انهردا اخر يوم لعمرو وبسمه في الغردقه .. كانت قاعده
بسمه في الشاليه لوحدها وعمرو برا بيحط الشنط في العربيه
" مش عايزه امشي بجد مبسوطه اوي معاه هنا
بفتكر من لما كنت انا وهوا في الكليه وبنحب بعض ..
ياااااه كانت احلى ايام
هههههه لاء ولما جه اتقدم لبابا .. كان شكله زي الكتكوت
اللي بيدور على مامته .... ياحبيبي ياعمرو .. فاتو سنتين على جوازنا
ولسه كأن لسه يوم فرحنا كان امبارح ..
عمري ما لقيت منك حاجه وحشه ولا افتكر مره زعلنا من بعض
..
ربنا يخليك ليا يارب "
وفجأه لقت عمرو جاي عليها .. حست كأنو سمعها وهيا بتكلم
نفسها
وقامت بسرعه تحضنه
" عمرو وحشتنييييييي "
" هههههه حبيبتي وانتي كمان وحشتيني .. من 5 دقايق
يادوب روحت احط باقي الشنط في العربيه والله وحشتيني في الـ 5 دقايق دول "
قربت منه اكتر وباستو على خده وبعدت عنو ..
" عمرو "
" نعم يافرحة ايامي "
" نفسي اللي في بطني يطلع ولد عشان يكون شبهك ..
هحبو اوووووي "
" تحبيه دا ايه وانا روحت فين "
" مانا هحبك واحبه "
" لا ياحلوه مفيش الكلام دا انا احبه اه انتي
تحبيني انا وبس "
" ههههه انا بموووت فيك "
" وانا بعشقك ياملاكي .. يلا بينا عشان نتحرك
"
" يلا بينا "
شالها على ايديه وهيا بتضحك ولف بيها وباسها على راسها
وراح لحد العربيه ونزلها
" يعني كان لازم الجنان دا يامجنون "
" رجل حبيبتي مينفعش تمشي على الارض .. انتي اعلى
من كدا بكتير "
" اممممم ليه "
" عشان حبيبتي "
وغمزلها
ابتسمتله ودخلت العربيه وهوا لف ودخل وبدأو يتحركو
وطول الطريق بيضحكو شويه وبيحبو في بعض شويه
وبعد ما مسكو الطريق الصحراوي كان ماشي براحته عشان مكنش
في عربيات في الطريق
بس كان سايد واحد رايح جاي ..
وفجأه بصلها ولسه هيتكلم لقى عربيه جايه من الصحرا بسرعه
من ناحية بسمه
لسه بيقول " بسسسسسسسسسسسسسمه "
العربيه خبطت في الباب اللي جنب بسمه .....
في القاهره وتحديدا في بيت في المعادي .. كان شريف قاعد
بيتفرج عالتلفزيون ومامته وباباه نايمين
وكانت الساعه 2 بليل ..
" ههههههههههههه ياربناااااا والله مهما اتفرجت
عالمسرحيه دي مش هبطل اضحك "
وفجأه سمع صوت موبايل مامته بيرن
بص لقاها سايباه فوق التلفزيون
" يووه يا ماما مش هتبطلي عادتك دي .. تدخل تنام
وتسيبلي الموبايل هنا والصبح تقعد تدور عليه
وبعدين مين دا الرخم الغتت اللي بيتصل في الوقت دا ..
ناس معندهاش دم بصحيح "
بص لقى رقم غريب
" وكمان رقم غريب بيعاكس طب والله منا رادد مش فايق
اشتم في نص الليل "
ولسه هيرجع تاني للكرسي لقى الموبايل بيرن تاني
قام ومسكه وفضل باصص عليه
وقام رادد
" الو !! مين معايا .. ايوا انا اخوها مين حضرتك
يعني .. ايــــــــــــه !! مستشفى ايه طيب .. ايوا ايوا .. طيب وعمرو كمان معاها؟
ايوا دا جوزها .. طيب طيب شكرا يافندم مع السلامه "
قفل السكه ومسك الموبايل مش عارف يقوم يصحي مامته وباباه
ولا يروح لوحده
حس انه مش هيعرف يتصرف من غيرهم ودخل بسرعه يصحيهم
" ماما .. بابا قوووومو "
" في ايه يابني في نص الليل "
" قومو ابوس ايديكو عمرو وبسمه عملو حادثه وهما في المستشفى
دلوقتي "
الام والاب اتنفضو من عالسرير اول لما سمعو الجملتين دول
" يالهوي .. بنتي "
" مين اللي قالك كدا ياشريف "
" معرفش رقم اتصل على موبايل ماما بيقولولي انهم
لقوهم في الصحراوي ودلوقتي هما في المستشفى في قسم الحوادث الاتنين .. قومو "
الاتنين بسرعه قامو والام دموعها على خدها وقاعده تدعي
يكونو بخير وكويسين
لبسو التلاته بسرعه والاب قال لشريف ياخدو عربية شريف
وهوا اللي يسوق لان اعصابه مش حمل هوا اللي يسوق
نزلو وخد شريف عربيته وطلعو عالمستشفى
اول لما وصلو سألو عليهم وطلعو يشوفوهم لقو الدكتور
موجود
" دكتور .. دكتور لو سمحت "
" ايوا؟ "
" حضرتك انا شريف اخو بسمه حسين .. في حد كلمني
وقاللي ان بسمه وعمرو جوزها عملو حادثه وهما هنا في المستشفى "
" ايوا ايوا تمام حادثة الطريق الصحراوي "
" تمام حضرتك .. ممكن افهم ايه اللي حصل وايه
حالتهم دلوقتي "
" الحادثه حصلت من حوالي 5 ساعات تقريبا ..
