" انتا عايز ايه تاااااااني "
" بسمه؟ .. اهدي يا بسمه بس "
" اهدى ؟ ازاي اهدى وانتا بتخوني كدا عيني عينك اول
ما صدقت اني بقولك طلقني .. حل عني بأه كفايه من ساعة ما شفتك وانا كل حاجه في
حياتي متلغبطه كفاااااااااايه "
" انا يا بسمه !!!! "
" هوا في غيرك ملغبطلي حياتي ما تروح بأه كفايه
ابعد عني طلقننننننني "
قامت مامتها وباباها يهدو فيها وطلع شريف على صوتها وهيا
بتصرخ وبص لعمرو
" انتا ناوي تعمل فيها ايه تاني ما كفايه يا اخي مش
كفايه شفتك بعيني عايز ايه تاني "
" شريف بس .. معلش ياعمرو يابني هما مش قادرين
يفهمو الموضوع "
" نفهم اييييييييييييه نفهم ايه لما انا شايفه
بعنيا .. امشي يا عمرو وزي ما قلتلك ورقة طلاقها توصل كبيرك معايا بعد بكرا .. امشي
من هنا "
" شريف !!!!!!!!!!
عمرو اصبر يا عمرو يابني اصبر ..
ايه يا شريف اللي بتقولو دا "
" ونبي يا ماما ماتقولي حاجه بسمه هتروح مننا واحنا
متعاطفين مع سياته!! .. تعالي يابسمه "
نزل عمرو من البيت وشريف خد بسمه اوضته وخدها في حضنه
وفضل يمسح على شعرها ويهدي فيها
ووالد ووالدة بسمه واقفين يبصو لبعض مش عارفين يعملو ايه
سمعو صوت منار بتعيط جريت مامة بسمه عليها وبابا بسمه
دخل لبسمه وشريف الاوضه
" اهدي يابنتي الله يرضى عليكي واسمعيني شويه بأه
كفايه لعب العيال اللي بيحصل دا "
بسمه قامت من حضن شريف وبصت لباباها وهيا بتمسح دموعها
..
" اسمعيني يابنتي وانتا كمان ياشريف لازم تسمع
الكلام دا كويس اوي ..
عمرو مغلطتش يابنتي في اي حاجه .. اول مره لما حصل وجيتي
البيت من غير ما تقوليلو دا غلطك انتي مش هوا
ومينفعش انك تطلبي منو الطلاق بسبب انه على صوته شويه
عشان حاجه لازم كنتي تعمليها
الراجل مستحمل وساكت على كل حاجه من يوم الحادثه لانه
بيحبك وعارف انك ملكيش ايد في اي حاجه
اما بأه اللي حصل انهردا ف كلو سوء تفاهم مجرد ان المدام
اللي كانت موكلاه على قضيتها
فرحت بنجاح القضيه وعزمته عالغدا والمفروض انك تفرحي
لنجاح جوزك وحب زباينه ليه مش العكس
تطلبي منه الطلاق عشان ايه يابسمه!
وانتا ياشريف يابني متشعللهاش بزياده الراجل مغلطش ف
حاجه وانا سمعته انا وماما وفهمنا اللي حصل
انتا يابني اللي فهمت غلطت مش اكتر
بصي يا بسمه .. عمرو بيحبك ودي حاجه كلنا متأكدين منها
وانتي مش متأكده منها يمكن .. بس دا لسبب واحد بس مجرد انك ناسيه
انما انتي لو تصبري على رزقك شويه لحد ما اعصابك ترتاح
وتقدري تفتكري اي حاجه هتكتشفي ان كل اللي بيحصل اليومين دول
غلط في غلط وان بسمه مراااات عمرو عمرها ماتفكر في ربع
اللي بيحصل دا ولا عمرها تفكر تبعد عن عمرو جوزها حبيبها
استهدي بالله يابنتي واقعدي لوحدك وفكري كتير اوي وصلي
استخاره ولو حسيتي انك خلاص فعلا مش قابلاه انا هقولو انه خلاص مفيش امل .. وانتا
ياشريف ارجوك تكلمو تعتذرلو يابني .. عشان بجد عمرو اتهان جامد في بيتنا انهردا ..
