دخلو على ندى
اسماء " يلا يابنتي انجزي "
ندى " حاسه اني مش حلوه خالص خالص خالص وجسمي بيترعش وحالتي خاله "
هدى " اشحال لو مكنش دا كتب كتاب كدا وكدا .. يلا ياندى بأه "
اسماء " على فكره انتي زي القمر يلا بييييينا بأه "
وشدوها من ايدها وطلعت
شافها عماد من بعيد وقام وقف وابتسم
عماد " اهلا اهلا بعروستنا " وميل عليها " بس ايه القمر دا شكلها هتبأه جوازه بجد "
ندى " هههههه .. بس ياعماد احسن انا حاسه احساس غرييييب "
عماد " طب اهدي ويلا بينا "
ندى " حاضر يلا .. "

وبعد ما اتكتب الكتاب ونزل المأذون
عماد " مبروك عليكي ياندى "
ندى " الله يبارك فيك ياعماد مبروك "
عماد " الله يبارك فيكي ياقمر .. "
اسماء وهدى سلمو على ندى وباركولها
الام " كان نفسي افرح بيكي بجد ياندى .. كان نفسي باباكي كمان يبأه موجود الله يرحمو "
عماد " اهدي ياطنط مش كدا بس .. الله يرحمو ويغفرلو وان شاء الله ندى ربنا يرزقها بابن الحلال اللي يصونها وياخد بالو منها ولحد الوقت دا انا تحت امرها دايما ان شاء الله "
ندى " مش عارفه من غيرك كنت عملت ايه "
عماد غمزلها " الاخوات لبعضيهم بردو .. يلا عشان نلحق نروح الجامعه "
ندى " ايوا صح طب ثواني هروح اغير هدومي بسرعه "
عماد " براحتك ياعروسه "
وراحت ندى دخلت غيرت هدومها وطلعت
ندى " ايه دا اومال فين اسماء وهدى راحو "
الام " مشيو عشان مامت اسماء عايزاهم وقالولي انهم هيجو يسلمو علينا بكرا واسماء هتوصلنا المطار "
ندى " ماشي .. تيجي معانا يا ماما انا وعماد؟ "
الام " لا ياحبيبتي روحو انتو عشان انا لسه ورايا حاجات كتير في البيت لازم اوضبها واعمل الشنط وكدا "
عماد " طيب يا طنط لو عوزتي اي حاجه كلمينا "
الام " ماشي ياحبايبي خد بالك منها يا عماد "
عماد " في عنيا طبعا يا طنط يلا مع السلامه "
الام " مع السلامه "
ونزلت ندى وعماد راحو عالجامعه اخدو اوراقها اللي تلزمها في السفريه وهما راجعين راحو المعرض يشوفو اخبارو وندى اخدت فلوس تمن لوحه اتباعت جديد
طلعو من المعرض وجم يركبو العربيه
جت عربيه بسرعه وخبطت ندى ووقفت
عماد " ندددددددددددددددددددددددددى "
ندى وقعت في الارض وعماد جري على ندى مسكها وشالها على ايديه وبص للعربيه
لقى سامح نازل منها
والناس اتلمت وكلو بيسأل في ايه
عماد " انتا تاني .. انتا تاااااااااااني "
سامح " ابعد عنها ابعد "
عماد " انتا اللي تبعد عنها .. حتى وهيا في الارض بسببك بتعاند وبترخص فيها وفي روحها .. روح منك لله روووووح "
وشالها عماد وخدها العربيه وجري بيها عالمستشفى بالعربيه
هناك خدوها عالعنايه وسامح راح وراه
دخل عماد وقف قدام العنايه مستني يعرف اللي حصل مستني اي دكتور يطلع يطمنه .. لقى سامح جاي من بعيد
واول لما وصل عند عماد بصلو
" ابعد عنها احسنلك ياعماد .. "
" انتا عايز منها ايه .. البنت بين الحياه والموت وانتا جاي تقوللي ابعد عنها ... هوا انتا معندكش دم للدرجادي؟ "
" بقولك ايه احترم نفسك وانتا بتتكلم معايا .. وندى دي خطيبتي وهتجوزها بس هيا تطلع من هنا "
" ماشي يا سامح بيه عموما هيا ان شاء الله تطلع من هنا وتعرف منها انها مراتي واني جوزها على سنة الله ورسوله "
سامح راح مسك في عماد من هدومه
" انتا بتقول ايه "
" زي ما قلتلك وسيبني في حالي عشان عيب احنا في مستشفى ومراتي جوا في العنايه مش عارف هتعيش ولا هتموت بسببك "
" والله لاشرب من دمك "
" ربنا ينتقم منك يا سامح .. هوا اللي يقدر عليك "
وفجأه الدكتور طلع من العنايه
عماد " ها يادكتور طمني عامله ايه "
الدكتور هيا تقرب لحضراتكو ايه
عماد " مراتي يادكتور .. ودا اللي خبطها بعربيته "
الدكتور " دراعها اليمين مخلوع تماما من مكانه ومش هتقدر تستخدمه تاني .. وفي كدمات كتير في جسمها ووشها ... ادعيلها يا استاذ "
عماد " دراعها اليمين !!! "
الدكتور " انا بعتذر لحضرتك وياريت لو والدتها ووالدها لسه عايشين جيبهم عشان لازم يكونو معاها في وقت زي دا .. "
عماد " والدها متوفى بس مامتها عايشه .. وان شاء الله حاضر هجيبها بس هيا تطلع من العنايه واطمن عليها بدل ما طنط تتعب لو شافتها كدا وهيا ملهاش غيرها "
الدكتور " ان شاء الله ترجعلكو بالسلامه "
عماد " الله يسلمك حضرتك .. هيا طالعه امتى طيب "
الدكتور " دعواتك .. عن اذنك "
عماد " اتفضل "
ومشي الدكتور وعماد قعد في الارض وحط ايده على راسه
" طب وازاي .. ازاي هتكمل ترسم تاني .. ازاي ندى هتعيش من غير ما ترسم ... كل حاجه راحت! دراعها اليمين!!! ياربي ... ياربي اللهم اني لا اسألك رد القضاء ولكني اسألك اللطف فيه .. يااااارب "
" انتا بتحبها ولا ايه "
عماد رفع راسه بص لسامح بقرف
" انتا ايه جنسك في الدنيا دي؟ بس عشان ابأه عارف !!! انتا ايه ... انتا بسببك دمرتلها حياتها .. كل حاجه وحشه في حياتها بسببك .... انتا اييييييه .... بسببك هيا مش هترسم تاني ... خلاص حلمها راح منها .. دي كانت هربانه من البلد كلها بسببك .. دحنا كتبنا كتابنا وقبلت يبأه اسمها مطلقه في يوم بسببك ... انتا ايه ياشيخ انتا ايه .. بس والله ما هسيب حقها .. والله يا سامح ما هسيبك في حالك "
سامح بص لعماد ومعرفش يرد .. وسابه ومشي ....
وشويه وطلع دكتور تاني
" يادكتور "
" ايوا "
" هيا عامله ايه دلوقتي "
" هنعملها عمليه في دراعها اليمين لانه مخلوع تماما والاربطه فيها تمزع ... دعواتك ليها "
" ربنا يشفيها يارب .. بس انا عايز افهم يعني هيا كدا خلاص مش هتستخدم دراعها دا تاني "
" للاسف مش هتقدر "
" حتى بعد العمليه "
" العمليه عشان يرجع دراعها زي ما كان .. انما انها تستخدمه تاني ف دا فيه خطوره كبيره عليه انه يتخلع تاني ولو من حمل صغير عليه "
" يعني هيا هتفضل عايشه رابطاه "
" بالظبط كدا .. عن اذنك "
" اتفضل يادكتور "
عماد بص على الدكتور وهوا ماشي ودموعه نازله من عنيه
وفاتت ساعات ورا بعض وشويه وكانت الدكاتره طالعه بندى وهيا عالسرير
عماد اول لما شافهم قام وقف وراح وراهم لحد ما دخلوها الغرفه وطلعو
" طب يادكاتره هيا عامله ايه دلوقتي "
" خلاص هيا الحمدلله كويسه بس دراعها بلاش يتحرك ابدا .. وهيا كلها ساعه ولا اتنين وتفوق ان شاء الله "
" شكرا يادكتور "
ومشيو الدكاتره وقفلو الباب وقعد عماد قصاد ندى على كرسي وبصلها
حس انها زي الملاك وان اللي بيحصل فيها دا حرام ..
شويه ودخل عليه 2 ظباط
قام عماد وقف وبصلهم
" دي غرفة ندى علاء؟ "
" ايوا تحت امر حضراتكو "
" عايزين نعمل تحقيق في الحادث ... ممكن افادتك وافادتها؟ "
" والله ياحضرة الظابط هيا مش هتفوق قبل ساعه او اتنين من دلوقتي زي الدكتور ما قاللي بس انا اقدر اقول لحضرتك اللي حصل "
" طب ياريت تتفضل معانا برا نسمع افادتك "
" حاضر "
وطلع عماد ومعاه الظباط وسمعو منه اللي حصل وواحد منهم كلم عسكري وقالو يقبض على الظابط سامح محمد
دخل عماد تاني على ندى والظباط شكروه ومشيو
بعد ما دخل الغرفه لقى موبايل ندى بيرن في جيبه
طلعو لقى مامت ندى بتتصل
معرفش يرد ولا لاء .. بص في ساعته لقاها 9 بليل
حس ان زمانها قلقانه على ندى وقام رادد عليها
" الو .. ايوا يا طنط "
" ايه يابني انتو فين لحد دلوقتي .. مامت سامح كلمتني قالتلي كلام غريب مفهمتش منه حاجه قالتلي انه سامح اتقبض عليه وهيحققو معاه وقعدت تدعي على بنتي .. في ايه ياعماد "
" اهدي بس يا طنط واسماء دلوقتي هتجيبك وتيجو وهنا هتفهمو كل حاجه .. "
وقفل معاها وكلم اسماء فهمها كل حاجه وقالها تروح تجيب مامت ندى ويجو عشان ميقدرش يسيب ندى لوحدها
اسماء كانت مع هدى .. راحو خدت مامت ندى وطلعو عالمستشفى وفي الطريق فهموها كل حاجه

