اول لما شافت سعد داخل عليها ...
قامت وقفت وهيا مكشره
سعد دخل بابتسامته " المستفزه " المعتاده
وراح على شهد وبصلها
وجه يقربلها زاحته بإيدها بعيد عنها
" ابعد عني "
" الله الله الله .. دنا كنت عايز اسلم عليكي ههههههههههه "
" انتا اييييييييييييييييييييه .. انتا معندكش دم ولا ايه "
" لا ياحبيبتي عندي .. تحبي تشوفي؟ "
شهد بصتله بقرف اكتر من فوق لتحت وهوا بصلها بابتسامه اكبر وراح ناحية السرير وقعد
" انتا يابني أدم "
" لاء انا سعد هههههه "
" انا بتكلم معاك حاول تستوعب اللي انا بقولو "
" ايه دا منا سامعك اهو .. مالها دي "
" انتا فاهم قصدي كويس يا سعد "
" ماتفرفشي كدا شويه بطلي النكد دا يابنتي "
وقلع جزمته وقميصه ورماهم عالارض واتغطى ونام
شهد كل دا باصه عليه في زهول ومش عارفه تتصرف مع كائن زي دا ازاي
راحت وقفت قدامه وبصتله
" اييييييييه تاني بأه "
" قوم عايزه اتكلم مع حضرتك "
" ايوا بأه .. تعالي نتكلم ياعسل "
وقام قعد عالسرير ومسك ايدها
زاحت ايدو من تاني وبصتله
" مش شايف اي غلط عملته انهردا !؟ "
" يووووووه عالنكد تااااااااني بردو "
" انتا ازاي كدا !! عايزه افهمك ارحمني .. طب اسمع كلامي واتعالج "
" هوا احنا اللي هنعيدو هنزيدو ولا ايه بأه .. اوعي ياشهد عالمسا روحي شوفيلك حاجه تعمليها وسيبيني انام "
" مش هسيبك يا سعد .. ارحمني ارجوك "
" هوا انا ماسكك عشان ارحمك ياستي .. ارحميني انتي وفضيها سيره "
" سعد حرام عليك "
" الله يخربيت سعد عالساعه اللي فكر يدخل فيها البيت دا انهردا ياستي سيبيني انااااااام سيبيني اناااااااام "
وشد الغطا على راسو ورجع ينام
" ونبي ياحلوه النور بأه عشان الواحد يعرف ينام "
شهد بصت عليه ولسانها حاسه انو اتشل مش عارفه تقول ايه ولا تعمل ايه
مسكت موبايلها وطلعت برا الاوضه وقفلت النور والباب
راحت دخلت اوضة ميار لقتها نايمه قفلت الباب وطلعت قعدت في اوضة عمر وسابت موبايلها جنبها
قعدت على سريرو وحضنت رجلها وحطت راسها على رجلها وفضلت تفكر
وشويه وهيا قاعده سمعت صوت باب البيت بيتفتح وبيتقفل
طلعت جري عالباب لقت عمر
خدته في حضنها ودموعها بأت بتنزل لا ارادي
" ليه كدا بس يابني تقلقني عليك .. والله حرام عليك هوا انا ناقصه بس "
بصتله لقته باصصلها نظرة عتاب
حست انه زعلان منها اوي
" طب قوللي حتى كنت فين .. طب زعلان مني ليه اوي كدا .. طب رد عليا وكلمني "
" انا اسف يا ماما .. ودموعك متنزلش ارجوكي "
" بتعتذر على ايه ياحبيب ماما .. انا اللي اسفه اني زعلتك اوي كدا "
" اسف اني سبتكو ومشيت كدا وقلقتك عليا "
" ولا يهمك ياحبيبي تعالى نقعد في اوضتك "
" ميار فين "
" نايمه "
" طب هدخل اشوفها بس واجيلك الاوضه "
" ماشي حبيبي .. جعان ؟ "
" مليش نفس للاكل .. هروح اشوف ميار واجي "
" طيب ماشي "
راحت شهد دخلت اوضة عمر استنتو ومسكت موبايلها وقفلته
عمر دخل اوضة ميار وكان ماشي بيتسحب عشان هيا متحسش بيه وتصحى
راح وصل لحد عندها عالسرير بصلها ومسك ايدها بالراحه وميل على راسها باسها وساب ايدها وطلع قفل الباب وراه وراح اوضته
" ايه ياحبيبي اتطمنت عليها "
" اه .. هيا زعلانه مني يا ماما صح .. انا والله بوستها على راسها وقلتلها في سري متزعليش مني "
" انتا عارفها عمرها ما تزعل منك هوا انتو ليكو الا بعض يابني "
" لينا انتي يا امي ربنا مايحرمنا منك "
وراح قعد في حضنها عالسرير
وفضل يعيط زي الاطفال
" بس ياحبيبي اهدى خلينا نتكلم بالعقل "
