بسمه بصت لمامتها بخوف ومامتها قالتلها ترد عليه
مسكت الموبايل من شريف وهيا مش عارفه تعمل ايه
" الو .. "
" انتي ازاي تسيبي البيت وتمشي يا بسمه وانا نايم
.. حد قالك انك متجوزه كيس جوافه !!!!!!!!!!!!!!! "
" ايه الكلام دا "
" لاء .. ايه اللي انتي بتعمليه دا .. ازاي تعملي
كل دا وكمان تمشي من البيت "
" ايييييييييييه هوا انا عملت ايه عشان كل دا انتا
من لما جيت من الشغل وانتا قاعد تتعصب عليا وانا مستحملتش "
" مستحملتيش يابسمه؟ ماشي يابسمه براحتك مع السلامه
"
" مع السلامه ياعمرو "
وقفلو مع بعض وجريت على اوضتها وفضلت تعيط ...
مامتها سابت منار عالكنبه وحطت جنبها مخده ودخلت لبسمه
الاوضه
" بسمه متعيطيش انتي غلطانه "
" يا ماما انا عملت ايه "
" مستأذنتيش منه لما نزلتي وبعدين باين انه متدايق
من وجود منار "
" منا سألتو وهوا وافق وقاللي اللي نفسك فيه
اعملهولك لو كان رفض مكنتش فتحت الموضوع تاني يا ماما هوا انا ذنبي انا فقدت
الذاكره وكمان الانجاب .. اعمل ايه يعني يا ماما "
" صالحي جوزك يابنتي "
" لاء .. مش عايزاه "
" متخربيش بيتك بايدك يابسمه "
ودخل عليهم شريف
" تعالى ياشريف شوف اختك .. قال ايه مش عايزه عمرو
"
" نعم!! يعني ايه "
" يعني يسيبني "
" يسيبك دا ايه انتي مراته انتي اتجننتي "
" لاء ياشريف متجننتش .. بس فقدت ذاكره .. خلااص؟
"
وانهارت في العياط اكتر
شريف راح خدها في حضنه وفضل يهدي فيها
في الناحيه التانيه عمرو كان متنرفز اوي وبدأ الصداع
يمسك فيه من تاني
راح مسك علبة السجاير وبدأ يحرق واحده ورا التانيه وعمل
كوباية قهوه وشربها
وفي اللحظه دي ليه ميعرفش لكن مي جت على باله وقال يسأل
عليها عشان تعبانه
ومسك موبايله فضل يدور على رقمها لحد ما لقاه واتصل بيه
" الو "
" الو اهلا يامتر "
" اهلا مدام مي عامله ايه "
" الحمدلله بخير في حاجه ولا ايه "
" اممم ابدا مفيش عرفت انك تعبانه الف سلامه مالك
"
" الله يسلمك مرسي .. مفيش شويه برد كدا "
" لا معلش ربنا يشفيكي طيب هتشرفيني بكرا في المكتب
ولا ايه عشان نشوف اخر حاجه هنوصلها ايه قبل ما تبدأ الجلسه "
" هيا خلاص باقي عليها اقل من اسبوع مش كدا "
" تمام كدا "
" خلاص بكرا ان شاء الله اكون عند حضرتك في المكتب
"
" وانا في انتظارك "
" ماشي مع السلامه "
" مع السلامه "
قفلو من هنا والاتنين حاسين انهم مرتاحين من المكالمه
رغم ان مفيش اي حاجه اتقالت فيها
قام عمرو يدور على اكل لقى اكل بسمه سايباهولو في الفرن
سخنه وبدأ ياكل فيه
في الناحيه التانيه كان بابا بسمه صحي وهوا وبسمه
ومامتها وشريف قاعدين
ومنار في اوضة بسمه عالسرير نايمه
" بالراحه بأه يابنتي .. دلوقتي عمرو ايه اللي عملو
عشان عايزه تسيبيه "
" معملش حاجه يا بابا بس خلاص انا كدا كدا مش هفتكر
فيه حاجه ومش عايزاه خليه يطلقني "
" يامصيبتي "
" ايه يا ماما "
" يابنتي اعقلي يهديكي يرضيكي مينفعش اللي انتي
بتقوليه دا "
" انا عاقله وتمام وزي الفل .. وبردو عايزه اتطلق
"
" والناس تقول ايه عليكي يابسمه انتي مكملتيش
25 سنه حرام عليكي اللي انتي بتعمليه قي نفسك دا يا بسمه انتي قدامك
لسه العمر حرام يتكتب في بطاقتك مطلقه "
" شريف انا موافقه انه يتكتب مطلقه .. ميهمنيش ..
