وهيا بتعيط شويه وقام موبايلها رن
محاولتش حتى تبص فيه
فضل يرن ويفصل ويرن ويفصل
لحد ما في الاخر مسكتو وبصت لقت منار هيا
اللي بتتصل
مسحت دموعها ومبأتش عارفه ترد ولا لاء
في الاخر قررت ترد
وبصوت ضعيف ومجروح
" الو "
" ديييييييييييييييييييييييييييينا ..
انتي فين يا دينا انتي فيييييييييييين حرام عليكي انا اتجننت لما شفت رقمك
انتي كويسه؟ طمنيني عليكي ياحبيبت قلبي ..
قوليلي انتي فين ها ! "
" انتي مكنتيش بتردي عليا ليه "
" والله كنت في المحاضره حقك عليا
"
" وحشتيني يامنار "
" ياقلب مناااااار انتي اللي وحشتيني
انتي فين طيب وطلعتي امتى عايزه اشووووووفك "
" هحكيلك على كل حاجه .. انتي فاضيه ؟
"
" فاضيه ياحبيبتي "
" خلاص هنزلك على سيلانترو "
" ماشي اديني رايحه "
وقفلو مع بعض . .
دينا حست انها رجعت اتولدت من جديد
قامت بسرعه غسلت وشها ولبست ونزلت
فضلت تفكر تركب تاكسي ولا تتمشى
بس لقت ان المكان مستحيل هتوصلو على رجلها
وتوصل قبل ساعه ونص ساعتين
قررت تركب تاكسي وهيا بتقرا قرآن في سرها
ومرعوبه
قالتلو عالمكان وشبكت صوابعها وايدها بتترعش
من الخوف
شويه وموبايلها رن . .
" الو "
" ايوا يادينا انتي فين "
" انا في التاكسي خلاص داخله على
سيلانترو انتي فين "
" انا وصلت ودخلت مستنياكي جوا "
" خلاص ماشي خمس دقايق واكون عندك
"
" ماشي "
وفعلا خمس دقايق ونزلت دينا من التاكسي وهيا
بتحمد ربنا وبتشكرو انو مجرلهاش حاجه
لدرجة انها كانت حاسه انها هتسجد في الارض من
الفرحه
دخلت لقت منار قاعده مستنياها
منار مصدقتش نفسها وكأنها مشافتش دينا بقالها
سنين
دموعها نزلت وجريت عليها خدتها بالحضن
دينا نزلت دموعها هيا التانيه ومقدرتش غير
تحضنها جامد
من غير كلام . . .
وقعدو
" دينا وحشتيييييييييييييييييني .. انتي
طلعتي امتى يابنتي "
" من يومين "
" طب ليه مكلمتنيش "
" منار انا مكنتش ناويه لا اشوف ولا
اكلم حد بس امبارح حازم طلعني من المود بطريقه
وانهردا صحيت مشتقالك وقررت اكلمك واقابلك
"
" اخس عليكي .. حد بردو "
" سامحيني يا منار "
" حبيبتي مفيش بينا الكلام دا .. انتي
بس وحشتيني وانا مقدره كل حاجه والله متقلقيش "
دينا ابتسمتلها ابتسامه صفرا من غير كلام
" وايه الابتسامه الجديده دي "
" اهي دي اللي بأيت عايشه عليها .. معدش
يطلع مني كلام خلاص "
" ايه الكلام العبيط دا يا دينا ..
"
" زي مسمعتي كدا "
" امممم .. طيب .. انا هعرف افوقك انا
وحازم بس ما علينا المهم
كان نفسي اجيلك اوي المصحه بس طنط قالتلي
الزياره لحد غيرها هيا او عمو ممنوعه "
" مكنش له لزمه .. مكنتيش هتعملي حاجه
غير انك تبكي على منظري "
" بعيد الشر عليكي من اني ابكي عليكي
يازفته ايه كلامك دا "
" يابنتي انا كنت تقريبا خرسه ! مكنتش
بتكلم صوتي دا طلع يوم ما خرجت من المستشفى فاهمه يعني ايه "
" انا عارفه منا كنت كل يوم اكلم طنط
اسألها عليكي "
" منار ينفع اسألك سؤال "
" عنيا "
" هوا مشيك معايا قدام الناس يضر سمعتك
؟ "
" نعمممممم !! اييييييييييييييييييييه
اللي بتقوليييييييييييييييه دا "
الناس كلها بصت على دينا ومنار بعد ما منار
صرخت في وش دينا
منار كانت فعلا متعصبه من جملة دينا جدا ..
