بصلها باشمئزاز واتعصب عليها
لحد ما نزل سامي على صوتهم وهما بيتخانقو وجت سماح من
اوضتها
اما سلمى ف محاولتش تقوم من على السرير
الصدمه كانت اقوى من انها تقوم على رجلها في الوقت دا
تاني !
مجدي نهى المشكله ب أنو كالعاده ساب البيت
وراح لـ " ميمي "
سامي قعد ياكل ود.هناء طلعت على اوضتها غيرت
هدومها وخدت دوش ونامت
بلا ادنى اهتمام لا لسامي ولا لمجدي اللي راح
فين الله اعلم ولا لسمر اللي مظهرتش اصلا كل دا
خلص سامي اكل وطلع يشوف سمر اللي قلق عليها
خبط ع الباب مسمعش صوت
وقام داخل فتح النور الخفيف وراح قعد جنبها
وقلبها بدأ يدق جامد اوي لما حست بوجوده
وكأنها من بعد اللي عرفته بأت غريبه عن كل
اللي في البيت
او اكتشفت انها فعلا غريبه عنهم وان دا مهواش
بيت يعترف بيه كـ اكتر من ديكور جميل وفلوس بتزينه
لكن النفوس جاحده .. ومتستاهلش تبأه تحت اسم
" عيله "
. . .
" بقولك ايه "
" قول يا محمد "
" مالك فيك حاجه مش مظبوطه "
" لا ابدا مفيش ياعم انا تمام "
" ادم .. انا وانتا اخوات .. غير كل
الشله .. اكتر كمان من الاخوات .. عشرة عمر ياض
مالك احكيلي "
" سر ياصاحبي؟ "
" سر يا صاحبي " وغمزله
" مخنوق م الواد بيتر دا .. اصلا ازاي
هتكمل معاه!! شرعنا مقلش كدا .. ازاي !! هيا متخيله انه هيغير دينه عشان خاطرها
ولا هيا اللي هتسيب ملتنا ودينا وعبادتنا
وربنا وتروح تبأه مسيحيه ويتجوزو "
" مخنوق منه عشان كدا بس؟ طب ماهي عارفه
ياعم وساكته .. عارفه انه حرام وعادي .. وهوا كمان عندو حرام بس مكمل هنعمل ايه
يعني انتا متعرفش يعني انهم بيحبو بعض من ايام ثانوي جيت تفتكر دلوقتي "
" ياسيدي مش كدا "
" ادم .. عيني في عينك .. بتحبها صح؟
"
" ايوا بأه يامحمد بحبها ! اعمل ايه
يعني .. انا احق بيها منه "
" شوف الشيطان بأه لما يلعب في دماغ
الانسان "
" محمد .. سمر متنفعش لبيتر مهما حصل ..
انا اللي استاهلها .. وبعدين بعيد عن اني بحبها .. احنا صحابها من كام سنه وواجبنا
عليها اننا نوعيها "
" شوف ياصاحبي .. اولا احنا لو اتكلمنا
دلوقتي هتقولنا اشمعنا دلوقتي افتكرتو .. تاني حاجه هتروح وتحكي لبيتر عشان بتحبو وهوا
ساعتها هيخيرها بينا وبينو وهتختارو .. سيبها تعيش معاه لحد اما نشوف اخرتها
"
" دا حراااام !! "
" طب والحل! اصل دي واحده بتحب .. ومش
من اسبوع ولا اتنين ولا شهر ولا حتى سنه .. دول داخلين يا معلم في 4 سنين ..
مشوار!! يعني هيا مغيبه عن الوعي في حبو دلوقتي .. مش هتسمع لكلام حد وهتتحدانا ..
سيبها على ربنا انا واثق انها هتفهم لما يبدأو العرسان يتقدمولها وهيا تلاقي ان
بيتر عمرو ما هيغير دينو عشانها وساعتها هتفكر .. واحنا هنكون جنبها "
" مش قادر اصبر يا اخي بحبها "
" روح قولها !! "
ادم بص لمحمد وفتح عنيه عالاخر وكأنه اتسحر
باخر كلمتين ومقدرش حتى يرد
هوا عارف انه مينفعش يقولها .. بس كمان مش
قادر يكمل كدا من غيرها
ولا قادر يشوفها بتضيع منها سنين عمرها بلاش
اللي بيحب حد بيحب مصلحته اكتر من مصلحة نفسه
بيحب يعمل اللي يسعدو مش اللي يسعد نفسه
هوا عارف ان سعادتها مع بيتر مؤقته ومش هتدوم
بس معاه هوا هيخليها مبسوطه على طول .. هوا
اللي هيقدر يحبها بجد ويخليها تشيل اسمه قدام الناس
مش مخليها زي بيتر سيره للناس
" مسلمه بتحب مسيحي !! طب واخرتها !!
هتقلب البلد لو حد فيهم غير دينه عشان التاني "
طب دا حتى لو بيتر اسلم عشانها ودا مش هيحصل
مستحيل .. هيبأه اسلامه دا باطل
اصل لو مش مقتنع بالدين بتاعنا يبأه اسلم
ليه! عشان بنت!!! يعني مش اسلام!
وهيا كمان .. ازاي تغير دينها عشانه!! دي
تبأه مصيبه !!! وهوا قادر يخليها تعمل كدا بكتر الضغط عليها
ادم مقتنع تماما ان بيتر ليه سحر على سمر مش
عند حد .. لانه للاسف مديها احساس مخدتهوش من اهم مكان
بيتها !!!
. . .