في المستشفى عماد كان قاعد وحاطط راسه عالسرير اللي نايمه عليه ندى
فاقت ندى وبصت حواليها باستغراب .. حست ان جسمها مكسر جدا
" ااااه "
عماد سمع صوتها رفع راسه بسرعه لقاها فاقت
" حمدلله على سلامتك ياندى الف حمدلله عالسلامه "
" في ايه يا عماد "
" انتي عملتي حادثه وجبتك المستشفى "
" ايوا ايوا انا فاكره الكلام دا .. هوا انا حصل فيا ايه .. انا جسمي كلو واجعني كدا ليه .. ودراعي واجعني اوي ياعماد هوا مالو ملفوف كدا ليه وفين ماما ياعماد "
" اهدي بس اهدي يا ندى .. اهدي واسمعيني "
" اسمع ايه .. هوا في ايه "
" انتي عملتي عمليه في دراعك وللاسف مش هتقدري تستخدميه اوي زي الاول .. يعني مفيش اي جهد عليه من انهردا ابدا "
" يعني ايه .. يعني ايييييه .. مش هرسم تاني؟ ضاع حلمي خلاص ؟؟؟؟ "
" ابوس ايدك تهدي عشان خاطري ياندى انا قلبي مخطوف عليكي والله "
" اهدى ايه ياعماااااااااد انا مش هرسم تاااااااااني "
ودخلت مامتها واسماء وهدى لقوها بتعيط جريت مامتها عليها وخدتها في حضنها
اسماء " في ايه يا عماد مالها "
هدى " في ايه ياعماد "
عماد " لسه فايقه وقلتلها على دراعها "
اسماء " حسبي الله ونعم الوكيل يا سامح "
ندى اول لما سمعت الجمله دي سكتت وبصت لاسماء ..
ندى " بتقولي مين "
الام " وهيكون مين غييييييرو هيكون مييييييين "
ندى " ساااااااااااااااااااااامح؟؟؟؟؟؟ "
عماد " ياجماعه والله ما وقتو حرام عليكو خلوها تهدي .. متقلقيش ياندى زمانه مقبوض عليه دلوقتي "
الام " مامته كلمتني ياندى وهوا خلاص اتقبض عليه وان شاء الله هينول جزاته "
ندى " ارتاااح كدا لما انا خلاص ضاع حلمي مني للابد ... خلاص كدا ارتااااااااح ؟ "
عماد " ارجوكي اهدي ياندى ارجوكي "
هدى " منك لله ياسامح روح "

بعدها بـ 3 ايام طلعت ندى من المستشفى وراحت مع عماد القسم وعرفو انه سامح اعترف على نفسه بكل حاجه عملها من البدايه وانو محبوس وانه الحادثه دي كانت متعمده بس لعماد مش لندى لانه كان مراقبه من البدايه ..
سامح خد جزاؤه وعماد وندى اتجوزو بجد .. ندى بعدت عن حلمها وعاشت مع عماد
جابو بنت وسموها حنين
وفي يوم كانت ندى وعماد نايمين ودخلت حنين عليهم
حنين " ماما بابا اصحوووووووووو "
ندى " مالك يا حنين في ايه خضيتيني يابنتي "
عماد " خير يا حنين "
حنين " تعالو شوووووفو "
وجريت حنين وعماد وندى بصو لبعض باستغراب وراحو وراها
لقوها راسمه لوحه كبيره وبتوريهالهم
ندى بصت لعماد ورجعت بصت لحنين
ندى " ياحبيبت قلبي .. الحمدلله ربنا عوضني خير وحلمي بعد ما كنت شايفاه مجرد حلم وبس .. بأه حقيقه بتتحقق في بنتي "
 
النهايــــــــــــــــه

قصة مجرد حلم الحلقه 21

ندى " قول ارجوك يا عماد "
عماد " بصي يا ندى .. انا كنت بعمل دكتوراه في نفس الجامعه اللي جايلك منها المنحه بس مكنتش قلت لحد عالموضوع دا "
الام " وبعدين "
عماد " وبعدين الحمدلله اخدتها وجيت هنا عملت شوية حاجات ومناقاشات المهم اني خلاص الحمدلله اخدت الدكتوراه "
ندى " جميل بس ايه دخل دا في موضوع سامح "
عماد " اصبري عليا بس ... المهم انه انا دلوقتي اتكلمت معاهم هناك في الجامعه عشان اعرف اذا نقدر ناخدلك المنحه السنادي تاني وقالولي اه بس على شرط "
الام وندى " ايه الشرط "
عماد " ان يكون في اشراف عليكي "
ندى " لاء مفهمتش "
عماد " يعني من الاخر انا هسافر معاكي على اساس الاشراف وفي نفس الوقت انا دكتور هناك وفي الحالتين انتي كاسبانه انك بعدتي عن سامح دا وبردو انك حققتي المنحه من دلوقتي مش مضطره تستني سنه كامله "
ندى " انتا بتتكلم بجد مش كدا ؟ "
عماد " اه والله بتكلم جد "
الام " الحمدلله .. بس لازم السفر قبل الخميس "
عماد " السفر ممكن بعد بكرا نكون هناك بس في مشكله "
الام " خير مشاكل ايه بس "
عماد " حضرتك يا طنط "
الام " انا ؟ "
ندى " مالها ماما يا عماد "
عماد " بصراحه انا مش هطمن عليها انها تفضل قاعده هنا بعد ما سامح يعرف انك مشيتي من غير ما تقوليلو طبعا .. في خطر كبير عليها "
ندى " ايوا دا حقيقي ... طب و ايه "
الام " ربنا كبير ياولادي اهم حاجه ندى تبعد عن هنا "
عماد " لا يا طنط مفيش الكلام دا ... حضرتك لازم تيجي معانا وقبل دا لازم تخلي البيت دا تماما ونشوف شقه جديده ليكو وتبيعو دي "
ندى " كل دا في يوم ونص "
عماد " ندى انا مرتب كل حاجه متقلقيش بس انتو توافقو "
الام " لاء انا مش هسافر "
ندى " ليه بس يا ماما "
الام " ولا هسيب البيت دا "
عماد " لا اله الا الله طب ليه ماهو الدنيا بتتحل اهي يا طنط اصل ملهاش حل تاني "
ندى " ليه يا ماما كل دا ماهي الحكايه اتحلت اهي "
الام " انا مش هقدر ابعد عن البيت اللي عشت سنين عمري فيه مع باباكي يا ندى "
ندى " يا ماما يعني متسيبيش البيت عشان بابا الله يرحمه وانا اتجوز سامح وكدا راحت سنين عمري انا بأه "
عماد " يا طنط انا مع ندى مينفعش اللي حضرتك بتقوليه دا "
ندى " ماما من الاخر انا مش مسافره من غيرك "
الام " بس يا ندى "
ندى " مفيش بس يا ماما ... خلص الكلام ... يا نسافر سوا يا افضل واتجوز سامح وخلصنا "
الام " وانا مرضاش بكدا طبعا ... خلاص نسافر وخلاص يابنتي اقولك ايه يعني "
ندى " يعني خلاص وافقتي ؟ "
الام " وافقت "
ندى " عماد انتا مش متخيل انا مبسوطه ازاي انتا كأنك جيت خلصتني من حكم بالاعدام محكوم عليا بيه "
عماد " الحمدلله يا ندى اننا لقينا حل اهم حاجه ننجز قبل يوم التلات وانا هحجز 3 تذاكر وياريت تلبسو بأه عالسريع عشان تشوفو الشقه الجديده ولو عجبتكو تعزلو عليها انهردا وبكرا عشان بعد بكرا نمشي "
ندى " خلاص تمام تمام يلا يا ماما "
الام " والله ما عارفه اقولكو ايه بس طول مانتي مبسوطه يابنتي يبأه حاضر اديني قايمه اهو "
ومامتها دخلت تلبس وندى وقفت وبصت لعماد
" انا بجد مش عارفه اقولك ايه يا دكتور سامح "
" ايه دا رجعنا نقول دكتور ولا ايه "
" هههههه لالالا مش كدا بس انتا خلاص بأيت دكتور الف مبروك "
" الله يبارك فيكي ومبروك ليكي انك اخيرا هتخلصي "
" الله يبارك فيك تسلملي يا عماد "
" طب روحي البسي روحي "
" مانا اهو لابسه من ساعة ما كان البيه موجود ولا مش حلو اللبس دا عليا "
" لا انتي في كل حاجه بتلبسيها حلوه .. "
" طب انا رايحه اشوف حاجه تشربها حلاوة الخبر الجميل بتاعك دا "
" ههههه بتتكسفي من اخوكي بردو عموما ماشي انا اصلا عطشان "
" منا بقول كدا بردو "
وقامت ندى بسرعه وهيا بتضحك وحاسه انها طايره من الفرحه ..

