راحو المطعم وقعدو يتغدو . .
وهما قاعدين مامت دينا بصتلها
الام " دينا "
دينا " نعم يا ماما "
الام " مش ناويه تشوفي صحابك بأه .. دول اتصلو
انهردا كتير اوي لما عرفو انك تعبتي اكتر ... عايزين يطمنو عليكي ياحبيبتي "
دينا حاولت تتمالك اعصابها على اد ما تقدر . .
وجزت على سنانها
دينا " بس انا مش عايزه اشوف حد يا ماما قلتلك
"
الام " مش دول صحابك اللي بتحبيهم !! "
دينا " مش مستعده "
الاب " خلاص يامنال متضغطيش عالبنت اكتر من كدا
"
الام " انا عايزاها تفوق تاني وترجع لحياتها بجد
"
دينا " انا مش عايزه اسمع حد بيقوللي انتي عامله
ايه دلوقتي .. مش عايزه احس بالنقص افميني يا ماما "
الاب " خلاص ياحبيبتي خلاص متزعليش "
مروه بصت لدينا وحست انها زعلانه لما لقتها مبوزه . .
مروه " مالك يا دينا انتي زعلانه ؟ "
دينا " لا ياحبيبتي مفيش حاجه ميهمكيش . . "
خلصو غدا والجو صامت تقريبا معادا هزار دينا مع مروه
ومروان
ودينا كانت بتهزر معاهم عشان ميحسوش انها فها حاجه
متغيره بس مش اكتر
شويه وقامو روحو عالبيت .. وشويه وكل واحد دخل على اوضته
دينا دخلت اوضتها وحاولت تنام مقدرتش . .
حست انها ندمانه انها طلعت من عزلتها وكان لازم تفضل
فيها وتدوم هناك
فضلت تفكر كتير اوي ودموعها على خدها
وفجأه لقت باب اوضتها بيخبط
مسحت دموعها بسرعه
" ادخل "
ودخلت مروه
" دينا انتي لسه منمتيش "
" لاء ياحبيبتي لسه "
" طب ينفع انام جنبك انهردا .. اصل انتي واحشاني
"
" ياربي عالعسل ياناس .. تعالى ياجميل طبعا "
بفرحه " ايه دا بجد بجد؟ "
" هههه اه بجد بجد ياعسوله انتي "
مروه جريت على دينا ودينا خدتها في حضنها
" دينا ينفع اقولك حاجه بس مش تزعلي مني "
" اكيد ياميرو "
" منار سألتني عليكي امبارح وعايزه تطمن عليكي بس
متزعليش هما بيحبوكي بس "
دينا ابتسمت لمروه من غير كلام . .
" طيب متزعليش من ماما هيا عايزه تشوفك فرحانه يا
دينا "
" انا مش زعلانه يامروه ياحبيبتي .. سيبك من الكلام
دا ويلا ننام عشان عندك مدرسه بكرا "
" طيب هوا انتي رايحه الجامعه بكرا ؟ "
دينا بصت لمروه وسرحت ومردتش عليها
" اممم طيب متزعليش مني بأه يادينااااااا "
دينا باست مروه على راسها . .
" مش زعلانه من اختي العسوله طبعا "
" بجد ؟ "
" بجد . . يلا تصبحي على خير يا كتكوته "
" وانتي من اهل الخير "
ونامت مروه في حضن دينا
ولولا حضن مروه دا لولا دينا حست انها مرتاحه ومتطمنه
ونامت !
تاني يوم صحيو ومروه ومروان راحو على مدرستهم وباباهم
ومامتهم كل واحد راح على شغلو
ودينا فضلت نايمه
شويه وصحيت بصت جنبها ملقتش مروه
قامت من عالسرير دخلت غسلت وشها وطلعت لقت الفطار بتاعها
عالسفره
وجنبه ورقه مكتوب فيها .. :
" دينا ياحبيبتي انا وبابا رحنا عالشغل دا اكلك وان
شاء الله هنيجي بدري لو عايزه حاجه
موبايلك موجود عالكمودينو جنب سريرك وفيه الخط بتاعك
كلميني على طول ..
خدي بالك من نفسك وكلي كويس "
سابت الورقه عالسفره وبصت للاكل
حست انها فعلا جعانه وقعدت تاكل . . .
