"
مفيش ياحبيبتي تعالي وانا اقولك "
ودخلو
هما التلاته وكانت مامت وبابا شريف وبسمه قاعدين
"
ايه يابني انتا وهوا كنتو فين "
"
مفيش ياعمي كنت عامل مفاجأه لبوسبوس "
وبص
لبسمه وبسمه باصاله ومحتاره ومش فاهمه اي حاجه
"
كنت ماشي بالعربيه رايح اجيب حاجه لبسمه لقيت شريف في الشارع بالصدفه قمت واخده
معايا ورحنا "
"
فين بأه "
"
هقولكو فين .. بسمه تعالي "
راحتلو
بسمه ووقفت قدامه
"
نعم ياعمرو "
"
ممكن تغمضي عينك "
بسمه
غمضت عينها وعمرو طلع السلسله ولبسها لبسمه وهيا حاسه بايده بس مكسوفه تشيلها
وتكسفه قدام الكل كدا
" افتحي
عنيكي حبيبتي يلا "
فتحت
بسمه عنيها وبصت على رقبتها لقت سلسله دهب مكتوب عليها عمرو
ابتسمت
وبصت لعمرو
"
الله يابني جميله اوي زوقك كالعاده حلوه "
"
عجبتك يا ماما "
"
جدا ماشالله هتاكل حته من رقبتك يابسمه مبروك عليكي ياحبيبتي "
"
مبروك عليكي يابسمه "
" الله
يبارك فيكي يا ماما انتي وبابا ربنا يخليكو .. "
"
لما اتحطت على رقبتك بأت حلوه يا بسمه "
"
تسلم ايدك ياعمرو بجد جميله اوي ربنا يخليك "
"
يخليني بس؟ " وغمزلها
"
اممم ازاي "
"
يعني .. يخليني ليكي مثلاااااا يعني "
"
ههههههه طبعا "
"
ماشي حبيبتي ويخليكي ليا .. يلا ياجماعه عشان ننزل بأه ؟ "
"
ماشي يلا "
"
طب انا هقوم انام بأه "
"
تنام ايه ياشريف احنا متفقين من بعد الغدا ننزل كلنا روح يلا غير هدومك "
"
بس ياعمرو "
"
مفيش بس .. وبعدين فين عربيتك بقالك يومين بتنزل بتاكسي "
"
مفيش مكنتش عايز انزل بيها عشان ميحصلهاش حاجه .. عموما حاضر انا داخل البس "
"
يلا تمام .. يلا يا ماما يلا ياعمي "
"
حاضر يابني "
والكل
دخل على اوضته الا بسمه وعمرو
"
يلا حبيبتي روحي البسي "
"
طب انتا مش هتغير هدومك؟ "
"
لاء انا كدا تمام ولا شكلي وحش ؟ "
"
لالالا تمام اوي خلاص انا هغير واجي بس ممكن اطلب منك طلب؟ "
"
ياسلام انتي تؤمري ياحبيبت قلبي "
"
ينفع تيجي تنقيلي لبس انتا بتحبو عليا عشان البسو "
عمرو
بصلها وهوا متفاجىء من التغير دا ومبسوط من اللي هيا قالته بس حاسس انه خايف انها
تكون بتعمل كدا مش من قلبها مجرد انها بتجبر خاطرو بس مش اكتر
"
اكيد طبعا "
وقامو
الاتنين دخلو الاوضه وفضل يدور في لبسها على طقم في باله
واول لما
لقاه مسكه
"
اهو هوا دا "
"
الله تحفه لونه "
"
انا اللي جايبهولك على فكره .. دا لبستيه اول سنه نحتفل فيها بعيد جوازنا .. اول
يوم في السنه كانت اول مره تلبسيه فيها وحشني عليكي اوي زي ماكلك على بعضك وحشتيني
"
"
خلاص وانا هلبسه .. على فكره زوقك حلو في اللبس اوي وحتى في الدهب .. انا شفت
الدهب اللي عندي وعرفت ان كلو هدايا منك .. زوقك بجد رقيق جدا "
"
زوقي من يوم ماحبيتك وهوا حلو عارفه ليه "
"
امممم لاء ليه "
"
عشان اول لما فكرت اختار حاجه في حياتي كانت انتي .. وانتي زوقي الحلو كلو معنى