حطت عصير لعماد وطلعت قدمتهولو وقعدت معاه
" ندى بقولك ايه "
" قول يا عماد "
" انا شايف اني اكتب عليكي "
ندى بصتله بصدمه كبيره ومعرفتش ترد تقول ايه
" ههههههه مالك عملتي كدا ليه .. انا اقصد اكتب عليكي عشان لو لا قدر الله حصل اي حاجه خلال اليومين دول يبأه في ورق يثبت انك مراتي وان سامح دا ميقدرش يقربلك لانك على ذمتي "
" بس انا كدا هتتحسب عليا جوازه يا عماد "
" ندى احنا مش هنعمل فرح احنا مجرد هنجيب مؤذون ونكتب كتابنا وبس نوصل بالسلامه فرنسا هطلقك وكأن شيئا لم يكن .. انا والله بتكلم لمصلحتك عشان لو سامح شم خبر لموضوع السفر دا هيعرف يوقفنا عن السفر بصفتك على ذمته كخطيبته وغير كل دا هوا في الاول وفي الاخر ظابط وليه سلطه وبالتالي مش هتقدري تعملي اي حاجه غير انك تمشي على طوعو وتتجوزو "
" معاك حق بصراحه ... ماشي هقول لماما ونشوف الموضوع دا "
ومامتها طلعت من الاوضه على جملة ندى
الام " موضوع ايه "
وندى وعماد حكولها اللي قالوه
عماد " ها يا طنط ايه رأيك "
الام " مش عارفه يا عماد بس ندى كدا هيبأه اسمها مطلقه بردو "
ندى " بصي يا ماما دلوقتي عندي اي حاجه اهون عليا من اني اتجوز سامح "
الام " يعني انتي موافقه "
ندى " انتي اللي تتكلمي في الموضوع دا يا ماما وتقولي رأيك وانا تحت امرك "
الام " خلاص سيبوني احسبها في دماغي وخلونا ننزل دلوقتي نشوف الشقه "
عماد " حاضر يا طنط اتفضلو "
ونزلو هما التلاته بعربية عماد وراحو لحد الشقه
شافوها وعجبتهم وعماد كلملهم ناس عشان يجو يشيلو كل العفش من البيت القديم
وتممو كل حاجه واشترو الشقه وبدأو في العزال
بعد ما كل حاجه انتقلت البيت الجديد وندى وعماد ومامت ندى دخلو الشقه بعد ما اتحط فيها كل حاجه قعدو
ندى " تعبناك معانا يا عماد "
عماد " مفيش اي تعب خالص بس يا طنط مش ناويه تعرضي الشقه للبيع "
الام " لاء مش هبيعها خليها موجوده اهي تنفع ندى في يوم من الايام "
ندى " ربنا يطول في عمرك ويديكي الصحه يا ماما "
الام " يخليكي ليا يا بنتي .. عماد "
عماد " نعم يا طنط "
الام " انا خلاص موافقه تكتبو الكتاب عشان سامح وبعد كدا يحلها ربنا احنا بس نطلع من البلد دي وكل حاجه هتتحل ولو اني حاسه اننا هربانين والله "
عماد " معلش يا طنط ربنا هيحلها من عنده "
الام " يارب يابني "
ندى " عماد بكرا ان شاء الله نكتب الكتاب بس قبل الموضوع دا لازم اعمل حاجه مهمه "
الام " ايه هيا يا ندى "
ندى " اقول لبابا "
الام وعماد بصو لبعض وهما مستغربين
عماد " ازاي يعني يا ندى "
ندى " ازورو بكرا ان شاء الله واستأذنو .. لازم يعرف "
الام " اا .. حاضر يا ندى ان شاء الله ربنا ييسرلنا ونروح انا وانتي الصبح ان شاء الله "
عماد " خلاص وبعدها ان شاء الله نطلع عالمأذون نعمل الاجراءات دي واكلم انا الشركه بتاعت الطيران اكد الحجز "
ندى " هوا انتا حجزت خلاص؟ "
عماد " اه من شويه بعد ما العمال مشيو اتصلت حجزت بالاسم وبكرا ان شاء الله هأكد الحجز واظبط الدنيا في الجامعه هنا وهناك بس هتنزلي معايا الجامعه عشان لازم تبأي موجوده في ملفات عايزنها معاكي وانتي رايحه "
ندى " خلاص حاضر روح انتا يلا نام والصباح رباح "
عماد " تمام حاضر تصبحو على خير "
الام " وانتا من اهل الخير يابني تعبناك معانا كتر خيرك "
عماد " والله ماله داعي الكلام دا .. ادعو بس ان كل حاجه تمشي تمام "
ندى " ان شاء الله خير يا عماد ربنا يخليك "
عماد " عن اذنكو "
الام وندى " مع السلامه "
وبعد ما مشي عماد قعدت ندى عالكنبه وسندت راسها عالمسند بتاع الكنبه واتنهدت
راحت مامتها وقعدت جنبها
" يلا يا ندى ننام شويه يابنتي احنا هلكنا في العزال دا ولازم نرتب البيت بكرا بدل الكركبه دي واديكي شايفه احنا مزنوقين جدا في الوقت والمشاوير بكرا "
" حاضر يا ماما اديني هقوم اهو "
" لعلمك بجد عماد دا راجل وابن حلال ويارب يكون من نصيبك بحق "
" انتي هتعمليلي زي اسماء وهدى يا ماما .. اه صحيييييييح دنا مقلتلهمش حاااااجه "
" بكرا يا ندى .. يلا قومي بأه عشان نلحق نزور باباكي "
" ماشي حاضر تصبحي على خير يا ماما "
" وانتي من اهلو ياحبيبت ماما "
وكل واحده دخلت اوضه تنام فيها ...

تاني يوم الصبح صحيو راحو زارو بابا ندى واستأذنت منه انها هيتكتب كتابها على عماد وقعدت اتكلمت شويه معاه من غير ما تسمع رد منه ومشيت هيا ومامتها
رجعو عالبيت واتصلت ندى باسماء وقالتلها تجيب هدى ويجو ووصفتلها عنوان البيت الجديد
شويه وكانو عندها ...
سلمو عليها وهما مش فاهمين حاجه وقعدو
اسماء " ايه دا بأه انا مش فاهمه حاجه .. وازاي حاجات زي دي تحصل في اقل من يوم ومكلمتيناش تقوليلنا "
هدى " انا عتابي عليكي كبير بجد يا ندى "
ندى " ونبي اصبرو بس احكيلكو يارب الحق احكي قبل اما انزل تاني "
اسماء " ليه رايحه فين "
ندى " للمأذون .... "

