دينا مفهمتش قصدو من الغمزه دي
واستغربت اكتر واكتر لكن عدت الموضوع ورجعو
يتكلمو ويهزرو سوا
شويه ونزلت الاوردرات وفي وسط ما هوا بيتكلمو
اشتغلت اغنية وجه الجارسون ومعاه تورته فيها
شمع
وحطها عالتربيزه اللي كانو دينا وحازم قاعدين
عليها
دينا استغربت اوي وكل اللي في الكافيه بدأ
يغني مع الاغنيه
Happy birthday to dina
دينا استغربت اوي من الموقف دا وفضلت مبتسمه
رغم انها مخضوضه
وكانت فعلا مفاجأه جميله
كلو غنالها وشكرتهم ورجعو اماكنهم وبصت لحازم
" كل سنه وانتي طيبه يا قمر "
" بس انهردا مش عيد ميلادي "
" عيد ميلادك بعد اسبوعين بالظبط يابنوته "
" ايه دا .. صحيح فعلا تصدق ! "
" عيب عليكي انا منساش اليوم اللي شلتك
فيه على ايديا وسميتك بنفسي وقولتلهم دي اختي وانا اللي هربيها "
" انتا احلى حاجه في الدنيا يا حازم
"
" وانتي احلى اخت ممكن ربنا يديها لحد
يا اجمل دينا في الدنيا "
" يارب يخليك ليا انا بجد مبسوطه من
المفاجأه دي والله ما كان على بالي وناسيه خالص ان عيد ميلادي قرب "
" هوا انتي ناسيه اني دايما اول واحد
يقولك كل سنه وانتي طيبه "
" اكيد مش ناسيه "
" يلا غمضي عيونك بأه "
" اممممم جبتلي ايه المرادي منا عارفه
حركاتك "
" غمضي بس "
دينا غمضت عنيها وابتسمت وحازم قام من
عالتربيزه راح جاب كيس كبير كدا ورجع . .
" افتح عيونك الحلوين دول يا جميل
"
دينا فتحت عنيها وبصت لحازم وابتسمتلو
" كان نفسك في ايه بقالك فتره وقولتيلي
"
" لاء مش فاكره منتا عارف انا بيبأه
نفسي في حاجات كتير وبقولك عليها "
حازم مسك الكيس وطلع منو كاميرا " كانون
"
دينا اول لما شافتها شهقت وحطت ايدها على
شفايفها من الصدمه والفرحه
" حازم !! دي الكانون اللي كان نفسي
فيها "
" ههههه عارف "
" انتا ازاي كدا "
" انتي تستاهلي اغلى من كدا بكتير ..
كان نفسي اجيبلك الدنيا كلها بس واحده واحده وحياتك "
" ياربي ياحازم مش عارفه اقولك ايه
"
" بصي جبتلك ايه كمان "
وطلع دبدوب كبيييييير اوي اطول من دينا نفسها
.. من جنبه
" اللللللللللللللللللللله يا
حاااااااااااااااااااااازم جمييييييييييييييييييييل "
" اهو دا تنامي في حضنو كل يوم بأه
"
" حازم بموووووووووووت فيك "
" وانا بحبك اوي يا اغلى حاجه "
فضلو قاعدين سوا شويه كتار .. اكلو التورته
وخلصو ونزلو العربيه فضلو يتمشو بيها
وراح روحها عالبيت
دخلت البيت بالهدايا وحازم وراها
اول ما باباها فتح الباب حازم سلم عليه وجه
ينزل
الاب " تعالى ياحازم "
حازم " معلش يا عمي عندي شغل الصبح بدري
منتا عارف "
الاب " طب يابني ربنا معاك سلملي على
ابوك "
حازم " يوصل حاضر "
الاب " واعمل حسابك ان السفريه قربت
متنساش تاخد الاجازه "
حازم " متقلقش مقدم عليها وخدت موافقه
خلاص "
الاب " طب تمام يا حبيبي ربنا يحميك
تصبح على خير "
حازم " وانتا من اهل الخير يا عمي
"
دينا " خد بالك من نفسك "
حازم " حاضر "
ومشي حازم ودخلت دينا البيت
الام " نورتي يا دندونه "
دينا " الله يخليك يا جميل "
الاب " اكيد اللي في ايدك دا من حازم
المجنون "
الام " ههههههه طبعا .. هوا في غيرو
مدلع بنتك كل الدلع دا "
الاب " ايه دا ايه دا .. ايه يا دينا مش
تدافعي عن بابا ولا ايه "
دينا راحت حضنت باباها وباسته على خدو
دينا " هوا في زيك في حياتي يا حبيبي
"
الاب " ايوا كدا "
الام " ماشي ياسيدي انتا وبنتك "
دينا " ههههههههههههه .. شفتو جابلي ايه
"
وطلعت الحاجه اللي حازم جابهالها
الام " الله يا دندون مبروك ياحبيبتي
جميله جدا الكاميرا "
دينا " الله يبارك فيكي يا مامتي "
الاب " ربنا يبارك في عمرو والله حازم
دا طول عمرو اصيل وجدع "
دينا " عمرو ما نسي عيد ميلادي وعمر ما
حد سبقو وقالهالي وكل مره بيفاجأني وفعلا بكون ناسيه "
الام " ربنا يسعدك يابنتي كل سنه وانتي
طيبه "
الاب " كل سنه وانتي طيبه ياحبيبت بابا
"
دينا " وانتو طيبين يارب .. اومال فين
المقاريض اخواتي "
الام " نامو ياستي وهما مستنينك "
دينا " ياحبايبي .. "
الاب " يلا حبيبتي زمانك نعسانه روحي
نامي يلا "
دينا " اه فعلا والله تعبانه جدا "
الام " اكلتي يا دندونه "
دينا " الحمدلله ياماما شبعانه "
الام " طب يابنتي عموما الاكل بتاع
الغدا في المطبخ وفي اكل في التلاجه لو مش عايزه اكل الغدا لو جوعتي قومي كلي
"
دينا " حاضر يا ماما "
الاب " يلا ياحبيبت بابا هنروح ننام
احنا عندنا شغل بدري عايزه حاجه "
دينا " سلامتكو "
وباستهم ودخلو اوضتهم ودخلت هيا اوضتها
حطت الكاميرا عالمكتب بتاعها وشنطة الكاميرا
ومسكت الدبدوب وحضنتو جامد اوي
وفضلت تلف بيه وهيا حاضناه لحد ما اترمت
عالسرير وخدتو في حضنها اوي اوي
انهردا دينا حست انها مبسوطه اكتر من كل يوم
. .
