اتصلت بمحمد .. رد على طول !
" الو "
" انتي فين يا جززززززززمه مختفيه فين
يخرب عقلك قلقتيني عليكي "
" هفهمك كل حاجه بس انتا فين "
" في البيت "
" تعرف تنزل؟ "
" اه اشطه اجيلك فين "
" لا متتحركش انا هعدي عليك بعربيتي
"
" طيب خلاص مستنيكي "
قفلت معاه وراحتلو ع بيته
. . .
" دكتوره ممكن اسأل حضرتك سؤال؟ "
" سيب القهوه هنا ع المكتب .. ها قول يا
عم فتحي "
" هوا ليه حضرتك لبستي لامواخذه يعني
الاسود 3 ايام بس ... دا ابنك يا دكتوره "
د.هناء بصت للعامل بصه غصب حس انه تعدى حدوده
معاها قام رفعلها ايده وطلع على طول وقفل وراه الباب
رجعت هناء بضهرها لورا ع الكرسي
حاولت تفكر لكن قطع تفكيرها صوت موبايلها
كانت سماح اللي متصله
استغربت اوي من المكالمه دي وردت على طول
" الو "
" ايوا يا هانم .. انا اسفه من اللي
هقولهولك بس ! "
" بس ايه؟ في ايه يا سماح "
" ونبي ما عارفه اقولك ازاي "
" ما تنطقي ياسماح "
" في ورقة جتلك يا هانم من شويه وواحد
كان عايزني اوقع اني استلمتها ولما قلتلو ان مش انا الهانم قاللي لازم ان حضرتك
توقعي بنفسك عليها "
" ورقه! وانا بنفسي اوقع عليها!!!
متعرفيش مين ياسماح "
" ورقة لاموأخذه طلاقك يا هانم .. ولازم
دلوقتي تيجي عشان الراجل برا مستني حضرتك ! "
. . .
مسك موبايلو واتصل بـ ميمي
" صباح الخير "
" صباح النور يا حياتي عامل ايه "
" واحشاني .. هوا دا اللي انا عاملو
"
" وانتا اكتر والله "
" انتي فين ياميمي "
" عند بابا وماما طبعا "
" طب بقولك ايه .. انا خلاص بعت لهناء
ورقة طلاقها .. كلها يومين ونعيش سوا بأه احنا التلاته اخيرا "
" ايه دا بجدددددددددددددد!!!؟
لولولوللولولولولولولولولولولييييييييييييييي "
" ههههههههههه زغرتي ياستي براحتك ..
"
" الف مبروك عليا جوزي حبيبي وبنته ليا
"
" الف مبروك عليا انا ان معايا اجمل
وارق ملاكين في الدنيا "
" يارب يخليك لينا يامجدي ياحبيبي يارب
"
" ويخليكي ليا يارب .. مش هوصيكي على
سمر بأه "
" عيب عليك دي بنتي منتا عارف .. "
" انا واثق ياحبيبتي .. يلا اسيبك
دلوقتي عشان عندي شغل "
" ربنا معاك يارب ويفتحلك باب الرزق من
اوسع ابوابو "
" ومايحرمني منك ابدا "
" يارب "
. . .
وصلت تحت بيتو واتصلت بيه نزلها
" ازيك يا سمر "
" الحمدلله تمام انتا عامل ايه "
" تمام .. ايه يابنتي السواد دا كلو
ارحمي نفسك "
" سامي توفى يامحمد "
" ايه !! ازاي وامتى وليه مقولتليش ولا
حد قاللي "
لسه هترد عليه بيتر اتصل بيها قفلت الموبايل
خالص وبصت لمحمد
" بيتر؟ "
" اه "
" اوووووووه دا شكل في حاجات كتير جديده
في ايه احكيلي "
" هحكيلك بس في حاجه لازم تعرفها
ومعرفتش احكيها لمين غيرك .. سامي خلاص معدش موجود وانتا بالنسبالي زيو "
" ربنا يرحمو .. مع اني مفهمتش اللي حصل
بس عايزه تحكيلي ايه "
" نروح فين الاول "
" اي مكان انا معاكي اشطه "
وطلعو على كافيه صغير قعدو فيه
وكانت في الطريق بتحكيلو عن الحادثه بتاعت
سامي
ولما دخلو وقعدو سألها عن اللي هيا عايزاه
منه
" بص يا محمد انا مش عارفه اقولك ايه ..
بابا طلع متجوز على ماما .. وانا اكتشفت اني
مبحبش ماما لاني عشت عمري كلو مشفتهاش بتحبني .. انفصلت عن البيت كلو من وانا
صغيره ولما كبرت حبيت بيتر واليوم اللي سامي توفى فيه في نفس الوقت اللي عمل فيه
حادثه انا . . . "
" انتي ايه ! "
" بأيت مسيحيه "
محمد لسانه اتشنج معرفش يرد بصلها وعنيه من
الصدمه كانت هتخرج من مكانها !
