" لا اله الا الله البقاء لله .. طب وندى عامله ايه "
" ونعم بالله .. والله ندى من ساعة ما سمعت الخبر مبتتكلمش نايمه على سريرها وفاتحه عنيها وبس لا بتاكل ولا بتتكلم ولا بتقوم حتى من عالسرير .. "
" لا حول ولا قوة الا بالله انا والله فضلت اتصل بيها كتير من رقمي ومكنتش بترد عليا قلت اجرب اتصل من رقم غريب يمكن ترد "
" هيا مش معانا والله يا دكتور ولا سامعانا ولا مستوعبه اللي حواليها ف مش معاها الموبايل دنا بالصدفه شفت الموبايل دلوقتي بيرن رديت عليه "
" ايوا .. طيب انا لازم اجي اطمن عليها بعد اذن حضرتك "
" اتفضل يابني في اي وقت "
" طيب ممكن بعد اذنك العنوان "
ومامت ندى ادت عماد العنوان وقفلو مع بعض على اساس انه يجي يطمن على ندى
بعد ما قفلت ...
هدى " مين يا طنط "
الام " دا دكتور عماد اللي ندى عرفت منه المعرض والمنحه "
اسماء " ااااااه صحيح هيا كدا خلاص يا طنط مش هتسافر؟ "
الام " والله انا لو عليا نفسي اخرجها برا اللي هيا فيه دا واخليها تسافر ان شالله من دلوقتي
بس المشكله مش في السفر ولا الظروف المشكله انها هيا مش هتوافق "
اسماء " طب ما يمكن عماد دا يقنعها "
الام " يارب يابنتي يقدر "
هدى " ان شاء الله ربنا يكتبلها اللي فيه الخير ياطنط "
الام " يارب .. عن اذنكو هدخل اشوف الناس اللي عندها جوا دول "
اسماء وهدى " اتفضلي ياطنط "
ورجعت تاني دخلت الاوضه
ام ندى " سامحوني بس كانت مكالمه مهمه والله "
ام سامح " لا ابدا ولا يهمك اتفضلي استريحي "
سامح " خير يا طنط في حاجه "
ام ندى " مفيش دا الدكتور عماد ... "
ولسه مامت ندى هتكمل سامح قطع كلامها
سامح " اااااه الدكتور عمااااااد "
ام ندى " هوا انتا تعرفو يابني "
سامح " الا اعرفه ماهو كان دايما بيكلمها وانا معاها "
ام سامح " مين دكتور عماد دا وعايز ايه "
ام ندى " ابدا دا المعيد اللي عندها في الكليه اللي جابلها موضوع المعرض واللي جابلها المنحه وكان متصل يطمن عليها لانها بقالها كتير مبتردش عليه "
ام سامح " ايوا ايوا .. طب وهيا هتسافر؟ "
مامت ندى بصت لسامح ومامته بطرف عنيها وحست انها اتدايقت من السؤال بس معرفتش غير انها ترد وبس
ام ندى " مش عارفه هوا جاي يطمن عليها وبعد كدا هنشوف الموضوع دا .. يارب يقدر يقنعها لاني مش قادره عليها اديكو شايفين "
سامح بص لمامت ندى ورجع بص لندى وكأنه بيقولها انا انتصرت
سامح " ربنا يقومهالك بالسلامه نستأذن احنا بأه ونبأه نيجي نطمن عليها وقت تاني "
ام ندى " تشرفو اي وقت "
ام سامح " الله يخليكي عن اذنك "
سامح بص لندى ومسك ايدها وباسها عليها " سلامتك يا ندى "
وطلعو من باب اوضتها وخرجو من البيت وكل دا مامت ندى مش فاهمه سامح وحاسه انه غامض وغريب ومتناقد جدا
ام ندى بعد ما مشيو " يا سااااتر اخيرا "
هدى " معلش يا طنط هما بس بيعملو الواجب "
ام ندى " والله يا بنتي مش كدا على عيني وراسي والله بس المشكله ان انا حاساهم جايين عشان يرجعو ندى لسامح تاني "
اسماء " معقوله يا طنط .. دا وقتو اصلا "
هدى " هما قالو حاجه "
ام ندى " لاء مقالوش بس انا شفت كدا في عنيهم والاكتر كان سامح وخصوصا بعد ما جبت سيرة عماد الدكتور "
اسماء " ربنا يستر عليها ياطنط "
هدى " يارب يا اسماء والله ربنا يستر هيا مش ناقصه خبث سامح دا تاني "
وطول اليوم كانت ندى لسه على نفس الحال
تاني يوم الضهر موبايل ندى رن
مامتها مسكت الموبايل لقته " دكتور عماد "
وردت
" الو "
" اهلا يا مدام "
" اهلا بيك يا دكتور "
" حضرتك فاضيه اجي دلوقتي "
" اه اتفضل انا فاضيه "
" طيب انا نص ساعه بالكتير واكون عندكو "
" تنور "
وقفلو ..
