فضلت تفكر وتدور على سبب للابتسامه دي ملقتش
غير انها كانت تقريبا مشتاقه لحازم جدا . . وحست انها محتاجاه اوي
ورجعت ابتسمت تاني
ونعست مكانها
شويه وصحيت على صوت مروه ومروان وهما بيطنططو على سريرها
" اصحي يا دينا اصحي يا دينا "
" يلا يلا يادينا قوووووومي "
دينا صحيت بصتلهم وابتسمت وباستهم
دينا " خلاص خلاص صحيييييييت "
مروه " هييييييييييه "
مروان " يلا قومي كلي معاااااانا "
مروه " اقولك مين هنااا؟ "
مروان " لاء متقوليلهااااااش هما قالو متقوليلهاش "
مروه " لاء لاء هقولها "
دينا " ههههههه خلاص خلاص انا هقوم اشوف بطلو تتخانقو بأه "
قامت دينا من عالسرير بصت في المرايه وكشرت كدا بدلع
بعدين قامت دخلت غسلت وشها
وكان مروان ومروه طلعو عالصاله برا
وشويه وطلعت دينا لقت حازم قاعد
الاب " شفتي مين جه يا دينا "
دينا بصت لحازم وابتسمت ابتسامه صفرا بس من جواها حست انها
مبسوطه . .
حازم لما شافها استغرب اوي ولما شاف ابتسامتها استغرب اكتر
دينا " ازيك يا حازم "
حازم باستغراب اكتر واكتر " الحمدلله يادينا ... "
دينا " عمي مجاش معاك ليه "
الاب " منتي عارفه عمك .. عندو عمليه دلوقتي "
دينا " ربنا معاه "
الام " منورنا ياحازم ياحبيبي .. انا هقوم اغرف الغدا قومي معايا
يا دينا "
وقامت مسكتها من دراعها ودخلو المطبخ
وكل دا حازم مش مصدق ان هيا دي دينا نفسها اللي كانت ضحكتها توصل اخر
البيت وهيا معاه
لكن مروه ومروان كانو قاعدين يهزرو معاه فـ شغلوه عن التفكير
في المطبخ . .
" ايه يا دينا بس "
" ايه يا ماما في ايه "
" مالك قابلتي ابن عمك كدا ليه .. هوا دا وشك لما بتشوفي حازم
بردو .. دا حازم يا دينا ! "
" مش عارفه يا ماما بس حاسه اني مش عايزه اشوف حد منتي عارفه
"
" بس دا مش حد يا دينا دا حازم .. بقالكو 20 سنه متربين مع بعض
.. دا اقربلك من مروان ومروه .. فين راح الكلام دا كلو .. يابنتي دا كان هيتجنن
عشان يجيلك ويشوفك .. ربنا يعلم كان ايه منظرو من ساعة ما حصل اللي حصل لحد انهردا
"
" مش عارفه بأه "
" عيب عليكي يا دينا .. دا اخوكي .. اتعاملي معاه عادي عشان
خاطري "
" هحاول "
" اوعديني "
" وعد هحاول "
" ماشي يلا عشان نطلع الاكل "
طلعت دينا ومامتها يطلعو الاكل وباباها قام ساعدهم هوا وحازم
وقعدو يتغدو سوا
كان الغدا كلو هزار وضحك ودينا حاولت فعلا انها ترجع لدينا القديمه
على اد ما تقدر عشان لاحظت ان حازم فعلا زعل
بعد الغدا قامت دينا عملت الشاي ودخلت وقفت في البلكونه شويه
وقام داخل وراها بعدها بشويه حازم
" وحشتيني يادينا اوي "
دينا بصت لحازم وابتسمتلو
" مش عايز الابتسامه دي .. وحشتيني يابنت عمي وحشني هزارنا
وضحكنا والجري في الشوارع بليل
والمشي عالكورنيش وسفرياتنا سوا
فين راحت دينا حبيبتي اختي اللي مربيها على ايدي من يوم ما كان عندها
يوم "
" لسه بدور عليها يا حازم "
" انا هعرف اجيبها تاني "
" ازاي "
" مش شغلك بس نتفق على حاجه "
" ايه هيا "
" اولا نعتبر ان محصلش اي حاجه ابدا ابدا ودا فعلا حقيقي "
" هه ! "
" من غير تريقه يابنوته ..
