سامح سمع الاسم من هنا وقال بصوت واطي
" عماد تاني! يادي القرف "
" اهلا يا ندى عامله ايه "
" الحمدلله بخير يا دكتور "
" في لوحه تانيه اتباعت ليكي يا ستي في المعرض .. لوحه من اللي لسه انتي جايباهم جداد "
" بجد والله يا دكتور؟ "
" اه والله الف مبروك ياكبير .. خلاص كدا الدنيا الحمدلله ماشيه تمام معاكي ما شاء الله "
" الحمدلله يارب "
" ها قوليلي .. ايه الاخبار في موضوع المنحه "
" خلاص تمام انا موافقه واهلي موافقين المفروض السفر هيبأه امتى ان شاء الله "
" يعني تكوني في باريس كمان شهر شهر واسبوع بالكتير عبال ما تتعودي عالجو وتبدأ دراستك تاخديلك اسبوع "
" اممم تمام خلاص باذن الله "
" يعني ادي الاوكي للجامعه في باريس "
" اديهم الاوكي يا دكتور "
" ماشي يا ندى وتعالي في اي وقت المعرض عشان تستلمي فلوس اللوحه اللي اتباعت "
" تحت امرك يا دكتور مرسي اوي "
" مع السلامه "
" سلام "
ندى قفلت وعنيها بتلمع ومبسوطه اوي وكل دا سامح باصصلها مستني بردو انها تفتكر انه موجود
ندى قعدت كدا حوالي دقيقتين بتفكر في اللي جاي كلو بعدين بصت لسامح
لقتو باصصلها مستني انها تتكلم وواقف بالعربيه مش متحرك
" في ايه "
" انتي اللي في ايه .. مالو دكتور عماد تاني يا ندى "
" ايه دا انا مقولتلكش؟ "
" تصدقي مقولتليش؟ "
" جتلي منحه في كليه في فرنسا ليا انا بس وليا الحق افتح معرض خاص بيا انا بس هناك "
" يعني ايه مش فاهم معلش "
" هوا انا قلت حاجه مش مفهومه؟ "
" معلش خديني على اد عقلي واشرحيلي يا ندى "
" امممم .. ماشي يا سامح ..
جتلي منحه تبع الكليه اللي انا بدرس فيها هنا في فرنسا اني اطلع اكمل دراستي في الكليه الفرنسيه ودي مخصوصه ليا انا بس والدكتور اللي قالي عليها وقالي اني اقدر اشتغل في معرض خاص بيا وبرسوماتي وديزايناتي انا بس وانا بدرس وعشان لما اخلص دراسه اكون كبرت في المجال ومش محتاجه اشتغل مع حد واستقل بشغلي ليا انا وبس "
وكل دا وسامح باصصلها وفاتح بؤو
" ايه يا سامح لسه مفهمتش ولا ايه .. مبرقلي كدا ليه "
" واحنا يا انسه ندى؟ "
" مالنا احنا "
" انا وانتي والفرح والجواز والعيشه والدنيا "
" مش فاهمه عايز توصل لايه "
" مش هنتجوز يا ندىىىىىىى "
" انتا بتزعأ ليه "
" انتي بتستفزيني ليه يابنت الحلال .. هوا انا فين في دنيتك "
" خلاص يا سامح نتجوز ونسافر سوا قبل الموضوع دا واهو ناخد شهر العسل هناك بالمره "
" ياسلام .. وشغلي يا ندى؟ "
" مالو يا سامح "
" ايه دا !!!!! شغلي يا ننننندى اعمل فيه ايه هوا انا مش ظابط هنا ولا انتي ناسيه "
" خلاص سيبه وشفلك اي شغلانه هناك "
" لا والله؟ "
" بجد "
" ااه .. ومالو .. هشتغل ايه هناك يا حبيبتي "
" انا اشعرفني "
" ندى متجنننيييييييييييييش "
" يعني اعمل ايه ياسامح .. خلاص نأجل الجواز لحد اما اخلص دراسه زي ما كنا متفقين من الاول "
" نعممممممممم .. لا مش هيحصل "
" اومال ايه اللي هيحصل يا سامح "
" مش انا عملت اللي انتي عايزاه انتي ومنه؟ "
" يعني؟ "
" يعني تعملي اللي انا عايزو "
" اللي هوا ايه يا سامح "
" مفيش سفر ليكي يا ندى .. ومات الكلام "
" انتا بتقول ايه "