" عقل ايه يا ماما انتو خليتو فيها عقل .. ازاي صابره على حاجه زي كدا يا امي وتلاقي الموضوع دا من زمان "
" عايزني اعمل ايه ياعمر .. اسيبلو البيت وامشي ؟ "
" حقك ومحدش يقدر يينطق بكلمه واحده "
" مش هيأثر فيه "
" مش مهم يأثر ولا ميأثرش فيه بس انتي متعيشيش مع واحد .... "
" اوعى تكمل كلامك دا مهما كان ابوك وبعدين انا لو عليا عمري ما استنى مع انسان زي دا الا غصب عني "
" وليه يا ماما تعملي حاجه غصب عنك "
" عشانكو .. عشانكو انتو يا عمر "
" احنا ! "
" ايوا ... انا لو سبت البيت انتو ايه كان هيبأه مصيركو !! بين ام واب متطلقين !!! انا مش مستحمله الا عشانكو انتو وبس "
" تقومي تظلمي نفسك "
" عشانكو مستعده اعمل اي حاجه "
" لا يا ماما انا مرضاش بكدا "
" سيب كل حاجه دلوقتي ياحبيبي انتا في تالته ثانوي واختك في تانيه مش ناقصين قلق خليكو في اللي انتو فيه ربنا هيحلها من عندو "
" ماما انتي بتتلككي ولا بتعملي ايه بس !! انا وميار نعرف نسيطر عالموضوع دا متخافيش ملكيش دعوه انتي بس .. انتي لازم تاخدي حقك يا امي "
" بس يا بابا الله يهديك "
" ماما متدايقنيش بالاسلوب دا انا مش طفل "
" ماهو عشان انتا مش طفل انا مقدرش اظلمك انتا واختك معااااااايا افهم بأه "
" ماما .. "
" عمر اسمعني .. نام انتا دلوقتي ونتكلم الصبح براحتنا "
" نتكلم في ايه الموضوع منتهي "
" ربك يحلها الصبح "
" اوعديني انك هتفكري طيب "
" حاضر ياعمر هفكر "
" طيب يا ماما لما نشوف اخرتها "
" خير ان شاء الله "
" ان شاء الله "
" يلا حبيبي تصبح على خير "
" وانتي من اهل الخير يا امي "
وقام باسها على راسها وايدها
ابتسمتله وغطته وقفلت النور والباب وخدت موبايلها وطلعت
قعدت في الصاله وفتحت الموبايل من تاني وفتحت اسم ماجد بصت فيه وجت تتصل بعدين رجعت في كلامها
وراحت دخلت اوضتها وقفلت الباب ونامت عالسرير بصت لسعد لقته نايم في سابع نومه وبيشخر كمان
بصتله بقرف وبصت الناحيه التانيه ونامت ....
تاني يوم الصبح صحيت شهد على مسج بصت عليه لقته من ماجد
مكتوب فيه " صباح الخير ياقمري وحشتيني "
بصت للموبايل ولا ارادي ابتسمت ..
قامت من عالسرير بصت على سعد لقتو لسه نايم بصت في الساعه لقتها 11 الصبح
دخلت غسلت وشها وطلعت من اوضتها دخلت المطبخ عملت كوباية شاي وخدتها وطلعت
دخلت على ميار اوضتها لقتها صاحيه وقاعده بتذاكر
" صباح الخير حبيبة ماما "
" صباح النور يا مامتي "
راحت شهد لحد ميار باستها على خدها وقعدت جنبها
" عامله ايه انهردا ياحبيبت قلبي "
" الحمدلله كويسه "
" بتذاكري ايه "
" الدرس اللي خدتو امبارح "
" طب ياحبيبتي عايزاني اعملك ايه تشربيه "
" لاء انا قمت من بدري عملت لنفسي ولعمر نسكافيه وفطرنا "
" ايه دا هوا عمر كمان صحي "
" اه قاعد هوا كمان بيذاكر "
" ربنا يوفقكو يابنتي يارب .. على فكره هوا جه يصالحك امبارح "
" اه منا عارفه هوا حكالي "
" ماشي حبيبتي انا هروح اشوفو .. "
" طيب يا ماما "
وطلعت وقفلت الباب وراها .. راحت خبطت على اوضة عمر ودخلت
لقته قاعد في البلكونه وقاعد بيذاكر
" عمر "
" ايه يا ماما صباح الخير "
" صباح النور ياحبيبي عامل ايه "
" الحمدلله كويس "
" مش عايز حاجه حبيبي "
" سلامتك يا ماما "
طلعت من اوضة عمر وقعد على السفره برا كملت الشاي ومسكت موبايلها فكرت تتصل بماجد
ولسه هتكلمو لقته هوا بيتصل بيها
فكرت كتير وفي الاخر ردت عليه
يسلم خيالك .... انا كرهت سعد دا من طريقة كلامه :)
ردحذف