" بنتي؟ بنتي مين دي "
" انتا ناسي انك اتجوزت منها وحملت منك هيا؟ ولدت .. جابت بنت وعايزه تسجلها باسمك .. لو سمحت "
" ااااااااااااااااااااه قولتيييييييلي وهيا موسطاكي بأه عشان اوافق انا مش كدا .. انسي "
" اولا لو سمحت اتكلم معايا كويس .. ثانيا هيا مطلبتش مني حاجه دا انا اللي رحتلها وانا اللي قلتلها .. ممكن افهم بأه
ايه سبب رفض حضرتك "
" عشان انا مش ضامن انها بنتي "
" خلاص هنعمل تحليل ومنه هنتأكد رغم اني متأكده "
" مش هعمل تحاليل يا ندى "
" ارجوك يا سامح انا بترجاك .. انا وعدتها ولو سمحت متردنيش في طلبي الوحيد .. ارجوك .. وانا عندي استعداد اعمل اي حاجه في مقابل انك تكتبها باسمك مش عايزين منك اكتر من كدا ارجوك "
" اي حاجه؟ "
" اه يا سامح اي حاجه "
سامح لمعت عنيه وبصلها بخباثه لانه عارف انها مش هتوافق على شرطه
" انا موافق بس على شرط "
" تحت امرك في اي حاجه "
" ترجعيلي واتجوزك "
" نعم "
" انتي اللي قلتي عندك استعداد تعملي اي حاجه "
" وانتا مختار دا عشان عارف اني مش هوافق مش كدا "
" امممممم تقدري تقولي حاجه زي كدا "
" تصدق انتا ... "
" لاء لاء لاء مفيناش من الشتايم .. اصل هقولك على حاجه .. اني اكتب البنت باسمي دي مسؤوليه كبيره اوي ..
وبصراحه اني اكسبك تاني عندي استعداد اعمل اي حاجه كبيره وصعبه عشان اوصل لدا تاني "
" انتا ازاي كدا .. ازاي تقبل تعيش مع واحده بقت مش قادره تبص ف وشك وكمان ترجعلها ليك بالطريقه دي "
" اصل انا بحبها "
" اضحك عالناس كلها الا انا "
" امممم مش مشكله .. قلت ايه يا جميل "
" لاء مش موافقه طبعا "
" خلاص .. وفرتي "
ندى بصتله بقرف وقامت من مكانها ومشيت بسرعه
اما سامح ف كل دا باصص عليها بابتسامه كبيره ومن جواه فرحان انها جت تترجاه وقصاد طلبها هترجعله
مشيت ندى وروحت عالبيت وشويه وموبايلها رن
" الو اهلا دكتور عماد "
" اهلا بفنانتنا الجميله عامله ايه "
" الحمدلله بخير حضرتك عامل ايه "
" الحمدلله كويس .. عندي ليكي مفاجأه جميله جدا "
" فرحني ارجوك "
" جتلك منحه مخصوص ليكي انتي بس دون عن اي حد في دفعتك انك تسافري تكملي دراستك في جامعه مشهوره جدا في فرنسا وخلال دراستك هتقدري تفتحي معرض خاص بيكي وبرسوماتك وديزايناتك انتي بس "
" حضرتك اكيد بتهزر مش كدا؟ "
" لاء .. مش بهزر "
" معقوله كل دا قاعد بيتوفرلي مره واحده .. معقوله بجد ولا انا بحلم "
" لاء معقوله انتي ايدك تتلف في حرير يا ندى ما شاء الله عليكي تستاهلي اكتر من كدا بكتير .. وفي اقل وقت هتبقي عالميه ومشهوره ان شاء الله "
" يااااااااااااه يا دكتور مش عارفه اقول لحضرتك ايه "
" مجرد انك موافقه دا اللي عايز اسمعو منك "
" طبعا موافقه مفهاش تفكير .. بس هأكد على حضرتك بكرا ان شاء الله بعد ما اتكلم مع والدي ووالدتي "
" خدي وقتك براحتك لسه السفر كمان شهر ونص "
" شكرا يا دكتور الف شكر لحضرتك "
" العفو يا فنانه دا اقل واجب "
وقفلو مع بعض وندى بصت لموبايلها ورمته عالسرير وقامت تتنطت عليه وهيا بتصوت من الفرحه
مامتها وباباها دخلو عليها بسرعه
" ايه يابنتي في ايه مالك بتصوتي ليه "
" مالك يا ندى كفى الله الشر فيكي ايه ياحبيبتي "