" حياتي يا محمد كلها طرق مسدوده .. كل
منفد بيتقفل .. مبقتش عارفه اعمل ايه .. "
" تقومي تبأي مسيحيه ! "
" وطي صوتك الله يخليك .. انا مغيرتش
ديني عشان حاجه .. انا غيرته عشان ابأه مع الوحيد اللي معوضني عن حنان عمري ما
عشته "
" ياسلام؟ انتي مجنونه!!! ايه الاستفزاز
دا ياربي .. بصي ياسمر .. الدين المسيحي دا نحترمه ونصاحب مسيحين ونحبهم جدا لكن
مندخلوش !!! انتي عارفه انتي عملتي ايه! انتي اشركتي بالله!!! عشان خاطر حب؟ انتي
ازاي كدا "
" محمد .. انا عارفه كل حاجه .. ربنا خد
مني سامي يمكن عشان يعاقبني .. حتى سامي طريقه اتسد .. كنت فاكره انو هيفضل معايا
اديه مات واتسد الطريق اللي بيني وبينه! انا كلمتك عشان ترجعني مسلمه لاني معرفتش
اعمل كدا ازاي ومعرفتش احكي لمين غيرك "
بنرفزه " طب قومي معايا طيب بدل ما
اديكي على وشك "
قامت معاه سمر ركبو العربيه وطلعو ع جامع
استنو وقت الصلاه وبعد الصلاه سأل محمد الشيخ ازاي تسلم .. واسلمت من تاني سمر
بعد ما خلصو طلعو وركبو العربيه واتحركو
سمر بصت لمحمد وابتسمتله محمد كان متنرفز
منها اوي بس هدي بعد ما خلصو مشوار الجامع
" عارفه .. اقسم بالله انا كنت هضربك بس
مسكت نفسي عليكي بالعافيه "
" انتا تستاهل بجد اني اثق فيك واعتبرك
اخويا .. شكرا يا محمد "
" وبيتر دا حسابو معايا كبير "
" لاء .. متقلهوش انك عرفت حاجه "
" اومال ايه اللي هيتم بالصلاه ع النبي
كدا "
" انا هقولو اني رجعت اسلمت واني مش
هكمل معاه "
" بقولك ايه .. الدنيا مش سايبه والدين
مش لعبه .. حسك عينك تعملي كدا تاني ولو بيتر عصلج معاكي تكلميني ومن هنا ورايح اي
حاجه عايزاها انا وآدم وعصام موجودين سمعتي "
" حاضر "
سلم عليها ونزل من العربيه بعد ما وصلته
لبيته ورجعت تاني فتحت موبايلها واتحركت ع الفيلا
وصلت لقت مامتها جوا قاعده بتزعق وهيا بتتكلم
في الموبايل
دخلت وقفلت الباب وراها وطلعت على اوضتها
وكأن مفيش حاجه اصلا
مسكت موبايلها واتصلت بباباها لقت موبايله
مشغول
نزلت راحت المطبخ وكل دا مامتها بتزعق وبتهزق
وبتتوعد في الموبايل
لقت سماح واقفه في المطبخ
مدت اديها لسلة الفاكهه خدت تفاحه وراحت
تغسلها وقطمت منها وبصت لسماح
" هوا في ايه ياسماح مالها ماما "
" مليش دعوه اسأليها "
" متعرفيش؟ "
" اعرف بس مليش دعوه "
" هههههههههه هيا ماسكه عليكي زله ولا
ايه مالك كدا "
" اصل دي حاجات متخصنيش .. انا تعبت م
البيت دا ونبي بفكر امشي "
" ايه دا اخص عليكي وتسيبيني "
" ونبي انتو بيت مليان عقد وكلاكيع وكل
سكه فيها 100 سد "
" هههههههههههه على رأيك والله .. ما
علينا احكيلي بأه واخلصي يلا "
وحكتلها سماح اللي حصل . .
سمر مستغربتش لانها كانت عارفه انه دا هيحصل
بس مكنتش تعرف انه هيحصل بسرعه كدا
بصت لسماح وضحكت وقرصتها في خدها وطلعت
سماح بصت عليها وهيا طالعه بذهول
" ونبي عيله مجنونه " وضربت كف بكف
سمر طلعت م المطبخ لقت مامتها قاعده ع الكنبه
وشكلها مهدود
اول ما شافت سمر ندهت عليها
سمر بصتلها كدا وراحت وقفت قدامها وهيا بتاكل
التفاحه
" تعالي ياحبيبتي اقعدي عايزه اتكلم
معاكي "
“ I choose him “
وكملت التفاحه بتاعتها من غير ما تقعد جنب
مامتها فضلت واقفه مكانها
مامتها بصتلها بذهول
" يعني ايه ! "
" يعني انا اختارو "
" وانا بقولك ترجميلي!! انا مش فاهمه
قصدك "
" اصلك هتاخديني في كلام
كتييييييييييييييييييير اوي وهتقعدي تحبي فيا " وقطمت من التفاحه وكملت كلام
وهيا بتتكلم كـ نوع من قلة احترام للي قدامها " وتقوليلي كاني وماني وتعالي
معايا .. وانا هقولك سوري ف من الاول اختصرت ساعه ونص م الكلام زي ما كان سامي
الله يرحمو بيعمل "
وسابتها وطلعت اوضتها . .
ليست هناك تعليقات:
إرسال تعليق