فضلت تقلب في الصور كلها صور ليها هيا وعمرو بتتفرج
عليهم ودموعها بتنزل محتاره مش عارفه ازاي مش فاكره حاجات جميله زي دي
سابت الالبوم وطلعت سألت مامتها على اي شريط فيديو
لفرحها هيا وعمرو او اي صور لليلة الفرح
مامتها فرحت بالسؤال وادتها الالبوم والشريط
دخلت بسمه تاني اوضتها وشغلت التليفزيون وفتحت شريط
الفيديو
شافته كله وهيا مش متخيله انها عاشت اليوم دا واللي هوا
المفروض اسعد يوم في حياتها وناسياه
مسكت موبايلها واتصلت بعمرو
وكان وقتها نايم وسايب الموبايل في المكتب فـ مسمعهوش
اتصلت كذا مره مردش عليها
فضلت تتفرج على صور فرحهم ونامت وهيا بتتفرج وسابت كل
حاجه جنبها عالسرير
تاني يوم صحي عمرو لقى بسمه متصله بيه فرح اوي
اتصل بيها هوا
" الو "
" الو "
" ازيك يابسمه "
" الحمدلله انتا ازيك ياعمرو "
" اكيد اكيد كويس ياحبيبتي الحمدلله "
" اممم .. "
" ايه .. كلمتيني امبارح كنت نايم والله معلش
متزعليش مني الشغل تعبني جامد ونمت وسبت الموبايل في المكتب "
" ولا يهمك .. ينفع اطلب منك طلب؟ "
" تطلبي؟ دنتي تؤمري يابسمه .. انتي الوحيده اللي
مقدرش اقولها لاء على اي حاجه "
" ينفع لما تيجي انهردا اروح معاك البيت؟ وتقعد
تحكيلي عني وعنك "
" ياااااااااااااااه دا عز الطلب ياعيوني انا ..
طبعا ممكن دنا اللي نفسي اعمل كدا بس خايف تصديني "
" طيب هستناك "
" عنيا ياحبيبتي اخلص شغل واجي اخدك ونتغدى برا
ونروح عالبيت ايه رأيك "
" ماشي "
" ماشي ياعيوني .. هروح انا البس عشان انزل عالشغل
"
" طيب خد بالك من نفسك "
" يخليكي ليا ياحياتي .. حاضر "
وقفلو مع بعض وعمرو حاسس ان الدنيا كلها بأت جنه في لحظه
بعد المكالمه دي
حس الروح ردت فيه من تاني حس انه مبسوط اوي
لبس هدومه ونزل قابل مي وعملتله والتوكيل وسابها راح
يجيب العربيه وطلع على شغله
فضل ماسك قضية مي ولان الراجل مش ماسكين عليه حاجه
ملموسه غير جوازه ودا شرعا حلال فكانت القضيه صعبه ..
خلص شغلو وخد عربيته وطلع على بيت اهل بسمه
خبط
عالباب وحماته فتحتلو
سلم
عليها ودخل
"
ازيك ياحبيبي عامل ايه "
"
الحمدلله يا ماما انتي عامله ايه انهردا "
وطت
صوتها وقربت من عمرو شويه
"
بيني وبينك مبسوطه اوي ان بسمه راجعه معاك "
"
وانا بصراحه طاير من الفرحه مش مصدق نفسي يارب تقدر تخف بسرعه اشتقتلها اوي والله
يا ماما "
وجه شريف
من برا ..
"
اوبااا ايه النور دا يا باشا "
"
ههههه حبيب قلبي ازيك يا شريف "
"
الحمدلله ايه عامل ايه عملت ايه صحيح في حوار عربيتك "
"
جبت واحده جديده وريحت دماغي "
"
احسن حاجه .. ها هتتغدى معانا ها "
لسه عمرو
هيرد عليه لقو بسمه طالعه ولابسه لبس عمرو بيحبو اوي عليها
بص عليها
وقام وقف من جمالها
بصتلو
وبعدين بصت في الارض
"
بسمه ازيك "
"
الحمدلله انتا ازيك "
"
طبعا كويس .. يلا بينا "
"
يلا بينا فين انتو رايحين فين يابني مش هتتغدو معانا "
"
لاء ياشريف هتغدى انا وبسمه برا ونروح على بيتنا "
"
ايه دا بجد .. مبروووووووك "
"
الله يبارك فيك ياباشا .. يلا يابسمه "
"
حاضر "
وسلمت
على مامتها وشريف ونزلت معاه وهيا حاسه انها خايفه لكن كمان متطمنه بعد ما شافت
كمية الحب اللي في الصور والفيديو
وصلو
للعربيه وقرب هوا للعربيه وفتح الباب وابتسملها
بسمه حست
انه بيعمل كدا عشان يبسطها ودا اللي حسسها براحه اكتر وردتله الابتسامه وركبت
قفل
بابها وراح ركب هوا من ناحيته
واتحركو
..
