تاني يوم الصبح قام بابا دينا وراح صحى مروان ونزلو يصلو
الجمعه . .
خلصو الصلاه وطلعو عالبيت . .
مروان راح جري على مروه وصحاها
صحيت مروه وراحو قعدو في الصاله بيتفرجو عالتلفزيون
الام " يا سمير كلمت بابا منار ومامتها ؟ "
الاب " لا لسه .. هيا دينا لسه نايمه "
الام " اه لسه "
الاب " يا مروه يا مروان "
مروه ومروان " نعم يا بابااااا "
الام " صحو دينا يلا "
مروه ومروان جريو على اوضة دينا يصحوها
فضلو يتنططو على سريرها لحد ما صحيت
ومسكتهم فضلت تقرص فيهم وتضرب فيهم بهزار
وهما فضلو يضربو فيها كمان بهزار وضحك بصوت عالي . .
برا في الصاله اتصل بابا دينا بـ بابا منار
لكنو رفض يجي عشان عندو ظروف واتفق معاه انو منار
هيجيبها السواق
وكلم حازم وقاللو انو جاي عالبيت مع صابر باباه
ومروه ومروان طلعو من اوضة دينا
الاب " ايه ياولاد فين دينا "
مروه " بتغسل وشها وجايه يا بابا "
الام " طب ياحبايبي روحو البسو يلا "
مروان " ايه دا هنروح فييييييييين "
الام " هوووووس وطي صوتك "
مروان " ليه "
الام بصوت واطي " عشان هنروح نتغدى انهردا برا
"
مروه بصوت واطي زي مامتها " طب وموطيه صوتك لييييه
"
الاب " عشان عاملينها مفاجأه لدينا .. يلا ياحلوين "
مروه ومروان " هيييييييييه "
وطلعو يجرو على اوضتهم يلبسو
دينا طلعت من اوضتها
دينا " صباح الخير "
الام " صباح الخير يا دندون "
الاب " صباح النور ياقمر عامله ايه "
دينا " الحمدلله كويسه "
الاب " ايه مالك "
دينا " مش عارفه حاسه اني مكسره "
الام " طيب ايه تنامي شويه تاني ؟ "
دينا " لالا خلاص .. هكلم دينا عشان تيجي بأه
"
الاب " لاء متكلميهاش انا كلمت باباها وشويه وهيا
جايه "
دينا " طب ومامتها وباباها؟ "
الاب " لاء مش جايين "
دينا " اممممممممم اكيد في حاجه "
الاب " مش عارف قاللي ظروف وكدا "
دينا " طيب تمام "
الاب " حازم وعمك صابر جايين كمان "
دينا " ايه دا اشمعنا "
الام " ايه يا دينا عمك وابن عمك مالك "
دينا " مقصدش والله بس غريبه "
الاب " اصل احنا نازلين "
دينا " على فين "
الام " لاء مش هنقول حاجه دلوقتي يلا روحي البسي
"
دينا " مفاجأه بأه وحركات "
الام " ههههه اه حركات ياستي "
دينا " ماشي ياحلويييييين "
وراحت باست كل واحد على خدو ودخلت اوضتها تلبس
فضلت باصه على الدولاب مش عارفه تلبس ايه
بعدين اتفكرت ان حازم جاي فـ فكرت تكلمو عشان تعرف هوا
هيلبس ايه
لسه هتتصل بيه لقته بيتصل
جريت على موبايلها وردت عليه
" ايه دا هوا انتا بتيجي عالسيره ولا ايه "
" اتاريني قاعد بكححح .. جايبه سيرتي مع مين يابت
انتي "
" بت بردو "
" يا احلى بنووووته "
" هههههههه لا سيرتك جت مع نفسي كدا "
" ازاي بأه "
" مفيش كنت بفكر اكلمك عشان مش عارفه البس ايه
"
" طب تصدقي متصل بيكي لنفس السبب "
" هههههههههههه مش عارف تلبس ايه "
" لاء انا لبست وجاي في الطريق انا وبابا اصلا بس
كنت مكلمك اقولك تلبسي حاجه يعني "
" اهااااااااا .. طب البس ايييييييييه "
" البسي اللبس اللي جبناه يوم راس السنه السنادي
"
" ههههههه هوا انتا لابسو "
" ايييييون "
" الناس هتتريأ علينا يابني "
" عيب عليكي "
" خلاص هلبسو اهو "
" ماشي ياجميل "
" بقولك ايه اديني عمي اسلم عليه "
" خدي اهو معاكي . . . "
" الووو "
" ازيك ياعممممممو وحشتني جداااا "
" ازيك يا توته انتي اللي وحشتييييني "
" انا تمام الحمدلله "
" يارب دايما ياحبيبتي .. عايزك قمر انهردا بأه
"
" هههههههههه بردو "
" طبعاا "
" ماشي يادكتور "
" ماشي ياجميل سلام "
" سلام "
وقفت دينا بصت عالدولاب تاني ومسكت اللبس اللي اتفقو
عليه
ولبستو . .
خلصت وطلعت كان حازم وعمها وصلو
سلمت عليهم وقعدو
الاب " ايه يا عم صابر فينك محدش بيشوفك "
العم " ياسمير مانتا اللي مسافر "
الاب " ياسيدي اديني رجعت انتا اللي عملياتك كترت
يادكتور "
الام " ياسيدي ربنا يزيدو ويباركلو "
حازم " طبببب ومش هننزل بأه ولا ايه "
الاب " مستنيين منار بس صحبت دينا "
حازم " اااااه ماشي اشطه "
الاب " ايه دا انتي مطقمه مع حازم ولا ايه "
دينا " منتا عارف يابابا "
الاب " مش دا الطقم اللي جبتوه سوا يوم راس السنه
"
حازم " ههههههههه اه هوا ياعمو "
الام " ربنا يخليهم لبعض "
الاب " امين يارب "
مروه " يوووووووووه انا جوعت فين منار بأه "
مروان " وانا كماااااااان "
دينا " طب عبال ما توصل منار ايه رأيكو ندخل نلعب
بلاي ستيشن "
مروان " ايوا ايوا ايوااااا "
مروه " يووه طيب ماشي "
حازم قام شايل مروه على دراعو
حازم " اوبااااا "
مروه " موديني فييييين "
حازم " هندخل نلعب سوا يابنوووووته "
ودخلت دينا وحازم ومروه ومروان عالاوضه يلعبو سوا
شويه ومنار وصلت ونزلو عالمطعم
حازم وباباه في عربيتهم ومنار ودينا مع سواق منار في
عربيتها
وبابا
دينا ومامتها ومروه ومروان في عربيتهم
ليست هناك تعليقات:
إرسال تعليق