تاني يوم الصبح دينا صحيت على موبايلها بيرن
بصت في الموبايل بعيون نعسانه
لقت حازم بيتصل بيها
ابتسمت وردت . . .
" الو "
" صباح الخير يا جميل "
" اممم .. صباح النور "
" ايه دا انتي بتتمطعي لسه .. انتي لسه
نايمه ولا ايه "
" ااه لسه نايمه انتا صحتني اهو دلوقتي
"
" طب منا عارف .. صحصحي يلا "
" طب طالما انتا عارف بترخم عليا ليه
"
" انا رخم ؟ "
" لا ياحبيبي انتا حازم ابن عمي واخويا
الرخم "
" اه اذا كان كدا ماشي "
" هههههههه "
" يا ناس يا ناس عالضحكه ايه الجمال دا
يا واد عالصبح كدا "
" حاااااازم "
" نننننننننعم "
" بطل "
" حاضر "
" ماشي ياخويا "
" طب بقولك ايه فوقي بأه بجد "
" ليه عايز ايه عالصبح كدا "
" اصلا الساعه 12 الضهر يا هانم وغير
كدا عايز ننزل نتمشى شويه "
" 12 الضهر ! غريبه جدا محدش دخل يصحيني
يعني "
" طب قومي يلا شوفي الدنيا عندك وانا
شويه وهعدي عليكي "
" على فين طيب "
" مش عارف بس عايز ننزل سوا شويه "
" ياربي انا مكسله اوي "
" قومي يا بنت "
" حاضر حاضر "
" شطوره .. يلا شويه وهعدي عليكي "
" ماشي سلام "
" سلام "
قفلو مع بعض وقامت دينا من عالسرير بدلع وكسل
مش طبيعين
غسلت وشها وطلعت لقت باباها قاعد بيتفرج
عالتلفزيون
راحت باستو على خدو وقعدت جنبه
" صباح الخير ياجميل "
" صباح النور يا بابا ايه فين الناس
محدش صحاني ليه "
" قولنا نسيبك نايمه براحتك .. حتى
اخواتك لسه مصحيوش "
" لحد دلوقتي "
" مش انهردا السبت اجازه .. لازم ينامو
براحتهم منتي عارفاهم "
" طبعا .. طب وماما فين "
" في المطبخ بتحضر الغدا "
" هناكل ايه انهردا "
" مش عارف والله اسأليها "
" طب بقولك ايه حازم كلمني وعايز يعدي
ياخدني كمان شويه "
" طيب اتغدو بعدين روحو براحتكو "
" مش هيرضى "
" ليه "
" ههههه معرفش "
" لاء قوليلو "
" طيب حاضر .. اقوم اشوف ماما بأه
"
" ماشي ياحبيبتي "
دخلت دينا على مامتها المطبخ لقتها شغاله فيه
بتعمل الغدا
" الجميل بيعمل ايه "
" ايه دا صحيتي من بدري "
" لاء دنا لسه حالا صاحيه "
" صباح الجمال يادندونه "
" صباح الورد يا مامتي "
" بعملك شاورما زي ما بتحبي "
" الله يا ماما الله تسلم ايدك "
" الله يسلمك ياحبيبت ماما "
" حازم بيعشق الشاورما هخليه يجي يتغدى
معانا زي ما بابا قاللي .. حماتك بتحبك يا واد يا حازم اه والله "
" هههههههههههههه خليه يجي ياستي احنا
ورانا غير سي حازم "
" ماشي يا مامتي هروح اكلمو واصحي
العيال اللي نايمين دول "
وطلعت من المطبخ اتصلت بحازم وقالتلو يجي
يتغدى معاهم
عشان مامتها عامله شاورما زي ما بيحب ..
حازم بردو من ساعة مامتو ما توفت وهوا مش
بياكل اكل نضيف الا من ايد مرات عمو . .