"
انتي عارفه يا بسمه .. انا بحب اللبس دا عليكي اوي "
"
بجد "
"
ااه والله لانك كنتي لابساه يوم ما جيت اتقدملك ووافقو عليا "
"
ااه منا شفت الصور و .... "
ولسه
بسمه هتكلم عمرو بصلها
"
صور ايه "
"
صورنا وصور فرحنا والفيديو "
"
اتفرجتي عليهم "
"
ااه ... ولما حسيت بالحب اللي فيهم قررت احاول افتكر اللي بينا لاني حبيت الاحساس
دا اوي "
"
ياحبيبتي يابسمه .. رغم ان عقلك ناسي بس قلبك حاسس بيا "
بسمه
اكتفت بانها تبتسملو وسكتت
وصلو لحد
المطعم اكلو وقعدو يتكلمو شويه وروحو
اول لما
وصلو البيت فتحلها الباب
"
اتفضلي حبيبتي "
ودخلت
ودخل وراها وقفل الباب
بسمه
بدأت تبص عالبيت ومش فاكره اي حاجه منه .. بدأت تتحرك فيه وتتفرج وعمرو باصص عليها
ومبتسم
"
حلو زوق البيت والديكور والديزاين كلو "
"
كل حاجه في البيت دا زوق مراتي حبيبتي "
"
دا كلو انا اللي منقياه "
"
اهاا "
"
امممم "
ودخلت
الاوضه ودخل وراها وبدأ يغير هدومه
بصت عليه
"
لالالا استنى استنى انا هطلع غير براحتك عن اذنك "
"
ههههه طيب ماشي "
وطلعت
بسمه وهوا قفل الباب ولبس هدوم البيت كانت هيا بتتفرج عالبيت
خلص وطلع
وقالها تدخل تغير
"
هوا انا ليا لبس هنا "
"
ياحبيبتي دا بيتك .. لبسك كلو هنا ... احنا سايبين لبس عند ماما وعمي عشان بس لما
بنروح نتغدى معاهم وسعات بنبات عندهم كدا يعني "
"
ااه طيب هروح اغير انا بأه "
"
اتفضل ياجميل "
دخلت
بسمه الاوضه وقفلت على نفسها وغيرت هدومها وطلعت
"
ايه الجمال دا بس .. "
ولسه
هيقرب منها يبوس ايدها بعدت عنه وسحبت ايدها بسرعه
"
اا .. اا انا اسفه ياعمرو بس بتكسف "
"
مني انا يابسمه! "
"
انا اسفه بجد "
"
طيب "
"
متزعلش حقك عليا لسه متعودتش عالوضع "
"
بسمه ارجوكي .. خلاص ولا يهمك انا مقدر الموقف بس متفضليش تقولي مش متعوده عليك مش
فاكراك مش حاسه مش عارف ايه عشان الكلام دا بجد بيدايق "
خلص
الجمله من هنا ولقى بسمه دموعها بتنزل
قرب منها
ومسحلها دموعها
"
انا اسف حبيبتي مش قصدي دنتي عمرك مانزلتي دموع وانتي معايا دي اول مره اشوف فيها
دمعتك واكون انا السبب يارب اموت "
بسمه
بصتله وجت عينها في عنيه
"
انا مش قصدي ياعمرو بس غصب عني والله "
"
انا اسف ياحبيبتي انا معاكي ومستحمل اي حاجه متخافيش مش هبعد ومش هحسسك بحاجه وحشه
اوعدك "
"
شكرا ياعمرو "
"
هسسسسس .. شكرا !! عايزك تتأقلمي على فكرة اني جوزك حبيبتي يعني مفيش بينا الكلام
دا "
"
ممكن اطلب منك طلب "
"
لو طلبتي عنيا مش هقولك لاء "
"
ممكن تحكيلي عننا؟ "
"
ودا الجزء الجميل في حياتي .. طبعا احكيلك .. تعالي طيب ندخل الاوضه اوريكي حاجه
"
ومدلها
ايده .. وهيا لا اراديا حطت ايدها في ايدو وقامو
دخلو
الاوضه وطلع عمرو بوكس كبير اوي
"
ايه دا ياعمرو "
"
دا بأه ذكريات حبنا كلها "
