عمر اتعدل في قعده وبص لجده وهوا عاقد حواجبه .. ارتبك
ومعرفش يرد
" ليه ياعمر .. هوا انتا ناقصك حاجه ! "
" مين قالك الكلام دا ياجدو سجاير ايه اللي بتتكلم
عليها "
" متكدبش .. انا متأكد .. ولو بصيت في جيبك دلوقتي
هلاقي علبة سجاير "
" ياجدو "
" بلا ياجدو بلا يازفت .. انا كنت فاكرك راجل
ومكنتش بخاف على بنتي ولا بنتها وهما معاك بس طلعت متستاهلش الثقه "
" اللي بتتكلم عنهم دول امي واختي .. وبعدين ايه
جاب الكلام دا للكلام دا .. انتا عارف والكل عارف اني راجل ويعتمد عليا الحمدلله
"
" كنت عارف .. دلوقتي انا مش عارفك اصلا "
" ايه الكلام الكبير دا ياجدو متكبرش الموضوع اوي
كدا دي سجاير "
" يعني بتشرب ! يعني اللي جه حكالي مكدبش "
" مين حكالك "
" مش لازم مين .. بس يكون في علمك لساني مش هيخاطب
لسانك لحد ما تبطلها "
" والله العظيم على عيني عايز ابطلها بس مش قادر كل
ما اجي ابطلها الحياه تتعقد اكتر وهيا اللي بفش فيها غلي "
" اهو دا الكلام اللي بتضحكو بيه على نفسكو .. مفيش
حاجه اسمها مش قادر وبعدين انتا بتعمل كدا ليه ايه وحش في حياتك تعمل كدا عشانو
"
" ياجدو دي سجاير عاديه مالك محسسني اني بشم ولا
بضرب مخدرات "
" وانا ايه يضمنلي "
" لااااااااا لو سمحت هنا وكفايه .. السجاير مفهاش
اي حاجه ولا محشيه ولا بشرب ولا باخد غيرها اصلا "
" انتا بتبرر لنفسك غلط؟ "
" مش ببرر غلط ياجدو بس انا بحاول ابطلها ربنا يعلم
"
" ربنا؟ ربنا يهديك ياعمر .. انا قايم اشوف شهد
عشان الاشعه اللي هتعملها .. عن اذنك "
قام الجد وساب عمر ومشي ...
طلع لشهد لقاها صحيت وعندها ممرضتين
الجد " صباح الخير يابنتي "
وباسها على راسها
شهد " صباح النور يا بابا "
الجد " ها يا بنات هتعملو الاشعه امتى "
الممرضه " دلوقتي يافندم "
الجد " طيب انزل معاها ولا مينفعش "
الممرضه " اه تقدر حضرتك تنزل بس هتبأه واقف برا
غرفة الاشعه "
الجد " طيب يلا بينا "
قعدو شهد على كرسي ونزلوها تعمل الاشعه على دماغها ..
في الكافتريا
عمر كان قاعد باصص قدامه وحاسس انه مصدوم
حاسس انه مش عارف يعمل ايه .. " طب ازاي جدو عرف
مين اللي قاللو .. وليه ! ... بس مفيش غيرها ياسمين بنت
الـ .... طب قسما بالله لاهوريكي ازاي تلعبي مع عمر
والوش الحنين هيتقلب في ثانيه يا ياسمين "
مسك موبايلو واتصل بيها ردت عليه
" الو "
" اسمعي يابت انتي .. اللي عملتيه معايا مش
هفوتهولك .. هعرفك قيمتك بجد .. لو هيا حركات عيال اوي كدا
فـ انا عيل جداااا وهتشوفي هعمل معاكي ايه .. بالسلامه
ياهانم "
وقفل في وشها ..
ياسمين مافهمتش اي حاجه حاولت تتصل بيه كذا مره مردش
عليها
قام عمر وطلع من المستشفى وركب تاكسي وراح على بيت
ياسمين
في المستشفى
شهد خلصت فحوصاتها بالاشعه وطلعت عالغرفه من تاني
وباباها وقف يتكلم مع الدكتور تحت
" ها يادكتور ايه الاخبار "
" لسه هشوف الاشعه يافندم وانهردا بليل ان شاء الله
هتكون عند حضرتك النتيجه "
" طب هوا ممكن يكون حصل ايه للمخ "
" بس حضرتك انا هصارحك انا لحد قبل ما تفوق كنت
خايف جدا انها تكون فقدت الذاكره فقدان مؤقت "
" يعني ايه مش فاهم "
" يعني في حالات لما المخ بيتعرض فيها للخبط الشديد
بيفقد الذاكره فقدان مؤقت يعني بينسى اخر كام شهر "
" ايوا "
" في حالة مدام شهد الحمدلله لما فاقت انا شايف
انها فاكره كل حاجه ومفيش اي مشاكل عندها "
" الحمدلله طب اومال حضرتك شاكك في ايه "
" ابدا انا بعد مافاقت اتطمنت جدا بس الاشعه دي
عشان توريني الارتجاج دا اثر عالمخ ولا لاء مش اكتر "
" يعني يادكتور مفيش خطوره على حياتها "
" لا يافندم اطمن بنت حضرتك سليمه وعال العال بس
محتاجه راحه كامله اسبوعين مثلا قدام عشان عضمها .. وفي نفس الوقت لازم تتمشى
"
" ان شاء الله يادكتور متشكر جدا "
" تحت امر حضرتك "
في الغرفه عند شهد
كانت قاعده بتكلم ماجد في التليفون
" ماجد ارحمني .. مش كفايه ان كل دا بسببنا !! موت
جوزي والمصايب اللي انا فيها
واني في المستشفى دلوقتي وبابا عرف كل حاجه وولادي اللي
هيتقال عليهم امهم اتضربت من ابوهم وابوهم شمام
كفايه بأه كفايه يا ماجد "
" انتي ليه دايما مطلعه نفسك غلطانه .. ليه دايما
انتي الجاني! يابنتي انتي اللي اتضربتي واتهنتي "
" بسبب ايه !؟ بسببنا احنا "
" شهد مش هسيبك انسي .. دنا مصدقت ربنا عدلها تقومي
تقفليها في وشي تاني .. انا مصدقت انك فوقتي عشان اتطمن عليكي واجيلك .. مصدقت
كسبت باباكي في صفي .. كفايه عند بأه يا شهد كفايه "
" كفايه انتا يا ماجد لو سمحت "
" كدا يعني ياشهد "
" لو سمحت متصعبهاش عليا اكتر من كدا "
" حاضر ياشهد .. حاضر "
وقفلو مع بعض ...
