" طيب يا مي حاضر "
وقفلو مع بعض و مي حاسه انها مبسوطه اوي ..
اما عمرو ف حاسس ان جوا قلبو في حاجه واجعاه وبتقوللو
بلاش تروح !
بس كان في موقف مضطر انه يروح !
قام لبس ونزل خد عربيته وراح على بيت مي وطول الوقت بسمه
في بالو وجواه احساس انه رايح لبسمه مش لمي
نفسه لو يشوف بسمه رجعتله من تاني بعد كل دا .. وكأن
محصلتش اساسا الحادثه!
وصل بيت مي وطلع ورن الجرس
مي راحت جري عالباب ورجعت بصت عالمرايه وابتسمت ورجعت
فتحت الباب
" اهلاااا عمرو اتفضل "
اول لما شاف مي وسمع صوتها حس انه متدايق و ان كان
المفروض يشوف وش بسمه ويسمع صوت بسمه
" ازيك يا مي "
" الحمدلله كويسه اوي .. مالك مكشر كدا "
" انا ! لالا ابدا بس كنت سرحان وانا جاي في الطريق
"
" اتفضل .. "
وقفلت الباب وراها
" سرحان في ايه بأه "
" ولا حاجه عادي "
" لالالا مش عليا "
" ابدا بس نفسي لو ترجع ايامي اللي فاتت تاني
"
" ايام ايه "
" ايامي مع بسمه "
مي سمعت اسم بسمه وسكتت حست في حاجه واقفه على صدرها من
الخنقه
ابتسمت ابتسامه مخنوقه
" ااه .. طيب انا داخله اجيب الاكل عن اذنك "
" لا اتفضلي "
دخلت مي على المطبخ وعيونها مدمعه .. حست بدموعها
ومسحتها بسرعه وخدت الاكل وطلعته
" اجي اساعدك؟ "
" لا ملوش داعي انا خلصت يلا تعالى عالسفره "
قام عمرو وقعد عالسفره قصاد مي وبصلها
مي بصتله وابتسمت وبدأت تحطله ياكل
" يارب يعجبك اكلي "
" باين عليه طعمه حلو تسلم ايدك ولو انه مكنش ليه
لزمه التعب دا يعني "
" لا ياعمرو عيب عليك لو عالتعب انتا تعبت معايا
كتير "
" ولا اي تعب يا بسمه "
وبدأ ياكل ..
" بسمه؟ "
" مالها "
" انتا لسه قايللي يا بسمه! "
" حصل؟ "
" حصل ياعمرو!!! "
" اوف انا اسف بجد انا بعتذر والله يامي غصب عني
بسمه بجد شاغله بالي انهردا اوي .. كالعاده بس انهردا كتير والله "
" ولا يهمك ياعمرو "
" مي متزعليش بجد اسف "
" خلاص والله ياعمرو مفيش مشكله "
" متأكده؟ "
" متأكده "
كملو اكل وتقريبا الكلام معدوم
وبعد ما عمرو خلص اكل قام غسل ايدو وطلع
" مي تسلم ايدك بجد الاكل جميل اوي "
" تسلم ياعمرو يارب يكون بجد عجبك "
" لا جامد تسلم ايدك طلعنا ستات بيت شاطرين اهو
"
" هههههه اه حاجه زي كدا "
" طيب استأذن انا بأه "
" ليه ياعمرو متخليك قاعد شويه "
" ورايا حاجات كتير لازم اعملها يا مي معلش "
" طيب ياعمرو .. عموما خد بالك من نفسك "
" حاضر وانتي كمان "
" ابأه سمعني صوتك ياعمرو "
عمرو بصلها وابتسم
" يلا سلام "
" سلام "
طلع عمرو ونزل ركب عربيته وحس انه تايه مش عارف يروح فين
ومكنش ف بالو مي بالمره ولا كأنه لسه كان معاها اصلا ..
اما مي ف بعد ما عمرو نزل دخلت على اوضتها نامت عالسرير
ومكنش في بالها الا عمرو وازاي تقرب منه
عند بسمه ..
" ماماااااا "
" نعم ياشريف .. عملت ايه ياحبيبي "
" تماااااام الحمدلله عندي ليكي خبر بأه ياست الكل
"
" حلو؟ "
" اوي وهيفرحكو كلكو "
" قول يابني دنا بقالي كتير نفسي افرح "
" انا عايز اخطب "
" بجد ونبي؟ "
" ههههههه بجد ونبي يا امي "
" يابسسسسسسمه .. بسمه .. بسسسسسسسسسسسسمه "
" ايوا ايوا يا ماما كنت بنيم منار في ايه "
" اخوكي ياستي "
" مالو .. مالك ياشريف في ايه "
" مالك يابنتي مخضوضه كدا ليه .. هخطب ياستي "
" لالالا .. بجددددد ؟ "
" اه والله ههههههه "
" ياحبيب قلبي مبرووووك "
وخدته في حضنها ..