قصة مجرد حلم الحلقه 20

ندى اتنفضت من مكانها وبصت لمامتها
" بتقولي ايه "
" بسسسسس وطي صووووتك .. قومي يلا البسي اي حاجه ويلا تعالي "
" بس يا ماما "
" يلااااا قومي وبعدين نتصرف يلا "
قامت ندى مصدومه من كلام مامتها وطلعت مامتها برا الاوضه وهيا لبست
وبعد ما خلصت لبس بصت عالتسريحه لقت دبلة عماد اللي كانت بتلبسها قدام سامح
مسكتها وبصتلها وابتسمت
ورجعت حطتها عالتسريحه وطلعت برا الاوضه
اول لما طلعت لقت سامح قاعد هوا ومامته ومامتها
معرفتش حتى انها تسطنع ابتسامه وهيا داخله عليهم
مامتها بس شافتها حست في عنيها نظرة حزن كبيره اوي
راحت ندى سلمت على مامت سامح وعليه وقعدت جنب مامتها
مامت سامح " ازيك يا ندى "
ندى " الحمدلله "
مامت سامح " ايه مالك "
ندى " مالي !! هه ابدا مفيش بس اصل لسه صاحيه من النوم معلش "
مامت سامح " ااه ماشي .. مش تتكلمي مع خطيبك بأه ولا ايه "
ندى " اعمل ايه يعني "
سامح " ازيك يا ندى "
ندى " رديت على مامتك ف نفس السؤال "
سامح حس باحراج كبير بس محبش يبين قدامها
سامح " اا .. انا جاي عشان نبدأ من جديد "
ندى " هههههههه تصدق جميله اوي الجمله دي .. سمعتها منك كتير مش كدا ؟ ولسه ياما هسمعها منا عارفه "
سامح " مش فاهم "
مامت ندى " مش مهم يا سامح .. اتفضل قول اللي جايين عشان تقولوه "
ندى " انا بس عايزه اسأل سؤال قبل اي حاجه "
سامح " اتفضلي "
ندى " هتفضل من غير ماخد منك اذن يا سامح .. بيه ..... انا عايزه اعرف ازاي في انسان ممكن يغصب واحده انها تعيش معاه ومش كدا وبس . . لا دا كمان عارف ومتأكد ومتيقن انها بتكرهو اوي "
سامح " عادي جدا .. ممكن عشان هوا بيبحها جدا وناوي يغير فيها الكره دا لحب "
ندى " اووووعى تفتكر انك هتعرف تضحك عليا تاني يا سامح .. انا مقبلتش الا عشان اسم اهلي اللي كان هيتوسخ في السجن .. بس صدقني هعرف اخد حقي منك كويس اوي وحط في دماغك حاجه واحده بس .. اني مهما عشت سنين قدام هعيشها بكره فيك وبس .. عمري ما هحبك مهما حصل "
مامت سامح " ايه يا ندى ما تصلي عالنبي كدا "
ندى بصت لمامتها ورجعت بصت لمامت سامح بقرف
مامت ندى " عليه الصلاة والسلام ... بص يا سامح .. انا مع بنتي في كل حرف هيا بتقولو .. ويوم فرحكو دا هيبأه يوم عزا بالنسبالي انا وهيا بس انا مفيش في ايدي حاجه غير اني اقول حسبي الله وعارفه ان حق بنتي مش هيضيع .. وربنا يرحم باباها اللي سابنا من غير ضهر يسندنا ويحمينا منك .. مفيش عندنا غير ربنا "
سامح " لا اله الا الله هوا اللي بيحب في الزمن دا يبأه وحش ولا ايه "
ندى " حب؟ حب مين يااا سامح بيه .. "
سامح " ها .. امتى الفرح تحبي "
ندى ومامتها بصو لبعض وهما مش متخيلين ان في ناس بالبجاحه دي
مامت سامح " ايه في ايه "
ندى بسخريه " لا ابدا يا طنط .. شوفو عايزين الفرح امتى واحنا موافقين "
سامح " الخميس الجاي "
مامت ندى " بسرعه كدا .. احنا مش محضرين اي حاجه وبعدين دراسة ندى هتبدأ الحد اللي بعد الخميس دا على طول "
سامح " مفيش عندي اي مشكله في اي حاجه .... هنلحق والدراسه مش مهم اول اسبوع ولا اتنين يعني "
ندى " لا مهم .. ومن اول يوم هكون في الجامعه "
سامح ابتسملها
ندى " اه وكمان هكمل في موضوع المعرض وهسافر السنه الجايه واللي مش عاجبه هوا حر يخبط دماغه في الحيطه "
سامح كمل ابتسامته ومردش عاللي هيا قالته
ندى " سامعني ولا ايه "
سامح " سامعك وحاضر اللي عايزاه هيحصل "
مامت ندى " ماشي شكرا يا سامح "
سامح قام وقف وقرب لندى وميل عليها ومسك ايدها ولبسها الدبله
سامح " مبروك ياعروسه "
ندى بصتله بقرف ومردتش عليه
مامت سامح " طيب نستأذن احنا بأه ومتقلقوش كل ترتيبات الفرح حصلت والخميس معادنا ان شاء الله "
مامت ندى " مع السلامه "
سامح " ماشي سلام "
ومشي سامح ومامته ... وندى مقامتش من مكانها تسلم عليهم
مامت ندى وصلتهم لحد الباب وقفلت الباب وراهم ورجعت بصت على ندى
لقتها قاعده عالكرسي وحاطه راسها بين ايديها
صعبت عليها وراحت قعدت جنبها ..
" ندى .. حببتي "
" نعم يا ماما "
" بصيلي يابنتي "
ندى رفعت راسها من ايديها وبصت لمامتها
" انا عارفه ان اللي انتي فيه كبير اوي .. وباباكي زمانه زعلان وهوا شايفك كدا "
" الله يرحمو .. اعمل ايه يا ماما "
" والله مانا عارفه يابنتي "
" خلاص ... خلصت كدا "
" طب ايه رأيك تسافري فرنسا لو ينفع المنحه تبأه السنادي "
" ماهي مش لعبه يا ماما .. خلاص اتحدد معادها السنادي "
" ااااه يابنتي ااااااه بس .. نفسي الاقيلك اي حل والله ومفيش في ايدي اي حاجه اعملها "
" سيبيها على الله يا امي "
" ونعم بالله .. يارب يابنتي ..... يارب "
وسمعت ندى موبايلها بيرن
دخلت الاوضه تشوفو لقته عماد
حست انها ارتاحت اول لما شافت اسمه ... وردت عليه
" الو "
" ايوا يا ندى عامله ايه "
" الحمدلله يا عماد .... لسه سامح ماشي من عندنا هوا ومامته "
" انا عارف منا تحت بيتك وكنت عايز اقعد معاكي انتي ومامتك بس لما شفته نازل قلت اكلمك الاول "
" هوا شافك؟ "
" لاء انا كنت لسه منزلتش من العربيه وشفته بيركب مع واحده كبيره العربيه بتاعته "
" طيب اتفضل اطلع "
" ماشي "
قفلت معاه وراح تقول لمامتها انه طالع
" ماما عماد تحت البيت وطالع "
" مش كفايه بأه مصايب "
" اصبري بس يا ماما هوا جاي عايزنا معرفش في حاجه بس ايه هيا مش عارفه "
" خير ياترى .. "
" مش عارفه لما يطلع هنشوف "
" طيب ياندى اللي تشوفيه "
وسمعو جرس الباب بيرن راحت ندى تفتح الباب سلمت على عماد ودخل سلم على مامتها وقعدو
عماد " انا اسف يا جماعه اني جاي من غير معاد "
ندى " لا ابدا مفيش حاجه "
الام " خير يابني "
عماد " خير ان شاء الله .. انا جاي ومعايا حل للي ندى فيه "
ندى " بجد والله "
عماد " اه والله "
الام " بس يابني هيا خلاص فرحها يوم الخميس "
عماد " جميل اوي .. هوا انهردا ايه "
ندى " امممم .. انهردا الحد؟ "
الام " اه انهردا الحد "
عماد " طب اسمعو بأه "

قصة مجرد حلم الحلقه 19

ندى وعماد بصو لبعض باستغراب وفي خلال دقيقتين كان الباب بيتفتح
وسامح بيدخل ...
ندى " انتاااااااااااا "
سامح " ايه دا .. عماد وندى هنا .. ايه اللي بيحصل دا يا حضرة الظابط "
الظابط " فعل فاضح في الطريق العام يا سامح بيه "
سامح " لاء لاء لاء .. كدا بردو يا ندى وانا اللي بقول عليكي انك مش زيهم "
عماد " اخرس .. ندى تبأه خطيبتي ودبلتي في ايدها "
سامح " وهوا المخطوبين اليومين دول بيتقابلو لوحدهم في العربيات في مكان مستخبي ولا ايييييه "
ندى " انتا ازاي تجرؤ تقول عليا كدا "
سامح " لاااااااا بقلكو ايه انتو في مكان محترم وفي لحظه احبسكو انتو الاتنين "
ندى " انتا عايز مني اييييييييييييييه "
سامح بص للظابط وابتسم بعدين بص لعماد
سامح " نتجوز "
ندى " دا بعدك "
عماد " هوا انا مش مالي عينك ولا ايه "
سامح " ماهو يا اتجوزك يا تتحبسو انتو الاتنين وشوفو بأه لما تطلعو هيبأه ايه منظركو رد سجون .. وفي ايه .. مش اي قضيه دا حاجه كبيره اوي "
ندى " اه يا ...... "
سامح " تؤ تؤ تؤ .. اوعي تشتمي .. عييييييب "
الظابط " طيب يا سامح بيه احنا نسيبهم يختارو عايزين ايه ونرجعلهم "
سامح بصلهم وبص للظابط
سامح " معاهم 10 دقايق "
وطلع سامح هوا والظابط
ندى بصت لعماد وفضلت تعيط وعماد مسك ايدها وطبطب عليها وقعدها عالكرسي وقعد قصادها على ركبته عالارض
عماد " بصي يا ندى .. انا عارف ان احنا في موقف وحش اوي .. وانا لو عليا معنديش اي استعداد انك تبأي زي ما هوا بيقول رد سجون انتي اكبر من كدا بكتير ولا انك تطلعي بقضيه زي دي .. مش هيحصل يا ندى ابدا .. "
ندى " والحل يا عماد انا تعببببببببت منه تعبببببببت مش عارفه ليه بيعمل كدا فيا انا عملتله ايه بس "
عماد " اهدي يا ندى اهدي .. انا رأيي انك تقلبي تتجوزيه وخلصي سنه تانيه واخلعيه وسافري مع المنحه وساعتها مش هيتجرأ يجيلك لحد فرنسا على ما اظن "
ندى " وابأه اسمي مطلقه مش كدا "
عماد " مش احسن من القضيه اللي هيلبسهالنا دي !! "
ندى " انا اسفه اني حاطاك معايا في كل دا "
عماد " عيب يا ندى قلتلك انتي اختي انا ميهمنيش اي حاجه تيجي عليا المهم انتي "

برا عند سامح ..
الظابط " ايه يا سامح هتعمل ايه بأه "
سامح " طبعا هيوافقو اني اتجوزها والموضوع كدا في ايدي .. "
الظابط " بس ايه الكلام على كل دا "
سامح " مفيش انا مراقب اللي اسمه عماد دا وممشي وراه ناس ولما عرفت انه معاها قلت البسهم القضيه عشان اكسبها "
الظابط " اما انتا طلعت دماغ "
سامح " عيب عليك انا ميتقاليش لاء ابدا .. يلا ندخل عليهم "
الظابط " اتفضل "

