" ممكن
لو سمحتي تقوليلو مي "
" طب ثواني "
مسكت بسمه الموبايل واستغربت اوي من مكالمة زي دي في وقت
زي دا ..
وراحت تصحي عمرو وهيا مكسوفه تحط ايدها على دراعه عشان
تصحيه
" عمرو .. ياعمرو قوم "
" اممم .. ايه ياحبيبتي في ايه "
" في واحده متصله عالتليفون "
" واحده !! "
" ااه "
" قالتلك هيا مين "
" ايوا اسمها مي "
" مي! متصله ليه دلوقتي "
" مش عارفه خد رد "
عمرو مسك الموبايل وبص لبسمه وابتسم عشان هيا متحسش انه
يعرف مي عليها
بسمه قامت دخلت اوضتها من غير كلام ومستنتش تسمع
المكالمه
قفلت وراها الباب وفضلت تلف حوالين نفسها
" ياترى مين مي دي .. معقوله بيخوني
معقوله طيب اكون عارفاها بس ناسياها مع السنين اللي مش
فاكراها ..
لالالا مش ممكن كانت هيا قالتلي اي حاجه او بينتلي انها
تعرفني
وبردو مش ممكن يكون بيخوني عيني عينك كدا
امممممم اومال ايه الحكايه مين مي دي "
وفجأه لقت الباب بيخبط اتخضت
الخبط سكت ورجع تاني
" صاحيه حبيبتي؟ "
" ااا .. ااه صاحيه في حاجه "
" افتحي طيب عايزك "
فتحت بسمه الباب لقت عمرو مبتسملها وهيا مش فاهمه سر
الابتسامه دي
" طبعا انا بما اني قاريكي وعارفك 100% وحافظك اوي
كمان
عارف ومتأكد انك فضلتي تلفي حوالين نفسك في الاوضه زي
مابتعملي وتسألي نفسك مين مي دي "
بسمه بصتله بصدمه كبيره ومش متخيله ازاي هوا عرف وكأنه
كان جواها مش بس معاها
" متتصدميش اوي كدا .. هوا دا انا معاكي وانتي كمان
دايما كنتي كدا معايا
احنا حافظين بعض واقدر اقولك انتي بتفكري في ايه دلوقتي
حالا "
" اااا "
" حبيبتي متقوليش حاجه عموما مي دي تبأه موكلاني
على قضية خلع يعني زبونه عندي مش اكتر متخافيش مش بخونك
عشان انتي ملاكي "
بسمه حست ان وشها سخن اوووووي وبجد حست باحراج وكسوف مش
طبيعي وبصت في الارض
" انا اسفه مش قصدي "
" لا ياحبيبتي انا اللي مش قصدي احرجك انا جاي
اطمنك بس مش اكتر .. انا هروح اشتغل على قضيتها يلا تصبحي على خير "
" ربنا معاك وانتا من اهلو "
ودخل هوا على الاوضه اللي فيها مكتبه وهيا قفلت الباب
عليها
دخلت قعدت عالسرير ومش فاهمه حاجه
" مش فاهمه ازاي قرا افكاري دي كلها من غير ما ابين
حتى بنظره او بحركه
بجد في كدا !!
