" يامصيبتي ! "
" اهدي يا ماما "
" انتا متأكد من اللي بتقولو دا يا شريف "
" اه متأكد يا بابا .. اظاهر ان كل الناس عارفه الا
احنا "
بسمه قاعده ساكته وبتتفرج عالتليفزيون ولا كأنها سمعت
حاجه ..
" بأه كل دا يطلع منك يا عمرو "
" لا يا ماما متلوميش عليه الحق معاه "
" الحق معاه ازاي ياشريف دا اتجوز على اختك "
" لا متجوزش عليها انتي عارفه ان بنتك طلبت منه
الطلاق وانا مع شريف هوا معاه الحق اوي في اللي عملو الراجل تعب معاها جامد "
" انتا كمان يا حسين ! "
" ايوا انا كمان .. انتي مكنتيش عايشه معانا ولا
ايه .. مشفتيش بسمه كانت بتعمل فيه ايه من يوم ما عملو الحادثه "
" وهوا كان يعني ذنبها "
" ولا ذنبه "
" يقوم يتجوز عليها "
" متجوزش عليها يا ماما .. دا بقاله اكتر من 3
اسابيع مطلق بسمه .. وبكامل ارادتها وهيا اللي طالبه كدا وهوا لحد اخر لحظه كان
متمسك اوي بيها وهيا عارفه كدا كويس "
بسمه سابت ريموت التليفزيون ودخلت على اوضتها من غير
كلام
" كدا بردو زعلتوها "
" زعلنا مين يا ماما يعني الحق دلوقتي بأه يزعل
وبعدين لو زعلت يبأه من الاول ليه عملت كل دا "
" منتا عارف اللي فيها ياشريف وعارف انه غصب عنها
"
" وهوا كمان غصب عنه دا راجل وليه حقوق على مراته
وكان مستغني عن كل حاجه عشانها
كان مستغني عن الخلفه ومستغني عن حتى انها تحسسه بحبها
كان كل اللي طالبه منها انها تفضل جنبه وبس
هيا عملت ايه بأه يا ماما تقدري تقوليلي ؟ "
" طلبت الطلاق اكتر من مره "
" بالظبط يا بابا وكانت مصره جدا وهوا ياعيني تعب
جامد معاها هيعمل ايه تاني
وهوا اصلا ملوش ناس مكنش ليه حد غيرنا لما يطلق بسمه ايه
هيجيبه بيتنا تاني وهيا فيه
حقه اوي انه يتجوز من جديد ويعيش حياته بأه "
" ايوا بس ... بسمه صعبانه عليا جدا "
" لما هيا اساسا من لما سمعتني وانا بقول اتجوز
مدتش اي رد ولا بان عليها انها مهتمه اساسا
ولو هيا يا ماما صعبانه عليكي ف انا كان صعبان عليا عمرو
جدا على فكره والحمدلله انه قدر يعيش حياته من تاني "
" ربنا يوفقو يابني "
" امين يارب وعلى فكره انا هعزمه عالخطوبه زي ما
كنت متكلم معاه ويجي بأه مع مراته يجي لوحده انا مش عندي اي مشكله وياريت محدش
فيكو يعترض انتو التلاته واولكو بسمه "
" محدش معترض يابني يجي ينور اهلا بيه انا نفسي
اشوفو اصلا وحشني جدا "
" وانا والله يا بابا وحشني فعلا والله .. كان اخ
جميل جدا وبسمه للاسف خسرته بس يارب ما اكون انا كمان خسرته "
خلص شريف جملته من هنا وموبايله رن
كانت شيماء .. وقام دخل اوضته يرد عليها
فات اسبوع كمان وعمرو ومي كل حياتهم حلوه
وعمرو قدر ياخد على مي اكتر واكتر وهيا قادره فعلا انها
تسعدو
بس كان كل يومين يجيلو موضوع الصداع دا تاني واتفقو هوا
ومي انهم اول لما يوصلو القاهره يكشف عند دكتور مخ واعصاب
لان مي مش مطمنه للصداع دا ابدا ..
اما بسمه ف كانت عايشه حياتها عادي جدا ومبسوطه بمنار
اللي ماليه عليها حياتها
شريف مبسوط مع شيماء وخلاص كلها اسبوع وتكون الخطوبه وكل
يوم ينزلو يجيبو حاجه عشان الخطوبه
ويختارو القاعه والفستان وكل اللي لازم للخطوبه
فات الاسبوع ورجعو مي وعمرو عالقاهره وراحو اختارو شقه
جديده بعد ما باع عمرو شقته اللي كان عايش فيها مع بسمه
ونتقلو هوا ومي عاشو في الشقه الجديده ومي سابت شقتها
للايجار ..
