" هسسسسس وطي صوتك ونبي ياعمرو "
" اوطي صوتي ايه .. ايه اللي عامل فيك كدا تيشرتك
عليه دم ومقطوع ووشك كلو دم وتقولي وطي صوتك "
" ابوس ايدك ياشيخ تهدى هدخل اغسل وشي وارمي
التيشيرت دا واغير هدومي واجي احكيلك قبل ماحد يصحى ونبي اصبر "
" طب يلا ياشريف انا مستني "
" طيب بس محدش يعرف ها "
" حاضر يا استاذ "
دخل شريف بسرعه غسل وشو وخلع التيشيرت وطلع رماه في
الباسكت ودخل عالاوضه غير هدومه وطلع لعمرو
" ايه بأه "
" بص انا هفهمك ياعمرو كل حاجه بس اوعدني ماحد يعرف
ارجوك "
" اتكلم ياشريف ومتعصبنيش "
" اوعدني "
" وعد ياسيدي "
" مفيش بس واحد اسمه احمد كان صاحبي وعرف اني بحب
واحده اسمها شيماء راح عاكسها مره في التانيه راحت جت وحكتلي ورحت انا وصحابي
اتخانقنا فيه هوا واصحابه وجت شيماء انهردا متصله بيا بتعيط وبتقولي دا هوا قالي
انه مستنيك ولو راجل تعلالو وعاكسني تاني "
" وطبعا انتا عملت فيها سوبرمان ورحت تتخانق معاه
"
" طبعا رحت واتخانقنا وجيت اهو سليم مفيش فيا حاجه
"
" والله "
" اه والله "
" وهوا حصل فيه ايه "
" معرفش "
" ازاي يعني ياشريف "
" ضربناه وجرينا "
" ايــــــــه "
" ياعم ابوس ايدك وطي صوتك "
" عملتو ايه في الواد ياشريف "
" صاحبي جه من وراه بالازازه وخبطو على راسه وجاب
دم ووقع في الارض واحنا جرينا عليه "
" دا انتا نهارك اسود "
" لسه بس ياعمرو "
" انت متعرفش الواد دا لو حصله حاجه انتا واصحابك
هيحصل فيكو ايه ياباشا !؟ "
" هيحصل ايه يعني ولا هيعرفو يعملولنا حاجه "
" لا ياحبيبي هتاخد مش اقل من 5 سنين سجن "
" نعم والله مايحصل "
" يعني لما محامي يقولك كدا يبأه اكيد فاهم هوا
بيقول ايه قوم بينا نروح نشوف الواد حصلو ايه "
" لاء طبعا وانا مالي "
" ماهو ياتقوم معايا يا ماما وعمي يعرفو "
" استغفر الله العظيم يارب طب ايه لزمته اللي انتا
بتعملو دا ياعمرو "
" يابني انا بقولك اهو الواد دا لو حصلو حاجه انا
لو اترافعت عنك اخف حكم هتاخدو 5 سنين قوم بينا بسرعه قبل ما يصحو "
قام شريف وعمرو دخل لبس ونزلو خدو عربية عمرو واتصل شريف
بواحد من اصحاب احمد وعرف مكان المستشفى وراحو لاحمد عالمستشفى
هناك كانت مامت احمد واخته واصحابه اللي كانو في الخناقه
موجودين
" سلام عليكم "
" وعليكم السلام "
" حضرتك والدة احمد؟ "
" ايوا يابني انتو مين "
" دا شريف صاحب احمد وانا جوز اخته "
ام احمد بصت لشريف نظرة قهر
" انتا اللي عملت كدا في ابني جاي تشمت فيه حسبي
الله ونعم الوكيل "
" والله ما انا اللي عملت كدا ابنك ضربني وكانت
خناقة شباب عادية اصلا هوا اللي بدأ "
" وايه اللي جايبك "
" اا جايين نسأل عليه يامدام وشريف جاي يطمن عليه
من باب الصحوبيه يعني "
" ابني مغم عليه يااستاذ ولو حصلو حاجه مش هسكت
والله ماهسكت "
وفجأه جم اتنين لابسين لبس شرطه لحد ام احمد ..
