" وحشتتني "
" وانتي وحشتيني اوي والله "
" انتا كويس؟ عملت ايه مع الولاد "
" انا كويس الحمدلله .. سمر وسامي
عارفين .. وحكيت لسامي اننا متجوزين .. وخلاص الموضوع معدش فيه كلام
سمر معادتش هتقبلني تاني انا عارف بنتي ..
وسامي اهو.. متفهم الموقف لكن شايل من حاجات كتيره تانيه "
" معلش يا حبيبي حقهم بردو منتا باباهم
ودي صدمه بالنسبالهم .. طب ومراتك عرفت
حاجه"
" لاء هناء معرفتش ومفتكرش حد فيهم
هيحكيلها حاجه "
" طيب الحمدلله "
" صدقيني مبقاش يفرق معايا .. هيا اصلا
تلاقيها حاسه او كمان متأكده بس عامله مش فاهمه حاجه "
" هيا اللي جابتو لنفسها يا مجدي "
" ما علينا .. يلا عشان نروح البيت
"
" هتبات معايا انهردا؟ "
" اه ياحبيبتي يلا "
" حاضر "
. . .
بصت في الساعه لقتها 5 .. استغربت انها نعست
كدا ومحستش بنفسها
قامت غسلت وشها وراحت لبست وهيا بتتصل بماجي
عشان تقولها انها معاها ساعه وتعدي عليها
خلصت لبس واتصلت بـ بيتر . . .
" الو "
" حبيبتي اللي مشغول عليها انهردا غصب
عني ازيها "
" كويسه الحمدلله وحشتني على فكره
"
" وانتي وانتي وانتي وحشتيني .. يلا بأه
مش هتيجي "
" الساعه لسه مجتش 6 حتى .. هكون عندك
على 7 كدا "
" طيب ياقلبي متأخريش هستناكي وتالا
بتقولك تعالي بأه "
" ههههه ماشي حاضر سلم عليها عبال ما
اجي "
" ماشي ياحبيبتي خدي بالك من نفسك
"
" حاضر .. بحبك على فكره "
" وانا بموت فيكي "
قفلت معاه وهيا مبسوطه جدا جدا .. حطت ميك اب
خفيف جدا
وخدت شنطتها وطلعت لقت مامتها طالعه من
اوضتها
" رايحه فين يا سمر "
" عيد ميلاد صحبتي "
" طيب خدي "
وطلعت من محفظتها فلوس وادتهالها
" مش عايزه "
" ايه ياسمر عيب عليكي دي فلوس مش عايزه
ايه .. امسكي بس "
" مش عايزه يا ماما "
" ياحبيبتي عشان لو احتجتي حاجه ..
خليهم معاكي .. وخلي بالك من نفسك ها .. يلا باي باي "
وسابتها ومشيت وسمر ماسكه الفلوس وباصه
لمامتها باستغراب
حطت الفلوس في المحفظه من غير ما تبص عليهم
ونزلت ركبت عربيتها واتحركت
على بيت ماجي . .
وصلت وكانت ماجي واقفه تحت ومعاها واحد فهمت
انه مينا
نزلت من عربيتها وسلمت عليهم وركبو التلاته
سوا وطلعو ع العيد ميلاد
. . .
دخل اخد دش وطلع حس انه دايخ اوي
قام متصل بشادي . .
" الو "
" ايه ياسامي "
" بقولك ايه هوا الشيشه دي ايه تأثيرها
ياعم "
" ازاي يعني "
" اصل انا مش مظبوط .. اتغديت وحطيت
راسي ع السرير محسستش بنفسي .. وصحيت من شويه حاسس اني دايخ جدا "
" لا متقلقش انتا مفكش حاجه .. خليك في
البيت انتا بس وبطل اللي انتا فيه دا ياسامي الله يخليك "
" ياعم انا تمام .. متخفش عليا "
" ربنا يستر ان شاء الله .. ايه الدنيا
بكرا ؟ نازل؟ "
" بكرا عندنا ايه "
" بكرا الجمعه يابني "
" اه صحيح .. لاء انا هاخد سمر نادي
كانت عايزه تروحه ف احتمال انزلكو بليل "
" خلاص تمام اشوفك "
" ماشي "
قفلو مع بعض وقعد سامي عالسرير حط ايده على
راسه وقام نده على سماح من فوق وقالها تعمله كوباية قهوه ساده
ودخل تاني الاوضه مسك موبايله واتصل بسمر
" الوو "
" ايوا يا سمر انتي فين ايه الدوشه دي "
" في عيد ميلاد صحبتي "
" طب ننزل بكرا النادي اللي كنتي
عايزاه؟ "
" ااه عشان التنس؟ "
" ايوا "
" خلاص ماشي اوكي "
" ماشي خدي بالك من نفسك ومتأخريش
"
" حاضر حاضر باي باي "
" سلام "
قفلو سوا وراحت وقفت تاني مع بيتر
" ايه يا سمر مين بيكلمك "
" دا سامي "
" في حاجه ولا ايه "
" لاء ابدا مفيش بس بيسألني على النادي
عشان التنس هروح معاه بكرا "
" ااه ماشي .. يلا عشان هنطفي الشمع طيب
"
. . .
