" قوم معايا لو سمحت شويه "
" ههههههههههههههههه على فين "
" قوم بس شويه .. عن اذنكو يا شباب
"
قام سامي مع شادي وطلعو وقفو برا الكافيه
شادي بعصبيه بيبعد بإيديه الدخان اللي طالع
من سيجارة سامي
" وبعدين معاك يا اخي !! اخرك ايه يعني
"
" ههههههه مالك ياشادي سلامتك فيك ايه
"
" ياحبيبي انتا اللي فيك ايه مش انا !
.. انا مرعوب عليك .. بقيت بتشرب شيشة وسجاير وعايز تعرف بنات وشويه وهتخرج معاهم
وهتخرب منك اكتر ما هيا خربانه .. ايه اللي حصل لدا كلو! فين سامي اللي كان
بينصحني مبعدش عن البنت اللي بحبها ومبصش لغيرها .. فين سامي اللي كان بيتخانق فيا
بسبب الشيشه! فين سامي اللي كان ملتزم في دراسته وشادد حيله وجايب في الاربع سنين
في هندسه امتياز دا غير ال99 اللي في ثانويه عامه! جرالك ايه ياسامي .. عشان ايه
كل دا وعشان خاطر مين "
سامي خد اخر نفس من السيجاره ورماها ع الارض
ومسك ريموت العربيه وداس عليه وراح قعد جوا وقال لشادي يدخل يتكلمو جوا العربيه
راح شادي بعد نفاد صبر وقعد جنبه في العربيه
رجع سامي راسو لورا ع الكرسي واتنهد بـ
" اااه " كبيره !
وجعت قلب شادي عليه واتدايق اكتر ما هوا
متدايق
" انا ضعت خلاص يا شادي مش لسه هضيع
"
" ياخي مين قالك كدا بس .. استهدى بالله
وهترجع كل حاجه زي ما كانت "
" ياراجل الكلام دا تروح تضحك بيه على سمر
اختي مش عليا انا .. انا خلاص وصلت لاخري معدتش قادر استحمل .. مانا دايما ماشي في
خط مستقيم ايه المشكله لما اتعوج حبتين يعني .. حتى لو اتأذيت .. عادي اجرب اتأذي
مره .. مش هفضل عم سامي المحترم على طول يعني "
" انتا شايف انك صح؟ "
" لاء "
" و ايه الصح في نظرك يا سامي "
" ههههههههههههههههههه .. معرفش !
"
" طب مش احنا صحاب وبنحب بعض وكدا؟ سبني
ارجعك زي ما كنت "
" ياسيدي مش عايز .. خليني تايه كدا ..
بقولك ايه جربت تشرب حشيش ؟ "
" ح ايه يخويا! .. لا يا بابا انتا لازم
تفوق واقسم بالله لو ما فوقت لا افوقك انا بنفسي .. انتا مش هتفضل كدا وانا مش
هسيبك كدا يا اخي فوق بأه "
" مش عايز .. مش عااااااااااااااااايز
.. "
" ماشي يا سامي .. بس اعمل حسابك انك
كدا بتخسر كل حاجه .. نفسك .. وحلمك يا بشمهندس .. واختك اللي معندهاش غيرك ..
وصاحب عمرك اللي من يوم ما كنت اد كدا وكتفه في كتفك .. دا غير ربنا اللي مش راضي
عنك .. ومحدش هينفعك .. روح بأه بالسلامه "
وفتح باب العربيه نزل منها ورزع الباب وراه
ومشي ..
بص سامي عليه وهوا ماشي من بعيد .. وحرك
العربيه ومشي بيها
ولع سيجاره .. وولع الكاسيت ع الاخر
. . .
مسك ايدها وباسها عليها اول ما وصلت
" ايه القمر دا "
سحبت ايدها من ايده بالراحه وابتسمتله
الابتسامه اللي كل اللي عرفها واللي معرفهاش حبها فيها
وحبها بسببها
وقعدت على الكنبه جنبه . .
" وحشتيني اوي "
" امممم .. بجد؟ "
" اوي اوي يعني "
" هههههه وانتا كمان وحشتني اوي "
بص على رقبتها لقى السلسله .. مد ايده ولمسها
ومسك القلب اللي متعلق فيها
اتخصت لما مد ايده ولما شافته ماسك القلب
سكتت ..
" قلب مين دا بأه يا سمورتي "
" ههههههه قلبك "
" بس مش انا اللي جايبهولك يا بكاشه
"
" بابا اللي جابلي السلسله دي "
" ماشي يا عمو مجدي .. الله يسهلك كمان
لابسه قلبك في رقبتها يابختك ياعمي "
خبطته على كتفه بالراحه لما حست انها اتكسفت
وابتسمتله
" ياخرابي ع القمر اللي قاعد معايا دا
"
" اممممم .. وانتا عامل ايه "
" كويس ياحبيبي .. قوليلي بأه .. مالك
"
" مالي "
" اممممممم عيني في عنيكي كدا "
" لالا من غير عيني ولا عينك انا هحكيلك
.. بس اوعدني الكلام دا يبأه بيني وبينك بس "
" عيب عليكي دنتي حبيبت قلبي .. قولي
يلا في ايه "
وبدأت سمر تحكي لبيتر كل حاجه .. من لما كانت
هيا وسامي صغيرين .. لحد قبل ما تطلع من البيت انهردا
دموعها بتنزل وهوا بيمسحهالها ..