وفتحو الباب ودخلو وعماد قام وقف ..
ندى بصت لعماد ومسكت ايده ووقفت وبصت لسامح من فوق لتحت ورفعت راسها بثقه
سامح " ها .. قررتو ايه "
عماد " خلاص هيا موافقه "
سامح " تتجوزيني يا ندى "
ندى بصتله بقرف ونفسها تقوللو انتا ايه بجاحتك دي
ندى " طلعني من هنا "
سامح " ههههه حاضر .. حضرة الظابط .. ياريت تعفي عنهم "
الظابط " تحت امرك يا سامح بيه .. اتفضلو "

ندى طلعت وعماد وراها وسامح طلع وراهم وطلعو برا القسم ..
عماد " انتي كويسه "
ندى " اه متقلقش .. بس ارجوك روحني "
سامح " مين دا اللي يروحك انا اللي هروحك "
ندى " بص بأه يا استاذ سامح انتا .. انا ربنا يعلم جوايا ايه دلوقتي .. واد ايه انا مش طايقه اشوف خلقتك
انا وافقت لان كلام عماد صح .. ومش انا اللي وافقت دا عماد .. انا اهون عليا ادخل السجن ومش اعيش معاك
بس مش انا اللي اوسخ اسم بابا وماما .. وربنا وحده هوا اللي هينتقم منك حسبي الله ونعم الوكيل فيك
انا معرفش ازاي تقبل على نفسك تعيشني معاك وانا بكرهك .. بس في يوم ربنا هينصرني .. ودلوقتي انا مش عايزه اشوفك ومتحاولش توصلني ولا تيجي ورايا عشان اقسم بالله هقوم داخله السجن المرادي فعلا بس في جريمة قتل .. ابعد عني "
وشدت ايد عماد ومشيت ودموعها على خدها وكل دا سامح باصص عليها ومذهول من اللي هيا فيه وبتقولو
اول لما مشيت بص حواليه بعدين رجع بص عليها تاني وهيا ماشيه بعيد عنه وابتسم
" هه!! بردو كسبتك وهتجوزك ويانا يانتي يا ندى "

ندى ماشيه بتعيط وعماد مش عارف يتصرف ولا يتكلم
" ندى اهدي ارجوكي "
" اهدى؟ ازاي اهدى يا عماد انا حياتي بتدمر الف والف مره كل اما بشوفو بس قدامي .. انا مش عارفه هعيش مع انسان زي دا ازاي يا عماد مش عارفه "
" ياريت في فـ ايدي اي حل للي انتي فيه بس مش عارف اتصرف انا اسف "
" انا اللي اسفه اني حاطاك في كل دا "
" يلا بس بينا نروح ناخد العربيه واروحك "
" ماشي "

وركبو تاكسي راحو على العربيه خدوها وروحو على بيت ندى
وصلو لبيت ندى ونزلت وبصت لعماد
" مش هتطلع؟ "
" لا خليها وقت تاني معلش بس عشان مامتك متعرفش وكدا "
" ماشي ربنا معاك "
" خدي بالك من نفسك "
" وانتا كمان "
وابتسمتله ابتسامه كل معاني الحزن فيها ومشيت
طلعت عالبيت وفتحت الباب ودخلت لقت مامتها قاعده واسماء وهدى موجودين
ندى " ايه دا انتو هنا "
مامت ندى " انا كلمتهم يجو "
ندى باستغراب " اشمعنا "
وسلمت عليهم ..
الام " عشان يتكلمو معاكي هما بس قوليلي مالك كدا وكل دا بتعملو ايه "
ندى قعدت عالكرسي ورجعت راسها لورها
ندى " اااااااه .. الله يرحمك يا بابا "
اسماء وهدى " الله يرحمه "
الام " الله يرحمه يابنتي ويحسن اليه .. مالك في ايه "
ندى بصت لمامتها ومعرفتش تقول ايه ولا ايه ..
وفي الاخر حكتلهم اللي حصل وكل دا ودموعها مش مفارقة كلامها ..
بعد ما خلصت كلامها كلو فضل ساكت ..
اسماء " حسبي الله ونعم الوكيل فيه .. انتي ترفعي عليه قضية "
هدى " قضيهّ!! قضية ايه بس يا اسماء هيا ناقصه .. هوا مفيش غير انها تسافر "
ندى " وانا ههرب! هوا انا مجرمه ولا حراميه !! انا بنت ناس يا بشر اقسم بالله بنت ناس وطول عمري في حالي وفي دراستي .. ليه يحصل فيا كدا "
اسماء " وبعدين بأه معاه .. دا مش انسان دا واحد مريض نفسي والله "
ندى " مبتتكلميش ليه يا امي "
الام " اتكلم اقول اييييييييييييييه .. بنتي انا يتقال عليها كدا !! تروح قسم وتبأه في موقف انها تختار بين جوازه غصب عنها او سجن مع فضيحه !! ايه دا يا عالم .. ايه اللي بيحصل دا .. فينو ابوكي كان راح دبحو .. راح فيييييين وسابنا لوحدنا يا ندى "
هدى " استهدي بالله بس يا طنط كل حاجه وليها حل "
اسماء " فعلا يا طنط اهدي بس كدا الله يرحم عمو يارب .. متقوليش كدا بس حرام الكلام دا والله "
ندى " طب تقول ايه .. تقول ايه بس ... وانا اعمل ايه .. اتجوز واحد بكرهو! طب ليه!! استغنى عن حلم حلمت بيه من يوم ما عرفت اسمي !! طب ليه .. حرام دا ولا مش حرام يا ناس "
الام " ااااااااه يابنتي ااااه "
ندى " والله العظيم نفسي اروح ارتكب فيه جريمة قتل .. ااااااخ اد ايه بكرهو "

وفضلو يتكلمو ويحاولو يلاقو حل مفيش ..
تاني يوم ندى كانت نايمه وفجأه دخلت مامتها عليها تصحيها
" ماما .. في ايه "
" قومي يا ندى قومي "
" انا صحيت اهو يا ماما بس خير في ايه "
" سامح ومامته هنا وجايين يتفقو عالفرح "

قصة مجرد حلم الحلقه 18

عماد وسامح بصو لندى باستغراب
سامح " خطيبك؟؟؟؟ وانا ايه !! "
ندى " انتا كنت .. خطيبي .. عماد اقدملك خطيبي القديم سامح "
سامح " هوا دا عماااااد .. واتخطبتو امتى يا ندى "
ندى " قرينا فاتحه وبكرا خطوبتنا وهنلبس دبل .. عايز ايه انتا دلوقتي "
سامح " مش هسمحلك تاخدها مني يا استاذ عماااد "
عماد " ااا .. "
ندى " انا اللي مش هسمحلك تعمل فيا حاجه تاني ابعد عني بأه "
عماد " انتا عايز منها ايه ما قالتلك احنا مخطوبين هوا انا مش مالي عينك ولا ايه "
سامح " ههههههه والله لا اوريك وهاخدك يا ندى انتي حقي انا وبس وهنشوف "
وسابهم سامح ومشي وندى وعماد واقفين
اول لما سامح مشي ندى بدأت تعيط
" مالك في ايه يا ندى بتعيطي ليه "
" انا اسفه يا عماد اني قلت انك خطيبي بس غصب عني انتا متعرفش حاجه "
" طيب متفهميني ؟ "
" افهمك ايه ولا ايه ولا ايه "
" كل حاجه .. انا سامعك "
" الكلام هيطول وانتا اكيد معندكش وقت "
" عندي وقت وهسمعك يا ندى .. اتكلمي بس من غير عياط "
وبدأت ندى تتكلم مع عماد وتحكيله كل حاجه وعماد سامع وساكت
بعد ما ندى خلصت كلام بصتله
" ودا كل حاجه .. من يوم ما عرفته لحد دلوقتي "
" وناويه على ايه "
" مش عارفه ياعماد .. بس اني ارجعله دا مش هيحصل ابدا ... والله ابدا "
" اومال ازاي باين عليه بيحبك وعمل فيكي كل دا "
" مبيحبنيش يا عماد .. هوا مجرد انو مولود في بؤو معلقه دهب زي ما بيقولو .. واي حاجه عايزه بياخدها
وانا مش من نوع البنات اللي هوا عرفهم في حياته كلها عشان كدا هوا عايزني انا .. فاهمني يا عماد "
" ايوا فهمت ... طيب .. والحل دلوقتي هيكون ايه !؟ "
" لسه هفكر .. واكيد ان شاء الله هوصل لحل اهم حاجه اني بكرا اكون جايبه دبله عشان في اي لحظه يكون هوا موجود البسها "
" خلاص ولا يهمك انا معاكي في الموضوع دا وتحت امرك "
" لاء انا مش هتعبك معايا ولا ادخلك في حاجه انتا ملكش ذنب فيها كفايه اوي كل اللي عملته عشاني "
" يا ندى قلتلك انتي اختي الصغيره وانا اي حاجه هحس مجرد احساس انك تحتاجيني فيها هساعدك من قبل ما تقوليلي حاجه اصلا "
" ربنا يخليك يارب ياعماد "
" ويخليكي يا اختي الصغنونه .. يلا بأه اطلعي طولنا في الكلام بدل ما مامتك تزعل "
" ماما نايمه بس اكيد زمانها صحيت .. بس انا هبأه افهمها اللي حصل "
" تمام خدي بالك من نفسك "
" وانتا كمان "
وسلمو على بعض وعماد مشي وندى طلعت بيتها
اول لما فتحت الباب لقت مامتها قاعده مع اسماء وهدى
دخلت وقفلت الباب وراها وراحت باست راس مامتها
ندى " عامله ايه يا ماما "
الام " الحمدلله ياحبيبت ماما انتي عامله ايه "
ندى " كويسه الحمدلله اهو بأيت احسن بكتير من الاول .. على فكره عماد كان واقف معايا تحت "
الام " خير كل دا كان في ايه "
اسماء " ايوا يا اننننننسه كل دا واقفين بتقولو ايييييييه "
ندى " ابدا اداني فلوس جتلي من بيع لوح جديده ليا في المعرض وقاللي ان الجامعه عرفت ظروفي والمنحه اتأجلت للسنه الجايه "
هدى " بجد والله يا ندى؟؟؟؟؟؟ "
اسماء " الف مبروووووووك يا نوووووودي "
ندى " اه والله يا هدى والله يبارك فيكي يا سمسم "
الام " مبروك ياحبيبتي الف مبروك "
ندى " الله يبارك فيكي يا ماما .. الحمدلله ربنا عوضني والله "
الام " بس مقولتليش طولتو في الكلام كل دا بيديكي فلوسك وبيقولك ان المنحه اتأجلت "
ندى " بصراحه لاء "
الام " اومال ايه يا ندى "
ندى " سامح جه واحنا واقفين "
الام واسماء وهدى " ايييييييييه !! "
اسماء " وبعديييييين ؟ "
ندى " قمت قدمت عماد لسامح على انه خطيبي "
الام " نعم!!!!! "
هدى " انتي بتقولي ايه يا ندى "
اسماء " انتي بتهزرييييي؟ "
ندى " ياجماعه اصبرو عليا طيب "
الام " عايزه تقولي ايه يا ندى .. ازاي تعملي كدا "
ندى " يا ماما ماهو كدا كدا عايز يرجعلي .. لاء وببجاحته بعد ما قلتله اني اتخطبت قال ايه يقول لعماد مش سايبهالك وهاخد حقي وكلام غريب كدا "
الام " استغفر الله العظيم .. وبعدين مع الواد دا .. وبعديييييين معاه! مش هيسيبنا في حالنا بأه "
اسماء " هوا محمي بوظيفته "
ندى " ظابط على نفسه يا اسماء ... انا خلاص قرفت منه مش قادره خلااااااااص "
هدى " طب وعماد؟ قالك ايه !! "
ندى " مفيش فهمته الموضوع وقاللي خلاص انا هكمل معاكي ومش هسمحلو يعمل حاجه "
الام " انا مش مطمنه "
هدى " ولا انا "
ندى " ليه بس "
اسماء " يا ندى الموضوع هيقلب بجد وعماد مش بعيد يقولك انا فعلا بحبك "
ندى " لاء هوا قاللي بعضمة لسانه انا اخته الصغيره "
الام " دلوقتي بس ياحبيبتي ... لما تبأو مخطوبين قدام سامح هيقرب منك اكتر واكتر ويحبك "
اسماء " وانا رأيي من رأيهم بصراحه .. بس تعرفو .. ياريت والله "
ندى " ياريت ايه "
اسماء " ياريت تحبو بعض يا ندى .. عماد جدع وراجل والله "
الام " بقولكو ايه .. انا مش هسكت عالموضوع دا "
ندى " موضوع ايه يا ماما "
الام " سامح بيه دا "
ندى " هتعملي ايه "
الام " هتصرف ... "