طلع بابا شهد الغرفه وكانت شهد نايمه عالسرير بس صاحيه
ومحدش كان في الغرفه معاها
بص لشهد لقاها متدايقه اوي ومكشره ..
استغرب من منظرها وراح قعد على كرسي جنب سريرها
" حمدلله على سلامتك ياحبيبتي "
" الله يسلمك يا بابا "
" مالك ياشهد "
" متدايقه من نفسي اوي "
" ليه يابنتي بس "
" ماجد اتصل بيا دلوقتي "
" وايه المشكله زمانه بيتطمن عليكي "
" انتا متعرفش حاجه يا بابا "
" معرفش حاجه !! في ايه ياشهد "
" في ان اللي انا فيه دلوقتي مش بسبب سعد .. انا
السبب في كل حاجه "
" سعد وماجد واللي انتي فيه! متفهميني ياشهد
قلقتيني انا مش فاهم حاجه "
وقامت شهد حكت لباباها كل حاجه حصلت من البدايه لحد وقت
ما هما قاعدين
باباها بصلها من غير اي تعبير على وشه
" بابا انا .. "
" متتكلميش .. "
" انا اسفه "
" مفيش حاجه يا شهد "
" يعني ايه "
" يعني متجبيش اللوم على نفسك .. انتي اه غلطانه
وغلطك راكبك من راسك لرجلك .. وانا مش مصدق ان بنتي تخون .. وتستغفلني .. ومتعملش
حساب لحد .. لكن مش غلطك ان جوزك حشاش "
" بس مد ايده عليا بسبب غلطتي .. معرفش ازاي عرف ..
بس اهو عرف "
" اللي حصل حصل ياشهد مش هنقول مين عمل ايه .. ربنا
حلها من عندو وانتهى الموضوع خلاص "
" سامحني يا بابا "
" مسامحك يابنتي .. وكلمي ماجد خليه يجي يطمن عليكي
عيب الراجل تعب معانا كتير "
" انتا بتتكلم جد ! "
" اكيد .. اقولك .. هاتي اكلمو انا "
" ههههههه معقوله يابابا؟ "
" عايز دايما افرحك .. وطالما وجودو في حياتك
هيفرحك متزعليش نفسك من انهردا .. انتي ياما طلبتي يبعد عنك .. بس انا لولا عرفتو
من قبل ما اعرف الكلام دا .. لولا اني بقولك دلوقتي ابدأي اطلبي منه ميبعدش ابدا
عنك "
" ياحبيبي يا بابا ! "
" يلا يلا هاتي الموبايل "
خد منها الموبايل وكلم ماجد وقالو يجي المستشفى دلوقتي
ماجد مصدقش نفسه من الفرحه بعد ما كان قاعد متدايق جدا
..
قام بسرعه من مكتبه وقفل كل حاجه كانت معاه وركب عربيته
وطلع على محل فضه
جابلها سلسله مكتوب عليها بالفضه " شهد "
وركب العربيه وطلع عالمستشفى
قدام بيت ياسمين ..
عمر مسك موبايلو واتصل بياسمين
" ايوا ياعمر "
" اطلعيلي ياهانم
"
" اطلعلك فين "
" قدام البيت "
" نعم !؟ "
" سمعتيني ولا اجي اكسر البيت فوق دماغك دلوقتي
"
" طيب طيب طالعالك "
قفلت معاه وقالت لمامتها ان صحبتها عايزاها تحت ضروري
وطلعت
اول لما شافها مسكها من شعرها
فضلت تصرخ حط ايده على بوأها
" انتي تعملي معايا انا كدا ياحيواااااااانه ..
اييييييه فاكراني هسكتلك .. وحيات امك اللي جوا دي لا اربيكي
انا هعرفك قيمتك على حق عشان انتي اصلا ملكيش قيمه ..
انتي يتف عليكي وبسسسس "
ياسمين زقته بعيد عنها وبصتله
" انتا بتقول ايه يامجنون انتا .. انا مش فاهمه
حاجه "
" انتي هتستعبطي يابت انتي ولا ايه "
" طب ياعمر روح ادخل يلا وقول لماما وشوف انا هعملك
ايه ياللي ابوك حشاش وامك بتقابل رجاااااااله .. يابني دنا كنت مصاحبه ابووووووووك
"
ليست هناك تعليقات:
إرسال تعليق