خلصت اكل وقامت دخلت اوضتها فتحت التلفزيون وفضلت تقلب
فيه
ملقتش اي حاجه بتحبها
بصت في الساعه لقتها 12 الضهر وسمعت الادان بيأدن
قامت اتوضت وصلت .. . وهيا بتصلي كانت دموعها بتنزل
لااراديا من غير سبب
وكل اللي كانت حاساه انها محتاجه ربنا جنبها اكتر من اي
حاجه واي حد
خلصت صلاه وحست براحه من جواها وقعدت تدعي ربنا انو يخفف
عنها اللي حاساه
ورجعت نامت عالسرير من تاني
محستش انها عايزه تنام
فضلت تتقلب يمين وشمال مفيش فايده
بصت عالكومدينو اللي جنب سريرها لمحت عليه موبايلها
حست الاول بعدم اهتمام لانها فعلا لا عايزه تكلم حد ولا
تسمع صوت حد
لكن شويه وحست برغبه جتلها فجأه انها عايزه تفتحو "
بلا سبب معين "
ومسكت فعلا الموبايل وفتحتو
شويه وجالها مسجات كتيره جدا بمكالمات من كذا حد ارقام
غريبه وارقام صحابه
حست انها اشتاقت لصاحبها وللـ " لمه " بتاعتهم
سوا
وخصوصا منار صحبتها .. دي اقرب صاحبه ليها
والوحيده اللي بتحكيلها دايما على كل حاجه عنها
والوحيده اللي تعرف كل حاجه اصلا
وفي عز تفكيرها لقت الموبايل بيرن
بصتلو باستغراب لقت رقم غريب
وكعادتها مردتش عليه " لانه رقم غريب عنها "
والرقم فصل ورجع اتصل تاني
وفصل تاني ورجع اتصل تاني
وفجأه جالها مسج مكتوب فيه
" ردي يادينا بأه "
فتحت المسج واستغربت اوي
دا اكيد اكيد حد عارفها ..
وقام متصل تاني
مسكت الموبايل وردت من غير ما تتكلم
بس فتحت المكالمه . . . . .
" الووووو "
دينا سمعت الصوت من هنا وقلبها بدأ يدق جامد اوي
" يا ديناااا "
" ا .. ا .. الوو ! "
" دينا وحشتيييييييني يابنتي انتي طلعتي ؟ "
" ااه .. طلعت "
" حبيبتي حمدلله على سلامتك طب ليه مقولتليش او حتى
عمو وطنط يقولولي كنت استنيتك معاهم "
" معلش "
" مالك يا دينا متغيره ليه كدا "
" ابدا مفيش "
" هوا انا موحشتكيش ولا ايه "
" ...... "
" امممم .. يبأه موحشتكيش .. طيب ياستي عموما
همووووووووت واشوفك بأه "
" انا مش عايزه اقابل حد ولا اتكلم مع حد "
" اخس عليكي يا دينا دنا حازم ابن عمك اقرب حد ليكي
ياوحشه .. تقوليلي كدا بردو "
" معلش ياحازم بس مش عايزه احس اني عيانه وانكو
بتشفقو عليا والكلام دا "
" ايه الكلام الكبير دا .. ايه اصلا الهبل دا يابت
ياعبيطه انتي . . بقولك ايييييه عمي عندك ولا لسه مجاش "
" لاء لسه "
" طب ومرات عمي "
" محدش في البيت غيري ياحازم "
" خلاص انا هكلم عمي اول لما يروح البيت يكلمني
عشان اعدي اقعد معاكو شويه واشوفك وحشتيني جدااااااا "
" ياحازم مش عايزه
اشوف حد انا "
" دنا اخوكي ياجزمه .. انا حد بردو "
" بس "
" من غير بس .. يلا مش هعطلك بس بقولك ايه اقسم
بالله وحشتيييييييييييني "
" اممم "
" لما اجيلك بس هفك عقدة لسانك دي .. اشوفك يا
دندووووون .. باي باي "
" سلام "
قفلت معاه وبصت للموبايل وفجأه ابتسمت .. ليه ! متعرفش .
. . . .
ليست هناك تعليقات:
إرسال تعليق