شافوها استغربو
هيا ليه قاعده كدا وليه لابسه كدا
مامتها جريت عليها وخدتها في حضنها وفضلت
تبوس فيها
وباباها باصص عليها وعايز يفهم في ايه
الام " مالك يابنتي فيكي ايه ياحبيبتي
تعبانه من ايه بس "
دينا " انا كويسه "
باباها ومامتها بصو لبعض وبصولها وهما
مصدومين
من الصدمه محدش فيهم قدر يتكلم .. . .
فضلو باصينلها ودموعهم بتنزل وهيا بتتكلم مش
مصدقين ان اخيرا سمعو صوتها من تاني
دينا " انا بأيت كويسه .. الحمدلله
طلعوني من هنا بأه انا زهقت .. كنت عاملهالكو
مفاجأه
اديني خفيت .. طلعوني .. عايزه امشي اتخنقت
خلاص عايزه اشوف الدنيا تاني
كرهت السجن اللي انا حبست نفسي فيه دا ..
"
الام " حاضر .. حاضر ياحبيبتي حاضر من
عنيا الاتنين هنمشي وحياتك هنمشي "
الاب " انا حالا هخلص كل الاجراءات
ونمشي .. حمدلله على سلامتك ياعمري "
وباسها على راسها
طلع بسرعه راح اتكلم مع دكتور مياده ودخلو
سوا الغرفه على دينا ومامتها
الدكتور " ها خلاص قررتي ؟ "
دينا هزت راسها بـ اه من غير كلام . .
الام " لا ابوس ايدك سمعينا صوتك بلاش
تمحيه تاني "
دينا بصت لماماتها وابتسمتلها
دينا " متخافيش انا كويسه "
الاب " الف حمد والف شكر ليك يارب
"
الدكتور " طيب يا دندونه .. هتوحشينا
والله "
الام " نفدر ناخدها انهردا ؟ "
الدكتور " طالما هيا عايزه كدا يبأه
براحتها بس لازم تاخد بالها من نفسها .. اتفقنا يا دينا "
دينا " حاضر يا دكتور .. شكرا على كل
حاجه "
الدكتور " تعالي هاتي حضن يلا ياكتكوته
"
دينا راحت حضنت مياده ومن جواها بكل نفس
بتتنفسه بتقولها شكرا
الدكتور " طيب يا دندونه شوفي انتي حضري
شنطتك وانا هتكلم مع ماما وبابا شويه ماشي "
دينا " ماشي "
قعدت دينا تعمل شنطتها ودخلت الممرضه ساعدتها
اما دكتور مياده فـ طلعت برا الغرفه هيا
وبابا دينا ومامتها
الاب " خير يادكتور "
الدكتور " بصو يا جماعه بصراحه انا
عايزه افهمكو على حاجه اي مريض عندنا بيخرج من هنا بقولها لاهلو "
الام " ايه هيا "
الدكتور " دينا فترة قعادها هنا مكنتش على
اد ما انا كنت متوقعه .. "
الام " يعني ايه يادكتور "
الدكتور " يعني طالعه من هنا بدري عن
الوقت اللي كنت حاسباهولها "
الاب " ودا معناه ايه "
الدكتور " هوا ليه معنى من الاتنين ..