وعادي هعيش حياتي معاكو واهي منار هتملى عليا حياتي "
" مش عارف اقولك ايه يابنتي .. طب عمرو عرف الكلام
دا "
" لاء لسه ياريت تكلموه وتقولولو يجي وتتفاهمو انتو
معاه "
" الله يهديكي يابنتي "
عند عمرو كان خلص اكل ودخل المكتب يكمل شغل عالقضيه
بتاعته
وفضل سهران عليها لحد تاني يوم
اول لما وصل لمكتبه اول حاجه سأل عليها مدام مي
واللي عرفو من السكرتيره انها لسه مجتش
شويه والباب خبط عليه
" اتفضل "
" مدام مي وصلت يافندم "
" اه خليها تتفضل خليها تتفضل "
" تحت امرك "
وطلعت السكرتيره من هنا وعمرو قام وقف ودخلت مي ..
" اهلا اهلا مدام مي اتفضلي "
" اهلا ازي حضرتك يامتر "
" الحمدلله تمام انتي عامله ايه انهردا "
" احسن كتيييير الحمدلله "
" الحمدلله .. بقول لحضرتك ايه متيجي نطلع نتغدى
برا انهردا ونتكلم في باقي امور القضيه "
مي لما سمعت الجمله دي اتخضت ومفهمتش هوا قال كدا ليه
ولا ازاي
بس من جواها كانت مبسوطه مش عارفه ليه
" اوكي "
" تمام اتفضلي "
ونزلو سوا ركبو عربية عمرو وعمرو قام ماسك موبايلو وقفلو
وكل شويه يبص لمي ويبتسم
راحو قعدو في مطعم وطلبو اكل وقعدو
" ها يا مدام مي "
" قبل ما تكمل كلام ممكن معلش تبطل تقول مدام دي
وتقول مي على طول "
" حاضر تمام بس انتي كمان تقوليلي عمرو "
" خلاص اتفقنا "
" اتفقنا "
في الوقت دا كان والد بسمه بيتصل بعمرو عشان يجي يتغدى
معاهم ويتكلمو في موضوع الطلاق وكل مايتصل يلاقي موبايل عمرو مغلق
عمرو ومي خلصو غدا ومي نفسيتها مرتاحه جدا ومبسوطه بس
مستغربه من تصرفات عمرو ونظراته
اما عمرو ف كان حاسس انه ناسي الدنيا كلها وحاسس احساس
جديد مطلعه من الزعل اللي كان فيه وشدة الاعصاب
واتفقو انهم يتقابلو بعد بكرا في المحكمه عشان الجلسه
هتبأه يومها
عمرو وصل مي البيت وراح روح على بيته
وهوا في الطريق بيبص على المرايه عينه جت على صورة بسمه
حس قلبه وجعه اوي وبينه وبين نفسه قال " تعبتيني
"
كمل طريقه لحد ما وصل للبيت وطلع حط دماغه عالسرير محسش
بنفسه
تاني يوم صحى مكسل وقام فاتح الموبايل اتصل بالمكتب وقال
للسكرتيره انه مش هيقدر يجي انهردا وانه واخد اجازه
وقام متصل بمي ..