بعد ما اتحرك بالعربيه بص في موبايله واتصل
برقم " ميمي "
من غير ما ياخد بالو من المكالمه اللي مردود
عليها ومكنش اللي رادد هوا
لان اخر حاجه عملها على موبايلو انو كلمها
قبل ما ينعس .. ف مخدش بالو من وقت المكالمه الاخيره
فضل يرن يرن لحد ما الجرس فصل ومفيش رد
استغرب اوي واتصل تاني
وفي اخر رنه كانت ميمي بترد عليه
فتحت الخط ومردتش
" الو .. ! "
اول ما سمعت صوته اطمنت
" ايوا يا بيبي ! كدا تعمل فيا كل دا
"
" انا !! عملت ايه ! "
" انا زعلانه منك "
" طب انا جايلك يا جميل في السكه اهو ..
معايا نص ساعه واكون عندك "
. . .
" سمر .. "
مرعفتش ترد عليه ولا تعمل نفسها نايمه ولا
تبصله من غير كلام
ماهو لو بصتله من غير كلام دموعها هترد عليه
بس مش هيكون عارف السبب !
ولازم تحكيله
بس ياترى هتحكيله ايه بالظبط
هتحكيله عن باباهم اللي ميستاهلش كلمة اب!؟
ولا امهم اللي متعرفش يعني ايه امومه
ولا تحكيله عن نظرتها للبيت على انه بنك فلوس
بتسحب منه كل ما احتاجت
بنك مجرد من المشاعر الانسانيه اللي محتاج
البنك دا انه يكون فيه اسمى واجمل مشاعر
ولا تحكيله عن نظرتها لمامتها اللي في نظرها
اكبر سبب في اللي هما فيه دلوقتي
ماهي الام هيا اساس كل بيت! من غيرها البيت
ينهار
وهيا موجوده ومش موجوده! يعني لو ميته يكون
احسن بالنسبه لسمر
عالاقل كانت هتحبها
بعد المكالمه بتاعت " ميمي " سمر
كرهت مامتها على باباها على الفيلا اللي مفهاش روح عالعربيه اللي جتلها في عيد
ميلادها
على لبسها اللي بفلوس الدنيا على موبايلها
اللي كل كام شهر تغيره لموديل احدث منه
على كل حاجه اصلا !
يمكن سامي اللي لسه مكرهتهوش لانه الوحيد
اللي مش شايفه انه السبب في اي حاجه وانه مجرد ضحيه لبيت متجرد من المشاعر .. زيو
زيها ضحيتين ملهمش ذنب في الدنيا الا انهم اختلقو في بيت مفهوش حياه
ولا بأه تحكيله عن بيتر اللي لا من ديانتها
ولا من طينتها
ومقتنعه تماما رغم حبها الشديد ليه انهم مش
هيكملو مع بعض
ولا تحكيله عاللي بيعملو بيتر كل شويه معاها
وهيا بتمنعه عن اللي بيعمله وبتعديله كتير عشان محتاجه الاحساس اللي بتحسو معاه
دا حتى بيتر يمكن متكونش بتحبه بس بتحب تحس
ان حد بيحبها ومهتم بيها لانها ملقتش الاحساس دا مع حد
يمكن سامي اداها حاجه بسيطه من دا الاحساس
رغم انه مش بيعرف يبين الحب لحد لانه مخدهوش من حد
مهو برضو غصب عنه !!
وقررت في الاخر انها تبصله ودموعها على خدها
يمكن يفهم حاجه
مهو لسه عايش في خناقه من خناقات باباهم
ومامتهم من شويه
بصتله .. من غير كلام!
ساعات عنينا بتعرف تتكلم اكتر من شفايفنا . .
" سمر مالك!؟ "
سمر معرفتش ترد تقوله ايه السبب !
" قلقت عليكي انهردا كلو مشفتكيش ..
عيانه؟ مالها عنيكي وارمه وبتعيطي ليه
مين مزعلك قوليلي وانا اولع فيه "
ابتسمت سمر ابتسامه مكسوره
ساعات بتحس مع سامي انه باباها اللي محستش
بوجوده الا وقت ما تحتاج فلوس وبس !!
ودلوقتي حست نفس الاحساس
قامت قعدت على حيلها ورمت نفسها في حضنه
وفضلت تنهج من العياط
وتتنفس بصعوبه
خدها في حضنه وفضل يطبطب عليها ويحضنها اكتر
وهوا مش فاهم فيه ايه
تقريبا زي ما هيا محتاجاه هوا محتاجها ويمكن
اكتر!
رفع راسها ومسكها وباسها عليها
ومسكها من خدها بايديه بحنيه وابتسملها
" ممكن تبطلي عياط وتحكي لسامي حبيبك
واخوكي اللي ملكيش غيرو مالك "
" مش عارفه احكيلك ايه ! "
" ماهو اكيد ياحبيبتي في سبب للعياط دا
.. قوليلي بتعيطي ليه "
" تعرف ان دي اول مره تقوللي حبيبتي؟
"
" ايه دا انتي زعلانه مني عشان مرحتش
معاكي مشوار النادي؟ والله العظيم انشغلت والله انا اسف والله هروح معاكي فاضيه
بعد بكرا طبعا صح؟ "
" مش عشان كدا يا سامي .. "
" اومال مالك يا قلب سامي "
" بابا . ."
" اااااااه .. انتي سمعتي الخناقه؟
"
" بابا بيخون ماما يا سامي !! "
سمع سامي الجمله دي من هنا وريقه معرفش يبلعه
من بعدها !
ليست هناك تعليقات:
إرسال تعليق