الحمدلله عمرو كويس نقلناه غرفه عاديه بس هوا نايم "
" طب وبسمه؟ "
" في غيبوبه وبنحاول نفوقها "
" كل دا يادكتور !! "
" حضرتك في دكاتره جوا معاها وانشالله تقوم
بالسلامه "
" شكرا يادكتور "
الدكتور عرفهم مكان غرفة عمرو وراحولو
دخلو لقوه نايم ومحطوطلو اجهزه كتير وباين على وشه
متخرشم ومتعور خالص
شويه والدكتور دخل قالهم ان بسمه فاقت ونقلوها في غرفه
عاديه
جريو التلاته عالغرفه اللي فيها بسمه
اول لما الام شافتها قعدت تحمد ربنا .. وشريف وقف جنبها
ومسك ايدها وباسها عليها
" حمدلله عالسلامه ياحبيبتي الف سلامه عليكي "
بسمه باصه عليهم ومش فاهمه ايه اللي بيحصل
كان في دكتور واقفه في الغرفه
" اتطمنو ياجماعه الحمدلله هيا كويسه بس للاسف فقدت
الجنين وللاسف فقدت القدره عالانجاب من تاني "
" ايــــــــــــه .. يعني ايييييييييه .. بتقولي
ايه يادكتور "
" زي مابقول لحضرتك كدا .. "
وطلعت من الغرفه ..
التلاته بصولها وقعدو يعيطو
" هوا في ايه "
" سلامتك يابسمه .. سلامتك ياحبيبتي .. عملتو حادثه
وانتو جايين من الغردقه "
" انا ومين؟ "
" انتي وعمرو "
" عمرو مين "
التلاته بصو لبعض وشريف بصلها من تاني
" بسمه؟ انتي عارفه انا مين "
" انتا اخويا شريف .. "
" تمام .. ومين اللي معانا "
" مالك ياشريف انتا اخويا ودول بابا وماما "
لسه هيكمل كلامه لقيو عمرو داخل عليهم
" بسمه .. بسمه حبيبتي "
ولسه هيقرب عليها بعدته عنها بإيدها
" بسمه في ايه !! "
" انتا مين !؟؟؟؟ "
" ايه "
وبدأت بسمه تعيط .....
" بسمه بسمه بس اهدي يابنتي .. شريف خد عمرو واطلعو
جيبو الدكتور تشوف ايه حكايتها ونبي "
طلعو شريف وعمرو من الاوضه وهما مش عارفين يتصرفو
" حمدلله على سلامتك ياعمرو .. هوا ايه اللي حصل "
عمرو حكى لشريف اللي حصل ولما شريف قال لعمرو ان بسمه
كمان فقدت الجنين والانجاب اصلا اتصدم اكتر واكتر وبدأت دموعه تنزل
شريف خد عمرو في حضنه وفضل يطبطب عليه ويهدي فيه
عمرو هدي شويه وراحو يدورو عالدكتور ولقوها وحكولها
عاللي حصل
" الاصابه كانت في المخ اكتر حاجه ياجماعه يعني
محتمل جدا انها تكون فقدت فتره من عمرها من الذاكره "
" بس هيا فاكراني وعارفاني انا وبابا وماما يادكتور
"
" عشان كدا بقول لحضرتك انها ممكن تكون فقدت فتره
من عمرها لكن مش ذاكرتها كلها "
" طب والحل يادكتور .. دي مش عارفاني!! مش عارفه
جوزها !! مش فاكره الخمس سنين اللي بينا "
" اهدى يا استاذ عمرو انتا لسه فايق من الحادثه
ولازم ترتاح مينفعش عليك الاجهاد دا كلو .. هيا اكيد مع الوقت هتفتكر بس لازم ترجع
لحياتها الطبيعيه اللي كانت عايشاها قبل الحادثه "
" طيب يادكتور .. هيا ممكن تطلع من هنا امتى "
" يعني حوالي بكرا او بعدو بالكتير .. الف سلامه
عليكم "
" الله يسلمك . شكرا يادكتور "
ورجعو على غرفه بسمة وهما قلقانين من اللي بيحصل ..