" سلام عليكم .. حضرتك والدة احمد؟ "
" وعليكم السلام ايوا انا "
" طيب احنا محتاجين افادة حضرتك واصحاب احمد اللي
كانو معاه وقت اللي حصل "
شريف وعمرو بصو لبعض وشريف بدأ قلبه يدق جامد
" دا يافندم واحد من اللي كانو في الخناقه ضد ابني
واحد من اللي ضربوه "
وشاورت على شريف
شريف بصلها وبص للظابط
" دا حقيقي يا استاذ "
" ايوا يافندم "
" طيب انتا واصحابك تتفضلو معانا في القسم .. عايز
عناوينهم كلهم "
عمرو بص في الارض ومبقاش عارف يعمل ايه
وراح اصحاب احمد وشريف واصحابه عالقسم ومعاهم عمرو
وهما في
القسم بسمه اتصلت بعمرو وطلع عمرو برا عشان يرد عليها
"
الو "
"
ايوا ياعمرو فينك "
"
هحكيلك لما ارجع "
"
طب شريف كمان مش في البيت وموبايله مقفول احنا قلقنا عليك وعليه فجأه انتو الاتنين
مش في البيت "
"
متخافيش ياحبيبتي شريف معايا وموبايلو فصل شحن طمني ماما وعمي لحد مانيجي وانا
هفهمك كل حاجه "
"
ماشي خد بالك من نفسك انتا وهوا "
"
متخافيش "
"
لا اله الا الله "
"
محمد رسول الله "
وقفلو
رجع عمرو
عالاوضه اللي كان فيها
في
الناحيه التانيه قفلت بسمه مع عمرو وهيا مش مرتاحه وطمنت باباها ومامتها ودخلت
اوضتها
قعدت
عالسرير وفضلت ماسكه ايدها بايدها التانيه
وبتهز في
رجلها وهتموت من القلق وفي نفس الوقت مش عايزه تبين قلقها لمامتها وباباها زي
ماعمرو قالها عشان ميخافوش كفايه كانو قلقانين عليه من شويه
فضلت تلف
حولين نفسها في الاوضه مش عارفه تعمل ايه وبتعدي يكونو كويسين
في قسم
الشرطه كان الكل موجود وعرفو ان احمد بأه كويس وخيطولو راسه مكان الجرح
"
طيب ياشباب .. ايه اللي حصل بأه "
"
ممكن حضرتك انا اقولك؟ "
"
وحضرتك مين؟ "
"
انا جوز اخت شريف اللي اساس المشكله معاه .. محامي واسمي عمرو السيد "
"
اتفضل اتكلم "
وحكى
عمرو عالموضوع بس مجبش سيرة شيماء عشان اسمها ميجيش في اقصام شرطه وتتبهدل مع
اهلها وصورتها تبأه وحشه قدام اهل شريف
مجرد انه
فسر الموضوع ان شريف واحمد كانو من الاصل متخانقين بسبب انهم كانو بيهزرو والهزار
قلب جد
"
طيب احنا دلوقتي مستنين احمد لو هيتنازل عن المحضر كان بها متنازلش يبأه حضراتكو
ياشباب هتنورونا شويه "
كلهم بصو
لبعض وعمرو معرفش يقول ايه
شويه
ودخل واحد بيقول للظابط ان احمد ووالدته وصلو
"
ماشي دخلهم "
ودخلو ..