انهردا دينا لاول مره من يوم الحادثه تحس
انها رجعت دينا بتاعت زمان بفرحتها اللي مكنتش بتفارقها
وابتسامتها اللي دايما كانت مرسومه عالشفايف
حازم قدر فعلا زي ما قالها . .
يرجعها دينا اللي كلهم يعرفوها في وقت قصير
جدا
ولا كان يخطر على بالها ان دا يحصل
او حتى انها ترجع زي ما كانت تاني
الوجع عمرو ما بيخف
لكن حازم خلاه يخف وكأنو مكنش موجود اصلا
ونعست في حضن الدبدوب بلبسها . . .
تاني يوم الصبح صحيت لوحدها
قامت فطرت وقعدت شغلت مسرحيه هيا بتحبها
وفضلت تتفرج عليها
شويه واتصلت بيها منار وفضلو يتكلمو كتير اوي
عالتليفون
واتفقو يتقابلو بعد كام يوم . .
فضلو يتكلمو لحد ما جم اخواتها وباباها
ومامتها من برا
قفلت معاها وقعدو يتغدو
فات اليوم عادي جدا واليوم اللي وراه واللي
وراه
وقبل السفر لباريس بكام يوم . .
جه حازم البيت اتغدى معاهم . .
وبعد الغدا
حازم " دينا انا عايز اتكلم معاكي شويه
"
دينا " خير يا حزووم "
حازم " خير يا حبيبتي ان شاء الله ..
عمي عن اذنك هنقوم نقف في البلكونه انا ودينا "
الاب " اه يابني اتفضل ما البيت بيتك
"
دينا استغربت اوي من حازم لكن قامت معاه
ودخلو سوا البلكونه . .
" ايه يا حازم في ايه خضتني "
" لا يا دندونه مفيش بس كنت عايز اتكلم
معاكي في موضوعين مختلفين تماما "
" خير عايز تتكلم ف ايه بأه "
" مش عارف ابدأ بـ انهي واحد "
" يوووه يا حازم هوا انا ناقصه توتر ما
تتكلم "
" بصي يا ستي اولا امتحاناتك خلاص معدش فاضلها غير شهر ونص
مش ناويه تروحي الجامعه "
" ااااااااااه قول كدا بأه اتاريك خايف
تتكلم "
" لاء انا خايف من زعلك "
" مش عايزه يا حازم اروح السنادي خلاص
هعتذر عن الامتحانات ومش هدخل "
" وتضيعي سنه من عمرك "
" عمري كلو راح يا حازم وانتا فاهم .. ف
مجتش على سنه دراسه يعني وبعدين انا ناجحه الترم الاول صافي ف مش هتفرق يعني هيبأه
نص سنه اللي هشيلها "
" اديكي قولتيها اهو .. ناجحه صافي .. !
في واحده تبأه ماشاءالله كل ترم تنجح صافي تعتذر عن الامتحانات "
" مش عايزه يا حازم مش عايزه "
" طب بالراحه ياحبيبت حازم .. قوليلي
السبب "
" مش عايزه الناس تبص عليها وتشاور
وتقول دي اللي اغتصبوها "
" اولا عمر ما حد هيعمل كدا دي مجرد
اوهام في دماغك ..
ثانيا انتي مغلطيش في حاجه دا ممكن يحصل لاي
انسانه في الدنيا ايه المشكله "
" ايه المشكله !؟ منتش عارف ؟ "
" ياستي عارف بس مش معنى كدا انك تخسري
دراستك ومستقبلك "
" انا قررت قرار وارجوك متتكلمش معايا
فيه تاني معلش يا حازم "
" يابنتي اسمعي كلامي تكسبي "
" مش هينفع معلش وبعدين كدا كدا همتحن ف
ايه لما الترم اصلا خلاص هيخلص "
" يعني مصره عاللي في دماغك يا دينا
"
" ايوا ! "
" لا اله الا الله "
" سيدنا محمد رسول الله "
" طيب يادينا منتي عنيده وانا مش هقدر
اتكلم معاكي اكتر من كدا "
" ما علينا .. ايه الموضوع التاني
"
" مش لازم مش لازم "
" حااااااااازم "
" نعم "
" في اييييييييييه يا حازم "
" طب بالراحه عليا "
" طيب حاضر .. خير في ايه بأه !؟ "
" عايزه الصراحه !؟ "
" اكيد "
" صراحه نويت اخطب "
ليست هناك تعليقات:
إرسال تعليق