" اللي سمعتيه واظن انتي قلتي تعملي اي حاجه عشان بنتي اكتبها باسمي ولا ايه "
" يعني ايه يا سامح؟ اضيع فرصة عمر زي دي عشان خاطر جوازه؟ تغور الجوازه يا سامح مش عايزاها "
" نعم يختي هوا دخول الحمام زي خروجه "
" ايه الاسلوب دا وايه يختي دي في ايه يا سامح انتا مشترتنيش بفلوسك "
" لا هشتريكي لسه "
" هه!! هيا دي ندى عندك! "
" براحتك شوفيها زي ما تشوفيها انا زهقت بأه "
" انتا عايز مني ايييييييييييه "
" اتجوزك "
" مش هيحصل "
" والله يا ندى لايحصل ولو مش بمزاجك هيبأه غصب عنك "
ندى بصتله بقرف وبصت الناحيه التانيه
" روحني يا سامح .. روحنننننننني "
حرك سامح العربيه ومشيو على بيت ندى
وصلو لحد هناك ونزلت ندى من العربيه من غير ولا كلمه ورزعت وراها الباب وجريت عالبيت
سامح بص عليها بعصبيه وحرك العربيه ومشي
اما ندى ف طلعت لحد البيت وهيا منهاره عياط
اول لما مامتها فتحتلها الباب اترمت ندى في حضنها
" مالك يا بنتي فيكي ايه "
" مش عايزه اتجوزو يا ماما مش عايزه "
" احنا لحقنا !! منا قلتلك يا ندى قلتلك يا بنتي ملوش امان مينفعش ووافقناكي ورجعتيلو من تاني "
" والله يا ماما ما بإرادتي انا مش عايزاه اصلا بس كل دا عملته عشان خاطر البنت الصغيره "
" طب ياحبيبتي استهدي بالله بس كدا وتعالي ادخلي وانا هروح اصحي باباكي ونتكلم براحتنا .. ادخلي اغسلي وشك واحنا جاينلك "
" حاضر يا ماما "
دخلت ندى غسلت وشها ودخلت اوضتها غيرت هدومها
وطلعت الصاله لقت باباها ومامتها قاعدين
الاب " تعالي يابنتي "
ندى راحت قعدت عند باباها ومامتها
الام " ها يابنتي قولي مالك فيكي ايه .. ايه اللي حصل معاكي "
ندى " مش عايزني اسافر يا ماما مش عايزني اكمل حلمي عايزني اتجوزو غصب عني واعيش معاه هنا واسيب المنحه "
الاب " طيب خلينا نتكلم بالعقل يا بنتي "
ندى " ياريت يا بابا "
الاب " بصي يا ندى .. اولا محدش جبرك انك ترجعيلو تاني انتي اللي رجعتي بإرادتك صح عشان حاجه لصاحبتك وبنتها بس عالاقل عملتيها وانتي راضيه ومحدش فينا غصبك بالعكس مكناش راضيين بس كنا سايبينك عشان عارفه انك بتعملي الصح .. مظبوط؟ "
الام " معاك كل الحق "
ندى " مظبوط يا بابا "
الاب " طيب .. شوفي يا بنتي
دلوقتي انك تتجوزي وتخليه يجي معاكي ويسيب شغلو دا مستحيل وانك تسيبي حلمك كمان مستحيل "
ندى " طب والحل يا بابا .. ما هوا دا اللي وصلنالو بردو "
الاب " عندك استعداد تستغني عن حلمك؟ "
ندى " مستحيل طبعا "
الام " وحتى لو هيا عندها استعداد 1% انا مش هسمحلها .. مستحيل تسيب حلم الرسم عشان خاطر جوازه "
ندى " عليكي نور يا ماما .. "
الاب " طيب .. يبأه مفيش غير حل واحد بس "
ندى " ايه هوا "
عند سامح ..
راح عالشغل بتاعه قعد شويه وقام مشي
ركب عربيته وقام مروح عالفيلا بتاعت باباه ومامته
دخل لقاهم بيتغدو
الام " سامح حبيبي ازيك وحشتني "
سامح " ازيك يا ماما وانتي وحشتيني والله .. ازيك يا بابا عامل ايه "
الاب " بخير يابني طول مانتا بخير .. تعالى اقعد كل معانا "
سامح " لالالا انا لسه واكل مع ندى من شويه "
الاب والام بصدمه " ندى !!!! "
سامح " اهدو بس "
الام " تعالي تعالى اقعد وفهمنا ايه اللي حصل "
ليست هناك تعليقات:
إرسال تعليق