"
وقام سابهم من غير ما يستنى يسمع منهم اي كلمه
بسمه سكتت تماما عن البكا وطلعت من اوضة شريف وهيا
سرحانه قامت دخلت على اوضتها
" ماما بعد اذنك خدي منار وسامحيني عايزه اقعد
لوحدي شويه "
" حاضر يابنتي .. ربنا يهديكي "
وباست على راس بسمه وخدت منار في حضنها وطلعت وقفلت
الباب وراها
بسمه قعد عالسرير وهيا متنحه .. حاسه انها مش في وعيها
حست ان كلام باباها اثر جامد اوي فيها .. وانها ظلمت
عمرو جامد
لكن كمان من جواها مش مرتاحه .. مش مبسوطه .. مش عايزه
تكون مع عمرو
رغم كل حاجه حلوه في عمرو ورغم انها مشافتش منه غير كل
خير من يوم ما فاقت من الحادثه لانها مش فاكره حاجه قبلها
لكن الايام الاخيره بوظت الدنيا كلها لمجرد سوء التفاهم
اللي حاصل
فتحت الدرج اللي جنبها وطلعت الصور بتاعتها هيا وعمرو
وبدأت تتفرج عليهم
وكل صوره تمر عليها تحس من جواها انها عاشتها لكن عقلها
لسه رافض يحس او يفتكر حاجه من اي موقف منهم
كل اللي عقلها قادر يعملو انه يفكر والتفكير دا بيتعب
جامد اوي خصوصا لو عكس اللي القلب حاسس بيه
نامت عالمخده وفضلت تكمل الصور لحد مانعست وجنبها
الالبوم
وكأنها نايمه في حضن ذكريات حلوه ملهاش مكان في الواقع
في الناحيه التانيه كان عمرو بيسوق وفي ايده سيجاره كل
ما تخلص يولع التانيه على طول
ودموعه في عنيه مش عارف يعمل ايه
ولا حتى يروح فين
وقف العربيه في شارع فاضي ومسك السلسله اللي عليها صورة
بسمه
" بأه كدا يابسمت عمري!!
كدا تعملي معايا كل دا ..
انا بحبك يابسمه مقدرش استغنى عنك ودموعي دي تشهد عليا
ميهمنيش اي حاجه من اللي حصلت انهردا والاهانه اللي
خدتها من شريف لان حقه انه يتصرف كدا
لكن انتي يابسمه .. انتي !! ازاي ياحبيبتي تصدقي عليا
حاجه زي كدا
ازاي يابسمه تطلبي تبعدي عني بعد كل اللي ما بينا دا ..
مش يبأه حرام؟ كل اللي بينا دا ينتهي ..
والله حراااام "
ودموعه نزلت اكتر واكتر وحس انه مخنوق اوي
بص في الساعه لقاها 11 بليل
حرك العربيه من تاني ومشي بيها مش عارف رايح على فين
لحد ماوصل قدام
Night club
معرفش وصل لحد هناك ازاي ولا هيعمل ايه لما يدخل بس قفل
عربيته وساب موبايله جوا ودخل
بص حواليه لقى ناس كتير موجوده ومناظر عمرو في حياته ما
كان يفكر يتفرج عليها حتى عالتليفزيون
قعد في البار وقال للجرسون يديه اي حاجه تخليه ينسى اللي
هوا فيه
لانه ميعرفش نوع اي حاجه ولا عمرو جرب الكلام دا قبل كدا
وحطله الجرسون كوبايه مليناه ربعها بس
مسك عمرو الكوباية وشرب مكملش حاجه وحط الكوبايه وحس
باحساس وحش جدا
حس انه بيرمي نفسه لسكه غلط وحرام ..
حس انه بكدا بيخسر كل مايملك وزياده على كدا بيخسر رضا
ربنا عليه
طلع بسرعه وركب عربيته واتحرك عالبيت وهوا منهار عياط
اكتر واكتر
" ياااااااااااااااارب .. انا ازاي فكرت ف كدا اصلا
.. يارب!!
" يارب سامحني يارب !! ورجعلي بسمه ياااارب .. يارب
"
لحد ماوصل للبيت
نزل من العربيه وطلع دخل عالبيت وقفل وراه الباب رمى
موبايله عالسفره ومفاتيح العربيه وراح على سريرو وفضل يبكي لحد مانعس
تاني يوم صحى على صوت خبط جامد اوي عالباب
قام مخضوض وجري عالباب
" ايوا .. ايوا ثواني "
فتح باب الشقه ولقى شريف قدامه
" ازيك ياعمرو "
" اهلا اتفضل ياشريف "
" انا اسف صحيتك بس انا الليل كلو بتصل بيك مش بترد
"
" ميهمكش .. ثواني واجيلك "
وراح دخل غسل وشه عشان يفوق وطلع لشريف
" عامل ايه دلوقتي ياعمرو "
" الحمدلله .. "
" انا اسف ياعمرو "
" على ايه ياصاحبي "
" عاللي حصل مني امبارح .. بجد انا بعتذرلك والله
جامد اوي .. مش عارف اقولك ايه بس غصب عني
انتا عارف انا بحب بسمه اد ايه ومقدرش اشوف حاجه بتجرحها
واقف ساكت مبعملش حاجه "
" حقك ياعمرو وحقها واللي عايزينو هعملو مع اني
مقدرش اعيش من غيرها بس راحتها اهم عندي من اي حاجه "
" مش عارف اقول ايه بس عن نفسي بتنازل عن الكلام
اللي قولته امبارح كلو ولو مش عايز تطلق او عايز
دي حاجه بينك وبين بسمه
وانا مليش فيها تاني خلاص "
" ربنا يخليك ياشريف انا عمتن قررت اعمل اللي هيا
عايزاه وانا متأكد انها في يوم هترجع بس يارب ميبأش متأخر رجوعها "
" تقصد ايه "
" مش عارف .. كلام وخلاص ... تشرب ايه "
" لالالا مش هشرب حاجه دنا عندي امتحان كمان ساعه
يادوب الحق روح .. دعواتك بأه "
" ربنا معاك وتخلص السنادي على خير واشوفك دكتور
كبير ياشريف .. وتتجوز شيماء كمان "
" امين يارب ياعمرو ربنا يخليك .. متزعلش مني عشان
خاطري "
" مقدرش ازعل من اخويا "
حضنو بعض وسلم شريف على عمرو ومشي ..
