" للاسف لاء "
" خلاص ياعمرو متزعلش نفسك اللي ربنا عايزو هيكون
"
" ماشي ياعمي انشالله خير .. "
" طيب يلا نقوم احنا نقعد معاها عشان متدايقش وهيا
لوحدها كدا "
" روحو انتو انا قاعد هنا شويه مع نفسي "
شريف طبطب على كتفو وقامو التلاته يروحولها ...
فات اليوم وتاني يوم واليوم التالت كانت بسمه طالعه من
المستشفى على بيت باباها
دخلت الشقه بصت حوليها حست البيت متغير اوي
" ايه دا هوا البيت ليه كدا "
" مالو "
" متغير من ساعة اخر مره شفته "
" هههههه لاء ياحبيبتي هوا متغير من ساعة اخر مره
انتي فاكره انك شفتيه .. حمدلله على سلامتك "
" الله يسلمك يا ماما "
" طيب استأذن انا ياجماعه اروح اغير هدومي وانام
شويه بكرا عندي شغل "
" ايه اللي بتقولو دا ياعمرو اصبر اتغدى معانا
"
" معلش ياعمي مره تانيه "
" عمرو متتجننش انتا مش ضيف هنا انتا صاحب مكان
اقعد بلاش عبط .. قوليلو حاجه يابسمه "
بسمه بصت لشريف وحست انه بيحرجها .. بصت لعمرو وابتسمتله
ودخلت اوضتها
" ياجماعه مش قادر اشوفها مش فاكراني مش قادر
معاملتها بتحرق قلبي انا عارف انه غصب عنها بس كمان غصب عني "
" استحمل ياعمرو معلش هتهون انشالله "
" يااارب "
" يلا بأه ادخل غير انتا سايب هدوم ليك هنا مش كدا
"
" ااه يا ماما "
" طب يلا ياحبيبي ادخل غير هدومك وتعالى اكون حطيت
الاكل انا "
" حاضر "
ودخل الاوضه على بسمه وهيا بتغير هدومها وهوا ناسي تماما
انه مينفعش يعمل كدا لانها بتعتبرو واحد غريب
اول لما فتح الباب بسمه صوتت
" ايه في ايه !! "
" انتا اللي في ايه داخل كدا من غير ما تخبط "
" اخبط !!! انتي مراتي! "
" اطلع برا لو سمحتتتتتتت "
قفل عمرو الباب وطلع برا البيت خالص
شريف جري وراه ولحقه في الشارع ومسك دراعه
" ماتهدى اومال ياعمرو .. معلش اكيد غصب عنها اللي
حصل دا مش متعوده عليك يا اخي "
" انا اتحرجت ياشريف .. كسفتني .. مقدرش ارجع البيت
تاني انهردا معلش "
" مفيش الكلام دا احنا بيت واحد وكلنا عارفين
الموقف متخفش شكلك مش وحش قدامنا "
" ياسيدي قدام نفسي .. شريف ارجوك متضغطش عليا اكتر
من كدا وسبني امشي "
" طب تيجي انهردا بليل "
" لاء صعب اجي بليل .. بكرا انشالله "
" تخلص شغلك وتيجي تتغدى معانا هنستناك "
" ماشي ياشريف انشالله "
وسلمو على بعض ومشي عمرو على بيته
دخل البيت وقفل وراه الباب وهوا بيفتكر كل مره بيدخل
فيها البيت موقف بسمه بيبأه عامل ازاي وهيا بتجري عليه
كان مستني يحصل المرادي بس للاسف لا بسمه موجوده في
الشقه ولا بسمه حبيبته اصلا موجوده في الدنيا
دخل غير هدومه ونام على طول من التعب
تاني يوم نزل عالمكتب بتاعه
دخل وقعد وبيبص عالقضايا اللي قدامه دخلت عليه زميلته في
الشغل
" اهلا اهلا استاذه منال ازيك "
" تمام ياعمرو انتا ازيك عامل ايه "
" تمام الحمدلله "
" الف حمدلله على سلامتك بأيت كويس؟ "
" ااه الحمدلله انتي اللي حمدلله على سلامتك ايه
الغيبه دي كلها "
" اهو بأه السفريه طولت المرادي شويه "
" يلا خير نورتي المكتب "
" دا نورك ياعمرو ربنا يخليك انا قلت اجي اسلم عليك