" ماما بابا زغرطووووووووووولي "
" والله لو اعرف كنت زغرطت زغرطتي انتي لبنتك بأه "
" هههههههه بابااااا "
" ياعيووووونو "
" لولولولولولولولولي بس قوليلنا في ايه فرحينا "
وقعدت ندى وحكتلهم على كل حاجه
وبأو من الفرحه مش مصدقين واكدو عليها توافق من غير تفكير
تاني يوم نزلت راحت لمنه
" ازيك يا منه وازي بنوتك الجميله "
" الحمدلله يا ندى انتي عامله ايه "
" بخير الحمدلله "
" طمنيني عملتي ايه "
" عملت ايه ف ايه "
" في موضوع ندى بنتي وسامح "
" اا .. مش عارفه اقولك ايه والله يا منه "
" رفض طبعا "
ندى بصت لمنه لقتها دموعها بتنزل وواخده بنتها في حضنها وشكلها صعب اوي على ندى
معرفتش تعمل ايه وفضلت تفكر في مستقبل البنت دي ومستقبل منه لقت انو مش موجود اصلا
صعبو عليها اكتر واكتر وقررت تضحي وممكن بعد كدا تبأه ترفع قضية خلع على سامح وتسيبه
" لا يا حبيبتي وافق "
" بجد والله ؟ "
" اه والله "
" ازاي "
" مش مهم ازاي "
" لا طبعا لازم اعرف قوليلي وحيات مامتك وباباكي يا ندى "
" حلفتيني بالغاليين يا منه كدا بردو "
" قوليلي "
" وافق بشرط ارجعلو ونتجوز "
منه اول لما سمعت الكلام دا شهقت وحطت ايدها على شفايفها من الصدمه
" مالك يا منه "
" وانتي وافقتي "
" قلتله هرد عليك بكرا على انهردا "
" لا يا ندى انا مش موافقه مش عشاني انا وبنتي تعملي كدا ف نفسك اشحال لو مكنتش انا وهيا السبب في انفصالك عنه "
" عيب عليكي يا منه انا قلتلك قبل كدا صحبتي يعني اختي وافديكي بنفسي لو اقدر "
" بس انا مرضهاش دي عليكي يا ندى ابدا ما يحصل .. انا عارفه انك بتكرهيه ومش طايقاه مقدرش احطك في موقف زي دا .. ابدا "
" ياستي سيبيها على الله كل واحد بياخد نصيبه "
" لا يا ندى بس مش كدا .. انا مش موافقه وانتهى الكلام "
" لاء هتوافقي يا منه ومتخافيش ان شاء الله بعد فتره هرفع عليه قضية خلع وابعد عنه ميهمكيش انتي "
" اهلك وافقوكي يا ندى "
" محدش هيوافقني لما يعرف بس انا يكفيني اني عارفه اني صح "
" بلاش يا ندى ابوس ايدك يا شيخه "
" بلاش انتي تكرهيني في اللي هعمله اكتر ما انا كارهاه يا منه ارجوكي .. انا مش بعمل كدا الا لاني حطيت نفسي مكان ندى بنتك واتخيلت حياتك وحياة بنتك بعد كدا وملقتش ليها مكان اساسا .. سيبيني اعمل الخير وربنا يجازيني "
" انتي جميله اوي يا ندى "
ندى ابتسمتلها من غير كلام وجواها مجروح اوي .. بس كمان متأكده انها بتعمل الصح
مشيت من عند منه وكلمت سامح
" الو "
" اهلا اهلا يا ندى "
" انا موافقه بس ازاي اضمن "
" استني استني .. موافقه على ايه وازاي تضمني ايه "
" موافقه على شرطك وبلاش ذل يا سامح لو سمحت عشان انتا وانا عارفين اني مش راجعه عشانك .. ازاي اضمن تكتبها باسمك "
" ايوا بأه .. ايه الجمال دا .. تعجبني يا جميييييل "
" سامح .. اخلص لو سمحت "
" خلاص خلاص يا ساتر ... ماشي انا مستعد اكتبها باسمي من انهردا "
" خليها بكرا عشان نعرف ننزل من بدري وانا هكون معاك انتا ومنه "
" ماشي انا موافق "
" طيب يا سامح مع السلامه "
" سلام ياااا مراتي "
قفلت ندى وهيا قرفانه ومش عارفه ازاي هتعيش مع الانسان دا لحد ما ترفع قضية الخلع ...