اني اخترتك يعني اكيد زوقي حلو "
"
هههههههه على فكره عليك شوية كلام بيكسفني جدا "
"
ودي احلى حاجه بحبها فيكي بس مش تتكسفي مني دنا جوزك ياحبيبتي "
"
طب بقولك ايه يلا عشان اتأخرنننننننننننا "
"
ههههههه حاضر اهو .. "
وطلع برا
الاوضه وقفل الباب وهيا واقفه مبتسمه وحاطه ايدها عالسلسله
وهمست
بصوت واطي
"
انتا بجد ملاك ياعمرو "
مسكت
اللبس اللي عمرو طلعهولها ولبسته وطلعت وكان الكل مخلص ومستنينها
وعمرو
وشريف نزلو يسخنو العربيات عبال مابسمه تخلص
اول لما
طلعت كانت مستنيه عمرو يشوفها عشان يديها رأيو بس ملقتهوش
التفتت
حوليها واستغربت
مامتها
حست بيها وابتسمت
"
نزل ياحبيبتي "
بسمه
ارتبكت ووشها قلب احمر من الكسوف
"
هوا مين دا يا ماما "
"
جوزك ياحبيبت ماما "
"
اااا "
"
ههههههه مكسوفه من ايه دا جوزك يلا بينا "
"
طيب يلا "
ونزلت
بسمه ومامتها وباباها
اول لما
نزلو كان عمرو واقف جنبه عربيته بيشرب سيجاره
اول لما
شافها رمى السيجاره في الارض وراح اتقدملها
مامت
بسمه وباباها دخلو عربية شريف وشريف قال لعمرو انه هيسبقهم
ومشيو
وعمرو كل دا واقف باصص لبسمه
مسك
ايدها وباسها عليها
" حبيبت
قلبي طول عمرها قمر مهما لبست .. حاسس انها رجعتلي احلى من الاول "
"
عجبك؟ "
"
انتي كل حاجه فيكي عاجباني اي حاجه تلبسيها بتبأه تحفه عليكي عشان انتي اللي
بتحليها "
بسمه
معرفتش ترد وبصت في الارض
"
ممكن يابسمه ادخلك العربيه زي مابعمل دايما؟ "
"
اممم .. "
"
عشان خاطري يابسمه .. وحشني اشيلك بين ايديا والف بيكي واحس اني اسعد انسان في
الدنيا "
بسمه
هزتله راسها انها موافقه
فرح عمرو
اوي وشالها على ايده وهيا مكسوفه وقام لافف بيها وهيا مش قادره تمسك نفسها من
الضحك وقامت حاوطت رقبة عمرو بايديها عشان متقعش
اول لما عملت
كدا عمرو فرح اوي وقام فاتح باب العربيه وبص لبسمه
"
عايزه تدخلي ولا تخليكي كدا؟ "
"
هههههه يلا ياعمرو بأه عشان نلحقهم "
"
يبأه عايزه تخليكي كدا انا عاااارف "
"
هههههههه ياعمرو بطل بأه يلا بييييييينا نزلني "
"
لما تقوليلي بحبك "
"
تؤتؤتؤ "
"
قوليلي بحببببببببببببببك "
"
مش هقووووووووول "
قام بعد
عن العربيه ولف بيها تاني وهوا بيقولها " قوليلي بحبك يابسمممممه "
"
هههههههههه طيب خلاااااااص خلاص ياعمرو بحبك "
عمرو وقف
وبصلها في عنيها
"
وانا بموت فيكي يا اغلى حاجه في دنيتي ومعاكي دايما يامراتي ياحبيبتي "
"
يلا بأه ياعمرو وبطل تفضل تكسفني كدا "
"
حاضر ياحبيبت عمرو "
وفتح
الباب دخلها العربيه وقفل الباب وراها وراح الناحيه التانيه ركب واتحركو
بص
عالكاست في العربيه ومسك سي دي عليه الاغاني اللي بسمه بتحبها وشغلو
وبدأت
اول اغنيه فيه
بسمه بصت
لعمرو
"
اللللللللللللله بعشق الاغنيه دي اناااااااا "
عمرو
بصلها بلؤم
"
طب منا عارف .. السي دي دا كلو انا عامله عشانك في كل الاغاني اللي بتحبيها "
"
