فضلت تفكر كتير اوي ياترى مين صاحب الرقم دا
. .
او حتى قصدو ايه وعايز ايه ..
معرفتش توصل لاي حاجه !
فكرت تكلم حازم تسألو لكن رجعت بسرعه عن
تفكيرها دا
خلاص هيا قررت اصلا انها تخف من كلامها معاه
على اد ما تقدر
من جواها عالاقل متبينش ليه اي حاجه وتتعامل
عادي جدا واقل من العادي كمان
فات الوقت وهيا بتفكر مين دا . . موصلتش لاي
نتيجه
فكرت تتصل بالرقم لكن بردو رجعت عن فكرتها دي
واستنت تشوف بكرا اللي بيتكلم عنو دا .. يقصد
بيه ايه
سابت الموبايل وبصت للدبدوب اللي حازم
جابهولها بتكشيره
وقامت " غصب عنها " خدته ونامت في
حضنو
ورااااحت في النوم
تاني يوم الصبح صحيت كالعاده ملقتش اي حد في
البيت
لكن انهردا صحيت لقت الساعه 1 ونص
" ياربي ايه دا انا ايه اللي نيمني كل
دا ..
هه ! وهوا انا صحيح ورايا ايه يعني عشان اتخض
من اني صاحيه بدري ولا متأخر
ولا ايه مهم في يومي يعني عشان اخاف يفوتني
حاجه وانا نايمه . . ! "
قامت غسلت وشها وطلعت حست انها مش عايزه تاكل
وقعدت تقلب في التلفزيون
لحد ما لقت باب الشقه اتفتح
ودخلو باباها ومامتها واخواتها من برا
مروه ومروان راحو جريو عليها وباسوها ودخلو
على اوضتهم يغيرو هدومهم
الاب " ازيك يا دندون "
دينا " الحمدلله يا بابا "
الام " ايه دا يابنتي مفطرتيش ليه
"
دينا " مليش نفس والله "
الام " طيب عموما انا هغير هدومي واخلص
الاكل اهو تلاقيكي جعانه جدا "
دينا " تسلم ايدك يا ماما "
الاب " انا اللي واقع من الجوع والله يا
منال "
الام " ههههههه قوام اهو "
ودخلو باباها ومامتها يغيرو هدومهم
شويه وطلعت مامتها عالمطبخ وباباها طلع
عالصاله
قعد معاها وطلعت مروه ووراها مروان قعدو سوا
برا
قامت دينا تساعد مامتها في الاكل وخلصو وطلعو
الاكل عالسفره
وبدأو ياكلو . . .
بعد الاكل
دخلو مروه ومروان نامو
اما دينا وباباها ومامتها ف قعدو يشربو سوا
الشاي
الام " ايه يا دينا مالو حازم "
دينا " مالو حازم يا ماما "
الام " امبارح كان ماشي شكلو غريب
وانهردا عزمتو عالغدا قاللي عندي شغل كتير مش هقدر اجي "
دينا " معرفش "
الاب " خلاص يا منال سيبيها لو عايزه
تحكي هتحكي لوحدها "
الام " حاضر "
دينا " اصلا مفيش اي حاجه عادي "
الام " ماشي يابنتي انا قلت اطمن عليه
انا مستغرباه بس مش اكتر "
دينا " اها .... "
وقامت دينا دخلت اوضتها من غير اي كلام زياده
" يعني كان لازم يا منال .. ما خلاص
"
" والله ما اقصد حاجه انا عايزه اعرف مالهم
انا خايفه عليها احسن ترجع زي ما كانت تاني "
" ربك هيسترها هوا حازم هيعرف يصالحها
خلاص قفلي عالموضوع دا بأه "
" حاضر حاضر .. الا قوللي .. هتقولها ؟
"
" والله ما عارف اقولها ولا لاء !! مش
عارف اعمل ايه .. انتي ايه رأيك "
" ولا انا عارفه .. ايه رأيك نسأل حازم
وناخد رأيو "
" والله فكره .. هكلمو في الموضوع دا
واشوف ايه رأيو واشوف اتكلم معاها ولا لاء بس انا خايف تزعل او تتعصب "
" وانا والله خايفه جدا من ردة فعلها
"
" خلاص هاخد رأي حازم وربنا يقدم اللي
فيه الخير "
" طيب كلمو دلوقتي زمانو لسه منامش
"
" ماشي . . . "
ومسك الموبايل اتصل بحازم
رن مره واتنين وفي التالته حازم رد
سلمو على بعض واتكلمو كلام عام شويه
وسألو عاللي كان عايز يسألو فيه
وقفل معاه بعد ما اخد رأيو . . .
" ها قالك ايه "
" قاللي كنت نفسي افاتحها انا في
الموضوع دا بس انا وهيا بينا تاتش دلوقتي ف كلمها انتا ياعمي فيه "
" طب وردة فعلها "
" قاللي هيا ممكن تتعصب شويه بس لما
تهدى وتفكر هتقرر لوحدها اذا اه ولا لاء "
" خلاص يبأه على بركة الله قوم كلمها
"
" دلوقتي !؟ "
" اومال هتكلمها امتى "
" انام واصحى كدا افوق للموضوع وارتب
نفسي للكلام وياها "
" ماشي ياسيدي براحتك "
وقامو على اوضتهم عشان ينامو
لقو الباب بيخبط . . .
