د.هناء بصتلها في ذهول وهيا طالعه واتصدمت من
طريقتها وفضلت تزعق بعد ما فاقت من الصدمه
انه ازاي وازاي ابوكي اتفق معاكي تعيشي معاه
وتختاريه هوا وتفضليه عليا !
سمر كل دا قاعده في الاوضه ومسكت صورة سامي
حاضناها وبتعيط
" وحشتني .. وحشتني اوي!
شايف ياسامي بيحصل ايه؟ خلاص اتطلقو! . .
انتا فين تيجي تهون عليا
انا تعبت من كتر الزعيق دا .. خلاص
ملييييييييييييت .. انتا فين تيجي تاخدني في حضنك
وحشتني بجد والله .. ونفسي اشوفك تاني ..
نفسي تيجي توديني تدريب التنس وتقعد تستناني زي ما كنت بتعمل
دلوقتي انا اصلا مش هروح من غيرك ..!
على فكره ياسامي انا خلاص سبت بيتر. . صحيح
انتا متعرفهوش بس اديني بحكيلك بأه
موتك دا قفل طريق كان قدامي بس مكنتش بمشي
فيه .. كل الطرق مسدوده
مش عارفه ايه اللي هيجي بعد كدا !! مش عارفه
هعيش ازاي مع بابا ومراته
بابا بأه كويس اوي معايا .. بس انا معرفتش
مراته دي ايه نظامها
مش عايزه اعيش في الفيلا تاني وانتا مش فيها
.. كل شويه ابص على اوضتك وانا طالعه وانا داخله اوضتي
بس مش ببين لحد ولا حتى لنفسي .. انتا بس
اللي بحكيلك اهو .. بس متقولش لحد ماشي؟ "
ومسكت الصوره بصتلها وابتسمت وعنيها كلها
دموع .. باستها ورجعت حضنتها تاني وغمضت عنيها وهيا ع السرير ونعست . . .
مفيش ربع ساعه وكان مجدي في الفيلا
دخل لقا هناء واقفه بتزعق وهتتجنن
راح وقفل الباب وراه ووقف قدامها
" انتا شرفت يا باشا!! ايه دا!؟ ها؟
طلقتني؟ انتا فاهم نفسك مين "
بكل هدوء " هوا مش انتي مش طايقاني ومش
طايقه بنتك ومكنتيش بتطيقي ابنك الله يرحمو ومفيش حاجه في حياتك الا عيادك وشغلك؟
عايزه ايه مننا! "
" انا مترميش في الشارع
يابييييييييييييييه "
" وطي صوتك يادكتوره عيب كدا .. حقك كلو
هتاخديه وزياده .. حطتلك 5 مليون جنيه في البنك وجايبلك شقه باسمك .. وتحت امرك في
اي طلب تطلبيه .. تحبي اديكي ايه تاني؟ "
هناء بصتله من فوق لتحت وهيا متعصبه ومعرفتش
ترد
حست انه معاه الحق وان هيا الطرف الغلط
والضعيف
وقررت انها تقفل باب الهجوم وتبدأ تدافع بما
انها الاضعف
" وانتا فاكر يعني اني عايزه اعيش معاك
.. ههههههههههههه وانتا مين اصلا يستحمل العيشه معاااااك "
" ماشي يادكتوره انا عملتلك اللي يريحك
.. وبيتك مفتوحلك وجاهز تقدري تروحي من دلوقتي لو تحبي .. "
بصتله من فوق لتحت وسابته وطلعت اوضتها قفلت
الباب وراها وقعدت ع السرير وهيا بتنهج من العصبيه
حست انه فعلا هزمها .. طلعها من الفيلا .. خد
منها بنتها اللي اصلا مش في حياتها .. وطلقها ! ..
قامت من ع السرير وبدأت تجيب شنط سفر كبيره
وتحط حاجتها فيها
مجدي بعد ما سابته وطلعت قعد ع الكنبه مهدود
.. فتح زرارين من قميصو وحس انه مرهق جدا
بص فوق على اوضة سامي وحس ان قلبو بيتقطع
قام من ع الكنبه طلع السلم وراح اوضة سمر
خبط عليها محدش رد عليه
خبط تاني بردو سمع صوت سمر بتقول ادخل
دخل لقى النور مطفى .. فتح النور لقى سمر
نايمه
" ايه دا انا صحيتك "
" لا عادي في حاجه ولا ايه "
" خلاص خلاص كملي نومك واما تصحي ابأه
اكلمك "
" هيا الساعه كام "
" 3 ونص "
" انا لسه داخله انام مفيش نص ساعه ..