" مبروك يابني .. استنى لما ابوك يعرف بالخبر دا
يعملك احلى فرح فيكي يامصر "
" مش اوي كدا يا ماما .. الله يبارك فيكو ويخليكو
ليا يارب "
" مين هيا بأه ياشريف "
" اه صح مين هيا وامتى وهيا موافقه؟ طب وبتحبو بعض؟
اممممم وايه كمان .. طب هيا بتدرس ايه "
" ايييييه يا بت يامجنونه انتي حيلك عليا .. تعالو
لما احكيلكو "
وطلعو قعدو في الصاله ..
" احكي ياكازانوفا "
" ماشي ياست بسمه .. اسمها شيماء .. بحبها جداااااا
وطبعا موافقه هيا ..
انا باقيلي امتحان هخلصو ونروح نتقدملها "
" ماشي يابني بس مش لما نسأل عليها "
" بلا نسأل عليها دي اول واحد تكلمو في حياتها انا
.. انا عايزكو تقفو معايا ونبي يا ماما "
" يابني على عيني انا في ايه عندي احسن من اني افرح
بيك ياحبيبي "
" ربنا يخليكي ياست الكل "
" بتحبك ياشريف؟ "
" طبعا "
" متأكد ؟ "
" اه يابنتي والله .. بنحب بعض جدا معندكيش فكره
"
" ربنا يخليكو لبعض ياشريف "
" ويخليكي ليا يارب يابسمه وتتصالحي انتي وعمرو بأه
وتفرحي بمنار كمان "
بسمه بصتله وابتسمت ابتسامه مجروحه
" انا هقوم انام جنب منار شويه "
" ماشي حبيبتي تصبحي على خير "
" وانتي من اهل الخير يا ماما .. عن اذنكو "
دخلت بسمه على اوضتها نامت عالسرير وخدت منار في حضنها
وفضلت تفكر في عمرو
حست انو واحشها بس كمان حست انها بدأت ترتاح للطلاق
وان دي اشاره من عند ربنا بعد الاستخاره انها تطلب
الطلاق تاني والمرادي يبأه بجد ..
بس كمان نفسها لو تشوف عمرو من تاني ..
حست انها متلغبطه اوي ونعست وهيا عالسرير
عمرو فضل يلف كتير اوي بالعربيه مش عارف يروح فين ولا
يعمل ايه
روح عالبيت وطلع دخل عالاوضه فتح الدولاب وبدأ يمسك لبس
بسمه ويشم فيه
خد طقم بيحبو عليها اوي وراح عالسرير خدو ف حضنه وفضل
يشم فيه
بعدين مسك الموبايل ولسه هيتصل ببسمه لقى مي بتتصل
" اوففففففففف .. ياربي طب اعمل ايه مش عايز ارد
"
فضل باصص عالموبايل وعلى اخر رنه رد
" الو "
" الو ياعمرو نايم "
" لالا لسه منمتش "
" طب انتا وحشتني "
" وحشتك!؟ "
" جدا والله "
" ..... "
" عارفه معندكش رد ياعمرو بس انا قررت اصارحك بحاجه
جوايا ومش قادره اقاومها اكتر من كدا "
" ايوا ؟ "
" انا بحبك ياعمرو !! "
وقفلت في وشو .. !
عمرو بص للموبايل وهوا فاتح عينه ومصدوم من اللي سمعو
ومش عارف يعمل ايه ولا حاسس بـ ايه ولا كان لازم يرد يقول ايه
حاسس ان قلبه هيتخلع من مكانه من كتر الاحساس .. مش فاهم
اصلا هوا حاسس بـ ايه .. مجرد مش فاهم وبس!
رمى الموبايل على السرير جنبه وبص للبس بسمه اللي في
حضنه وقربه ليه اكتر
" بحبك يابسمه! "
مي ..
بعد ما قفلت مع عمرو فضلت تعيط ..!
حست انها غلطت انها صارحته بمشاعرها بس مقدرتش تخبيها
اكتر من كدا وهيا شايفه عقلبه وقلبه واحساسه وكل حاجه فيه مع غيرها
نفسها لو تملكو .. مش لازم يحبها بس عالاقل ميحرمهاش منه
عمرو رجع مسك الموبايل تاني وبص عليه
بعدين اتصل ببسمه
بسمه كانت نايمه وصحيت على صوت الموبايل وهوا بيرن
بصت لقت اسم عمرو استغربت اوي ..
وردت من غير ماتتكلم
" الو بسمه ..
بسمه ردي عليا!
طب مترديش بس انا عايز اقولك حاجه .. انا بجد بحبك والله
بحبك اوي وانهردا اتأكدت اكتر واكتر
انا مقدرش غير اني اكون ليكي انتي وبس ..
ارجعيلي يابسمه محتاجك والله ومحتاااااجك
ونبي ماتخليني ادور عليكي في غيرك
دنا حاضن لبسك ونايم عالسرير ..
اعمل ايه ونبي اكتر من كدا عشان القاكي تاني
بسمه انا بحبك .. ارجعيلي يابسمه
بحبك "
وقفل
المكالمه
حلوه اوي يا رنا :D :D
ردحذفعمرو دا يجنننننننننننننننننننن
ردحذف