يا اما دينا زهقت وعايزه تمشي وهيا لسه من جواها مخفتش ودي حاله خطر جدا .. يا اما
هيا فعلا خفت اسرع من الوقت اللي كنت محدداهولها "
الام " طب واحنا نعرف ازاي "
الدكتور " من تصرفاتها .. انا بس
عايزاكو تاخدو بالكو منها جدا .. يعني هتلاقوها متغيره شويتين .. بلاش دا يأثر
عالمعامله .. عايزاكو تتعاملو معاها عادي ومتحسسوهاش انها عيانه لسه . . واعملو
حسابكو انها ممكن فجأه تلاقوها زعلانه من غير سبب .. عادي جدا .. ممكن تلاقوها
بتتعصب من اقل سبب .. كمان عادي جدا .. اهم حاجه حاولو تتعاملو معاها من غير عنف
وفي نفس الوقت متحسسوهاش انكو مراعيين ظروفها او كدا "
الاب " طيب ماشي يادكتور خير ان شاء
الله "
الدكتور " على فكره .. لو محصلش اللي
انا بقولو دا .. احتمال 90% الحاله تتنكس تاني وترجعلنا المصحه بس المرادي هيبأه
علاجها صعب جدا جدا .. خدو بالكو "
الام " لا اله الا الله .. ربنا يستر
يادكتور ان شاء الله "
الاب " خير ان شاء الله متشكرين لحضرتك
على تعبك "
الدكتور " لا شكر على واجب دا واجبي
واتمنى اكون قدرت اشتغل فيه بمسؤوليه تليق بيه .. عن اذنكم "
الاب " اتفضلي "
مشيت مياده ومامت دينا بصت لجوزها
الام " وبعدين؟ "
الاب " متقلقيش .. بإذن الله خير اكيد
هنعرف نتعامل معاها مش كدا ؟ "
الام " يارب "
الاب " وبعدين اخواتها لما تشوفهم هتنسى
الدنيا دول نفسهم يشوفوها "
ولقوها طلعت من الغرفه
دينا " انا خلصت "
الاب " طيب ياحبيبتي يلا بينا "
وخدت شنطها ومشيت هيا وباباها ومامتها
في العربيه
الام " انا مش مصدقه نفسي .. حبيبتي
اخيرا "
الاب " دا انا هعملك حفله كبيييييره اوي
وكل صحابك اللي كانو بيسألو عليكي هيجو .. دول ما هيصدقو اصلا "
دينا " لا يا بابا مش عايزه "
الام " ليه ياحبيبتي ! "
دينا " ايه منظري يا ماما تقدري تقوليلي
؟ "
الاب " منظرك فـ ايه يابنتي الله !
"
دينا " منظري وانا طالعه من المصحه
وانتو عاملينلي حفله .. بمناسبة ايه الحفله ان شاء الله .. كسبت جايزه ولا نجحت !
دنا طلعت من مصحه كنت بتعالج منها كأني مجنونه "
الام " اخس عليكي كدا بردو يا دينا
"
الاب " ايه اللي انتي بتقوليه دا يا
دينا عيب عليكي !!! "
دينا " وهوا انا قلت حاجه غلط "
الام " خلاص ياحبيبتي مش لازم حفله ..
تحبي تشوفي صحابك امتى طيب "
دينا " مش عايزه اشوف حد "
باباها ومامتها بصو لبعض ومعرفوش يردو عليها
مامتها حبت تلطف الدنيا من غير مشاكل
وعشان متزعلش دينا
الام " خلاص ياحبيبتي مش لازم .. كل
اللي عايزاه هيحصل ولا يهمك "
دينا رجعت راسها لورا وغمضت عينها
لحد ما وصلو البيت ..
دخلو .. وكان مروان ومروه في البيت
اول لما شافو دينا جريو عليها
حضنتهم وفضلت تبوسهم ودموعها على خدها
مروان " دييييييييييييييينا "
مروه " دينا دينا وحشتينا كنتي فين بأه
كل دا انا زعلانه منك "
دينا " حبايب دينا يا احلى اخوات .. ليه
بس تزعلي مني يا حبيبي دنا دندونه حببتك "
مروان " اومال مش بتيجي عندنا ليه
"
دينا " ههههههههه مبجيش عندكو ازاي
يامروان "
مروه " قصدو يقولك مبتجيش البيت ليه بأه
"
دينا " حبايبي مش انتو عارفين اني كنت
عيانه "
مروان ومروه " ااه "
