" انتي عارفه اللي انا كنت فيه الفتره اللي فاتت
"
" تمام .. "
" وخلاص انا طلقت بسمه .. اي نعم مش عارف لسه انساها
بس مسيري هنسى واتعود بس محتاج اللي يساعدني في كدا "
" انا جنبك "
" مي ؟ "
" نعم "
" تتجوزيني .... ؟ "
مي بصت لعمرو وحطت ايدها على شفايفها من الصدمه ودموعها
نزلت ..
" مالك يا مي "
" مش مصدقه اللي انتا بتقولو "
" عايزك تساعديني يا مي .. تنسيني كل حاجه "
" وانا جنبك زي ما قلتلك ومعاك وهنسيك "
" يعني موافقه "
مي هزتله راسها بالايجاب وعمرو ابتسملها
خلصو اكل واتفقو يروحو عالمأذون يتجوزو واتفقو على انه
ميكونش فرح كبير ولا اي حاجه مجرد وجود المأذون وانتهى الموضوع
ولان مي باباها متوفي ومامتها مش في حياتها من زمان
وعمرو ملوش اهل خالص غير اخوه اللي برا مصر اساسا
ف مكنش له داعي ابدا الفرح ..
وتمت كل حاجه وطلعو من عند المأذون
" مبروك ياعروسه "
" مبروك انتا عليا ياعمرو .. انا بجد مش مصدقه
"
" بصراحه ولا انا .. يلا بينا ؟ "
" هنروح فين طيب "
" هنسافر على اسكندريه ايه رأيك .. عندي شاليه
بتاعي هناك نروح نقعد فيه "
" واااااو بحبها اوي بس دلوقتي؟ "
" حد فينا وراه حاجه .. هاخد اجازه اسبوع ولا اتنين
من الشغل وانتهت المشكله على كدا "
" هههههههه انتا مجنووووووون "
" انتي لسه شفتي جنان يلا كل واحد فينا يطلع على
بيته بعربيته يجهز لبسه وانا هعدي عليكي اول لما اخلص ونسافر بعربيتي انا "
" تمام اتفقنا "
" على فكره لما نرجع ان شاء الله هبيع شقتي دي عشان
اتخلص من كل بواقي ذكريات السنين اللي فاتت واشتري شقه تانيه ونعيش سوا فيها
"
" وانا موافقه "
" تمام يلا .. ؟ "
" يلا ... "
وكل واحد خد عربيته وروح على بيته حضرو شنطهم وعمرو خلص
وعدى على مي وطلعو عالطريق
طول الطريق و مي باصه لعمرو ومش مصدقه اللي هيا فيه حاسه
انها بتحلم ..
اما عمرو ف كل شويه يبصلها ويبتسم وشويه ونعست مي ..
لحد ما وصلو
" مي .. يا مي .. يلا قومي "
" اممم في ايه "
" يلا وصلنا الشاليه "
" ايه دا انا نعست "
" هههههه اه يلا قومي "
" صباح الخير ياحبيبي "
" صباح النور على عيونك ياقمري يلا بأه "
" حاضر "
وخد عمرو الشنط دخلها الشاليه ورجع لـ مي نزلها ومسك
ايدها لحد ما دخلو
" ياااه يا عمرو تحفه الشاليه دا .. دايما بتيجي
هنا؟ "
" لاء انا بقالي سنين مجتش اسكندريه "
" اااه .. بس جميل اوي منظر البحر ... هيا الساعه
كام ياعمرو "
عمرو بص في ساعته
" الساعه 3 الفجر "
" انا نفسي ارجع انام تاني "
" وانا نعسان اوي يلا بينا "
" يلا "
ودخلو ينامو وقفل عمرو موبايلو ...
تاني يوم صحي لقى مي لسه نايمه
قام من عالسرير وبص عليها وابتسم
افتكر بسمه اللي خلاص راحت منو ومش راجعه واللي معدش له
الحق انه يفكر فيها
وخلاص لازم يدي حياته كلها لـ مي من انهردا
عالاقل بتحبو ومستعده تعمل عشانه اي حاجه ...