عشاني انا؟ "
"
وانا عندي حد اغلى من بسمتي "
"
انتا بجد جميل اوي "
"
عشان بحبك ياحبيبتي "
ومسك
ايدها باسها عليها وكمل سواقه
بسمه خدت
بالها من السلسله اللي متعلقه عالمرايه بتاعت العربيه
مسكتها
وبصت عليها لقت صورتها
فرحت اوي
وبصت لعمرو وكان نفسها تقول " بجد حبيتك من اول وجديد وانا ناسيه اصلا الحب
اللي حبيتهولك "
بس
معرفتش تتكلم واتكسفت
"
وانا كمان بحبك يابسمه "
"
ايه "
"
بقولك وانا كمان بحبك ياحبيبتي "
"
انتا ازاي .. "
"
قلتلك بنفهم بعض حتى لو بعيد عن بعض .. انا وانتي كدا بقالنا سنين "
وبصلها
وابتسم
ابتسمتله
وارتاحت اوي
"
عمرو؟ "
"
نعم حبيبتي "
"
هوا انا طول يومي بعمل ايه يعني مفيش حاجه بعملها وانتا في شغلك؟ "
"
لا ياحبيبتي بتنزلي كل يوم الجيم الصبح بوصلك بس من ساعة ماحملتي وبطلتي تروحي
عشان الجنين "
بسمه
سمعت الجمله دي من هنا ودموعها نزلت
عمرو عض
على شفايفه وافتكر انها فقدت الجنين وانها فقدت القدره عالانجاب اصلا
وزعل من
نفسه اوي
وقف
العربيه وبص لبسمه
"
حبيبتي انا اسف "
"
انا اللي اسفه "
"
ليه "
"
عشان مش هجيبلك طفل مني "
"
بسمه انتي بنتي قبل ماتكوني مراتي وحبيبتي .. انتي الطفله بتاعتي اللي بحب العب
معاها واهزر معاها وكفايه انتي عليا مش عايز حد يشاركني حبك ليا "
"
بس انا طول عمرو بحلم يبقالي بنوته العب معاها او ولد يشيل عني لما اكبر "
"
انا جنبك دايما يابسمه متخافيش "
وفجأه رن
موبايل عمرو
بص لقى
شريف بيتصل
"
دا شريف "
"
زمانهم وصلو "
"
الو .. ايوه ياشريف ادينا اهو في الطريق .. ااه اه تمام .. خلاص ماشي انا قربت اهو
.. خلاص ماشي خليكو متنزلوش لحد اما نوصل .. ماشي اه عرفت المكان .. ماشي حبيبي سلام
"
وقفل
معاه واتحرك بالعربيه
"
بقولك ايه دول هيولعو فينا بيقولي بقالنا ربع ساعه مستنينكو "
"
هههههههه ياربي "
"
ضحتك بعشقها يابسمه "
"
احم .. ازاي عرفت تكسب ماما وبابا وشريف وتخليهم يحبوك اوي كدا "
"
لاني بحب بنتهم اوي اوي وبحبهم جدا والله يابسمه
انتو بالنسبالي
اهلي وكل حاجه في حياتي شريف دا اخويا وانتي مراتي حبيبتي
وباباكي
ومامتك دول والدتي ووالدتي الله يرحمهم "
"
الله يرحمهم .. هوا انتا ملكش اخوات ياعمرو "
"
ليا بس مش في مصر ياحبيبتي "
"
اااه .. "
"
ربنا يخليكي ليا انتي وعمي وماما وشريف يارب "
"
ويخليك لينا "
ووصلو
الكورنيش وراحو لشريف ومامته وباباه وطلعو كلهم يركبو المركب
وهما في
المركب كان بسمه وعمرو قاعدين بعيد شويه عن شريف ومامته وباباه
وهما
بيتكلمو موبايل عمرو رن
بص لقى
رقم غريب بيتصل وطنشه
رجع
الرقم رن تاني
"
رد طيب ياعمرو شوف مين "
"
مليش نفس انا عايز ابأه معاكي انتي وبس "
"
طب اكيد حاجه مهمه "
ورجع
الموبايل يرن تاني
"
باين كدا "
ورد
عالمكالمه
"
الو .. ايوا انا عمرو .. "
وفجأه
بص لبسمه بسرعه
ليست هناك تعليقات:
إرسال تعليق