كل يوم كان عمرو يروح الشغل ومي تستناه لحد ما يرجع
تحضرلو الغدا وتشوف عايز ايه وتعملهولو وبليل ينزلو يتفسحو سوا
وفي يوم في اخر الاسبوع كان مي وعمرو رجعو من برا بليل
وموبايل عمرو رن ..
" عمرو مين شريف دا ؟ "
" ياااااه شريف .. دا اخو بسمه هاتي اما ارد "
" وايه مخليه متصل بيك "
" خطوبته متهيألي الاسبوع الجاي واكيد عازمني
"
وخد الموبايل من مي ورد ومي قاعده متدايقه ...
" حبيب قلبي "
" ههههه ايه يا عمرو عمرو واحشني ايه الغيبه الطويله
دي "
" معلش يا حبيبي عايز احكيلك "
" لا يا سيدي مانا عرفت خلاص الف مبروك يا باشا
انتم السابقون "
" هههههههههههه الله يبارك فيك عقبالك يارب .. بابا
وماما عاملين ايه "
" الحمدلله بيسلمو عليك وواحشهم جدااااااااا "
" وهما والله واحشني جدا .. بسمه ومنار كمان ازيهم
"
" الحمدلله تمام .. ها جاي خطوبتي ولا لاء "
" عيب عليك انا اقدر مجيش خطوبة اخويا "
" هوا دا العشم ياكبير "
" ها قوللي امتى وفين "
وشريف قال لعمرو عالميعاد واليوم واتفقو انهم يتقابلو
يومها وقفلو سوا
ومي قاعده متدايقه جدا
اما عمرو ف قفل وعلى وشه ابتسامه كبيره وفرحه باينه جدا
بص لمي لقى دموع في عنيها
" ايه دا .. مي مالك "
" مليش "
" حبيبتي في ايه بس ليه دموعك دي "
" ايه يا عمرو فرحان اوي انه كلمك وبتسألو على بسمه
وكمان اكيد هتروح خطوبته .. رايح عشان وحشتك يا عمرو "
" اخس عليكي يا مي تقولي لجوزك كدا "
" وهوا ايه التفسير للي حصل غير كدا يا عمرو "
" طب ممكن حبيبي يهدى الاول عشان افهمو .. ومش عايز
اشوف دموع تاني اتفقنا !! "
ومسحلها دموعها وجاب عينها في عنيه
" بصي ياحبيبت قلبي .. دلوقتي هوا كان عازمني
عالخطوبه من قبل ما اطلق بسمه بكتر والله من قبل حتى ما حد في البيت يعرف انه ناوي
يخطب .. وبعدين دا اخويا مقدرش انه يكون قاصدني في حاجه زي كدا ومروحلوش .. وغير
دا ودا هاخدك معايا مش هسيبك يعني انتي قدامهم كلهم مراتي حبيبتي على سنة الله
ورسوله وهوا بنفسه كان بيباركلي عالجوازه والله من اول المكالمه وكان فرحانلي جدا
.. يعني خلينا نفصل بين شريف باباه ومامته وبين بسمه "
" طب وانتا سألته عليها "
" اصل انا سألته عنه وعن باباه ومامته عيب مسألوش
على بسمه ولو تاخدي بالك سألتو عن بسمه ومنار مع بعض وقالي الحمدلله وانتهى
الموضوع بكلمة يعني مش حاجه كبيره اوي كدا الموضوع والله مدياه اكبر من حجمه انتي
"
" طيب يا عمرو "
" بتغيري عليا؟ "
" اكيد طبعا جدددددددا "
" ههههههه طب خلاص يا حبيبي متزعليش نفسك انا معاكي
وليكي اهو دايما "
" ربنا يخليك ليا يا عمرو "
" ولا يحرمني منك ابدا يا حبيبت عمرو .. يلا نقوم
ننام شويه انا نعسان جدا "
" طيب يلا "
دخلو عمرو و مي ينامو و شويه و عمرو صحي من النوم بيصرخ
وماسك راسه
مي قامت مخضوضه
" عمرو في ايه .. يا عمرو اتكلم عشان خاطري في ايه
مالك "
" رااااااااااااااااسي همووووووووووووووووووت مش
قادر صداع يا مي فظييييييييييييع "
" طب قوم معايا نروح المستشفى يلا "
" مش قااااااااادر "
" حاول وانا معاك اهو ماسكاك هساعدك قوم معايا بس
"