شويه و اسماء طلعت من عند ندى
" ايه يا طنط في حاجه "
" اه يابنتي عماد جاي دلوقتي "
" طيب اهلا وسهلا انا هدخل المطبخ اعمله اي حاجه حلوه ياكلها "
" لا ياحبيبتي بلاش .. هوا مش هيقعد كتير وبعدين انتي تقعدي وانا اعملك .. كفايه قعادكو مع ندى كل الايام دي "
" ايه يا طنط بعد كل العشره دي تقولي كدا بردو .. انا هروح اعمل اي حاجه وخلي حضرتك مرتاحه انتي فيكي اللي مكفيكي يا طنط وهدى اديها قاعده مع ندى "
" ربنا يكرمكو يارب "
" ويخليكي لينا يارب يا طنط "
ودخلت اسماء عالمطبخ وراحت مامت ندى قعدت عالكرسي في الصاله ورجعت راسها لورا وغمضت عنيها
وبينها وبين نفسها الف صوت وصوت بيتكلم
وهيا سرحانه شويه وجرس الباب رن
راحت مامت ندى تفتح الباب
" سلام عليكم .. انا عماد "
" اه اهلا اهلا اتفضل "
" ربنا يخليكي "
ودخل عماد وقفلت مامت ندى الباب
" اتفضل اتفضل يا دكتور "
" الله يخليكي يارب .. ندى عامله ايه "
" والله لسه زي ما هيا لا بتتكلم ولا بتتفاعل مع اي حاجه .. انا قلقانه اوي عليها والله "
" لا ان شاء الله خير البقاء لله "
" ونعم بالله .. اتفضل هيا في الاوضه جوا "
وراحت مامت ندى فتحت الباب لقت هدى ماسكه ايد ندى وبتحاول تكلمها وبردو مفيش فايده
الام " هدى .. دا دكتور عماد .. دي صاحبة ندى يا دكتور من ايام ما كانو في المدرسه صغيرين "
عماد " اهلا وسهلا هدى "
هدى " اهلا بحضرتك .. عن اذنك "
وطلعت لاسماء اما عماد ف قعد على كرسي قدام ندى وفضل باصص عليها
" هيا بأه يابني بقالها كدا من ساعة ما عرفت "
" الف سلامه عليها .. طيب تسمحيلي يا طنط اقعد اتكلم معاها "
" حاولنا كتير ومش راضيه تنطق والله "
" معلش انا هحاول وربنا يقدرني "
" حاضر يابني عن اذنك "
وطلعت مامتها من الاوضه وسابت عماد مع ندى
عماد بص لندى بنظرة شفقه جامده اوي ...
اما ندى ف باصه قدامها وساكته
" ندى اسمعيني .. انا عارف ان الموضوع صعب اوي عليكي والله عارف ومتأكد لاني مريت بموقف زي دا تقريبا
والدتي توفت ايام امتحانات اخر سنه ليا في الكليه بس الفرق بينا ان انا ليا اخ تاني زي مانتي عارفه ف كان شايل عني شويه
ووالدي تعب جدا بسبب الموضوع دا وقبل السنويه بتاعت والدتي كان والدي كمان لحقها الله يرحمهم .. عارفه يا ندى .... تعبت اوي وزعلت جدا وكنت ناوي ابعد عن الدنيا كلها واعيش لوحدي
اما اخويا وقف جنبي ومسكني من ايدي وشال عني مع انه هوا كمان تعب بس لانه اكبر مني كان شايل همي عني
والحمدلله عدينا الازمه وكملنا واديني اهو معيد واخويا فاتح معرض وبيشتغل كويس اوي
انا عايزك تعملي زيي .. متستسلميش لوجعك .. كلنا رايحين .. محدش هيفضل موجود ... انتي دموعك اللي انا شايفها دي باباكي بيتعذب بيها في قبره دلوقتي .. اكيد انتي مش عايزه كدا .. اكيد عايزه تسعديه صح؟ .. شوفي ايه الصوره اللي كان نفسه يشوفك بيها وروحيلها .. انا مش بقولك كملي حلمك ولا سافري مع انك انتي الكسبانه .. بس بقولك حققي حلم باباكي فيكي ... فرحيه في قبره .. انا عارفه انك سامعاني وهتعملي كلامي دا .. وانا هقف جنبك واساعدك متخافيش .. ومعاكي مامتك وصاحباتك .... فاهماني يا ندى "
ندى بعد كلام عماد دا كلو كانت كل كلمة بتقطع قلبها بزياده وتزود دموعها اكتر وبعد ما خلص كلامه بصتله
وجت عنيها في عنيه
عماد لما شاف عنيها وهيا فيها دموع زعل اكتر ..
بس مرضاش يبينلها زعله عليها
مجرد انه ابتسملها
" ها يا ندى .. اتكلمي .. سمعيني صوتك .. وريني طموحك في عنيكي انك تحققي حلم باباكي .. قومي من مكانك وحققي حلمه .. خليه يفرح ويشوفك ويبأه مرتاح ومطمن عليكي "
ندى بصت الناحيه التانيه وغمضت عنيها ورجعت بصت تاني لعماد
" بابا وحشني "
" الحمدلله اني سمعت صوتك دا اهم حاجه عندي .. "
ومسك ايدها وابتسملها
" هوا وحشك مش كدا؟ تعالي نروح تسلمي عليه في قبره وتقوليله انك هتعملي اللي هوا عايز يشوفك عليه "
تحــــــــــــــــفـــــــــــة :)
ردحذف