انهردا ليلة الفرح . .
دينا كانت مبسوطه جدا لكن كمان كانت متوتره
وخايفه اوي
مش عارفه من ايه
يمكن دا احساس طبيعي لاي بنوته ليلة فرحها
ويمكن عشان كل شويه تفتكر يوم ما حصلها
الحادثه
بس كل ما يجي على بالها اليوم دا بتفتكر
ابتسامة احمد
وبتنسى كل حاجه
كانت دينا في قمة حلاوتها الليله .. اكتر من
كل يوم
لدرجة ان احمد لما شافها لاول مره بصلها وعقد
حواجبه
وابتسم ابتسامه احلى من كل مره بيبتسم فها
هيا كمان شافت فيه وفـ جمالو في البدله حاجه
مشافتهاش قبل كدا
ولا كانت مصدقه ان هوا دا هيبأه جوزها وهيكمل
معاها بقية عمرها
فات الوقت ووصلو للقاعه
وقلب دينا من كتر هيبة الموقف قلبها مبطلش دق
بسرعه اوي
لكن مجرد مسكتها في دراع احمد كانت مطمناها
وهيا عارفه ان كل العيون عليها
وياما ناس بتسأل ازاي قبل يتجوزها وهوا
بالجمال والمنصب دا
وهيا بظروفها دي
هوا مايعيبوش اي حاجه عشان يتجوز واحده
اتعرضت للاغتصاب!
واكتر من دي اسئله كتير كانت بتيجي على بال
ولسان كل اللي حضرو الفرح
فاتت الليله
وكانت تعتبر فعلا اجمل لحظات دينا وقتها
وطلعو على بيتهم والعربيات وراهم زفاهم
لحد ما وصلو
والناس روحت ودينا واحمد طلعو عالبيت
تاني يوم الصبح صحيت دينا من النوم وقامت
تعمل الفطار
خلصتو وطلعت حطته عالسفره لقت احمد قاعد
" صباح الخير ياحبيبي "
احمد بصلها ومردش عليها
استغربت اوي من موقفو دا وسألتو مالك لكن
بردو فضل ساكت
شدت الكرسي وقعدت قصادو
" في ايه يا احمد في حاجه مدايقاك؟
"
بصلها بقرف وقام ضربها على وشها
دينا حست بكهربا في كل حته في جسمها
حطت ايدها على خدها ودموعها نزلت وهيا مش
فاهمه اصلا هوا في ايه
" اسمعي يابت انتي .. عشان احسن بس
تكوني فاكره اني بحبك ولا اتجوزتك عشان جمالك
انتي بعد اللي فيكي دا جمالك ولا يسوى اي
حاجه
انا بأه اتجوزتك عشان اذلك واطلع عينك .. انا
بكره الستات وسنينهم اصلا
امي اللي اسمها امي .. سابت بابا وراحت خانته
.. واحنا صغيرين
انا اتولد فيا كره البنات .. وكنت بكره اختي
ولحد دلوقتي بكرها وبكره امي وبكرهك
وبكره اي واحده ست .. ولما عرفت ان انتي
معرضه للاغتصاب ودي حاجه اشك فيها
وواثق انك عملتي كدا بمزاجك مع واحد حبيتيه
وخانك قلت بس .. هيا دي اللي هنتقم لطفولتي منها
اصل انتي تستاهلي مني كل دا .. انتي زيك زيهم
خاينه .. خنتي نفسك واهلك ... وانا بكرهك
متتخيليش اد ايه كنت مش طايق نفسي وانا بمثل
عليكي دور العاشق الولهان
واخيرا خلص الدور دا
ولعلمك محدش من اهلك كلهم يقدر يعملي اي حاجه
.. انتي مراتي ولو روحتيلهم
اقدر اطلبك في بيت الطاعه وتجيلي زي الحلوه
لحد عندي .. ف بلاش تهور
انا زي ما مقربتش منك امبارح مش هقرب منك
ابدا .. انا اصلا بقرف منكو
بس بصراحه انا هشغلك عندي .. يعني هتغسليلي
هدومي هتطبخيلي اكلي
هتنضفيلي بيتي وياويلك لو رفضتي .. وطبعا مش
هتنامي جنبي ..
شوفيلك كنبه في الصاله
مش عاجبك براحتك ميفرقش معايا كتير
اشوفك بأه بليل يا قمر عشان هنزل مع صحابي ..
