" كل اما افتكر يا ماجد بخاف اوي "
" بتخافي من ايه ياحبيبتي .. وانا معاكي ! "
" مش عارفه .. من الماضي ومن اللي جاي "
" انسي "
" انسى !؟ هه !!! انسى ايه بس ! انسى اني يوم ما اتجوزت .. اتجوزت واحد ضحك عليا .. كنت عبيطه وطفله في اولى كليه ... جه اتقدم لبابا لما سمع عنه وبابا كان رافض بس انا كنت موافقه رغم اني معرفوش .. لمجرد اني عايزه البس دبلة خطوبه وملهوفه عالمنظر دا قدام الناس .. انسى اني فضلت اعند مع بابا لدرجة انه افتكر ان بينا قصة حب وانا اصلا معرفوش .. واتخطبنا غصب عن الكل وعملت اللي فـ دماغي لمجرد ان بابا مش بيرفضلي طلب ... واتجوزنا وعشت معاه 18 سنه مفوقتش منهم الا من كام شهر !! بعد ما بأه عندي بنت وولد .. انسى اني وانا معاك دلوقتي بخون بيتي وولادي .. انسى ايه ولا ايه ولا ايه .... "
" شهد ياحبيبتي .. انتي مش بتخوني حد .... انتي لقيتي نفسك معايا "
" وبيتي وجوزي وولادي ياماجد !؟ "
" جوزك؟ مش دا اللي طول اليوم برا الله اعلم مع مين .. مش دا اللي بيشرب حشيش ومخدرات !؟ مش دا اللي موراكيش ولا يوم حلو من يوم ما اتجوزتو وكان همه ازاي يكبر بسبب باباكي ومعارفه ! "
" ودا ميدنيش اي حق اني ابعد عن بيتي واجيلك "
" انتي عمرك ما كنتي وحشه يا شهد .. مجرد ان احنا اتقابلنا هنا اول مره بالصدفه يوم ما كانت عربيتك قافله الطريق على عربيتي واتكلمنا ودخلنا سوا اتغدينا .. ايه المشكله لما قربنا من بعض .. مبنعملش حاجه غلط ولا عيب ولا حاجه "
" بس يا ماجد "
" من غير بس يا حبيبت قلب ماجد .. بكرا الايام تثبتلك اكتر واكتر اد ايه انا بجبك "
" اقولك ايه بأه "
" قوليلي بحبك "
" بحبك "
" وانا بموت فيكي ياعمر ماجد انتي "
وموبايل شهد رن ..
" الو "
" ايوا يا ماما تعالي بسرعه "
" خير في ايه "
" ميار اغم عليها ومش عارف اتصرف "
" طب انا جايه حالا "
وقفلت معاه ..
" في ايه يا شهد "
" ميار اغم عليها انا لازم امشي حالا "
" طب اصبري طيب مين كلمك "
" دا عمر "
" طب روحي اطمني عليها وابأي كلميني طمنيني "
" حاضر حاضر "
وجريت على عربيتها شغلتها وطارت عالبيت
طلعت وفتحت الباب
" يا عمر .. ميااااار .. ياعمممممر "
ودخلت اوضة عمر ملقتهوش .. راحت على اوضة ميار لقت عمر واخد ميار في حضنه وبيشربها عصير
جريت على ميار خدتها في حضنها وقام عمر من عالسرير و في ايدو كباية العصير
شهد " ايه ياحبيبت ماما سلامتك ايه جرالك "
ميار " مش عارفه يا ماما فجأه وانا واقفه محستش بنفسي الا دلوقتي "
عمر " انا كنت جوا بغير هدومي في اوضتي لما جيت من المدرسه انا وميار وطلعت على صوت وقعتها عالارض "
شهد " اسم الله عليكي ياحبيبت ماما عموما انا كلمت الدكتور وهوا زمانو جاي في الطريق لازم اعرف مالك "
ميار " مش عايزه دكاتره يا ماما "
شهد " لا طبعا مفيش الكلام دا "
عمر " مش عايزه ايه يا ميار انتي طفله ولا ايه دنتي عندك 16 سنه يعني كبيره وعاقله ومفيش حاجه اسمها مش عايزه دكتور لازم نطمن عليكي "
ميار غمزت لعمر " بس انتا خفت عليا مش كدا "
عمر " هههههههه اكيد يعني انتي اختي الوحيده ياعبيطه "
شهد " ربنا يخليكو لبعض يارب ومايحرمني من حد منكو "
ورن جرس الباب ..