معقول نكون قريبين اوي من بعض كدا .. دا تحفه بجد !! "
وحطت دماغها عالسرير وفضلت تفكر شويه
ولقت نفسها بتقوم وطلعت تتسحب لقت الاوضه بتاعت مكتب
عمرو مقفوله وهوا جوا حمدت ربنا ودخلت عملت كوباية قهوه وسندوتش
وطلعت من المطبخ خبطت عليه
" ادخلي حبيبتي "
ودخلت بسمه وسابت الباب مفتوح
لما شافها جايه وماسكه الصينيه قام وقف وراح خدها منها
حطها عالمكتب
وبصلها .. اول لما جت عينها في عنيه حست برعشه في جسمها
قرب منها راحت بعدت عنه شويه
" تسلم ايدك ياحبيبت قلبي "
" تسلم ولا يهمك انا قلت زمانك عايز تصحصح وجعان
يلا اسيبك انا بأه "
" هههههه عمري ماشفتك في حياتي بتخافي مني بس عموما
ماشي ولا يهمك "
" طيب انا هروح انام بأه باي "
وراحت عالباب وطلعت وبصت على عمرو وهيا بتقفلو
وهوا كل دا باصص عليها ومبتسم
دخلت الاوضه ونامت وهوا كمل شغل
تاني يوم الصبح فتح عليها الباب بالراحه وغير هدومه
بسرعه وطلع وقفل وراه الباب وخد الورق معاه ونزل
راح عالشغل واول ما وصل كانت مي مستنياه
دخل على مكتبه ودخلت وراه السكرتيره قالتله ان مي
مستنياه
وقالها تدخل
شويه ودخلت مي
" اهلا اهلا ازيك يا مدام مي "
" اهلا بحضرتك يامتر انا اسفه على ازعاجي ليك
امبارح واتمنى مكنش سببت لحضرتك ولمراتك مشكله "
" لالالا ابدا مراتي متفهمه جدا وضع شغلي ومزعلتش
من اي حاجه "
" طيب الحمدلله "
" انا فضلت سهران على القضيه من لما كلمتيني لحد
قبل اما اجي بشويه "
" والله و ايه الاخبار "
" انا اكتشفت كام نقطه كدا بس عايز مساعدتك فيهم
"
" اوي اوي تحت امرك "
" اول حاجه هوا حضرتك محملتيش منه لحد دلوقتي
"
" لاء وهوا فاكر ان العيب فيا عشان كدا بيعمل كل دا
فيا واتجوز عليا "
" طب والعيب في مين "
" مش عارفه بس انا لما رحت كشفت عرفت اني عندي
القدره عالانجاب ومعنديش اي مشكله الحمدلله "
" تمام دي نقطه في مصلحتنا .. هوا متجوز عليكي
بقالو اد ايه "
" امممم مكملش السنه "
" انا لو اكسب بس مراته التانيه في صفي .. طب هيا
جوازه في السر ولا جواز عادي "
" لاء جوازه في السر "
" طب دا جميل جدا وهيفيدني جدا جدا "
" الحمدلله "
" طيب يا مدام مي قوليلي بيصرف عليكي كويس ولا
حارمك من حاجه "
" كل حاجه موجوده في البيت وبيديني فلوس كتير دايما
بس مش كل حاجه ماديات "
" لاء انا كنت بقصد النفقه يعني مش اكتر .. جميل
جميل ... ولسه بيمد ايدو عليكي "
" ايوا "
" في اثر للضرب على جسمك ؟ "
" هوا بيضربني على وشي "
" ااه يعني مش بيبان حتى .. عمرو ماضربك باكتر من
كدا "
" لاء بس دي اكبر اهانه يا استاذ عمرو "
" طبعا معاكي بس انا قصدي عايز حاجه ملموسه .. مش
مشكله تمام .. عموما الجلسه معاها اسبوعين كمان انشالله اكون قدرت اعمل كل اللي
اقدر عليه وانشالله تقدري تنتهي من كل حاجه باسرع وقت بس لعلمك يا مدام مي اي حاجه
هوا جابهالك لازم ترجعلو دا حقه الشرعي فيها لما يكون في حالة خلع "
" متقلقش حضرتك انا عامله حسابي وكل حاجه موجوده
"
" كدا احنا كسبنا كتير في القضيه ربنا يوفقنا باذن
الله "
" انشالله .. متشكره جدا لحضرتك يامتر ودي بداية
اتعاب حضرتك والجزء الباقي بعد مانكسب القضيه انشالله "
" انشالله "
" ماشي استأذن انا .. "
" اتفضلي مع السلامه "
" مع السلامه "
ومشيت مي ..
عمرو قعد بص للورق اللي قدامه وهوا مش فاهم ايه اللي
يخلي انسان يعمل كدا في واحده زي دي
ساب الورق ورجع براسه لورا وجت بسمه على باله وافتكر اد
ايه بيحبها وبيموت فيها
واد ايه ربنا اداله نعمه كبيره ميحلمش بيها .. رغم انه
خد منها الخلفه بس كفايه انها معاه
وابتسم ...
