سمر بصت لباباها ومعرفتش ترفض ولا توافق
وفي الاخر بعد صمت طويل قالتلو ماشي
مجدي فرح اوي واتصل بميمي وقالها تجهز عشان
هيعدو عليها ياخدوها
. . .
خلصت د.هناء كل حاجاتها ونزلت راحت لسماح
المطبخ
" سماح "
" نعم ياستي "
" شكرا على كل حاجه "
" في ايه يادكتوره ايه اللي حصل لكل دا
"
" منتي عارفه .. اتطلقت يا سماح !
"
" معلش .. محدش عارف الخير فين الحمدلله
"
" عارفه يا سماح .. كلام بيني وبينك!
انا معرفتش احافظ على بيتي .. انا اللي عملت كدا .. بس انا مش ندمانه .. شغلي اهم
عندي من اي حاجه .. يلا الحمدلله .. المهم عايزاكي تكلمي عربيه تيجي تنقل الشنط دي
عشان عربيتي مش هتكفي "
" حاضر يادكتوره "
. . .
وصلو
عند بيت اهل ميمي . .
ونزل مجدي من العربيه قال لسمر ثواني وراجع
دخل البيت وهيا بعد ما دخل نزلت من العربيه
قعدت ورا عشان لما ميمي تيجي تقعد جنب مجدي
فضلت قاعده مستنيه .. شويه ومسكت موبايلها
بصت عليه لقتها سايباه سايلنت
بتبص ع المكالمات لقت 30 مكالمه من بيتر و 4
مسجات كلهم منه مضمونهم انتي فين ومش بتردي ليه ..
لسه هتشيل السايلنت لقت بيتر بيتصل تاني
لوت شفايفها وبصت قدامها لقت باباها ومراته
لسه مجوش
وقررت انها ترد ع السريع
" الو "
" انتي
فيييييييييييييييييييييييييييييييييييييييييييييييييييييييييييين مش بتردي على
اهلي ليه يا سمر ايه الاسلوب دا "
" بص انا مش هعرف اتكلم كتير .. انا
عايزه بس اطلب منك طلب "
" امم ! "
" قوللي دلوقتي انتي طالق عشان ارتاح
"
" نعم "
" لو بتحبني يابيتر عشان خاطري قولهالي
"
" دنا مصدق يا سمر ! "
" معلش قولهالي وبعدين نعمل ايه حاجه
ولا نتكلم ف اي حاجه "
" ياسمر هيا الحكايه لعب عيال "
" بقولك عشان خاطري !! "
" لساني مش مطاوعني "
" لو بتحبني يا بيتر "
" حاضر يا سمر .. انتي طالق "
" شكرا .. هكلمك بعد شويه سلام دلوقتي
"
قفلت في وشه قبل ما يرد عليها وشالت السايلنت
رجعت راسها لورا ع الكنبه في العربيه واتنهدت
بـ ااااااه كبيره وغمضت عنيها
مفيش دقايق ولقت الباب جنبها بيتفتح
اتخضت وبصت بسرعه لقتها ميمي .. حست انها
شافتها قبل كدا بس مش فاكره فين
ودخل مجدي العربيه
مجدي" ميمي دي سمر .. سمر مراتي دي ..
ميمي او ميار اللي تحبي تقوليهولها قوليه "
سمر ابتسمت لميمي وميمي ابتسمتلها وسلمو على
بعض بالايد
ميمي " ازيك ياسموره عامله ايه "
سمر " الحمدلله كويسه .. اتفضلي حضرتك
قدام جنب بابا انا تمام كدا هنا "
مجدي " انتي مش كنتي قاعده قدام "
سمر " معلش بأه يا بابا ميصحش "
ميمي " هههههه ماشي "
قفلت ميمي الباب بتاع العربيه وراحت قعدت
قدام جنب مجدي
واتحركو ع المطعم
الدقايق بتفوت سمر ساكته وميمي بتحاول
تجاريها في الكلام وتكسبها ومجدي بيهزر مع سمر عشان تطلع من جو الخجل اللي هيا فيه
والصمت . .
لحد ما وصلو ودخلو قعدو في المطعم
وفي وسط الكلام
مجدي" سمر حبيبتي "
سمر " نعم يا بابا "
مجدي " نويتي على ايه "
سمر " نويت على ايه فـ ايه ! "
مجدي " هنقعد فين يعني "
سمر " اللي طنط تقول عليه انا معنديش
مشكله بس بصراحه مش عايزه اقعد في الفيلا وسامي الله يرحمو مش فيها "
ميمي " قوليلي ميار او ميمي بلاش طنط دي
متعجزنيش هههههه "
سمر " هههههه لا ابدا مش تعجيز بس لسه
مخدتش عليكي "
مجدي " ان شاء الله مع الوقت هتحبيو بعض
كمان وتبأو صحاب "
ميمي " والله نفسي ياسمر نقرب من بعض
اوي .. انا بحبك انتي وسامي الله يرحمو من غير ما اعرفكو والله اسألي حتى مجدي
"
مجدي " ربنا يعلم يا سمر كانت دايما
تطلب مني تشوفكو .. انا واثق انكو هتقربو من بعض اوي "
سمر بابتسامه خفيفه " ان شاء الله ..