دخلو لقو مامت بسمه بتقرا قرآن وباباها ماسك ايدها وباصص
عليها
" ايه يابسمه عامله ايه .. شدي حيلك الدكتور قالت
ممكن تطلعي بكرا او بعدو .. "
" بجد والله ياشريف؟ طب الحمدلله سلامتك يابنتي
"
" الله يسلمك يا بابا "
وبصت على عمرو باستغراب بعدين بصت الناحيه التانيه
وعمرو حاسس انها مش عايزه تشوفو من غير سبب بس مقدر
موقفها
شريف طبطب على كتفه .. وبص لباباه
" احنا حكينالها ياشريف كل حاجه .. بس هيا للاسف مش
فاكره اي حاجه من كل دا "
بسمه بصت لعمرو لقت في عنيه دموع مخبيها
حست انها زعلته غصب عنها بس كمان اللي جواها مش سهل ولا
بإيديها ..
" ممكن طب ياجماعه اكلمها لوحدي شويه لو سمحتو
"
بسمه شدت على ايد باباها وباباها بصلها وابتسم وطبطب على
ايدها وقامو التلاته طلعو يقعدو في الكافيتريا
عمرو مسك كرسي وقرب من سرير بسمه وقعد عليه
بصلها وهيا حاسه انها متوتره ومش عايزه تفضل في الموقف
دا كتير
" بسمه حبيبتي .. انا عارف ومقدر اللي انتي فيه ..
وعارف انو غصب عنك
بس انا اوعدك اني مش هتخلى عنك مهما كان موقفك ومش هسيبك
لوحدك ابدا زي ماوعدنا بعض من 5 سنين
بس انا عايزك تساعديني وترجعي معايا بيتنا عشان تاخدي
عالوضع .. الدكتور قالت انك لما ترجعي لحياتك الطبيعيه دا هيساعد كتير على رجوع
الذاكره "
بسمه باصه عليه ونفسها لو تفتكره نفسها لو تفتكر اي حاجه
منه .. ريحته .. شكله .. صوته .. اي حاجه لكن مفيــــــش!!
" اا .. اانا معرفكش ! "
" متوجعنيش اكتر من كدا ونبي يابسمه .. انتي ايه
اخر حاجه فاكراها "
" انا فاكره اني كنت قاعده مع شريف في الصاله
وبقولو عندنك محاضرات بكرا ولا لاء عشان انا بكرا معنديش "
" تمام ياحبيبتي انا وانتي درسنا في كلية حقوق
فاكره ؟ "
" لاء .. انا اللي بقولك عليه دا كنت في سنه اولى
في حقوق لكن مش فاكره اني شفتك في حياتي قبل كدا مش درست معايا كمان "
" مع الوقت هتفتكري كل حاجه .. هفضل معاكي "
ومسك ايدها بسرعه شدت ايدها من ايده وبصتله باستغراب
عمرو اتصدم من الموقف ومعرفش يقول ولا يعمل ايه
بس بردو غصب عنه يقدر موقفها لان دا مش بايديها
قام من عالكرسي وبص عليها بصت الناحيه التانيه وغمضت
عنيها
وطلع من الغرفه ..
راح الكافتريا لقا شريف وحماه وحماته قاعدين .. راح قعد
معاهم
" ايه ياعمرو اخبارها ايه دلوقتي "
" كويسه ياعمي بس المشكله انها مش فاكرااااااني انا
بجد موجوع من الموضوع دا "
" معلش يابني انشالله هتفتكرك واحده واحده "
" ايوا ياعمرو متقلقش الدكتور قالتلك ذاكرتها
هترجعلها بس لما تعيش حياتها الطبيعيه اللي كانت قبل الحادثه "
" ياشريف دي رافضاني تماما .. جيت امسك ايدها شدتها
مني! ازاي هتعيش معايا في بيت واحد "
" معلش ياعمرو احنا ناخدها معانا اول اسبوع وتعالى
انتا اقعد معانا كل يوم ميهمكش .. خليها تتعود عليك بعدين تيجي معاك البيت "
" يا ماما ارجوكي متحسسنيش اني بتعرف عليها وبحكم
عليها تحبني .. انا بجد متدايق ياجماعه ارجوكو "
" طب انتا شايفلها حل تاني! "
جميله جدااااااااااااا جداااااااااا
ردحذفوجودك اجمل :)
ردحذفحلوه اوووى بدايه مشوقه
ردحذف