"
" الله يخليكي يارب تسلمي "
وسابتو وطلعت
خلص شغلو وطلع من المكتب ولسه هيركب تاكسي عشان يروح
اتصل بيه شريف
" الو ايوا يا شريف .. اه لسه مخلص شغل اهو .. طيب
حاضر .. سلام "
وقفل معاه وركب التاكسي وراح على بيت حماه وحماته
وصل وخبط عالباب وشريف فتحلو ودخل عمرو وسلمو على بعض
وقعد
شويه وجت حماته وحماه وسلم عليهم
" اومال فين بسمه "
" في اوضتها بتغير هدومها "
شويه وطلعت بسمه قام عمرو عشان يسلم عليها مد ايده
معرفتش تكسفه مدت ايدها سلمت وبسرعه سحبت ايدها من ايده
عمرو اتدايق اكتر ما كان متدايق بس سكت
وقعدو عالسفره يتغدو
" ايه اخبار عربيتك ياعمرو صحيح مصلحتهاش لسه
"
" لا والله لسه هوديها انهردا انشالله هشوف ايه
نظامها "
" طب هيا ايه اللي حصل فيها "
" ناحية باسمه كلها داخله لجوا .. الجنب اليمين كلو
"
" ياعم انتا تشتريلك عربيه جديده احسن "
" هههههه اه والله يابني احسنلك "
" لسه هشوف والله ياجماعه ايه الظروف ربنا يسهل بس
التكسيات دي مستفزه اوي والله "
وهما بياكلو فجأه عمرو ساب الاكل ومسك دماغه
" اااااااااه "
" مالك يابني فيك ايه "
" مش عارف يا ماما دماغي وجعاني اوي "
" وجعاك ازاي "
" صداع رهيب فجأه كدا "
بسمه بصت عليه وصعب عليها وقامت تشوف اي مسكن
رجعت ومعاها برشام للصداع
" اتفضل " ومدتله ايدها
" شكرا يابسمه
" اشرب يابني اشرب .. بسمه اعمليله كوباية قهوه هوا
بيحب القهوه "
" لالالا يابسمه متتعبيش نفسك انا هبأه كويس مش
لازم ياعمي والله انشالله هبأه احسن "
" لاء مفيش تعب ولا حاجه حالا هعملك القهوه "
ودخلت تعمل كوباية قهوه كانو هما خلصو اكل وقعدو
شرب عمرو القهوه وحس انه راق شويه عن الاول
" تسلم ايدك يابوسبوس "
بصتله باستغراب وهوا نفسه استغرب من نفسه واتدايق اوي
انه حط نفسه وحطها في الموقف دا بس هوا عشان متعود انه يقولها كدا طلعت منه غصب
عنه
" اا.. انا اسف .. تسلم ايدك يابسمه "
بسمه هزتله راسها وقامت
" انا هريح شويه بأه ياجماعه "
ودخلت الاوضه ..
" ها ياعمرو عامل ايه دلوقتي "
" اهو الحمدلله احسن متقلقوش ياجماعه عادي بس هوا
الصداع دا اول مره يجيلي بالقوه دي "
" معلش انشالله خير ربنا يسترها عليك يابني "
" الا صحيح ياعمرو اخوك عامر عرف اللي حصلك "
" لا ياعمي معرفش ماحضرتك عارف بعد ما والدي
ووالدتي اتوفو هوا سافر على امريكا ومبقناش بنشوف بعض الا كل كام سنه مره حتى
كلامنا عالتليفون يكاد يكون معدوم .. انتو اهلي وبسمه كانت ماليه عليا حياتي كلها
"
" ترجعلك انشالله بسمه بالسلامه ياحبيبي بس معلش
اصبر عليها شويه "
" حاضر يا ماما ميهمكيش .. اقوم انا بأه اروح اشوف
موضوع العربيه دا وكمان بكرا عندي شغل في المحكمه لازم احضر اوراق القضيه "
" طيب ماشي خد بالك من نفسك وطبعا بكرا عالغدا
مستنينك "
" كتير والله دا ياعمي بتقل عليكو انا "
" يابني شريف قالك انتا صاحب بيت متقولش كدا عيب
عليك "
" الله يخليك ياعمي ربنا يكرمك مش عايزين حاجه
"
" سلامتك ياحبيبي "
" الله يسلمك يا ماما عن اذنكو "
ومشي عمرو ...