هوا انا شفتك فين قبل كدا ؟ "
وبصت لميمي . .
ميمي " اكيد يوم الوفاه "
سمر فضلت مركزه في ميمي شويه قليلين
سمر " اااااااااااااه .. صح كنتي مع
بابا .. معلش انا ربنا اللي عالم حالتي وقتها كانت ايه "
ميمي " حقك ياحبيبتي والله .. "
مجدي " كلنا كنا هنتجنن والله يابنتي ..
ربنا يرحمو "
سمر وميمي " يااارب "
موبايل سمر رن . . .
سمر " ايه دا ! "
مجدي " في ايه "
سمر " سماح ! "
مجدي " خير ان شاء الله ردي شوفي تلاقي
امك عامله عمايلها لسه "
سمر ردت وهيا قلقانه بعد ما افتكرت اللي حصل
انهردا
" الو "
" ايوا يا سمر عامله ايه "
" كويسه الحمدلله .. في حاجه ولا ايه يا
سماح "
" لا ابدا انا بس كلمتك عشان اقولك ان
الدكتوره مشيت خلاص "
" مشيت على فين "
" ونبي ماعرف بس هيا خلتني اكلملها
عربيه تنقلها شنطها كلها "
" شنطها! "
" ااه يا سمر والله "
" امممم طيب ماشي ياسماح انا شويه وجايه
وبابا معايا "
" ماشي "
وقفلت معاها ..
مجدي " خير في ايه "
سمر " بتقوللي ماما خدت حاجتها وشنطها
ومشيت بس مش عارفه على فين ..! "
مجدي " منا جايبلها شقه تلاقيها راحت
عليها "
سمر " يلا .. "
ميمي " ههههه على رأيك ياسموره .. يلا
... "
سمر بصت لميمي وابتسمتلها وهيا من جواها بتقول
وانتي مالك دي امي وانا حره اتكلم عنها زي منا عايزه مش كفايه متجوزه بابا !
مجدي " طيب ايه رأيكو انا هجيب شقه
ونقعد فيها ونسيب الفيلا .. ولا اخد فيلا تانيه "
سمر " براحتكو "
ميمي " انا شايفه ياحبيبي ان شقه كفايه
احنا تلاته بس "
سمر " اربعه "
مجدي " اربعه ! "
سمر " سماح طبعا هتيجي معانا انا مش
هسيبها .. "
ميمي " سماح مين اصلا "
مجدي " البنت اللي عندنا في البيت .. بس
ياسمر ادي ميمي موجوده وبتعمل اكل تاكلي صوابعك وراه .. ملهاش لزمه سماح "
سمر " خلاص هعيش انا وسماح لوحدنا في
الفيلا "
ميمي " ودا كلام بردو ياحبيبتي .. عيب
طبعا! خلاص ياحبيبي خليها تيجي مش مشكله اهي تساعدني "
مجدي " خلاص اللي تشوفوه "
خلصو اكل ولسه هيقومو موبايل سمر رن تاني
بصت فيه لقت ماجي بتتصل .. بصت في ساعتها
لقتها 7
استغربت اوي من الوقت اللي طار دا
وردت على ماجي وهما رايحين يركبو العربيه
" ايه يا ماجي ازيك ياحبيبتي "
" الحمدلله انتي عامله ايه "
" اهو شغال .. "
" احسن دلوقتي؟ "
" ااه الحمدلله "
" طب الحمدلله .. بقولك ايه عايزه اشوفك
"
" دلوقتي؟ "
" لاء بكرا .. انا وبيتر "
" امممممممم .. طيب ان شاء الله بكرا
بأه "
مفيش دقيقتين وقفلو مع بعض
سمر " بابا رايح فين "
مجدي " هروح ميمي وبعد كدا نروح احنا
"
سمر " طب سوري يعني ايه المشكله انها
تيجي معانا ما خلاص ماما مش موجوده "
مجدي " انا معنديش اي مشكله انتي ايه
رأيك يا ميمي "
ميمي " لا لا بلاش عيب الناس حواليكو
يقولو ايه طلق واتجوز على طول .. والبواب والبنت اللي في البيت لالا طبعا وكمان
عيب اخد مكان مامتك ياسمر في البيت مينفعش "
سمر " براحتك انا قولت بدل ما تروحي
يعني "
ميمي " مرسي ياروحي تسلمي .. "
مجدي " انا ان شاء الله يومين بالكتير
واخد الشقه الجديده وننقل عليها "
ميمي " ان شاء الله "
وصلو ميمي البيت وروحو هما ع الفيلا
طلعت سمر ع اوضتها غيرت هدومها وحطت دماغها ع
السرير محستش بنفسها
تاني يوم . .
سمر صحيت بتعيط
مفيش ثواني ودخل مجدي عليها لقاها بتعيط
" ايه دا صباح الخير مالك ياحبيبتي!!
دنا جاي ابوسك واصبح عليكي في ايه مالك !؟ "
ليست هناك تعليقات:
إرسال تعليق