" نعم !!!!!!! "
" ايه اللي بتقوليه دا يا ندى ترجعيلو دا ازاي .. "
" اهدو بس افهمكو "
" تفهمينا ايه بس يابنتي انتي جرالك ايه "
" يا بابا افهمني "
" قولي يا ندى .. "
وقامت ندى حاكيه على كل حاجه
باباها ومامتها بصو لبعض وبصولها ..
" بس يا بنتي "
" ولا اي بس يا بابا .. ارجوكو خلوني انا امشي في الموضوع دا وبعد كدا هعمل قضية خلع "
" ويتكتب في بطاقتك مطلقه "
" مش احسن ما ميتكتبش للبنت اسم؟ انا معنديش استعداد يبأه في فرصه اعمل حاجه عشانها ومعملهاش عشان نفسي "
" ربنا يحميكي يا بنتي مع اني مش مرتاحه ولا مبسوطه للموضوع دا بس مش عارفه اقولك ايه "
" متقوليش حاجه يا ماما .. من ترك شيئا لله عوضه الله بافضل منه .. وانا سبت مستقبلي عشان حاجه هعملها لله وربنا يعوضني ويقدرني "
" ربنا يسترها ان شاء الله "
" ان شاء الله يا بابا .. انا هقوم دلوقتي عشان الحق اناملي شويه تعبانه اوي وبكرا الصبح بدري ان شاء الله هنروح نسجل البنت باسمه وهكلم دكتور عماد عشان اكد عليه في موضوع السفر دا "
" ربنا معاكي يابنتي "
" تصبحو على خير "
" وانتي من اهلو يابنتي "
" وانتي من اهلو يا حبيبتي "
وقامت ندى باست مامتها وباباها على راسهم ودخلت غسلت ايدها وراحت تنام
تاني يوم الصبح صحيت كلمت منه وقالتلها تجهز
وقفلت معاها وجت تتصل بسامح مردش عليها
راحت تلبس وجهزت وزلت من البيت وهيا عالسلم لقت موبايلها بترن
عبال ما طلعتو من شنطتها كانت نزلت قدام بيتها بصت لقت سامح بيتصل جات تفتح عليه
لقته قفل بصت قدامها لقت سامح بعربيته
بصت باستغراب وكشرت
نزل سامح من عربيته وهوا مبتسم وراح وقف قدام ندى ومدلها ايديه يسلم عليها
" صباح الخير يا قمر "
ندى بصت لسامح من فوق لتحت ومدت ايدها سلمت عليه من غير ما ترد
" ماشي يا ستي براحتك .. يلا بينا "
وراح عالعربيه فتحلها الباب وشاورلها بايديه عشان تدخل
دخلت وقفل الباب وراح ركب من نحيته
ركب وبصلها وقام باصص قدامه خد علبه صغيره وفتحها
" خاتم حبيبتي .. ممكن تلبسه في ايديها الجميله دي تاني "
ندى بصتله وبصت للخاتم ورجعت بصت لسامح تاني
" لما تكتب البنت الاول باسمك "
سامح بصلها وحس انها اهانه ليه بس قال يستحمل ويمشيها
" ماشي ياستي وانا معاكي لحد اخر الطريق "
وقفل العلبه من تاني وحطها في مكانها وشغل العربيه وراح لبيت منه
وقف عند البيت وبص لندى
ندى مسكت موبايلها واتصلت بمنه
" الو "
" ايوا يا ندى "
" يلا احنا مستنينك تحت هاتي بنتك وانزلي "
" حاضر "
قفلو ودقيقتين وكانت منه تحت ..
خرجت ندى من العربيه وسلمت على منه ومسكت بنتها حضنتها وكل دا سامح باصص ومستغرب ومش طايق وجود منه بس كل دا بيعمله عشان يوصل للي هوا عايزو واللي هوا .. ندى
دخلت ندى بالبنت ووركبت منه ورا من غير كلام
وندى متوقعتش من سامح انه يبص على بنته ودا اللي فعلا حصل
وبدأ يتحرك بالعربيه
وصلو وعملو الاجراءات وخلصو وطلعو الشهاده وكل دا ندى مطنشه سامح وسامح مش عايز لسانه يخاطب لسان منه بس غصب عنه كان في الاجراءات لازم يكلمها
خلصو كل حاجه وطلعو ركبو العربيه
" مبروك يا منه .. مبروك يا ندى الصغنونه "
" الله يبارك فيكي يا ندى ربنا يارب يخليكي والله "
" على ايه بس .. ربنا يخليلك بنوتك يارب ويخليكي ليها "
" ويخليكي لينا يا ندى يارب "
وتقريبا كان كل الطريق لحد بيت منه كلام بين ندى ومنه اما سامح ف ساكت خالص
وصلو لحد بيت منه ونزلت منه من العربيه ونزلت ندى سلمت عليها وادتها بنتها اللي شايلاها في حضنها من ساعت ما شافتها
" ماتيجي يا ندى تقعدي معايا شويه "
" لا ياحبيبتي معلش مش هينفع انا ورايا حاجات كتير لازم اعملها يوم تاني ان شاء الله "
