فات الوقت في الطياره ووصلو لباريس
اول لما وصلو دينا كانت بجد طايره من الفرحه
واخيرا وصلت البلد اللي نفسها تشوفها من وهيا
صغيره
خلصو اجراءاتهم في المطار وطلعو عالفندق اللي
كانو حاجزين فيه
كانو جعانين جدا وحظهم ان الوقت دا كان وقت
العشا في الفندق
نزلو المطعم اكلو وخلصو
الاب " انا تعبان جدا ومش شايف قدامي
ومروه اهي نعست على كتفي يلا انا هروح
انام وهاخد مروه معايا حد هينام دلوقتي ولا
هتسهرو ؟ "
العم " خدني معاك ياسمير انا كمان على
اخري "
مروان " وانا نعسان اوووووووووووي
"
الام " خلاص يلا بينا "
حازم " طب اطلعو انتو انا هاخد دينا
ونتمشى شويه "
دينا بصت لحازم ومتكلمتش ولا كلمه
باباها حس ان بينهم تاتش وقال يسيبهم براحتهم
عشان يتصافو
وفعلا طلعو كلهم ونزل حازم ودينا يتمشو ناحية
الفندق
دينا على أد ماهي شايله من حازم الا ان
فرحتها بوجودها في باريس
وفرحتها الاكبر ان حازم حاسس بيها ومش عايز
يسيبها زعلانه منه كتير
هونت زعلها شويه .. لكنها بردو هتفضل عند
قرارها انها تبدأ تبعد عن حازم
عالاقل .. بعد ما يرجعو من باريس .. عشان
تبدأ تتعود على غيابو عن حياتها
صعب جدا على دينا القرار اللي اخدتو دا ..
لكن مش مستحيل
هيا مؤمنه بإن مفيش اي حاجه في الدنيا
مستحيله
صحيح لكل قاعده استثناءات
والاستثناء في قاعدة " مفيش مستحيل
" هو عدم وجود حازم في حياتها
لكنها هتحاول على اد ما تقدر انها تتفاداه
بس هوا .. اللي رافض الفكره دي
حازم كان حاسس ان دينا عايزه على اد ما تقدر
انها متكونش في حياته
عشانو ولصالحو هوا .. وعارف كمان ان دا غصب
عنها مش بمزاجها
هيا لو عليها تفضل معاه لاخر نفس فيهم
لكن كمان فاهم انها بتعمل كدا عشان هاجر اللي
هيا اصلا لسه معرفتش انه بيفكر يتقدملها
هوا مش هاين عليه يشوف دينا بعيده عنو اوي
كدا
ولا هاين عليه يشوفها واخدها على خاطرها منه
اوي كدا ويفضل ساكت
وعشان كدا انهردا قرر يصالحها لانو مش ملاحق
اصلا يشوفها ولا يقعد معاها ولا يتكلمو سوا براحتهم
قرر يفهمها اللي هيا مش قادره ولا قابله
تفهمو
فضلو يتمشو شويه وهما ساكتين كل واحد بالو عن
التاني من غير ما يتكلمو !
واخيرا حازم قرر يتكلم
" مبسوطه يا دينا "
" عادي يعني .. "
" زعلانه مني مش كدا "
" ليه ازعل منك دنتا .. هه .. اخويا
"
" هنبدأ تريأه بأه "
" لا ياسيدي لا تريأه ولا غيرو وانا
اتريأ ليه "
" دينا انا عارف انتي جواكي ايه وحاسه
ايه وانتي اصلا عبيطه لو تفكري للحظه ان في
مخلوق في العالم ممكن ياخدني منك "
"صدقني هيحصل "
" صدقيني انتي لو حصل لا ابعد عنهم كلهم
واجيلك تاني .. انتي اهم حد في حياتي يا دينا "
" بكرا لما تجيب عيال ان شاء الله هتشوف
وعلى رأيك دي سنة الحياه ايه اللي يزعل في كدا يعني "
" هوا انتي تكرهيلي الخير يا دندون؟
"
" لاء طبعا "
" طب مش الاطفال دول خير ؟ وبعدين دول
هيقولولك ياعمتو .. انتي اخوتي يابت ياهبله
بلاش جو الدراما دا .. وبعدين اصلا
اصلاااااااا انا لسه مقررتش دنا بقولك نويت
والله لا قولت لبابا ولا عمي ولا مرات عمي
ولا حتى لحد من صحابي القريبين مني
انتي اول حد يعرف وحتى هاجر نفسها متعرفش
حاجه "
دينا للحظه حست انها فعلا اهم حد عند حازم
وابتسمتلو لا اراديا
" بمووووت فيكي لما بتبتسمي وبتبان
غمازاتك يا قمري انتي .. بطلي بأه تعملي فيا كدا
دنتي اكتر واحده لازم تفرحلي يا بت يازفته
وبعدين ياعم الله يسهلك منتا هترتبط ومش هنشوفك اهو "
" اجدع راجل فيكي يا مصر ميبعدنيش عنك
يا حازم .. انتا اغلى ناسي "
" حبيب قلببببببببي .. طب متيجي نتجوز
واحنا في باريس كدا ونقف عند برج ايفيل واركع على رجلي
واقدملك الدبله وتعملي اتفاجئتي بأه اصلهم
بيقولو باريس دي بلد الرومانسيه والحب "
" ههههههههه ياعبيط "
" مجرد ما تشتميني بتأكد انك راضيه عني
"
" هوا انا مامتك يا حازم ايه راضيه عنك
دي "
" انتي اللي عوضتيني عن ماما الله
يرحمها .. وعن كل حاجه راحت مني "
" الله يرحمها "
" المهم .. متزعليش مني ياعبيطه انا
وانتي ملناش غير بعض وعمري ما ابعد عنك "
" ماشي ياسيدي اما نشوف الايام بينا
جايه "
" يارب دايما الايام تجمع بينا يا اختي
ياحبيبتي "
ومسك ايدها وباسها من جوا
دينا ابتسمتلو وحست اد ايه هيا فعلا مرتاحه
ومش حاسه انها ناقصها حاجه
في ايه اكتر من اكتر انسان بتحبو جنبها
اخوها حبيبها حازم . . .