تعالى يا بابا اقعد "
جه مجدي قعد ع السرير جنبها وابتسملها
قعدت هيا كمان وبصتله وابتسمت ابتسامه خفيفه
ممزوجه بالنعس
بص ع السرير جنبها لقى صورة سامي مد ايده
ومسكها وبص فيها ورجع بص لسمر
" سمر ايه رأيك نروح نزور سامي؟ هيفرح
اوي "
سمر نطت على السرير اول ما سمعت اللي مجدي
قالو
" بجد؟ امتى ؟ "
" دلوقتي لو عايزه .. انا جيت اصلا عشان
اسألك "
" انا موافقه طبعا .. "
" طيب البسي وانا جاهز اهو وهستناكي تحت
ماشي "
" حاضر حاضر "
باسها على راسها وابتسملها وطلع قفل الباب
وراه ونزل استناها تحت
قامت بسرعه من ع السرير بعد ما النوم طار من
عنيها وحست بفرحه كبيره جدا
لبست ع السريع وخدت شنطتها ونزلتله
" انا جاهزه "
" طيب حبيبتي يلا بينا "
طلعو ركبو عربية مجدي واتحركو . .
فضل يتكلم معاها طول الطريق وهيا كانت مبسوطه
اوي وهوا بيكلمها ومهتم بيها اوي كدا
وقفو قدام محل وقالها تنزل معاه
نزلو مع بعض ودخلو .. كان محل ورد
طلب منها تختار بوكيه ورد شكلو شيك ..
اختارتو وخدوه وطلعو ركبو العربيه واتحركو
" لمين الورد دا يا بابا "
" لسامي .. هما بيحسو اوي على فكره ..
وهيفرح اوي لما يحس بينا وبالورد عشان هيلاقي اننا فاكرينه وجايبينلو كمان حاجه
جميله تسعده "
سمر ابتسمتله وكان نفسها اوي تقولو انتا عارف
انك جميل اوي بس اتكسفت !
فهم معنى الابتسامه ومرضيش يتكلم عشان
ميحرجهاش
ووصلو للترب .. نزلو من العربيه واتحركو لحد
قبر سامي
وقفو قدامو وحطت سمر الورد ع القبر وقعدت نص
قعده وبصت للقبر
بدأت دموعها تنزل . .
ومقدرتش تمسك نفسها من الكلام اللي جواها
عايز يطلع
" سامي .. شفت .. بابا جابني وجينا
نزورك اوي .. عارف؟ هوا اللي قال يلا نروح نزور سامي
اصلك وحشته هوا كمان .. ووحشتني انا اوي ..
انتا حاسس بينا وسامعنا صح؟ عارف اننا بنحبك
اوي؟
نفسي اشوفك ياسامي ولو مره واحده بس تاخدني
في حضنك وبعد كدا امشي تاني
مره واحده بس!
البيت من غيرك مفهوش روح انتا اللي كنت ماليه
عليا!
بس ادي بابا اهو مش مخليني عايزه حاجه .. هوا
جنبي بردو
شفت الورد الجميل دا .. بردو اقتراح بابا ..
شفت بيحبك ازاي؟ "
مجدي قلبو وجعه من كتر الكلام دا كلو ونزل
قعد نفس قعدتها جنبها وحط ايده على كتفها فضل يطبطب عليها ودموعه ف عينو هوا
التاني
وفجأه اترمت في حضنو وفضلت تعيط جامد اوي
" بس ياحبيبتي بس .. هوا سامعنا دلوقتي!
يسمعك كدا وانتي بتعيطي؟
على فكره ياسامي ياحبيبي .. انا نويت اعوض
سمر عن كل حاجه .. كنت ناوي والله اعمل كدا معاك بس القدر كان اسرع مني
اعمل ايه يابني .. !
ياريت تكون سامحتني .. ووحشتني يابني والله
"
فضل يهدي في سمر اللي زادت في العياط اكتر
ومسح دموعه وقالها يقرولو قرآن احسن من
العياط دا كلو
وقفو على رجلهم وبدأو يقرو قرآن ويدعوله
واتحركو عشان يمشو ..
ركبو العربيه واتحركو ..
" سموره "
" نعم يا بابا "
" ايه رأيك تيجي نتغدى برا؟ "
" ماشي اوكي زي ما تحب "
" طيب تحبي تعرفي مرات بابا بأه؟ "
ليست هناك تعليقات:
إرسال تعليق