" الو "
" اهلا ازيك يا مي "
" تمام يا عمرو انتا عامل ايه "
" بخير طول مانتي بخير .. انا انهردا واخد اجازه من
الشغل وناول اقعد بأه عالقضيه اخلصها انهردا لازم نكسبها بكرا ان شاء الله "
" ياااااه اد ايه هفرح يا عمرو لو كسبنا الفضيه هحس
اني اخيرا اتحررت منه ومن سجنه "
" متقلقيش ان شاء الله هيحصل وربنا يرزقك باللي
يسعدك ويستاهلك "
" ياريت بجد يكون في يا عمرو "
" صدقيني في "
مي ارتبكت وحست انه بيرمي كلام ورغم انها كانت مبسوطه
لتلميحاته الـ غير مباشره ابدا دي لكن كانت مبسوطه منها
خلصو كلام وقفلو ولسه هيتصل عمرو بمطعم يجيبله اكل ..
لقى موبايله بيتصل
" شريف !! اممممم يا ترى في ايه "
وفتح عليه الخط
" الو "
" الو "
" ايوا ياشريف ازيك "
" الحمدلله فينك ياعمرو من امبارح "
" موجود "
" اومال موبايلك مغلق طول اليوم ليه "
" ابدا كنت مشغول بس ومش عايز اكلم حد وكدا يعني
"
" امممم طب تعالى يلا مستنينك عالغدا وعايزينك في
موضوع مهم "
" خير؟ "
" لما تيجي هتعرف يلا انجز وتعالى "
" ماشي ياشريف بس انا همشي بسرعه عشان عندي مرافعه
في المحكمه بكرا ولازم اشتغل عالقضيه "
" ولا يهمك يلا مستنينك "
" اوكي سلام "
" سلام "
قفلو سوا وعمرو مش مطمن لصوت شريف ابدا
غير هدومه ونزل ركب عربيته وطلع على بيت اهل بسمه
اول لما وصل شريف اللي فتحله
" اتفضل ياعمرو "
عمرو حس ببرود في التعامل ودخل من غير مايسلم ...
دخل قعد وبص لشريف
" في ايه "
" ابدا مفيش "
" انتا شايف كدا يعني ياشريف "
" هتعرف كل حاجه دلوقتي "
" ايه الجو دا ماتنطق ياشريف "
" اصبر على رزقك لحد ما ماما و بابا وبسمه يطلعو من
الاوضه "
" وايه جو الاجتماع السري دا كمان مالكو ياجماعه في
ايه "
" حالا تعرف "
وطلعو مامت وبابا بسمه من غيرها وكل دا عمرو ولا فاهم
حاجه ولا جاي اساسا على باله انهم عايزينو في موضوع طلاق !
سلم عليهم ومامة بسمه جابت الاكل وحطته وقعدو ياكلو وكل
دا في صمت كبير اوي
خلصو غدا وعمرو بصلهم
" ممكن افهم في ايه بأه وفين بسمه كل دا "
" في اوضتها ياحبيبي "
" بتعمل ايه في اوضتها مطلعتش تتغدا معانا ليه يا
ماما هيا غضبانه عليا ولا ايه "
" استهدى بالله بس .. هيا قاعده بتنيم منار "
" اااااااااااه مناااااااار قولتيييييييييلي ..
ماشي براحتها عالاخر .. اؤمروني "
" الامر لله وحده تعالى يابني نطلع البلكونه ونتكلم
براحتنا "
" حاضر ياعمي "
قامو شريف وعمرو ووالد شريف عالبلكونه ودخلت الام تعمل
شاي
قعدو وعمرو باصصلهم مستني حد فيهم ينطق
" خير ياعمي ؟ "
" خير يابني ان شاء الله .. بص ياعمرو انا عارف
انتا اد ايه بتحب بسمه بس في مشكله "
" مشكله !!؟ مشكلة ايه ياعمي "
" مش عارف يابني اقولك ايه والله "
" لا اله الا الله هتجنونوني ليه طب اتكلم انتا
ياشريف .. مالها بسمه في ايه ياجماعه "
شريف بص لعمرو بعين مكسوره قلب عمرو وجعه من دي النظره
" بسمه طالبه الطلاق ياعمرو "
حلوه اويييييييي و بتمني انك تكمليها في اسرع وقت يا رب
ردحذفرنا بلييييييييييييييز فين الباقي القصه حلوه اوي نفسي اكمل ارايتها بلييييييييييز رنا حولي تخلصيها بسرعه
ردحذف