راح يشوف موضوع العربيه ولقى انه الافضل لو يجيب عربيه
جديده
وفعلا اتفق على عربيه جديده وانو هيستلمها بعد بكرا لانه
بكرا مشغول الصبح في المحكمه
وخد تاكسي وروح عالبيت
دخل البيت وحس اد ايه هوا كئيب من غير بسمه
غير هدموه وقعد في مكتبه وبدأ يشتغل عالقضيه
وهوا قاعد بيشتغل حس بصداع من تاني
قام بصعوبه خد برشام وعمل لنفسه كوباية قهوه لحد الصبح
مقدرش ينام
لبس هدومه ونزل كان الصداع راح
وصل المحكمه وبدأ في قضيته وخلصها وطلع على المكتب بتاعه
دخل ودخلت وراه السكرتيره
" اهلا يا متر .. انهردا جتلك قضيه جديده ومهمه اوي
.. وصاحبة القضيه مستنيه حضرتك برا "
" طب هاتيلي ونبي كوباية قهوه راسي مصدعه جدا
ودخليها "
" حاضر يافندم "
وطلعت السكرتيره وشويه والباب خبط
دخلت بنت ووراها دخلت السكرتيره بكوباية القهوه وطلعت
" اهلا اتفضلي "
" اهلا يا استاذ عمرو .. انا محتاجه حضرتك تساعدني
عرفتك انك محامي شاطر وانا محتاجاك جدا "
" طبعا طبعا .. ايه مشكلة حضرتك "
" انا عندي 25 سنه .. والدي رجل اعمال كبير وليه
صفقات كبيره وليه معارف كتير
وكانت جوازتي بالنسباله صفقه من صفقاته .. جوزني لواحد
صاحبه وانا رافضاه
فات على جوازنا سنتين وعرفت انه متجوز واحده تاني عليا
ولما واجهته مد ايده عليا
انا محتاجه حضرتك تخلصني منه انا جايه في قضية خلع "
" تمام من عنيا ولا يهمك بس لازم حضرتك تعمليلي
توكيل عشان ابدأ في الاجرائات "
" حاضر بكرا انشالله نروح سوا ونعمل التوكيل "
" على خيرة الله "
" انا سبت لحضرتك ملفي مع السكرتيره وانا واثقه في
حضرتك جدا .. اتمنى على ايديك ربنا ينصرني "
" باذن الله .. متشيليش حضرتك هم "
مدت ايدها عشان تسلم عليه بابتسامه
وهوا مد ايده وردلها الابتسامه
" على فكره .. اسمي مي "
" وانا عمرو "
" اه طبعا عارفه حضرتك .. "
" اتشرفت بمعرفتك "
" مرسي جدا عن اذنك "
" اتفضلي "
طلعت مي من عند عمرو وهوا قعد مسك راسه من التعب وشرب
القهوه وبدأ يبص في الورق
فات الوقت ومحسش بنفسه غير لما الموبايل رن
" الو .. "
" ايه ياعمرو انتا فين "
" انا في الشغل يا ماما في حاجه ولا ايه "
" يابني مستنينك عالغدا يلا تعالى "
" ااااه صحيح حاضر مسافة السكه "
" ماشي ياحبيبي مستنينك يلا تعالى "
" حاضر "
وقفل معاها وقام خد تاكسي على بيتهم
خلص غدا وقعد شويه مع شريف وبردو بسمه بنفس المعامله
مبتتغيرش
وروح عمرو البيت
دخلت بسمه اوضتها وقعدت عالسرير
كانت بتدور على الدوا بتاعها ومش فاكره حطته فين
وبتفتح الدرج بتاع الكومدينو لقت البوم صور
شدها ليه جامد وطلعته من الدرج وفتحته
ليست هناك تعليقات:
إرسال تعليق