دينا " طيب .. كنت في المستشفى واديني
خفيت وجيت اهو "
مروه " طب بصي بأه مفيش خروج من البيت
من غيرنا بعد كدا مليش دعوه بس "
مروان " ايوا وانا هقفل الباب بالمفتاح
مش هسيبك تمشي من غيرنا "
دينا دموعها نزلت من تاني وهيا مبسوطه انها
اخيرا شايفاهم قدامها
حضنتهم من تاني
دينا " حاضر ياحبايبي مش هسيبكو تاني ان
شاء الله "
الام " خلاص بأه كفايه سيبوها شويه
ترتاح "
الاب " يلا حبايبي سيبو دينا تنام شويه
وبكرا تلعبو سوا "
الام " لا تنام ايه نتغدى الاول وبعدين
تنام براحتها "
الاب " طيب تحبو ناكل هنا ولا نخرج سوا
نتغدى "
مروان ومروه " برااااا "
دينا بصت عليهم وضحكت
الام ارتاحت انهم غيرولها مزاجها للاحسن
الاب " وانتي يادينا ايه رأيك "
دينا " انا مش عايزه اخرج "
مروان " لاءاااااااا "
مروه " مليش دعوه بأه "
دينا " بس عشان خاطر التوأم العسول دا
لازم غصب عني اعمل كل اللي نفسهم فيه "
مروان ومروه " هيييييييييييييييه "
وفضلو يتنطوطو حوالين دينا
دينا " ههههههههههههههه "
الام " يلا ياحلوين عشان ندخل نلبس ؟
"
مروان ومروه جريو على اوضتهم ورجعت مروه تاني
مروه " ديناااااا "
دينا " نعم يا قمر "
مروه " متمشيييييييش "
دينا " ههههههه حاضر والله ما همشي انا
مستنياكو يلا ياعسوله بسرعه يلا يلا "
مروه " حاضر حاضر "
وطلعت تجري تاني على الاوضه
دينا فضلت باصه عليها لحد ما بعدت وعلى وشها
ابتسامه كانت محتجالها ومشتاقلها من زمان
الام " حلوه اوي الابتسامه دي يادينا
متحرميش حد منها "
الاب " انا واثق انها مش هتحرمنا منها
عشان هيا بيها زي القمر .. اكتر ما هيا قمر اساسا "
دينا " ربنا ما يحرمني منكو "
الام " طب ايه مش تقومي تغيري هدموك
ياحبيبت قلبي "
الاب " لالالا سيبيها بالطقم دا .. حلو
اوي عليها اصلا "
دينا " خلاص خليني بيه "
الاب " طيب ياحلوين اقوم انا اغير هدومي
.. مش تقومي يا اماني تغيري انتي كمان "
الام " طيب يلا "
ودخلو اوضتهم ..
اما دينا فـ فضلت قاعده كدا شويه
وبعدين قامت دخلت اوضتها
حست انها بقالها سنين مشافتش الاوضه
او تقريبا
حاسه انها اول مره تشوف الاوضه اصلا ..
حست انها غريبه عالبيت كلو مش بس عالاوضه
بس اكيد لازم هترجع تتعود عليه من تاني
مروه طلعت من اوضتها على برا فضلت تدور على
دينا ملقتهاش
فضلت تعيط جامد اوي
دينا لما سمعت عياطها طلعت بسرعه تشوفها
" مروه مالك .. "
" انتي مشيتي وسبتيييييييييني "
" ياحبيبي لاء انا اهو انا اهو والله
"
ومسحتلها دموعها وخدتها في حضنها
" والله انا اهو ياحبيبت قلبي .. مش
همشي تاني "
" اومال كنتي فييييييييييين "
" كنت في اوضتي والله .. وبعدين وريني
كدا "
ومسكتها من ايدها ولفتها
" ايه القمر دا .. اختي يا ناس قمر ؟
"
" يا سلام؟ حلوه بجد يا دينا "
" قمر ياحبيبت قلبي .. مش دا اللبس اللي
جبتهولك في عيد ميلادكو انتي ومروان "
" ااه واقولك على سر كمان؟ "
" قوليلي "
" مروان هيلبس الطقم اللي جبتيهولو
يومها بس هوا عاملهالك مفاجأه "
" هههههه "
" دينا دينا "
" نعم "
" تعالي سرحيلي شعري "
" حاضر ياحبيبت قلبي تعالي "
وشويه ومامتهم وباباهم خلصو ومروان خلص ونزلو
سوا ..
ليست هناك تعليقات:
إرسال تعليق