"
اممممم في ايه "
"
اتفرجي بنفسك "
وفتحلها
البوكس لقت جواه رسايل مكتوبه كتير اوي وصور وهدايا .. حجات كتير
بدأت
تفتح كل رساله والتانيه ويقروها سوا ويضحكو
وبعد
ماخلصو واتفرجو على كل حاجه .. حكالها ازاي عرفو بعض
"
شوفي ياستي .. انا في مره كنت ماشي في الكليه وانتي كنت معديه لوحدك ووانتي ماشيه
كنتي لابسه كعب واتكبلتي واتكسر ووقعتي عليا "
"
هههههههه بجد؟ "
"
ااه والله .. بس بأه وفضلتي تعتذري وانا سندتك وقومتك وفضلت اقولك مفيش حاجه ياستي
والله مفيش حاجه وانتي تقوليلي انا اسفه بجد "
"
هههههههههههههه ياربي عالاحراج "
"
بس بأه بعدين قولتيلي مش عارفه اعمل ايه امشي ازاي بفرده وفرده قلتلك اكسري
التانيه كسرتيها ومشيتي تاني يوم جيتي وسلمتي عليا وشويه بشويه قربنا من بعض واحنا
الاتنين بنحب بعض بس محدش فينا قال للتاني لحد ما في يوم وانا بكلمك اتخانقت معاكي
عشان كنتي لابسه قصير شويه وواحد عاكسك "
"
وبعدين "
"
وبعدين في نص الزعيق قلتلك يعني لما حببتي يحصل معاها كدا المفروض اعمل ايه يعني
وانا بحبك قولتيلي ياعمرو وانا بحبك "
"
ههههههههههههه "
"
ومن ساعتها واحنا بنحب بعض "
"
جميله اوي حكايتنا دي تتحكس في كتاب والله "
"
شفتي بأه .. ومن يومها عمرنا ما زعلنا من بعض ولا شدينا وحتى يوم ما يكون في حاجه
بداية زعل نتكلم بالراحه ونتفاهم وكل حاجه بتتحل في ساعتها "
"
جميل اوي .. ياريتني افتكر كل دا "
"
انشالله هتفتكري متقلقيش مجرد اصلا انك قبلتي تيجي هنا دا سعاده ملهاش وصف يابسمه
.. انتي مش متخيله انتي كنتي ماليه حياتي ازاي كنت اول لما افتح الباب تجري عليا
تحضنيني وتقوليلي وحشتني كل كلامنا يا حب
ياهزار في الحب .. عمرنا ما دقنا حاجه غير كدا "
"
انا اسفه ياعمرو اني لغبطتلك حياتك بس اوعدك هحاول على اد ما اقدر افتكر "
"
مش عايز اسمع اسفه وشكرا تاني بقولك انتي مراتي اجيبلك قسيمة الجواز تتأكدي؟
ومتحاوليش تضغطي على نفسك في اي حاجه كدا كدا احنا مع بعض افتكرتي مفتكرتيش كل يوم
بيولدلنا حب جديد وميهمنيش غير انك معايا "
بسمه
كانت باصه عليه وهوا بيتكلم ومش متخيله ازاي ربنا رزقها بواحد جميل اوي كدا وبيحبها
كل الحب دا
حست اد
ايه ربنا رازقها بنعمه كبيره لازم تحافظ عليها وتحاول تفتكرها بأي شكل
الوقت
فات بسرعه وجه وقت النوم وعشان عمرو ميحرجش بسمه سابلها الاوضه وطلع نام عالكنبه
بليل
وهما نايمين موبايل عمرو رن في الاوضه
وصحيت
بسمه عليه
بصت
لقيتو موبايل عمرو وافتكرت انو ناسيه في الاوضه
حست انها
هتتكسف لو صحته من النوم في وقت زي دا وقالت ترد هيا
هوا كدا
كدا مستحيل يعاتبها على حاجه زي دي
ودرت ...
"
الو ! ايوا دا رقم استاذ عمرو مين معايا
انا
مراته انتي اللي مين !!!!! "
ليست هناك تعليقات:
إرسال تعليق