ومكنتش تقدر تدي اي رد فعل اقل من دا
ودينا بصت في الارض ودموعها نزلت من تاني
منار لما شافت المنظر دا هديت شويه وطبطبت
على كتف دينا
" متعيطيش يا بت انتي .. بتعيطي ليه
"
" انا اتاخد مني شرفي يا منار .. عارفه
يعني ايه "
" عارفه .. عارفه ياحبيبتي "
" لا مش عارفه يا منار .. محدش يعرف
اصلا .. وعشان كدا انا دايما ساكته مبتكلمش
عشان عارفه ان حتى الدكتور اللي مشرفه على
حالتي متعرفش انا حاسه بـ ايه ولا ايه
معنى اللي انا فيه اساسا "
منار مكنتش متخيله ان دينا جواها كل دا
ومعنى كلامها دا ان ياما في جواها اكتر من
كدا بكتير
ماهو باين في عنيها اصلا . .
وفعلا منار حست " للاسف " انها
متعرفش ابدا
معرفتش تواسي دينا وتقولها ايه
اصلا اللي دينا فيه مينفعش يمشي بكلام تتراضى
بيه
وفات الوقت بينهم ودينا بتحاول تفك من اللي
هيا فيه
ومنار بتحاول تنسيها
وشويه وبابا دينا عدى عليهم
في العربيه
. .
الاب " ها يا منار الغدا عندنا انهردا
"
منار " لا ياعمو مينفعش مش قايله لماما
وبابا "
الاب " اكلم بابا انا عيب عليكي "
منار " لا ياعمو بلاش خلاص خليها بكرا
كدا كدا بكرا الجمعه "
الاب " خلاص ماشي يامنار يبأه بكرا ان
شاء الله "
منار " ماشي ياعمو "
الاب " دندون "
دينا " ها نعم يا بابا "
الاب " مالك ياجميل "
دينا " ابدا يا بابا مفيش سرحت بس شويه
"
منار " اوبااااااا بتحب من ورايا ياعسل
انتا "
دينا ابتسمت بسخريه من غير ما ترد
ومنار فهمت معنى اللي دينا عملتو دا . .
نزلت منار من العربيه وسلمت على دينا
وروحو دينا وباباها عالبيت
وصلو البيت وكان كل اللي في العربيه هزار
بابا دينا معاها
وهيا بترد عليه شويه وتسرح شويه
وصلو وطلعو البيت
جريو على دينا مروان ومروه وفضلو يبوسو فيها
مروه " يووووه انتي كل يوم تسيبينا كدا
"
مروان " احنا مخصمييييييينك "
دينا " ايه دا منتو سبتوني وروحتو
المدرسه "
مروه " طب عاااااادي يعني دي المدرسه
"
دينا " وانا نزلت اشوف منار والله
"
مروان " اهااااااااااااا .. ماااااشي
"
الام " يلا ياولاد عالغدا .. ازيك
يادندونه "
دينا " الحمدلله يا ماما انتي عامله ايه
"
الام " كويسه ياحبيبتي .. منار ليه مجتش
انهردا معاكي "
الاب " هتيجي بكرا ان شاء الله "
الام " طيب خلاص تمام كويس انك قلتلي
"
قعدو يتغدو سوا ودخلت دينا الاوضه من غير
كلام . .
نامت عالسرير ودخلت في النوم
في اوضة باباها ومامتها . . .
" ها يا منال ايه رأيك نروح بكرا ؟
"
" اه تمام وكويس ان منار جايه ماتعزم
باباها ومامتها طيب ؟ "
" خلاص ماشي ومالو "
" واكيد حازم جاي ؟ "
" ااه وانا اساسا بقالي كتير مشفتش ابوه
اهو فرصه نتقابل "
" ايوا بقالنا كتير مشفناش صابر ..
"
" خلاص يبأه بكرا ان شاء الله "
ليست هناك تعليقات:
إرسال تعليق