طلعت من اوضتها ودخلت على مروه ومروان لقتهم
في سابع نومه
ابتسمت بلؤم وبصتلهم وفكرت تفش غلها فيهم
ازاي
ماهما كل يوم بيجننوها وهما بيصحوها
فضلت تفكر ملقتش غير انها تفضل تتنطط على
سرايرهم زي ما بيعملو فيها
وفعلا راحت على سرايرهم هما الاتنين وفضلت
تصحيهم وتتنطط من السرير دا للسرير دا
وهيا بتضحك بصوت عالي وبتصحيهم
صحيو هما الاتنين بخناق وزعيق
دينا " بأه كدااااااا .. طب مش هتقومو
مش هلعب معاكو بلاي ستيشن تاني "
مروان " يووووووه انتي هتذلينا فكك يا
عم عايز انااااااااااام "
مروه " اوفففففف .. لاء خلاص انا هقوم
"
دينا " بأه كدا ياسي مروان
ماااااااااااااشي ماشي مش هلعب غير مع ميرو بس بعد كدا "
مروان رفع الغطى من على وشو وبصلهم كدا
ومروه فرحت وقالت هيييييييييييييييييه
وراحت حضنت دينا
مروان " لالالا خلاص رجعت ف كلامي
"
دينا " معندناش رجاله ترجع في كلامها
"
مروان " سماح المرادي ونبي ونبي "
مروه " خلاص يا دندونه سامحيه المرادي
بس "
دينا " امممممممم افكر "
مروه ومروان " بليز بليز
بلييييييييييييز "
دينا " هههههههههه خلاص ماشي .. يلا
قومو بأه عشان ماما قربت تخلص الغدا "
مروان " هناكل ايه "
دينا " شاورما "
مروه ومروان " هييييييييه "
دينا " يلا ياحلوين قومو يلا يلا "
دينا طلعت من اوضتهم وراحت لمامتها تاني
المطبخ
ووقفت معاها تساعدها
ومامتها كانت فعلا من قلبها مبسوطه ان دينا
شويه بشويه
بدأت ترجع زي ما كانت واحسن كمان
كل اللي ناقصها بس .. انها ترجع الجامعه
خلصو الاكل وكان حازم جه وقعدو ياكلو سوا
بعد الغدا قامت دينا وحازم عملو الشاي وطلعو
شربوه سوا
حازم " عمي انا هاخد البنوته دي منكو
انهردا "
الاب " ماشي ياحبيبي بس متأخرهاش "
حازم " عنيا حاضر "
الام " وخد بالك منها ونبي يابني "
حازم " عيب عليكي يا طنط دي في عنيا
"
الام " ربنا يكرمك يارب "
حازم " قومي البسي بأه "
دينا " حاضر اهو "
مروه " هتاخدها فيييييييين "
حازم " اهو هنتمشى شويه كدا "
مروه " يووووووووه يابختها معندهاش
مدرسه بكرا والله لو مكنش عندي لا كنت جيت معاكو "
مروان " ياسلام وتسيبوني لوحدي بأه
"
مروه " لاء طبعا مستحيل اكيد كنت روحت
انا وانتا نرخم عليهم "
دينا " هههههههههههه "
حازم " كدا يعني يا ميرو "
مروه " بهزر بهزر "
حازم " مااااااشي ياستي "
دخلت دينا تلبس وحازم قاعد بيهزر مع عمو
ومرات عمو ومروه ومروان
خلصت دينا لبس " وكالعاده لبست نفس
اللون اللي لابسو حازم "
وطلعت سلمت على باباها ومامتها واخواتها
ونزلت مع حازم
وركبو العربيه
" على فين يا حزووووم "
" تحبي نروح فين انتي طيب "
" مش عارفه اي مكان "
" خلاص ماشي .. زمانك بقالك كتير
مروحتيش ستاربكس مش كدا "
" وانا يعني بروح في مكان بقالي شهور
منتا عارف "
" خلاص تيجي ؟ "
" ماشي معنديش مانع "
" اشطه "
وطلعو فعلا على ستاربكس .. كان الطريق زحمه
جدا ولحد ما وصلو
كان كل كلامهم هزار في هزار في العربيه
اول ما وصلو وراحو قعدو
طلبو الاوردار بتاعهم
وحازم استأذن من دينا وقام اتكلم مع واحد من
اللي بيشتغلو في الكافيه
ورجع قعد معاها تاني
دينا استغربت اوي لانهم كانو خلاص طلبو
الاوردار
دينا " في حاجه ولا ايه "
حازم " امممم .. لالا متخديش في بالك ..
مفيش اي حاجه "
وغمزلها . . .
ليست هناك تعليقات:
إرسال تعليق