باي باي "
وقام دخل اوضته غر هدومه ونزل
دلنا كل دا حاسه انها في كابوس .. حاجه كدا
مش طبيعيه
ازاي !! ازاي كل اللي حصل دا . . واللي هوا
قالو دا كلو بجد؟
ولا كان بيهزر؟ بس القلم اللي اداهولها دا
بجد .. مكنتش بتحلم يعني
طب ايه طيب !!! كل دا كان حلم؟ والحب اللي
وراهولها؟
طب بلاش كل دا .. الحب اللي هيا حبتهولو ايه
طيب !؟
فضلت تعيط جامد اوي وحست الدنيا مش سايعاها
انهارت عياط وصريخ لحد ما اغم عليها
مامتها بدأت تتصل بيها عشان تباركلها وتقولها
انهم هيجو يزوروها
فضلت تتصل كتير اوي محدش رد عليها
في الاول قالت انهم اكيد لسه نايمين
ولما اتصل باحمد ولقت موبايلو مقفول قلقت اوي
وقالت لبابا دينا وقررو انهم يروحو بعد
محاولات اتصالات بيهم دامت اكتر من ساعتين
وفعلا نزلو هما الاتنين وراحو البيت فضلو
يخبطو عالباب محدش بيفتح
فضلو يخبطو جامد اوي ويرزعو في الباب مفيش
فايده
لحد ما ندهو عالبواب تحت وسألوه قالهم انه
شاف احمد نزل من حوالي ساعتين او اكتر
استغربو اوي وسألو اذا معاه مفتاح الشقه
قالهم لاء ..
وحاول مع بابا دينا انهم يفتحوه وبصعوبه
كبيره جدا كسرو القفل وفتحو الباب
لقو دينا مرميه عالارض وقاطعه النفس
مامتها جريت عليها وهيا مخضوضه هيا وباباها
حاولو يفوقو فيها وهيا مفيش
لدرجة انهم صدقو انها ماتت
دخل باباها جاب ازازة برفان من اوضتها ورشها
على منخيرها ورش شوية ميه على وشها
لحد ما فاقت وفتحت عينها
اول ما شافت مامتها واخداها في حضنها مسكت
فيها اكتر وجسمها بيترعش
وانهارت اكتر واكتر
حاولو يهدو فيها عشان يفهمو منها اي حاجه
وهيا مفيش فيها نفس للكلام
كل اللي قادره تعملو انها تعيط اكتر واكتر
واكتر . . وبس !
وقررو انها ياخدوها معاهم قبل ما احمد يجي ..
لبسوها بصعوبه ونزلوها
بعد ما البواب ومراته ساعدوهم وقفلو الباب
وحطوها في العربيه ومامتها خدتها في حضنها ورا
وباباها كان بيسوق
مامتها وباباها كانت حالتهم صعبه ولا هما
فاهمين في ايه ولا ايه اللي جرا
ولا حتى عارفين يعملو ايه ولا يودوها فين
وقررو انهم ياخدوها عالمصحه اللي كانت
بتتعالج فيها يمكن يعرفو يهدوها هناك بما انهم عارفين حالتها اصلا
بدل ما يروحو مستشفى جديده ولا هيعرو يشرحو
الموقف ولا اي حاجه لانهم اصلا
مش فاهمين فيها ايه !
وفعلا راحو عالمصحه وطلبو دكتور مياده لكن
ملقوهاش والدكاتره قالولهم انها
معاها ساعه بالكتير وتيجي لانها في بريك
دلوقتي
دخلوها المصحه وهيا بتصرخ اكتر واكتر وادوها
حقنه مهدئه لحد ما نعست ونامت
الدكاتره فضلو يسألوهم عن اي تفاصيل عن اللي
حصل وهما محدش فيهم عارف يقول حاجه
لان اصلا هما مخضوضين لوحدهم ولا حد فيهم
فاهم ايه اللي حصل
جت دكتور مياده وسلمت عليهم وسألتهم عن اللي
حصل ومعرفوش يردو عليها
وقالتلهم انها هتعرف تفهم كل الحكايه من دينا
لما تفوق
وطبعا حكولها انها كانت اتحسنت جدا واتجوزت
كمان امبارح
فهمت من سياق كلامهم ان اللي دينا فيه بسبب
جوزها لا محاله انه يكون سبب تاني
واكيد اكيد .. بسبب حالة الاغتصاب اللي
اتعرضتلها
وباباها ومامتها استغربو اكتر من ان احمد
اساسا عارف كل حاجه
طب ليه يعمل فيها كل دا وياترى اصلا عمل فيها
ايه
فات الوقت تقيل جدا ..