قام غسل وشه وعمل فطار ودخل بالصينيه الاوضه
وقرب من مي وباسها على راسها
مي حست بعمرو وفتحت عينها لقته في وشها وبيبتسم
" صباح الخير ياعروستي صباحيه مباركه "
" ههههه صباح النور ايه الدلع دا كلو دا "
" دا اقل حاجه اقدمهالك يلا قومي اغسلي وشك وتعالي
نفطر عشان ننزل عالبحر "
" حاضر "
وقامت مي غسلت وشها ورجعت وقعدو يفطرو سوا
" عمرو خدت اجازه؟ "
" اجازه من ايه "
" من الشغل طبعا "
" يااااااه تصدقي فكرتيني انا من امبارح وانا قافل
الموبايل اصبري اتصل بالسكرتيره اقولها .. "
" هههههههه مش بقولك مجنون "
مسك عمرو موبايلو واتصل بالسكرتيره وقالها انه واخد اسبوعين
اجازه من الشغل عشان اتجوز
باركتله السكرتيره وسألته ازاي ومين وراحت فين بسمه
وحكالها باختصار وقفلو ورجع قفل موبايلو
" كدا تمام "
" تمام ياعمرو .. يلا بينا بأه عايزه اطلع البحر
"
" حاضر يلا "
وقامو الاتنين غيرو هدومهم ونزلو عالبحر
اول ما وقفو عالشط عمرو قال لمي انه داخل يجيب حاجه من
الشاليه وراجع تاني
وراح مشي عالشاليه واول ما لقاها بصت للبحر تاني قام جري
عليها من ورا وشالها ودخل عالبحر جري
" هههههههه عمرو لاءااااااا يا عممممممممرو "
" ايييييه "
" بخااااااااف "
" متخافيش انا معاكي ولو هنغرق هغرق انا واخليكي
تعيشي "
مي بصتلو وهيا في حضنو وحاوطته بايدها على رقبته وقربت
ليه اكتر
" عمرو؟ "
" نعم "
" انا بجد بحبك "
" وانا والله خلاص حبيتك وعايزك معايا دايما "
" بجد يا عمرو ؟ "
" بجد حبيبتي "
" ياااااااااااااااااه انا اسعد انسانه في الدنيا
دلوقتي "
" طب اصبري كدا نجرب انزلك الميه ونشوف لسه مبسوطه
ولا لاء "
" لالالا عمرو لاءا هههههههه اوعى عشان خاطري بخاف
والله "
" ههههههه حاضر حاضر متخافيش قولتلك "
وفاتت الايام يوم ورا التاني وعمرو ومي عايشين مبسوطين
في اسكندريه ومي قادره تسعد عمرو وتنسيه كل حاجه على اد ما تقدر
اما الناحيه التانيه ف شريف وباباه كانو بيحاولو يتصلو
كتير بعمرو عشان يطمنو عليه بس مفيش فايده
دايما الموبايل مغلق
فات اسبوع وكان خلاص خلص شريف امتحناته
وباقيله اسبوعين عالخطوبه عبال ما يجهزو نفسه هوا وشيماء
وفي يوم راح شريف عالمكتب عند عمرو يسأل عليه
اول لما دخل ملقاش السكرتيره
دخل جوا لقى واحده من المحاميين في مكتبها
خبط ودخل
" سلام عليكم "
" اهلا وعليكم السلام اتفضل "
" معلش بس انا ملقتش السكرتيره برا وبسأل عن المتر
عمرو "
" مين حضرتك "
" انا شريف اخو بسمه اللي كانت مرات عمرو "
" اهلا وسهلا بحضرتك "
" اهلا بيكي "
" هوا عمرو مسافر والله بقالو اسبوع "
" مسافر؟ معقوله سافر امريكا عند عامر من غير ما
يسلم علينا "
" لاء هوا مسافرش لاخوه امريكا "
" مسافرش امريكا!!! اومال راح فين "
" هوا حضرتك معرفتش؟ "
" لاء!! "
" دا كل المكتب عرف ... عمرو اتجوز بقاله اسبوع وسافر
اسكندريه "
شريف سمع الجمله من هنا وحس بسكاكين في زورو مش عارف حتى
يبلع ريقو
حاول يجمع اللي هيا قالته ومش مستوعب لسه
" حضرتك قولتي ايه ! "
" سافر مع مراته الجديده اسكندريه ! "
" معلش ممكن لو سمحتي اعرف مين هيا "
" لاء بصراحه معرفش كل اللي اعرفه انه بقالو اسبوع
متجوز ومن يومها وهوا في اسكندريه يمكن واحده من اسكندريه ولا حاجه "
" طيب متعرفيش هيجي امتى "
" كمان اسبوع ان شاء الله "
" طيب متشكر جدا "
" لا مفيش اي حاجه تحت امر حضرتك "
" عن اذنك "
" اتفضل "
مشي شريف من المكتب وهوا تايه ومش شايف حواليه ومصدوم
جدا
راح ركب عربيته وخد طريقه للبيت
" معقوله ياعمرو تعمل كدا !!