" ماشي يا ستي انا هستناكي انا وندى "
" هههههه عنيا لندى ياستي "
" ندى .. شكرا ليكي بجد "
" عيب عليكي يا منه سيبك بأه من الكلام دا "
" ربنا يقدرني واقدر اردلك حاجه من جمايلك دي مع اني عارفه اني مش هقدر على كل دا "
" مفيش بين الاخوات جمايل يا منه "
وبصو هما الاتنين لقو سامح بينزل الازاز وبيقول لندى
" يلا يا ندى بأه "
" طيب "
وبصت لمنه
" خلاص يا ندى يلا روحي مش ناقصه "
" ماشي يا حبيبتي ربنا معاكي معلش انا اسفه "
" انتي اللي اسفه بردو؟ انتي مفيش حد زيك "
وسلمو على بعض وسابتها ندى ودخلت العربيه ومنه طلعت البيت وفي حضنها بنتها
" ها .. خلاص؟ "
" خلاص ايه "
" اتكلمتو براحتكو ؟ "
" عايز ايه يعني "
" مش عايز .. يلا عشان تلبسي الخاتم "
ندى مسكت الخاتم من ايدو بقرف ولبسته
" ايوا كدا .. "
ندى بصت لقدامها وطنشته
اما هوا ف كان قاعد مبسوط
واتحركو بالعربيه راحو على مطعم
" ايه دا ايه دا انتا رايح فين "
" اغديك ياحبيبي كالعاده "
" احنا متفقناش على كدا "
" ومن امتى بنتفق "
" لا بقولك ايه يا سامح .. انا مش كل حاجه عايزها هعملها "
" طب يلا يا ندى ننزل ونتكلم واحنا بناكل "
" اوفففففف "
وخدت شنطتها ونزلت من العربيه وسامح قفلها ودخلو عالمطعم سوا
قعدو وسامح طلب الاكل وبص لندى
" ها يا ندى "
ندى بصت لسامح وحطت ايدها على خدها
" نعم "
" الله ينعم عليكي .. ندى انا اولا اسف على كل حاجه .. وعايز نبدأ من جديد "
" نبدأ من جديد .. ااااها .. نبدأ من جديد ايه يا سامح "
" علاقتنا يا ندى "
" وانتا فاكر اني راجعالك بمزاجي؟ "
" لاء انا عارف كل حاجه .. بس انا فرحان اني كسبتك من جديد "
" مين قال "
" انا "
" بس انتا خسرتني للابد يا سامح .. انا عملت كدا عشان منه متضعش هيا وبنتها "
" انا عارف كل دا يا ندى بس والله انا ندمان ومحتاجك جنبي .. انا عمري ما قابلت واحده زيك "
" ولا هتقابل "
" انا عارف "
" كويس انك عارف يا سامح "
" سامحيني ياحبيبتي وخلينا نقرب لبعض من تاني ارجوكي "
" وانا اضمن منين يا سامح "
" تضمني منين ايه "
" انك مترجعش للي عملته دا تاني "
" صدقيني مش هعمل اللي يخليني اخسرك تاني "
" كدا انا ضمنت مش كدا؟ "
" والله ما هحاول اخسرك تاني ب اي شكل من الاشكال "
" ماشي يا سامح .. بس افعالك هيا اللي هتقربني ليك تاني او هتبعدني ليك اكتر بس صدقني لو حصل دا تاني والله ما هيشفعلك عندي اي حاجه في الدنيا "
" وانا موافق .. تسمحيلي؟ "
ومسك ايدها اللي فيها الخاتم وباسها عليها
وكل دا ندى مش مبسوطه للي بيحصل بس ممشيه معاه لحد اما تشوف ايه اللي هيحصل
وهما بياكلو مامتها اتصلت بيها
" معلش يا سامح هقوم ارد برا على ماما "
" اللي تشوفيه "
وقامت ندى وردت على مامتها
" الو .. ايوا يا ماما "
" ايه يا حبيبتي فينك "
" سامح عزمني عالغدا ياستي "
" ووافقتي يا ندى ؟ "
" اه يا ماما هوا جابني عالمطعم من غير ما يعزم وقاللي محنا بنعمل كدا دايما عادي يعني "
" ومكلمتيناش قولتيلنا ليه "
" معلش بأه يا ماما هوا قاعد بيتكلم دنا سبته وطلعت برا المطعم عشان اكلمك "
" ماشي يا ندى ياريت تخلصي بسرعه وتيجي "
" حاضر يا ماما .. سلام دلوقتي "
" سلام "
قفلت معاها ودخلت لسامح كملو اكل وطلعو من المطعم
ركبو العربيه واتحركو
" بقولك ايه يا ندى .. ايه رأيك نعمل الفرح الشهر دا "
" براحتك مش هتفرق كتير "
" للدرجادي يا ندى "
" مش قصدي انا بس ... "
ولسه هتكمل كلامها موبايلها رن تاني
" يووووه مش هنخلص بأه يا ندى مش عارف اكلمك كلمتين "
" معلش ثانيه بس .. الو؟ اهلا دكتور عماد "
ليست هناك تعليقات:
إرسال تعليق