ورجعت مسكت موبايلها وكلمت منه
وقالتلها عاللي حصل وعلى انهم هينزلو بكرا يسجلو البنت باسمو
وخدت تاكسي وراحت على بيت اسماء صحبتها ..
خبطت عالباب كذا مره محدش فتح قامت نازله
وهيا نازله عالسلم لقت اسماء في وشها
" ايه دا ندى !! ازيك يا حبيبتي "
" سمسم وحشتيني اوي انا تمام انتي عامله ايه "
" كويسه يا نودي الحمدلله تعالي تعالي انا كنت في مشوار معلش ومحدش في البيت "
" لالالا اجيلك وقت تاني تكوني فاضيه "
" عيب عليكي .. تعالي بس "
وطلعو عالشقه ودخلو قعدو
" ايه يا نودي عامله ايه وحشاني اوي فينك بس "
" والله يا سمسم الامتحانات طلعت عنيا معلش .. وجتلي منحه تجنن يا سمسم "
" احكييييييييييلي "
" هروح فرنسا اكمل دراستي فيها وافتح معرض خاص بيا انا لوحدي .. ودا كلو تبع الجامعه "
" لالالالا متقوليييييييش حبيبتي الف الف الف مبرووووووووووك "
" الله يبارك فيكي يا سمسم متتخيليش انا مبسوطه ازاي "
" ربنا يسعد قلبك كمان وكمان يارب والله انا اللي فرحنالك اوي .. بس قوليلي وشك مخطوف كدا ليه "
" ازاي "
" يعني .. فيكي حاجه لسه محكتيليش عليها "
" دايما فاقساني كدا "
" عيب عليكي يابنتي هوا احنا عشره كام ساعه .. "
" مفيش يا ستي سامح "
" ماااااااالو سي سامح تاني "
وحكتلها ندى على كل حاجه وعلى انها وافقت بس لسه مقالتش حاجه لمامتها وباباها
" معقوله يا ندى ! "
" معنديش حل غير كدا يا اسماء هعمل ايه بس .. مانتي عارفه مقدرش اسيبها كدا حرام والله "
" طول عمرك جدعه وصاحبة واجب وبتيجي على نفسك عشاني انا وهدى بس مينفعش يا ندى تيجي على نفسك في حاجه زي كدا "
" معلش منا هصبر عليه شويه بعدين هرفع قضية خلع "
" ربنا معاكي يا ندى يارب "
ورن موبايل ندى
" الو .. ايوا يا ماما حاضر اديني جايه ماشي سلام "
وبصت لاسماء
" طب يا سمسم انا لازم امشي عشان ماما عايزاني "
" طب يلا جايه اوصلك "
" ملوش لزمه التعب دا يا اسماء "
" طب انزلي بدل ما ازعلك "
" هههههههه حاضر "
ونزلو ووصلتها بعربيتها ومشيت
طلعت ندى عالبيت وسلمت على باباها ومامتها وقعدو يتغدو
وعالغدى
" ماما .. بابا .. في حاجه عايزه اقولكو عليها وانا عارفه هتغلطوني ومش هتوافقو بس انا خلاص خدت القرار "
" في ايه يا ندى "
" انا هرجع لسامح !!!!!!! "
ليست هناك تعليقات:
إرسال تعليق