حتى وهيا متأكده ان الفرحه جنبه مش هتدوم
لانه مش هيدوملها مهما قالها
لكن قالت تفرح وتنسى وتعيش براحتها
ومتسمحش للغيره تدخل بينها وبين هاجر
وتعاملها كويس وتنسى اي حاجه
عشان خاطر حازم وعشان بتحب حازم اكتر من اي
حاجه وتحب دايما تشوفو مبسوط
وهاجر دي قلب حازم هوا اللي اختارها يبأه
اكيد انسانه كويسه .. وطالما كدا كدا
كان هيجي يوم ويتجوز .. وخلاص عايزها .. ف
على بركة الله .. ليه يعني تقف في طريقه
ماهي في يوم هتعيش مع راجل بردو وهيبأه اسمو
جوزها .. دا لو بأه !!
فضلو يتمشو ويهزرو ويضحكو ويجرو ورا بعض لحد
ما الشمس شرقت وهما لسه في الشارع
كانو مبسوطين لدرجة انهم محسوش بالوقت
رجعو عالفندق وكل واحد دخل السويت بتاعو
وراااااحو في النوم
وعالغدا فضلو يصحو في دينا وحازم لحد ما صحيو
ولبسو
وكلهم نزلو يتغدو في المطعم في الفندق
خلصو غدا وطلعو يتفسحو في شوارع باريس . .
لحد عالمغرب كدا .. راحو قعدو في كافيه قصادو
بحيره
وكان كل اللي هناك "
coples "
وشكلهم مكنش لايق ابدا عالمكان وسط الناس دي
لكنهم قعدو من جمال المكان
طلبو ايس كريم وحلويات
وفي وسط الكلام قرر حازم يقولهم على هاجر
حازم " ياجماعه انا عايز اقولكم على
حاجه مهمه "
الاب " خير يابني "
العم " في ايه يا حازم خير ؟ "
حازم " انا قررت اخطب "
مروه " وااااااااااااااااو "
حازم " واو ايه يا مروه هههههههه "
الام " بجد ياحازم والله ؟ "
حازم " اه والله ياطنط "
العم " احلى خبر اسمعو من زمان
يااااااااه اخيرا هتفرحني بيك يابني "
الاب " الف مبروك ياحبيبي الف الف مبروك
.. مين صاحبة الحظ بأه "
حازم " هاجر زميلتي في البنك "
الام " الف مبروك يابني "
العم " حبيب قلبي الف الف مبروووووك
"
دينا " مبروك يا زوووووووووومه "
حازم " الله يبارك فيكو يارب ويخليكو
بجد فرحان انكو فرحتولي كدا "
مروان " واحنا عندنا كام حازم يا وحش ..
مبروووك عقبالي "
حازم " ههههههههههههه عقبالك ياسيدي
"
مروه " مبروك يا حازم بس لازم انا
اشوفها الاول قبل ما تتقدملها ولو معحبتنيش مفيش جواز "
حازم " هههههههههههه عنيا انا موافق يا
قمر "
دينا " ههههههههه ربنا يهديكو والله
"
يوم ورا التاني كان بيبأه كل يوم احلى من
التاني
قدرو فعلا يفرحو دينا وخصوصا يوم عيد ميلادها
وقضو اسبوعين مفيش اجمل منهم .. بالنسبه
لدينا وحازم اكتر ناس فرحو
وخلصت الايام قوام ورجعو على مصر
تاني يوم من رجوعهم ..
دينا صحيت على صوت مروه ومروان بيتنططو على
سريرها
فتحت عنيها وبصتلهم وابتسمت
مروه " دينا دينا اصحييييييي "
مروان " قومي في مفاجأه ليكي بأه "
دينا " ايه خير في ايه "
مروه " جايلك عريس انهردااااااااااا
هييييييييه "
دينا " ايه ! "
ليست هناك تعليقات:
إرسال تعليق