شهد " زمانو الدكتور .. هقوم اشوفو "
عمر " طول ما في راجل في البيت محدش فيكو يفتح الباب .. انا هروح اشوف "
وطلع عمر يفتح الباب وشهد باصه عليه وهوا طالع ومبتسمه
ودخل عمر بعدها بدقيقه .. ومعاه الدكتور
الدكتور " سلام عليكم "
شهد " اهلا اهلا يادكتور وعليكم السلام اتفضل "
الدكتور " الف سلامه عليكي يا ميار عامله ايه "
ميار " بخير الحمدلله يادكتور "
الدكتور " احكيلي بأه ايه اللي حصل "
وحكتله ميار عاللي حصل وكشف عليها وطلب من شهد تطلع معاه برا الاوضه
طلعت شهد هيا والدكتور وعمر اتدايق انه مش واقف معاهم بس كتم غيظه عشان الموقف
" خير يادكتور في ايه "
" لا ابدا مفيش هيا بس عندها انيميا وجالها هبوط مش اكتر انا كتبتلها على شوية فيتامينات وياريت تلتزم بيها وتاكل كويس جسمها ضعيف ومحتاجه غذا كتير "
" تحت امرك يادكتور .. بس كدا ؟ "
" اه يامدام بس كدا متقلقيش مفهاش اي حاجه انا بس محبتش اتكلم قدامها عشان متخافش هيا "
" شكرا يادكتور "
" العفو تحت امر حضرتك والف سلامه على ميار "
ومشي الدكتور ودخلت شهد على عمر وميار
عمر " يعني انا مش فاهم خدك برا ليه "
شهد " هههههه مالك ياحبيبي دا كان بيتكلم عن ميار "
عمر " ماما انتي عارفه اني مش بحب الاسلوب دا "
شهد " معلش ياحبيبي حقك عليا "
ميار " ههههههه غيور اوي كالعاده "
شهد " ابني راجل الحمدلله "
عمر " امممم طمنيني طيب قالك ايه على ميار "
شهد " ابدا عندها انيميا وقاللي لازم تاكل كويس وكتبلك يا بنوته على فيتامينات لازم هتاخديها وتاكلي في معاد وبنظام "
عمر " شفتي بأه مبتسمعيش كلامي يازفته انتي خوفتيني عليكي اوف منك "
ميار وشهد " هههههههههه "
ميار " مش هتبطل بأه "
عمر " ابطل ايه "
ميار " القلق والخوف دا "
عمر " دا حب ياعبيطه اشعرفك انتي "
شهد " ربنا ما يحرمكو من بعض ابدا يارب "
عمر " ولا منك يا امي .. اديني الروشته عشان انزل اجيبلها الدوا "
شهد " اهي ياحبيبي .. وهاتلي شنطتي بأه عشان اديك فلوس "
عمر " لاء انا معايا متقلقيش "
ميار " هتكفي؟ "
عمر " ان شاء الله .. يلا خدو بالكو من نفسكو لحد ماجيلكو .. سلام "
ونزل عمر يجيب اللي في الروشته
وشهد واخده ميار في حضنها وبتفكر من غير صوت
" سبحان الله ياربي .. ازاي دا ابن سعد .. سعد اللي ميعرفش الغيره ولا الرجوله اصلا ... ربنا يحفظك يابني انتا وميار ليا يارب "
وقاعده بتفكر وفجأه افتكرت ان ماجد مستنيها تطمنه
شالت ميار من حضنها اللي كانت نامت ونعست وقامت بالراحه خدت شنطتها وطلعت قفلت على ميار الباب ودخلت اوضتها
قفلت الباب وغيرت هدومها وراحت عالسرير مسكت الموبايل ولسه هتتصل بماجد لقته بيتصل هوا
" لسه كنت هكلمك والله ياحبيبي "
" خير طمنيني عليها انا قلقت اوي ومكنتش عايز اتصل احسن اعمل مشكله "
" لا الحمدلله خير الدكتور قال ان عندها انيميا بس مش اكتر "
" دكتور !!؟ انتي رحتي المستشفى ولا ايه "
" لاء دنا كلمت دكتور اعرفو جالنا البيت "
" وانتي لوحدك !؟ "
" لاء متقلقش عمر كان موجود "
" ااه . لاء طالما عمر موجود انا مطمن "
" هههه اه والله معاك حق "
" وحشتيني "
" يابكاش دنا لسه كنت معاك مكملناش ساعه "
" اعمل ايه بأه حتى وانتي معايا بتوحشيني "
وباب اوضتها خبط ..
" ثواني ياحبيبي خليك معايا ... ادخل "
ودخل عمر
" ايه ياحبيبي "
" جبت الحاجه اللي كانت في الروشته يا ماما "
" الفلوس كفت؟ "
" اه "
" طب تعالى خد فلوسك بأه "
" بلاش طب الحركات دي يا ماما "
" هههه حاضر "
" انا هروح اريح شويه احسن تعبان جدا "
" ماشي حبيبي وانا هقوم اسخن الاكل اللي عملتو بليل كالعاده ولما يجهز هصحيك "
" هيا ميار فين "
" نامت "
" خلاص لما تصحى صحيني عشان ناكل سوا "
" ماشي ياحبيبي حاضر "
وراح باس على راس مامته وايدها وخد الباب في ايده وطلع
شهد مسكت الموبايل وهيا مبتسمه وباصه على عمر وهوا طالع من الاوضه
" ايوا يا ماجد "
" حبيبت ماجد .. "
وكملو كلام ....
قفلت معاه بعدها بشويه عشان ينام وهيا ريحت شويه عالسرير وغفيت
وعالساعه 8 بليل كان باب اوضتها بيخبط
قامت بصت في الساعه لقتها 8
" ادخل "
دخلت ميار وهيا بتعيط وجريت على حضن مامتها
" ايه ياميار في ايه يابنتي "
" حلمت بكابوس وحش اوي يا ماما "
" طب بس خلاص اهدي خير ان شاء الله معلش .. متحكيش حاجه خلاص وانسي "
ميار بصت لشهد ومسحت دموعها ولسه بتعيط ودموعها بتنزل
" ماما هوا انتي وبابا زعلانين من بعض؟ "
" ليه بتقولي كدا "
" اصل الحلم كان عليكو ! "
رااااااااااااااااااااااااااااااااااااائع ومنتظرين الحلقات القادمة ان شاء اللة
ردحذفجميلة جدن
ردحذفوفيها تفاصيل بتخليك عايش مع الحلقة كانك بتتفرج عليها فى التليفزيون ربنا يكرمك