تاني يوم . .
نزلت سمر ومعاها سامي وراحو النادي وحجزت فيه
عشان تبدأ تنس مع كابتن تاني
خلصو وروحت سمر ع البيت وطلع سامي مع صحابو
د.هناء انهردا كانت اجازه م الشغل ..
اما مجدي ف روح ع البيت عشان بقالو كذا يوم
مرحش البيت ومحبش يكون شكلو وحش اكتر من ما هوا اصلا
دخل مجدي البيت لقى هناء قاعده بتتفرج ع
التليفزيون
" سلام عليكم "
بصت عليه هناء ولوت شفايفها وردت بقرف "
وعليكم "
راح قعد جنبها . .
" ازيك يا هناء "
" كويسه ! "
" والولاد فين كدا "
" معرفش "
" مالك في ايه انتي لسه زعلانه مني
"
" ولا حاجه "
" طب بصي جبتلك ايه "
وفتح كيس من الكيسين اللي كان داخل بيهم وطلع
علبه شكلها شيك اوي
وفتحها واداها لهناء
كانت العلبه فيها سلسله دهب نازل منها فراشه
صغيره شكلها شيك اوي وغالي اوي
هناء بصتله ورجعت بصت للعلبه خدتها منه
وقفلتها وحطتها على رجلو ومسكت الريموت غيرت القناه
" ايه دا ياهناء "
" انتا اللي ايه دا "
" دي هديه كدا مني ليكي عشان اصالحك
"
" تصالحني عشان مش عايش معايا في بيت
واحد ولا تصالحني عشان بتتسرمح في الشوارع طول اليوم وحتى مش بتبات في البيت ولا
تصالحني عشان كل شويه بخناقه ولا ولا ولا؟ "
" عشان زعلتك ياستي مني .. خدي بأه
"
" متشكره "
" انتي ليه عامله كدا !! ليه شايفه نفسك
اوي كدا يا ست الدكتوره "
" بالظبط .. عشان انا ست الدكتوره
"
" لعلمك انا ساكت وصابر بس عشان سمر
وسامي .. انا لو عليا كنت طلقتك وخلصت من قرفك دا ياشيخه جتك القرف "
ومسك العلبه رماها على الارض وداس عليها وطلع
عالاوضه
هناء متهزتش ولا حتى بصت عليه ولا عبرته في
كل دا وكملت فرجه ع التليفزيون
سمر كل دا في الاوضه سامعه اللي بيحصل وبتعيط
من القهر ومش عارفه تعمل ايه .. لا طايقه باباها ولا مامتها ..
ولا عايزه تسمعهم اصلا تاني !!
رمت نفسها عالسرير وحطت المخده على راسها
وكملت عياط
اما مجدي ف دخل الاوضه وقفل على نفسه الباب
ودخل الحمام غسل وشو وهوا متنرفز اوي
وطلع قعد ع السرير وحط ايده على راسه
وكل تفكيره ازاي هيطلق هناء واصلا ولاده مش
عايزين حد فيهم .. هيكون ايه مصيرهم !
وللاسف هناء بالنسباله خلاص معدش حد يقدر
يستحملها ولا ينفع يتعاش معاها
قام من ع السرير ومسك الكيس التاني وقلبه
بيدق جامد اوي
مش عارف يعمل الخطوه دي ولا لاء ..!
بعد ما وقف قعد تاني ع السرير !
ورجع وقف تاني بعد ما قرر حاجه تانيه .. تكون
اسهل شويه
فتح الباب ونده على سماح
طلعتله سماح واداها الكيس وقالها تخبط على
اوضة سمر وتسيبهولها
وقفل وراه الباب
سماح راحت خبطت على الباب عند سمر محدش رد
عليها
خبطت تاني .. سمر من جوا قالت " ادخل
"
دخلت سماح لقت سمر نايمه ودافنه وشها في
المخده
" سامحيني يا سمر صحيتك م النوم دي حاجه
البيه قاللي اديهالك .. اطفي النور؟ "
وسابت الكيس ع التسريحه
" بيه مين يا سماح "
" مجدي بيه "
" متقفليش حاجه .. الباب خديه وراكي
"
" حاضر عن اذنك "
طلعت م الاوضه وقفلت الباب وراها ونزلت
د.هناء سألتها مجدي كان عايزها ف ايه
وقالتلها ومشيت
د.هناء ابتسمت بسخريه لما فهمت انه بيحاول
يرضي كل اللي في البيت
لان الواضح كمان ان سمر زعلانه منه ودا
بيسعدها جدا !!
عشان سمر تفكر ان مامتها احسن من باباها
لكنها متعرفش انهم الاتنين بالنسبالها زي بعض
!
ليست هناك تعليقات:
إرسال تعليق