بعدها بكام يوم كانت الام خلصت الاربعين وفي يوم الصبح ندى صحيت ملقتش مامتها في البيت
مسكت موبايلها واتصلت بيها
" الو "
" ايوا يا ندى "
" انتي فين يا ماما "
" انا في مشوار ياحبيبتي هخلصو واجيلك على طول "
" ماشي تيجي بالسلامه "
" الله يسلمك "
وقفلو مع بعض ...

عند مامت ندى ... كانت وصلت قدام باب فيلا سامح
وقالت للحارس هيا مين ودخلت ..
والدة سامح " اهلا اهلا يا مدام "
والدة ندى " اهلا بيكي يا مدام "
والدة سامح " اتفضلي "
والدة ندى " انا مش هطول في الكلام انا جايه اقول لحضرتك كلمتين وماشيه "
والدة سامح " ايوا .. "
والدة ندى " بصي يا مدام .. انا بنتي محترمه وبنت ناس ومتربيه احسن تربيه .. وانا مش هسمح لابنك انو يقرب منها تاني .. البنت خلاص اتخطبت واظن كفايه اللي هوا بيعملو دا .. لو سمحتي يا تبعديه عننا يا انا ليا تصرف تاني .. وياريت نحترم علاقة والد ندى الله يرحمه بوالد سامح الله يرحمه قبل اي حاجه .. ياريت ياخد في بالو الموضوع دا ويحطو في الاعتبار .. لو سمحتي "
والدة سامح " بس هوا بيحبها "
والدة ندى " وهيا مبتحبهوش وخلاص اتخطبت وبتحب خطيبها جدا .. كفايه كدا لو سمحتو ... عن اذنك "
ومشيت مامت ندى من غير ما تستنى اي كلمة زياده تسمعها
اما والدة سامح ف اتصلت بيه وهيا من جواها محروقه
" الو "
" الو ايوا يا ماما "
" سامح مامت ندى كانت عندي في الفيلا دلوقتي "
" مامت ندى !! وبعدين ؟؟ "
" بتقول انك تبعد عن بنتها والا فيها تصرف تاني "
" والله؟ "
" والله .. وبتقول انها اتخطبت وبتحب خطيبها وكلام كدا ملوش اي لزمه "
" ماشي .. انا هخلي خطيبها دا يوحشهااااا "
" هتعمل ايه يابني "
" هتشوفي يا ماما .. اقفلي دلوقتي "

عن ندى كانت مامتها روحت وحكت لندى على كل حاجه
قعدو يتغدو ووهما بياكلو اتصل عماد .. خلصو الغدا وندى مسكت موبايلها لقت عماد متصل
رجعت هيا اتصلت بيه
" الو "
" معلش يا عماد كنت باكل والله "
" ولا يهمك عامله ايه "
" الحمدلله بخير .. انتا ازيك "
" الحمدلله انا كويس .... بقولك ايه يا ندى عايز اتكلم معاكي "
" طيب اتفضل "
" لاء انا هنزل اي كافيه واستناكي "
" خلاص هستأذن من ماما "
" ماشي وانا ساعه واكون هناك "
" تمام ماشي "
قفلو مع بعض ومامتها كانت قاعده حاطه ايدها على خدها وباصه عليها
" ماما "
" هاااااا "
" هنزل مع عماد عايز يتكلم معايا "
" وبعدين يا ندى "
" وبعدين ايه يا ماما في ايه "
" ايه اخرت خروجاتكو ومكالماتكو .. وبعدين يعني "
" مش فاهماكي يا ماما "
" ندى .. انتي فاهماني كويس .. انتي فاسخه خطوبتك من قريب وباباكي الله يرحمو كمان لسه ميت من قريب .. الناس تقول عليكي ايه "
" الله يرحمو ويغفرله .. انا بعمل ايه يا ماما عشان كل دا "
" يابنتي انا خايفه عليكي من كلام الناس "
" ماحنا قدام الناس اتخطبنا "
" وبينك وبين نفسك؟ "
" اخويا الكبير "
" مصدقه نفسك يا ندى؟ "
" ياربي يا ماما خلاص مش هنزل "
" انزلي وروحي شوفي هيقولك ايه .. وبعد كدا نبأه نتكلم في الموضوع دا "
" حاضر يا ماما "
ومسكت موبايلها قالت عماد انها نازله ودخلت تلبس واتفقو ان عماد هيعدي عليها ياخدها
ومفيش نص ساعه وكان عندها نزلت ركبت معاه واتحركو
" ازيك يا ندى "
" الحمدلله تمام .. "
" مال وشك مخطوف كدا "
" ابدا زعلت مع ماما شويه "
ركن عماد العربيه وبص لندى
" ليه بس كدا !! "
وليه ندى هتتكلم لقت حد بيخبط على الازاز عند عماد
عماد بص لقاه ظابط .. نزل الانزاز وبصلو
عماد " ايوا نعم؟ "
الظابط " الله ينعم عليك يا حبيبي فين بطاقتك وبطاقة الاموره اللي معاك "
عماد " ايه اموره دي "
الظابط " بقولك ايه .. بطايقكو "
ندى " عايزه افهم بس هوا احنا عملنا ايه "
الظابط " وكمان بتبجحو طب انزلولي "
عماد بص لندى " متنزليش "
ونزل هوا .. بص للظابط وربع ايديه
عماد " ادي البطايق .. في ايه حضرتك بأه ؟ "
الظابط " فعل فاضح في الطريق العام ياحلو .. عسكري "
عماد " فعل ايه .. انتا بتقول ايه "
العسكري " ايوا يا فندم "
الظابط " خد البيه دا والانسه اللي معاه عالبوكس "
عماد " ايه هوا دا "
ندى " هوا في ايه "
والعسكري خدهم هما الاتنين طلعهم عالبوكس وكل دا ندى بتعيط وبتعافر هيا وعماد ومفيش فايده
وعماد قاعد بيهدي في ندى
لحد ما وصلو للقسم
دخلو والظابط اللي جوا شافهم
العسكري " تمام يا فندم .. فعل فاضح في الطريق العام "
الظابط " الله الله الله "
عماد " يافندم والله ما حصل "
الظابط " مش عايز اسمع صوت .. "
وقام الظابط رافع التليفون واتصل برقم وبص لندى وعماد بخبث
الظابط " وصلو "