تاني حاجه .. البسي وتعالي معايا "
" على فين "
" ملكيش دعوه بس تعالي معايا "
" مش عايزه اخرج يا حازم "
" احنا مش اتفقنا نسمع الكلام ولا ايه "
" ياربي "
" يلا بأه بلاش دلع "
" طيب حاضر "
" اجي انقيلك تلبسي ايه زي ما كنا بنعمل "
" ههههه "
" اخيرا ضحكتي .. عموما اديني لابس ازرق في ابيض اهو .. زي ما
كنا بنعمل تطقمي معايا يلا "
" البس الطقم الازرق في ابيض بتاعي؟ "
حازم هز راسو بالايجاب وبابتسامه كبيره جدا
دينا حست انها كانت محتاجه تشوف الابتسامه دي مرسومه على شفايف
الانسان دا بالذات
عشان تحس انها رجعت تاني للدنيا وانها سابت سجنها اللي كانت فيه
بإيديها
حست انها خدت الابتسامه من على شفايفو ورسمت واحده زيها على شفايفها
" ايوا كدا خلي القمر يضحك من تاني "
" ياوااااااد "
" ههههه يلا يا بنت بأه .. وانا هروح استأذن عمي "
" معاك عربيتك "
" اكيد طبعا اومال ايه ياجميل "
" طيب انا هوا هلبس وننزل "
" مستنيكي "
راحت دينا جري عالاوضه بتاعتها طلعت الطقم اللي اتفقو عليه
ولبستو وكان حازم خلاص استأذن من عمه
دينا وهيا بتلبس كانت حاسه بحيويه غريبه جدا
وكانت حاسها انها فعلا من قلبها مبسوطه
خلصت لبس وطلعت لحازم
حازم " ايوا بأه بنت عمي المزه دي والله اتحسد عليكي انا بأه
"
دينا " يووووه مش هتبطل كلامك دا يا حازم "
حازم " تؤ تؤ تؤ "
الاب " متسيبيه يقول اللي يقولو وهوا يعني بيكدب دنا بنتي قمر
"
الام " ربنا يحميكي ياحبيبتي .. مش هوصيك عليها ياحازم "
حازم " عيب عليكي ياطنط .. يلا عايزين حاجه "
مروه جت جري من اوضتها
مروه " انتو رايحين فييييييييييين "
دينا " نازلين شويه وراجعين يا توته "
مروه " لاء انتي هتروحي ومش هتيجي زي المره اللي فاتت انا عارفه
"
مروان جه وراها وبص لقاهم واقفين
مروان " يووووووه انتي هتسيبينا تاني "
دينا بصت لحازم وبعدين نزلت على رجلها وبصت لمروه ومروان وباستهم
دينا " مش انا وعدتكو اني مش هسيبكو تاني "
مروان ومروه " ااه "
دينا " خلاص .. مش هسيبكو متخافوش دنا نازله مع حازم شويه وجايه
"
مروه راحت وقفت وبصت لحازم
مروه " حازم حازم "
حازم " نعم يا ميرو "
مروه " خليها تيجي تاني ماشي "
حازم " ههههههه من عنيا حاضر "
مروان " وخد بالك منها "
حازم " عيب عليك يا باشا "
الام " ههههههههههه ربنا يهديكو ياولادي "
الاب " يلا ياولاد روحو عالاوضه عشان تحلو الواجب يلا "
باسو دينا ودخلو على اوضتهم
ودينا سلمت على باباها ومامتها ونزلت مع حازم
ركبو العربيه واتحركو
" هاااا .. موديني على فيييييين "
" مش هقولك "
" ياحازم قوووووول "
" تؤ تؤ مش هقول "
" عشان خاطرييييييي "
" هتشوفي دلوقتي اهو يابنوته اهدي بأه "
ليست هناك تعليقات:
إرسال تعليق