مسك موبايله واتصل ببسمه يطمن عليها
" الو "
" ايه يا بسمه عامله ايه ياحبيبتي "
" الحمدلله كويسه بس زهقانه اوي ياعمرو قاعده لوحدي
مفيش حاجه اعملها "
" تحبي اعدي عليكي نطلع نتغدى برا "
" بس انا عايزه اروح لماما بابا وشريف "
" خلاص نتغدى ونروح نسهر معاهم انهردا ايه رأيك
وكدا كدا بكرا مفيش شغل عندي "
" طب ينفع نبات عندهم "
" اللي تؤمري بيه ياحبيبتي يلا اجهزي عبال ما اجيلك
"
" حاضر شكرا ياعمرو "
" ههههههههه ماشي ياحبيبت عمرو مسافة السكه وابأه
عندك "
" مستنياك "
وقفلو ..
قفل عمرو الورق وخدو معاه ونزل من عربيته لقى مي واقفه
" ايه دا مدام مي في مشكله عند حضرتك؟ "
" ااه العربيه عطلت مني مش عارفه اتصرف ازاي "
" طب تعالي معايا اوصل حضرتك والصبح هاتي مكانيكي
يشوفهالك لان دلوقتي صعب مفيش حد قريب من هنا "
" هتعبك معايا يا استاذ عمرو "
" لالالا مفيش اي حاجه اتفضلي "
وركبت معاه العربيه
اول لما ركبت شافت سلسله فيها صوره متعلقه على مراية
العربيه اللي من جوا
بصت عليها بعدين بصت لعمرو
" هيا دي مراتك؟ "
" ااه "
" ماشالله اموره ربنا يخليهالك "
" امين يارب ربنا يخليكي "
" باين عليك بتحبها اوي "
" ياااااااه .. معندكيش فكره "
ابتسمتله ومن جواها بتقول يابختك بيه بجد ..
وصلها لحد البيت وشكرته جدا وهوا مشي ..
راح على بيته وساب العربيه وطلع البيت
اول مافتح الباب ملقاش حد
" بسمه .. يابسمه .. بسمه "
" ايوا ايوا نعم ياعمرو انا اهو "
" خضيتيني عليكي كنتي فين "
" كنت بصلي "
" عارفه وقت ما كنا بنصلي جماعه ونخلص كنت انا بعمل
ايه "
" امممم اكيد مش فاكره "
" كنت ادعي اننا نفضل دايما مع بعض وانتي تأمني
ورايا بعدين اجي ابوسك على راسك واقولك ربنا يخليكي ليا يا احلى ملاك في الدنيا
"
بسمه بصتله وعيونها دمعت
" ايه دا ايه دا مالك في ايه "
" نفسي افتكر الحاجات الحلوه اللي بتحكيلي عنها دي
واللي شفتها في الصور .. حاسه انك بتحكيلي حكايه مش موجوده في الدنيا
حب عمرو ما جه عالدنيا .. واللي بيأكدلي انه خيال وقوفك
معايا حتى بعد اللي حصلي دا كلو .. مش مصدقه ان في كدا في الدنيا "
" ياحبيبت قلبي انا كل حاجه عشانك .. انا اللي لو
لفيتي الدنيا دي كلها مش هتلاقي حد يحبك اد الحب اللي في قلبي ليكي .. انتي
بالنسبالي دنيا تانيه وعالم تاني مش بشوفو غير معاكي "
" انتا جميل اوي ياعمرو "
" وانتي احلى حاجه حصلت لعمرو من يوم ماربنا خلقه
في الدنيا دي ومهما حصل هفضل معاكي وانشالله هتخفي وهتكوني احسن من الاول كمان
"
" ياارب "
" يلا بينا حبيبتي ؟ "
" يلا "
" صحيح كلمتيهم قلتلهم اننا جايين وهنبات "
" ااه وماما فرحت اوي "
" طب تمام يلا بينا "
ونزلو سوا يركبو العربيه
" تعرفي؟ عمرك ماركبتي العربيه برجلك "
" ههههههههههه اومال ازاي "
" كنت بشيلك وادخلك من غير ماتمشي .. من اول مانطلع
من باب البيت لحد ما ادخلك العربيه "
" الله حلو اوي دا .. كدا قدام الناس؟ "
" هههههه الناس كلها اصلا عارفه اد ايه عمرو بيموت
في بسمه "
بسمه بصت في الارض واتكسفت وهوا فتحلها الباب وركبت وقفل
وراها الباب وراح يركب الناحيه التانيه ..
اول لما ركب بصتله
" عمرو "
" عنيا "
" ايه ريحة البرفان الحريمي اللي مغرقه العربيه دي
!!! "
ليست هناك تعليقات:
إرسال تعليق