محدش عارف حاجه .. ولا حدش فاهم حاجه
لحد ما دينا فاقت شويه بس مكنتش حاسه بنفسها
..
بتبص حواليها وكأنها في عالم تاني
ولا هيا دريانه في ايه .. !
دكتور مياده حاولت تتكلم معاها ودينا
مبتتكلمش
لحد ما افتكرت كل حاجه ودموعها بدأت تنزل من
تاني ..!
حاولو يفهمو منها اي حاجه لكن دينا مش بتنطق
..
بتعيط وبس !
ومكنش قدامهم حل غير انهم يكلمو احمد
لكن احمد موبايلو مقفول
فضلو يتصلو بيه كتير اوي وموبايلو مازال
مقفول
بابا دينا ومامتها كانو خلاص على وشك انهم
يتجننو
ومش عارفين يعملو ايه
لحد ما باباها دور على رقم بابا احمد ولقاه
اتصل بيه وسألو عن احمد عشان موبايلو مقفول
ودينا مش بترد
ومحاولش يبين ان في حاجه عشان يقدر يوصل
لاحمد
وقام ميدلو رقم تاني يتصل بيه على احمد غير
الرقم اللي معاه
شكرو وقفل معاه وبسرعه اتصل بالرقم لقاه بيرن
ورد احمد عليه . . !
" الو؟ "
" احمد .. انتا فين "
" مين معايا "
" ايه يابني مش عارف صوتي "
" لا مش واخد بالي "
" خلاص خليها مفاجأه وقوللي بس انتا فين
"
" ايه الاسلوب دا مين معايا ياعم انتا
"
" انا ابو دينا يا احمد "
احمد سكت كدا شويه وابتسم ابتسامه "
خبيثه " لما افتكر دينا
وبكل بجاحه كان ردو " نعم ؟.. "
" ايه اللي حصل بينك وبين بنتي "
" اسألها هيا "
" هيا مبتتكلمش يا احمد "
" هههههههه مبتتكلمش ازاي يعني اتخرست
ولا ايه .. خلاص خلاص اقولك انا .. "
وحكالو كل حاجه وقالو انه هيطلبها في بيت
الطاعه لو مرحش لقاها في البيت
بابا دينا اتنرفز وفضل يشتم وقالو ان هوا
اللي هيرفع عليه دعوه وهياخد حق بنته
قام احمد قفل في وشه . . .
مامت دينا كل دا ماسكه نفسها بالعافيه
وقام جوزها حكالها كل حاجه وهوا هيتجنن
دكتور مياده كانت حاضره الموقف كلو
وفهمت اللي حصل لدينا
الام " اخ يابنتي اخ كان ايه اللي رماكي
عالمر من تاني منتي كنتي كويسه "
الاب " بنتي هترجع تاني كويسه يا دكتور
مش كدا !! ؟ "
دكتور مياده " مبدأيا لازم ترفعو قضية
خلع والمصحه هنا هتشهد بالجريمه دي وهتكسبوها ان شاء الله
بس في المقابل هتدفعو كل حاجه هوا ادهالها من
شبكه وكدا "
الاب " مش مهم كل دا .. مش مهم اي حاجه
المهم بنتي تبأه كويسه "
الام " كلم حازم يا سمير .. كلم حازم خليه
يجي تشوفه .. هوا الوحيد اللي هيهديها وهيخليها كويسه انا عارفه "
دكتور مياده " لحظه واحده يا جماعه بعد
اذنكو .. دينا المرادي دخلت من تاني في حالة الانتروفيرجن والمرادي للاسف
مهما حاولنا زي ما قلتلكو وهيا ماشيه .. مش
هترجع تاني طبيعيه !!! "
النهايـــــــــــه
ايه دة لا مش ينفع كده انا كنت عايزاها تتعالج ويقول بعد سنتين هي وحازم اتجوزوا وجابوا نونو صغير
ردحذفMrmr
لالالالالالالالا النهايه مكنتش متوقعاها كده خالص
ردحذف