قصة مجرد حلم الحلقه 17

اول لما وصلت ندى البيت دخلتها هدى واسماء على اوضتها

ومامتها راحتلهم عالاوضه

الام " ندى .. روحتي زورتيه؟ "

اسماء " ندى تعبت هناك يا طنط وكان حالها صعب اوي "

ندى " وحشني يا ماما .. يا ماما هاتيهوووووووولي يا ماما .. انا عايزه بابا ونبي يا ماما هاتيه "

هدى " ياحبيبتي خلي ايمانك بربنا كبير دا قضاء وقدر بدل ما تعملي كدا ادعيله "

ندى " ربنا يرحمك يا اغلى انسان في الدنيا "

الام " ربنا يرحمه يابنتي ويصبرنا يارب .. ويداوي جرح قلوبنا بغيابه "

اسماء " امين يارب ياطنط "

الام " يلا ياندى عشان ناكل "

ندى " مش عايزه اي حاجه سيبوني لوحدي بس "

اسماء " لا ازاي بأه لازم تاكلي "

هدى " معاكي حق يا اسماء يلا يا ندى قومي كدا عشان ناكل كلنا مع بعض "

ندى " ابوس ايديكو سيبوني لوحدي ارجوكو .. عايزه انام "

الام " خلاص يا بنات تعالو نطلع احنا اكيد الموقف كان صعب عليها والمنظر .. خلوها ترتاح ولما تقوم براحتها تبأه تاكل "

اسماء وهدى " حاضر يا طنط "

وهما طالعين

ندى " اسماء "

اسماء " نعم ياحبيبتي "

ندى " خدي الموبايل بتاعي وانتي طالعه مش عايزه اكلم حد "

اسماء " حاضر من عنيا .. تصبحي على الف خير "

وراحت اسماء باست ندى على راسها وخدت موبايلها وطلعت الصاله

فضلت ندى عالسرير لحد ما نامت

اسماء وهدى ومامت ندى قعدو يتغدو

هدى " ندى كانت شكلها تعبان اوي انهردا "

الام " والله يابنتي انا ربنا مصبرني بالعافيه عشان اقويها .. انا ربنا يعلم فيا ايه بس مخبيه عنها عشان كفايه اللي هيا فيه "

اسماء " ربنا يصبرنا كلنا والله يا طنط احنا كلنا تعبانين وكلنا كان عمو غالي علينا الله يرحمو "

الام " اللهم امين "

وفاتو يومين عماد لا اتصل فيهم ولا راحلهم البيت

كانت كل يوم اسماء و هدى يروحو يطمنو على ندى وبدأت ندى تتحسن

وتالت يوم كانت ندى قاعده هيا وهدى واسماء بيتكلمو

ومامت ندى كانت نايمه جوا

موبايل ندى رن .. بصت لقت اسم عماد

" الو "

" ازيك يا ندى "

" الحمدلله انتا عامل ايه يا عماد "

" اكيد كويس وانا سامع صوتك مرتاح الحمدلله على سلامتك "

" الله يسلمك شكرا يا عماد على كل حاجه "

" عيب عليكي انتي اختي الصغيره .. وانا عندي خبرين احلى من بعض "

" خير ؟ "

" بصي هوا انا في الشارع وقدامي نص ساعه وهكون تحت بيتك انزليلي عشان مش هقدر اطلعلك عشان مامتك "

" خلاص ماشي حاضر اول لما توصل رن عليا بس "

" تمام اتفقنا "

وقفلو مع بعض

اسماء " في ايه ها ها ها "

ندى " هههههه اهدددددي علياااا "

هدى " طب في اييييييه "

ندى " ياربي عليييييييكو "

اسماء وهدى " قوووووووولي "

ندى " حااااااضر ادوني فرصه اتكلم "

اسماء " طب يلا "

ندى " مفيش عماد كمان نص ساعه وجاي وعندى خبرين حلوين ليا و قاللي انزلي انتي عشان مامتك مقدرش اني اطلع "

اسماء " ايييييييوا بأه "

هدى " ياترى في ايييييييه ماشيه معاكي ياعمممممممم "

ندى " بس انتي وهيا "

اسماء " يابنتي ماتسمعي الكلااااااام "

ندى " كلام ايه يامجنونه "

هدى " اللي قلنالك عليه يا ندى "

ندى " بس جنان انتو الاتنين مستحيل دا يحصل "

اسماء " مااااشي زي ماتحبي بس هنشوووووف والايام بينا "

ندى " ماشي ياستي "

فات الوقت وعماد رن على ندى ونزلتله

سلمو على بعض وبعد السلام ....

" حمدلله على سلامة ابتسامتك "

" الله يسلمك يا عماد الحمدلله اديني احسن من الاول اهو "

" الحمدلله "

" كلو بفضلك بعد ربنا "

" مش قلنا بلاش الكلام دا .. الحمدلله انك كويسه دا اهم حاجه عندي "

" ربنا يخليك يارب .. قوللي بأه ايه الاخبار الحلوه "

" بصي ياستي .. اولا خدي دول "

وطلع من جيبو فلوس .. اول لما ندى شافت الفلوس اتخضت ورجعت لورا

" ايه دا يا عماد "

" فلوس .. "

ولسه عماد هيكمل ندى بصت في الارض

" لا يا عماد "

" لا ايه يابنتي "

" انا عايشه وماما عايشه وشغل بابا بيطلعلنا منو فلوس الله يرحمو مش محتاجين حاجه ربنا يخليك "

" طب تصدقي فعلا انتي مجنونه ... انا فكرت فعلا اعمل الموقف دا بس خفت تزعلي بصراحه بس عموما دي فلوس كذا لوحه في المعرض اتباعو تاني "

" ايه دا بجد والله "

" اه والله "

ندى خدت الفلوس وبصتله وابتسمت

" يااااااه نسيت خالص المعرض دا "

" معقوله ندى تنسى حلمها كدا انا ازعل "

" لاء طبعا بس الظروف انتا عارف "

" طبعا عارف .. ربنا يوفقك يارب ياندى "

" امين يارب .. وايه تاني خبر "

" المنحه بتاعتك "

" مالها "

" الجامعه لما عرفت ظروفك ادتك فرصه تروحي السنه الجايه "

" لاءااااااااااااا؟ "

" اه والله "

" معقوله بجد ياعماد؟ "

" حصل يا ندى والله .. الف مبروك "

" بجد انتا مش متخيل انا مبسوطه ازااااااااااي انا عايزه اتنطط من الفرحه مش مصدقه انااااااا "

" الحمدلله ربنا بيعوضنا والله بعد ما يبعتلنا البلاء "

" الحمدلله يارب بجد الحمدلله "

" الف الف مبروك يا ندى "

" الله يبارك فيك يارب مرسي على كل حاجه ياعماد بجد مرسي "

لسه عماد هيرد عليها لقت حد جاي عليها من بعيد واول لما وصل عليها من ضهر عماد

ندى بصت عليه وكشرت واتصدمت وابتسامتها ماتت لدرجة ان عماد استغرب

عماد " مالك يا ندى "

سامح " مين دا يا انسه "

عماد بص وراه لقى واحد واقف

عماد " مين دا يا ندى "

ندى بأت باصه عليهم هما الاتنين ومصدومه

سامح " ردي عليه يا هانم .. قوليلو انا ابأه مين "

عماد " مين ما كنت .. متتكلمش معاها كدا .. انا مسمحلكش ابدا "

سامح " ههه !! متسمحلييييييش .. بصفتك مين حضرتك يعني "

عماد لسه هيرد ندى بسرعه ردت

ندى بكل ثقه " بصفته خطيبي "

قصة مجرد حلم الحلقه 16

اسماء " انا هفهمك "

ندى " ايوا ؟ "

اسماء " من الاخر كدا انا شاكه ان سامح جالك عشان يرجعلك بيبينلك الوش الحنين عشان تحنيلو وتقلبي ترجعيله وخصوصا انك قفلتي باب السفر "

ندى " دا بعينه "

هدى " ماشي يا ستي بس بردو هوا ناوي على كدا .. "

اسماء " وانا بصراحه شايفه ان عماد مناسب ليكي اوي باين عليه مهتم بيكي وبحلمك واهو زي القمر اهو ويلحقك قبل ما سامح يرجعلك اهو حتى نقول لاء دي مخطوبه خلاص ومبقتش تنفعلك تاني "

ندى " انتو بتقولو ايه .. لاء طبعا .. لاء يعني لاء "

مامت ندى وهيا جايه من المطبخ بالاكل " ايه هوا اللي لاء يا ندى "

ندى " اااا .. لا مفيش يا ماما "

اسماء " لاء في يا طنط تعالي احضرينا "

ندى " بطلي بأه يا اسماء تحضرنا ف ايه انتو بتتخيلو حاجات مش هتحصل "

الام " طب ماتفهومني يا بنات "

هدى " بصي يا طنط احنا شايفين ان سامح ناوي يرجع لندى تاني "

اسماء " وعشان كدا عايزين نخلي ندى وعماد يرتبطو ونخلص من سامح بأه "

الام " عمااااد؟ مع ندى؟ "

ندى " ماما لاء يعني لاء يا ماما انا مش موافقه مستحيل طبعا "

الام " طب اهدي بس يعني هما مش بيفكرو غير لمصلحتك يابنتي "