وقام عمرو معاها ساند عليها ولبسو بالعافيه وقعدتو
عالسرير وراحت جابتله البرشام اللي بياخدو وعملتلو كوباية قهوه زي ماهيا عرافه انه
بيحبها
خد البرشام وشرب القهوه واتحسن شويه ونزلو
خدت مي عربيتها عشان عمرو مكنش فيه صحه انه يسوق
وراحت عالمستشفى
هناك عملو تحاليل واشعه وخلصو وطلبو منو يفضل في
السمتشفى عشان في اشعه تانيه لازم تتعمل
وبدأو يخلصو كل اللي الدكاتره طلبوه منهم
وفضلو يوم كامل في المستشفى
عمرو نايم عالسرير في الغرفه ومي جنبه وماسكه ايده
وموبايل عمرو رن .. كان شريف
عمرو كان نايم ومي مرضيتش ترد عليه عشان عمرو ميتدايقش
منها
وطول اليوم والموبايل بيرن ومي مش بترد
وكل دا عمرو يقوم شويه ويرجع ينام تاني ومي بس بتبكي
وتدعيله
على بليل رجع الموبايل رن تاني
مي بصتله لقيته بردو شريف طلعت ترد برا عشان متقلقش عمرو
من نومه
" الو "
" ايوا ممكن عمرو؟ "
" والله عمرو نايم ياشريف معلش "
" طب لو سمحتي ابأي قوليلو اني بجد زعلان منو جدا
اني انهردا كلو مستنيه في الخطوبه ومجاش "
" عمرو في المستشفى يا شريف بقالو يومين "
" ايه !! ليه في ايه "
" مش عارفه "
" طب قوليلي فين المستشفى دي "
" لالالا بلاش تعب ملوش لزوم "
" تعب ايه بس يا مدام ارجوكي اديني العنوان "
ادتله مي عنوان المستشفى واسمها وهوا راحلهم هناك
اول لما وصل وسأل عن الغرفه وطلع دخل الغرفه لقى عمرو
صاحي ومي جنبه
لما شاف مي اتصدم مكنش متوقع انها هيا دي اللي عمرو
متجوزها
لانها مجتش اساسا على بالو لكن مكنش وقت الصدمه
" سلام عليكم "
" وعليكم السلام اتفضل "
" ايه دا شريف؟ "
" ايه يا عم عمرو الف سلامه عليك قلقتني عليك يابني
في ايه بس "
" الله يسلمك اوعى تكون قلت لماما وبابا "
" لالالا مقلتلهمش حاجه غير لما اطمن عليك في ايه
مالك "
" مش عارف لسه والله الاشعه والتحاليل المفروض كمان
شويه تطلع نتايجها "
" طب وانتا بتشكي من ايه اصلا "
" الصداع اللي كان بيجيلي .. صحاني وانا نايم
بطريقه فظيعه كنت هموت و مي خدتني المستشفى وعملت الاشعه والتحاليل وبقالي يومين
هنا يدوب اصحى اكل شوربه وانام "
" لا الف سلامه عليك متشوفش شر ان شاء الله "
" الله يخليك ياحبيبي مكنش له لزوم تعبك دا كلو
ومتزعلش مني كان نفسي احضر خطوبتك بس قدري بأه "
" لا يا عمرو متقولش كدا ربنا يقومك بالسلامه والله
يبارك فيك "
شويه وهما قاعدين دخل عليهم دكتور
" سلام عليكم "
" وعليكم السلام اهلا يادكتور اتفضل "
" ايه يا عمرو عامل ايه انهردا "
" زي منا والله يا دكتور بتعب شويه وبروق شويه
"
" لا الف سلامه عليك .. ماشي عالاكل تمام؟ "
" يعني .. الحمدلله "
" الحمدلله .. مدام مي ممكن دقيقه لو سمحتي؟ "
" اه تحت امرك اتفضل "
" عن اذنك يا عمرو "
" اتفضل يادكتور "
طلعت مي والدكتور من الغرفه وشريف وعمرو بصو لبعض بقلق
..
وبرا الغرفه ..
" خير يادكتور؟ "
" مش عارف والله يا مدام اقول ايه "
" قول يا دكتور ارجوك طمني "
" قبل اي حاجه هوا حضرتك حامل؟؟ "
" والله يادكتور انا شاكه بس لسه مش متأكده "
" طيب لازم تتأكدي ولو حامل لازم الجنين ينزل
"
" ايه !! ليه طيب في ايه "