تتجوز يا عمرو!!!!
طب ازاي !
طب اقول ايه لماما وبابا لما يسألوني
ماهو مسيرهم هيعرفو
طب وبسمه!
ازاي يا عمرو عملت كدا مهما كان !!
بس بردو مش قادر اجيب كل اللوم عليك ..
ماهي بسمه هيا السبب في الاول وفي الاخر
بسمه مقدرتش تديك اللي انتا عايزه وانتا بصراحه استحملت
معاها كتير
بس بردو مش بايديها
ياربي مش عارف اجمع حاجه !!
مش عارف اتخيل اصلا ..
طب ولما اجي اعزمو عالخطوبه !!
هيجيب مراته بأه معاه !!!
ياربي انا دماغي بجد هتنفجر من التفكير "
وصل تحت البيت وقفل العربيه وقعد شويه يفكر بعدين طلع
عالبيت
اول لما وصل مامته وباباه وبسمه كانو قاعدين
" ها يابني روحت اتطمنت على عمرو؟ "
شريف بص لمامته بنظره مكسوره وبص للارض وهوا مش عارف يرد
عليها يقولها ايه
" ايه ياشريف في ايه مالك عمرو حصلو حاجه !! "
" لا يا بابا محصلوش حاجه هوا كويس "
" اومال في ايه يابني ماتتكلم "
" بسمه "
" نعم "
" ما تدخلي الاوضه شويه؟ عايز اتكلم مع بابا وماما
"
" من امتى يعني ياشريف .. متخفش مش هيفرق معايا
حاجه اتكلم عادي "
" ونبي تسمعي كلامي يابسمه "
" عمرو انا مش قايمه .. ايه مات ! "
" ياساتر فال الله ولا فالك ليه كدا يابنتي "
" اصل طريقته غريبه يا ماما "
" خلاص يا بسمه براحتك خليكي قاعده بس افتكري اني
قلتلك ادخلي الاوضه وانتي رفضتي "
" ما تتكلم ياشريف ! "
" طيب يا بابا حاضر ..
عمرو في اسكندريه بقالو اسبوع "
" ياخي خوفتنا وقاعد تقول قومي يا بسمه ووشك جاب
الوان وقعت قلبي في رجلي "
" ماما انا لسه مخلصتش كلام "
" في ايه تاني ! "
" عمرو بقالو اسبوع متجوز وقاعد معاها في اسكندريه
وجاي كمان اسبوع "
حلوه اوي بس انا مقدرش استني لبكره علشان تنزلي الحلقه اللي بعديها نزليها الناهرده ارجوكييييي
ردحذفel 7al2a gamdaa moot ya rana hwa fadel ad a 3ala a5er 7al2a nfse a3raf 3amr hyfdl m3 mai wla hyrg3 l basma :(
ردحذفحلوة اوووووووى يا رنا بس بليز نزلى الحلقة الجديدة انهارده لو تقدرى :)
ردحذف