ندى " انا عارفه طبعا بس يا ماما انا مبفكرش ابدا في كدا ولا حتى هوا "

اسماء " خلاص ياحبيبتي اللي تشوفيه احنا بس كنا بنفكر وقلنا نشوف رأيك عشانك والله مش عشان حاجه "

هدى " متزعليش مننا بس يا ندى "

ندى " ابدا مش زعلانه منكو يا هدى وعارفه انو دا عشاني يا اسماء بس انا مش بفكر في كدا ولا عايزه وهعرف اتصرف مع اللي اسمو سامح دا كويس اوي دا لو فضلت هنا في مصر مسافرتش .. لما افكر بأه مع نفسي واشوف انا ناويه على ايه اصلا "

الام " خلاص ياحبيبتي يلا كلي وقومي ارتاحي وكملي نوم ومتفكريش في حاجه والصباح رباح "

ندى " حاضر يا ماما "

قعدت ندى تاكل وخلصت اكل واستأذنتهم انها تدخل تريح جسمها واسماء وهدى قالو انهم هيروحو بيوتهم وبكرا هيروحو يزورو والد ندى معاها هيا وعماد الصبح

دخلت ندى على اوضتها وقفلت الباب وراها وراحت نامت على سريرها وبصت على الكرسي اللي جنب السرير بتاعها وافتكرت عماد لما جه وقعد وقومها معاه بكلامه وقدر يخليها تصحصح وتفوق وتفكر كمان انها تحلم من تاني

عالاقل عشان باباها يفرح بيها وتحقق اللي كان نفسه يشوفها عليه

" اااااه يا بابا الله يرحمك .. وحشتني اوي .. فين ايام لما كنت بجري على حضنك واتكلم معاك .. ايوا انتا يوم ما جتلي تقوللي انك مسافر كان باين على شكلك انك قلقان .. بس انا متخيلتش انه ممكن يبأه دا ممكن يحصل .. ازاي سبتني ومشيت يا بابا .. ياااارب .. ارحمه يارب واجعل مثواه الجنه وخليني اشوفو هناك .. نفسي اشوفو يارب .. نفسي افرحه في قبره ... ربنا يرحمك يا بابا .. "

وغمضت عنيها وبدأت تفتكر كل مواقفها مع باباها .. ودموعها بتنزل على خدها

وفجأه افتكرت كلام عماد وانها لازم تعمل اللي باباها كان نفسه تعمله وفتحت عنيها من تاني

" طب ما فعلا معاك حق ياعماد .. بابا كان فرحان بيا اوي ورافع راسه برسوماتي والفن بتاعي

كان نفسه يشوفني فنانه كبيره ومشهوره .. كان نفسه احقق حلمي عشاني انا مش عشان هوا عايز يفرض عليا كدا

وهوا دا اللي انا هعمله .. لازم احقق حلمه بس ازاي اسافر واسيب ماما هنا لوحدها .. دا يبأه مستحيل مش هيحصل ابدا

اممممم طب اعمل ايه .. مفيش غير اني اعرض عليها تسافر معايا ونستقر كمان هناك .. ايوا وماله دا حتى ياريت وابعد بأه عن سامح

واللي بيفكرني بأي حاجه من زمان .. مش هقدر انا اصل اكمل في البيت دا وبابا مش فيه ...

خلاص انا اكلم ماما في الموضوع دا واشوف هتقوللي ايه .. وياااارب يا ماما توافقي .. عشان خاطر بابا حتى وبس "

وهيا بتكلم نفسها راحت في النوم ..

لحد تاني يوم .. صحيت على صوت موبايلها

بصت لقت عماد

" الو "

" صباح الخير "

" صباح النور اهلا يا عماد "

" ازيك يا ندى عامله ايه انهردا "

" احسن الحمدلله "

" طيب يلا عشان نروح نزور بابا "

" دلوقتي "

" ااه "

" طيب حاضر هقوم البس واكلم اسماء وهدى ونروح ان شاء الله "

" خلاص وانا مستني اول لما تخلصو كلميني "

" حاضر .. على فكره ماما مش جايه معانا "

" ايه دا ليه كدا "

" اصل احنا نسينا خالص موضوع انها مينفعش تنكشف على رجاله لحد اربعين يوم من وفاة بابا الله يرحمه ولا تنزل من البيت "

" يااااااااااااااه ايه دا ازاي فاتتنا دي "

" معلش ربنا يسامحنا "

" ان شاء الله خلاص مش مشكله نروح لوحدنا "

" ماشي انا هقوم اهو "

" وانا مستني "

وقفلو مع بعض وقامت ندى طلعت من اوضتها غسلت وشها ودخلت مسكت موبايلها وكلمت اسماء وهدى صحتهم وراحت تلبس

خلصت لبس وطلعت ملقتش مامتها في الصاله ومقدرتش تدخل الاوضه ومتلقاش باباها موجود قامت كتبت ورقه بتقول فيها انها نزلت وسابتها تحت باب اوضة مامتها ونزلت

اول لما نزلت كانت اسماء مستنياها بعربيتها دخلت العربيه وسلمت على اسماء ومسكت موبايلها اتصلت بعماد

" الو  ايوا يا عماد "

" ها يا ندى ايه نظامك "

" انا اهو نزلت انا واسماء في عربيتها رايحين نعدي ناخد هدى ونطلع عالمقابر "

" طيب ماشي اقابلكو هناك ان شاء الله "

" معاك عربيتك ولا نعدي عليك "

" لاء عربيتي موجوده .. "

" خلاص ماشي نتقابل هناك "

" ان شاء الله "

قفلت معاه وراحو خدو هدى وراحو محل ورد ندى جابت ورد وطلعو عالمقابر ولقو عربيه واقفه

نزلو من العربيه ولقت عماد بينزل من العربيه اللي واقفه سلم عليهم ودخلو كلهم على قبر والد ندى

وقفو سلمو عليه وقرولو الفاتحه وندى حطت الورد وقعدت قدام القبر

" وحشتني يا بابا اوي .. كان نفسي تبأه معايا وتشوفني وانا بكبر ..

كان نفسي اوي يقولولك يا ابو الفنانه المشهوره ندى وترفع راسك قدام الناس كلها بيا

كان نفسي اترمي في حضنك دلوقتي عشان اسافر احقق حلمي وحلمكو

رحت وسبتني يا بابا .. كدا بردو؟ اهون عليك؟ نفسي اشوفك .. مش قادره اعيش في البيت من غيرك

حسك في البيت كان ليه طعم تاني .. انا محرمه على نفسي يا بابا اقرب ناحية اوضتك انتا وماما

مانا اصلي مقدرش ادخل ومش القاك جوا .. ماما بتسلم عليك .. هيا كان نفسها تيجي تشوفك معايا

بس لسه مخلصتش الاربعين .. انا مكنتش عايشه يا بابا من ساعة ما عرفت

بس عماد هوا اللي جلاني افوق للدنيا وقاللي اعمل اللي انتا عايز تشوفني عليه

وانا هعمل كدا فعلا متخفش عليا .. انا هبأه كويسه بس انتا دايما خليك معايا .. تعلالي في الحلم يا بابا

خليني دايما اشوفك عشان انتا عارف  انك وانتا مش موجود انا ببأه خايفه

بابا انا بحبك اوي .. وعارفه اد ايه بتحبني .. ياريت لو كان بإيدي اترمي دلوقتي في حضنك

ااااااااااااااااه يا بابا ااااااااه اد ايييييييييييييييييه وحشتني "

كل دا وكانت بتتكلم بصوت مبحوح من كتر العياط لما اسماء وعماد وهدى شافو منظرها وهيا بتتأوه

شالوها من عالارض وقالولها يلا

ندى " سيبوني مع بابا وامشو انتو انا مش عايزه اسيبو لوحدو "

عماد " ندى باباكي عند ربنا يعني عند اللي احسن مني ومنك ومن الدنيا دي كلها "

ندى " بس هوا وحشني "

اسماء " معلش يا حبيبتي هوا دلوقتي شايفك وانتي بدموعك دي بتعذبيه مانتي عارفه انه مبيحبش يشوف دموع دلوعته حبيبته "

ندى " طب مانتو اهو دموعكو نازله عليه "

هدى " والله منظرك تعبنا كلنا يا ندى وعمو بردو كان غالي علينا وكان أب لينا احنا كمان .. الله يرحمو يارب "

ندى " ااااااااه .. ياااااااارب "

وخدوها سندوها هدى من ناحيه واسماء من ناحيه وعماد كان ماشي وراهم لحد العربيات

ولما وصلو عند العربيات

عماد " ندى انتي كويسه "

ندى " انا عايزه اروح دلوقتي حالا روحوني ارجوكو "

اسماء " حاضر .. حاضر يا ندى حالا هنروحك "

وهدى دخلت ندى العربيه

وفضلت اسماء وعماد

" طيب يا اسماء خدو بالكو منها وانا هبأه اطمن عليها اول بأول ان شاء الله ربنا يصبرها "

" شكرا يا عماد تعبناك معانا "

" ابدا والله مفيش الكلام دا كلنا لها ودا واجب عليا "

" دا العشم بردو "

" طيب يلا يا اسماء روحي عشان تروحيها عشان متبقاش متدايقه وهيا قاعده بس "

" خلاص حاضر عن اذنك "

" اتفضلي "

وركبت اسماء العربيه واتحركو وركب عماد عربيته وروح على بيته