عمرو دخل على اوضته وفضل قاعد عالسرير وحاسس ان وجع
دماغه بدأ الالم فيه من تاني
قام دور عالبرشام اللي بياخدو .. شربو وعمل كوباية شاي
وشربها
وطلع يقعد في الصاله سمع موبايله بيرن
راح مسكه وبص عليه لقااها مي
" يااااااااااه نسيت اكلمك يامي !! "
ورد عليها ..
" الو "
" الو ياعمرو ازيك "
" الحمدلله صباح الخير "
" صباح النور فينك كل دا اتصلت بيك كتير اوي
عالموبايل وعالمكتب قلقتني عليك من امبارح "
" معلش والله يا مي حصل حاجات كتير اوي ومسمعتش
الموبايل كنت نايم ولسه صاحي من شويه "
" شكلك رجعت لبسمه عشان كدا مطنشني "
" لالالا ابدا والله مش مطنشك دنا سايب الموبايل
برا والله ونايم في الاوضه "
" طب وبسمه؟ "
" مالها يا مي "
" رجعتلها "
" لاء! "
مي اول لما سمعت الكلمه دي حست قلبها ارتااااااااح وفرحت
وابتسمت وهيا بتكمل كلام لدرجة ان عمرو حس بصوتها وهيا
مبتسمه
ومفهمش معنى اللي حصل دا ...
" طب بقولك ايه يلا ننزل انهردا انا عازماك عالغدا
بس عندي في البيت عايزه ادوقك اكلي "
" لالالا بلاش انهردا يامي والله تعبان جدا "
" ايه دا مش عايز تدوق اكلي اخس عليك بجد "
" مش كدا والله يا مي انتي زعلتي ولا ايه "
" اكيد طبعا "
" انا اسفه طيب "
" لاء مش هرضى الا اما تيجي انا مستنياك يلا سلام
"
وقفلت قبل ما عمرو يرد وهيا متأكده انه هيروحلها بعد دور
الزعلانه دا ...
عمرو بص للموبايل باستغراب وهوا مش فاهم ايه اللي حصل دا
..
قعد مع نفسه شويه مش عارف يروح ولا لاء
" بس ماهو اصل بردو عيب منظرها ايه قدام الناس دي
لسه خالعه جوزها وراجل غريب يدخل بيتها يومين ورا بعض
بس عيب عليا بردو مروحلهاش دي زعلت وانا مبعرفش ازعل حد
مني ..
طب اعمل ايه ياربي !!! "
فضل يفكر كتير اوي ومعرفش يتصرف ازاي
عند بسمه
صحيت من النوم اتوضت وصلت وبعد ما خلصت صلاه صلت صلاة
استخاره
عن طلاقها من عمرو
ومسكت موبايلها بعد ما خلصت وكلمت عمرو
عمرو اول لما شاف رقم بسمه بيتصل نط من مكانه
" الو "
" صباح الخير "
" صباح النور على عيونك يابسمه "
" بص ياعمرو .. بابا كلمني امبارح وفهمني حاجات
كانت تايهه عني ...
انا هصبر على موضوع الطلاق دا .. لحد ما احس باللي ربنا
هيبعتهولي "
" يعني ايه مش فاهم "
" يعني انا صليت صلاة استخاره .. واللي هحس بيه
هعمله
لو حسيت اني مرتاحه للطلاق هطلبو منك تاني والمرادي
هيتنفذ اما لو مش مرتاحه يبأه نشوف ساعتها هنعمل ايه "
" ربنا يقدم اللي فيه الخير يابسمه بس تسمحيلي
اقولك حاجه واحده بس "
" اتفضل "
" وحشتي بيتك وجوزك .. اوي ياعمري "
" طيب ياعمرو عن اذنك هقفل انا بأه سلام "
" سلام يانور عنيا "
وقفلو مع بعض
ونسي خالص عمرو موضوع مي
دخل على الاوضه ونام عالسرير وفضل يفكر في بسمه ويفتكر
كل لحظه كانت معاه فيها في البيت دا
وهوا نايم سرحان رن موبايله تاني
بص عليه لقاه رقم مي
" ياااااااه نسيت "
ورد عليها مضطر
" طب ايه يعني كدا استنى كتير؟ "
" ايه "
" يلا بأه عشان خلاص الاكل قرب يخلص مستنياك "
" بس .. "
" مفيش بس .. يلا يلا يلا انجز "
" اممممم يا مي "
"
يلا بأه ياعمرو !! "
الحلقة جميلة اوي بس مي بتستهبل
ردحذفلولو
وجودك اجمل يا قمر
ردحذف