ودخلت دينا وهيا لابسه لبس خروج
الام " ايه يا حبيبتي تعالي "
دينا " بعد اذنكو انا نازله شويه "
الاب " على فين كدا "
دينا " هسلم على صحابي بقالي كتير اوي
مشفتهمش ووحشوني "
باباها ومامتها بصو لبعض باستغراب
الاب " امممم .. طب هتنزلي لوحدك كدا
"
دينا " ايوا عادي يعني هيحصل ايه اكتر
من اللي حصل وبعدين منا دايما بنزل لوحدي "
الام " خلاص خلاص ياحبيبتي ماشي انزلي
بس متأخريش وخدي بالك من نفسك "
دينا " طيب حاضر "
الاب " تعالي خدي "
راحت دينا لحد عندو قام مديها فلوس
دينا " ماشي يا بابا شكرا "
الاب " خدي بالك من نفسك يابنتي ولو في
حاجه كلميني "
دينا " حاضر .. سلام "
وسابتهم وطلعت من الاوضه
خرجت من الشقه ونزلت
وهيا مش عارفه تروح فين
اكيد مش هتروح تشوف حد هيا اصلا ملهاش نفس لا
تشوف ولا تكلم ولا تتعامل مع حد
مجرد عايزه تبأه لوحدها وتخرج من خنقة البيت
مش اكتر
وفضلت تتمشى في الشارع لوحدها
مش عارفه تروح فين
فجأه لقت عربيه جنبها بتزمرلها
محاولتش تبص عليها وبدأت تمشي بسرعه
سمعت موبايلها بيرن بصت عليه لقتو حازم
ردت بعصبيه " الو "
" يابنتي على مهلك انا جنبك في العربيه
اهدي وتعالي اركبي معايا "
دينا وقفت وبصت جنبها لقتها عربية حازم فعلا
وهوا منزل الازاز
وباصصلها !
" ها تعالي "
" مش عايزه "
" انتي عبيطه ولا ايه تعالي بقول "
دينا كشرت ولوت شفايفها وقامت رايحه راكبه
جنبه
وقام متحرك بالعربيه
" ايه يا بنوته مالك بأه "
" مالي ! "
" مش عارف حاسس انك زعلانه مني
جدددددددا "
" هههههه وهزعل منك ليه يعني "
" طب كنتي رايحه فين "
" مش مكان "
" لا يا راجل "
" اه والله "
" بلا هدف ؟ "
" بلا هدف "
" اممممممم .. مش فاهمك بجد ! "
" ولا حد هيفهمني اصلا "
" مالك يا دينا بجد وايه اللي منزلك
لوحدك كدا وقولتي ايه لعمي ومرات عمي "
" قولتلهم نازله مع صحابي وحشوني بس
ياريت متقولهمش حاجه "
" من امتى كلام بينا بيطلع لحد يا دينا
"
" لا عادي مقصدش "
" طب مالك بأه "
" مش عارفه فصلانه كدا "
" هههههههههههه ايه فصلانه دي "
" مالك انتا ومال كلامي واصلا انتا رايح
فين "
" مش عارف "
" طب اركن طيب "
" حاضر "
وركن العربيه وقعدو
" ممكن نتكلم جد شويه بأه "
" طيب ماشي "
" مالك "
" والله ما عارفه عاديه كنت عايزه انزل
مع نفسي كدا شويه "
" وامبارح طيب . ؟ "
" مالو امبارح "
" طيب عشان منلفش وندور على بعض كتير اصل
انا عارفك
بصي يا دينا انا عارف اد ايه انتي بتحبيني زي
ما انا بحبك بالظبط
وبتغيري عليا زي ما انا بغير عليكي بالظبط
ولعلمك انتي اول واحده افاتحها في الموضوع دا
حتى صاحبة الموضوع
مفاتحتهاش فيه ولا حتى بابا ولا عمي .. انتي
اول واحده ودا الطبيعي
ف حتى لسه مقررتش دنا قلتلك نويت مش اكتر ..
يعني جاي احكي معاكي ونتناقش "
" ونتناقش ف ايه يا حازم متروح تعمل
اللي يحلالك انا مالي "
" انتي مالك بردو .. طب عيني في عينك
كدا "
دينا بصت الناحيه التانيه على طول
" شفتي بأه .. عشان تعرفي ان كلامي صح
.. خلينا كبار وعاقلين شويه
هيا مش دي سنة الحياه ودا الطبيعي؟ ان كل
واحد فينا يبقالو بيت وعيال
بس صدقيني مستحيل اقسملك بالله مستحيل كمان
مره ان حد ياخدني منك
زي ما عمري ما هسمح لحد ياخدك مني "
" لا متخفش من الناحيادي اطمن .. محدش
هياخدني لا منك ولا من غيرك "
" ايه الكلام الزفت دا "
" زي ما سمعت كدا وانتا عارف ليه "
" طب اقولك على حاجه بأه "
" ها ! "
" انتي متقدملك عريس "
ليست هناك تعليقات:
إرسال تعليق