هيا محتاجه حنيته ولمسة ايده على خدها وهوا
بيمسحلها دموعها اللي مش بتلاقيها في حد في البيت لما نفس الدموع بتنزل
وعشان كدا كانت راضيه بإيده على خدها من غير
ما تعترض . . .
. . .
جابو انسيال شكله شيك جدا ورقيق جدا وطلعو
يتعشو برا . .
" بجد بجد انا مبسوطه اوي انهردا "
" اشمعنا يا احلى ميمي "
" عشان مجدي حبيبي معايا "
" طب ماهو معاكي على طول "
" ياسلام ياخويا لا طبعا مش معايا ولا
حاجه .. وكمان عشان اخيرا هيفضل معايا بأه وبتاعي انا وبس على طووووول "
" ان شاء الله ياحبيبتي .. قريب ان شاء
الله "
نزلو من العربيه ودخلو المطعم .. طلبو اكل
وقعدو يتعشو وهما الاتنين في قمة سعادتهم
وكلمة بحبك مش مفارقه شفايف ميمي وهيا باصه
لمجدي . .
. . .
الساعه 10 ونص ..
الموبايل بيرن برقم غريب
بصت ع الموبايل فكرت ترد او لاء ..
حست انها مرهقه ودا زمانه حد من العيانين ف
قالت بلاش ارد
الموبايل سكت ورن تاني من نفس الرقم .. لكن
بردو اصرت انها متردش ..
. . .
الساعه 10 ونص وخمسه . .
الموبايل بيرن برقم غريب
بصت ع الموبايل . .
مجدي " دا موبايلي يا ميمي؟ "
ميمي " اه ياحبيبي رقم غريب "
مجدي " رغم غريب !! غريبه دي هاتي طيب
"
ميمي " بلاش احسن انتا بتسوق "
مجدي " متقلقيش بس هاتي "
ادته الموبايل ورد ع المكالمه . . .
مجدي " الو !؟ "
صوت جاي من الناحيه التانيه " استاذ
مجدي معايا ؟ "
مجدي " ايوا حضرتك مين معايا "
الصوت " انا اسف لحرضتك .. بس دا الرقم
اللي لاقيناه متسجل ع الموبايل بأسم " بابا " "
مجدي بلع ريقه وركن على جنب وقلبه اتقبض
مجدي " خير يافندم في ايه !؟ "
الصوت " مش عارف اقول لحضرتك ايه .. بس
في حادثه دلوقتي على طريق حلوان .. والموبايل اللي لاقيناه في العربيه كان للشاب
اللي سايق وكان لوحده .. اتصلنا برقم الوالده محدش رد علينا "
مجدي " حادثه !!! "
الصوت " العربيه كيا زرقا .. "
مجدي " ابني ! "
الصوت " لقينا البطاقه مكتوب فيها سامي
مجدي "
مجدي " حصلو ايه ابني حصلو ايه !!!!
"
الصوت " البقاء لله "
. . .
سمر طلعت من الكنيسه مع بيتر
" مبروك يا احلى بنوته في الدنيا "
سمر كانت عنيها بتقول خايفه .. لكن ابتسمتله
بالعافيه
مسك ايدها وباسها عليها
" مالك ياحبيبتي ؟ "
" مش عارفه اللي انا عملتو دا صح ولا
غلط "
" انك تتجوزي بيتر حبيبك دا غلط؟ "
" بس انا كنت مسلمه يا بيتر! "
" وبقيتي مسيحيه ايه المشكله يعني ..
متضيعيش فرحتنا بأه واعملي حسابك انك كمان يومين كدا هاخدك ونروح لماما نقولها ..
تالا وماما هيفرحو اوي .. بابا لو كان عايش كان فرح جدا "
" نقولهم ايه "
" انك اتنصرتي واننا اتجوزنا "
" سيب كل حاجه دلوقتي "
" طب انا مش هسيبك في الوضع دا .. خليني
انا اسوق واروحك وبعدين ارجع اخد عربيتي "
" لالالا مفيش داعي انا هروح متقلقش انا
كويسه "
" طب ياقلبي خدي بالك من نفسك "
وباسها على راسها .. سابته وراحت ركبت
عربيتها واتحركت ع البيت
ينهار اسووووووووووووود اتجوزته ازاااااااااى ده بس
ردحذفبس تحففففففففه الحلقه وزعلت جدا لما شادى مات حرام