"
اهلا اهلا اتفضلو "
"
اهلا بحضرتك ياباشا "
"
ايه بأه يا احمد انا اللي عرفتو انكو اتخانقتو بعد هزار قلب جد "
"
حصل يافندم "
"
طيب انا عايز افادتك انتا ووالدتك "
"
مفيش حاجه اقدر اقولها لحضرتك اكتر من اللي الشباب قالوه "
"
طيب تمام قدامك حاجه من الاتنين .. يا تتنازل يانفتح المحضر "
احمد بص
لشريف بعين مكسوره شريف قام باصص في الارض
"
لا يافندم انا متنازل "
مامت
احمد بصتله بعصبيه واحمد بصلها نظرة فهمت منها انها متتكلمش
اول لما
شريف سمعه بيقول انه متنازل حمد ربنا ومعرفش يقول لاحمد ايه
"
ماشي يا احمد اللي تشوفو وياريت ياشباب تخفو هزار مش عايزين نخسر حد فيكو
شريف
واحمد تعالو امضو "
وراحو
مضو وطلعو
وقف شريف
ونده على احمد
"
شكرا يا احمد "
"
على ايه "
"
انك اتنازلت "
"
ولا يهمك مهما كان احنا جمع بينا ايام حلوه وانا اللي غلطان فيك من البدايه .. خد
بالك من خطيبتك بأه " وغمزلو
"
ماشي يا احمد شكرا مره تانيه والف سلامه "
"
الله يسلمك يامعلم يلا عن اذنك "
ومشي
احمد ومشيو صحاب شريف وعمرو خد شريف عالعربيه
اول مادخلو
العربيه عمرو بص لشريف بعصبيه
شريف
ابتسمله ابتسامه صفره وبص في الارض
"
انا اسف ياعمرو "
"
انا واقف ياشريف بدعي الواد يقول هتنازل بس عشان ماما وعمي وبسمه لكن والله لو
عليا كنت قلتلهم ياخدوك "
"
كدا بردو ياعمرو "
"
ااه كدا ياشريف من امتى واحنا بتوع شوارع وخناقات عيب عليك دنتا كلها سنه وهتبأه
دكتور "
"
ياسيدي خليها على الله "
"
ونعم بالله عموما بسمه كلمتني وكانو قلقانين علينا وانا قلتلها انك معايا عشان
حضرتك موبايلك مقفول قلتلها انو فاصل شحن "
"
ياااااااه صحيح "
"
ماشي متلغبطش في الكلام بأه احنا نطلع على محل الدهب نجيب سلسله لبسمه وندخل عليهم
على اساس اني كنت رايح اجيب هديه لبسمه ولقيتك في الطريق صدفه وخدتك وجبناها
وروحنا "
"
والله فكره تمام يامعلم "
"
تمام "
"
شكرا ياعمرو "
"
ميهمكش ياشريف انتا اخويا الصغير بس بجد هنزعل من بعض تاني مره لو دا اتكرر "
"
خلاص والله مش هيكرر كفايه قلبي اللي كان واقع مني انهردا وانا مستني احمد يقول
يتنازل ولا لاء الحمدلله "
"
الحمدلله .. ايه حكاية شيماء دي بأه "
"
مفيش ياسيدي بحبها من السنه اللي فاتت وواعدها اول ما اخلص الكليه هاجي اخطبها
وطول السنه دي بعاملها فعلا على انها خطيبتي بيني وبينها وقدام الناس عشان محدش
يقول عليها نص كلمه "
"
وهيا بتحبك؟ "
"
طبعا "
"
ماشي ناوي تفتح الموضوع امتى في البيت "
"
اخلص امتحانات بس انشالله واكلم بابا "
"
على خير انشالله ربنا يوفقكو ياشريف "
"
امين يارب .. تسلم ياعمرو "
"
ماشي فرفش كدا بأه وانسى ويلا ننزل اهو دا المحل اللي دايما بجيبلها منه دهب
"
"
اشطه يلا "
ونزلو من
العربيه دخلو المحل واختارلها سلسله مكتوب عليها عمرو
وخدوها
ودفع عمرو الفلوس وركبو العربيه وراحو عالبيت
اول لما
وصلو ودخلو البيت بسمه جريت عليهم
"
في ايه كنتو فين "
nice
ردحذفhillary
thnQ
ردحذف