ميار " بـ ... بابا !! "
سعد " ههههههههههه ايه ياعسل الجمال دا .. وايه صحبتك المزه دي خدي اما اقولك "
وجه يقرب من سمر ..
ميار صرخت وبعدتو عنها وفضلت تعيط وهوا بيحاول يمسكك لسه سمر اللي انهارت وطلعت تجري برا البيت
شهد فتحت باب اوضتها وطلعت تجري على برا
لقت ميار بتعيط وقاعده عالارض وسعد واقف باصص عليها
لما جت شهد .. سعد بص عليها بقرف
شهد " ايه يا ميار .. في ايه يابنتي "
ميار " ماماااااااااااااااااااا "
شهد " في ايه في ايييييييه "
وجريت على ميار خدتها في حضنها وبصت لسعد
شهد " يابنتي انطقي حصل ايه .. سمر راحت فين "
ميار كل دا منهاره بعياطها ومش قادره تنطق ..
شهد بصت لسعد لقتو واقف مولع سجاره وبيتفرج عليهم
شهد " عملت في بنتي اييييييييييه "
سعد " يووووووووه انا زهقت منكو والله ههههههههههه "
شهد " حسبي الله ونعم الوكيل فييييييييك "
سعد سمع الجمله دي اتعصب اوي وراح مسك شهد من شعرها ورفعها
وهيا بتصرخ وميار منهاره اكتر واكتر وبتحاول تشيل شهد من تحت ايديه
فضل ماسك شهد من شعرها وبصلها وقام سابها وفتح باب البيت وخرج
شهد اترمت عالارض وفضلت تعيط وميار وقعت عالارض واغم عليها من تاني
جريت شهد عليها فضلت تفوق عليها ودي مفيش فايده
معرفتش تتصرف ولا تعمل ايه
راحت جابت كباية ميه وكبتها على وش ميار
ومسكت ازازه برفان رشتها على ايدها وشممتها لميار
ميار فاقت وفتحت عنيها وفضلت تتنفس بصعوبه
" ايه يابنتي ونبي ما تعملي فيا كدا فوقي "
ميار بصت لشهد ورجعت تعيط تاني
شهد خدتها في حضنها وفضلت تطبطب عليها
" اهدي يابنتي اهدي ابوس ايدك "
وفجأه سمعو موبايل ميار بيرن
ميار لما سمعت الرنه عرفت ان عمر اللي بيتصل
" دا عمر .. "
" سيبيه بلاش يقلق عليكي "
" لاء اكيد حس انا لازم ارد عليه يا ماما "
" طب اصبري هرد عليه انا "
مسكت شهد موبايل ميار وحاولت تبين صوتها انو عادي ومفيش حاجه
" ا .. الو ياحبيبي "
" ماما !!؟ في ايه مالك "
" مالي ياعمر "
" مالك يا ماما بقولك .. صوتك مش مظبوط وليه مش ميار اللي ردت عليا "
" م .. ميار !!؟ "
وبصت على ميار لقتها بتشاورلها بايدها بـ " لاء "
" اه يا ماما ميار !! في ايه "
" مفيش ياحبيبي "
" طب اديني ميار يا ماما "
" ميار نامت يا حبيب ماما "
" لحقت تنام !؟ "
" ا .. اه اه نامت "
" خدت الدوا؟ "
" اه خدت الدوا "
" طيب يا ماما مع اني مش مرتاح بس ماشي اوكي .. عايزه حاجه اجيبها لما اجي من تحت؟ "
" لا ياحبيب ماما سلامتك .. عايزه سلامتك .. خد بالك من نفسك "
" حاضر يا ماما "
وقفلو مع بعض ...
واتنهدت شهد وسابت موبايل ميار وراحت مسكت ميار
" حبيبتي انا هسندك وانتي قومي معايا عشان ادخلك عالسرير "
" حاضر يا ماما "
وقامت معاها وراحو عالسرير بتاع ميار في اوضتها
نيمتها على سريرها
" حبيبت ماما انا هجيبلك الفيتامينات بتاعتك وجيالك .. تشربي عصير ايه "
" مش عايزه يا ماما "
" ميار .. تشربي عصير ايه "
" اي حاجه يا ماما "
" طيب ياحبيبت ماما ثواني وهجيلك "
طلعت شهد عملت لميار عصير وخدت الفيتامينات ورجعت على اوضة ميار
ادتها الفيتامينات وشربتها العصير وخدتها في حضنها
وفضلت تطبطب عليها ولسه هتتكلم معاها لقت عمر قصادها
عمر " في ايه بأه "
شهد " بسم الله الرحمن الرحيم انتا جيت امتى "
عمر " دلوقتي .. قولولي حصل ايه .. مالك يا ميار "
ميار " ابدا يا عمر مفيش "
عمر " مش عايزين تحكولي ليه ! ما خلاص شايف ان ميار تعبانه .. فهموني حصل ايه "
شهد " ان جيت للحق يابني انا نفسي لسه معرفتش "
عمر " في ايه يا ميار "
وميار بدأت دموعها تنزل تاني
عمر جري على ميار مسحلها دموعها ورفع راسها بإيده
عمر " هوا انا مش قلت طول ما انا عايش في الدنيا دي .. دموعك متنزلش !!؟ دموعك دي اغلى مني ومن الدنيا كلها يا ميار .. مشوفهاش تاني ابوس ايدك .. لو بتحبيني "
ميار " حاضر "
عمر " قوليلي بس مين اللي نزلها وانا والله العظيم عندي استعداد امحيه من عالدنيا "
ميار ابتسمتله من غير ما تتكلم بأي حرف
عمر " شوف بردو تبتسم ابتسامه مكسوره ازاي "
شهد " انا عايزه افهم يابنتي .. فهمينا حصل ايه "
ميار " عايزين تعرفو !!؟ "
شهد " ياريت "
عمر " اكيد يعني يا ميار .. قوليلي في ايه "
ومسك ايدها ومسك عليها جامد عشان يقولها انو معاها ومتخفش ..
ميار " احب اقولكو بكل فخر .. ان بابا .... "
ودموعها نزلت بس حاولت تكمل كلام وهما الاتنين باصين ليها
ميار " بابا بيشرب حشيش ومخدرات "
عمر " نعممممممممممممم "
ميار " زي ما سمعت كدا "
شهد " اا .. ايه الكلام دا يا ميار .. عيب كدا "
ميار " اقسم بالله يا ماما زي ما بقولك كدا "
وقامت حكتلهم عاللي حصل
عمر ساب ايد ميار وهوا باصصلها باستغراب وصدمه كبيره
عمر " ايه الكلام اللي ميار بتقولو دا يا ماما .. ! ها ؟ ايه الكلام دا !!؟ "
شهد " اهدى بس يا حبيبي انا هفهمك "
عمر " تفهميني؟ تفهميني ايه ! يعني انتي كمان كنتي عارفه !! ازاي كنتو مخبيين عني كل دا "
شهد " انا والله ما عارفه ازاي اختك عارفه بس انا ازاي اقدر احكيلكو على حاجه زي كدا ! دا ابوكو ومقدرش ابوظ صورتو قدامكو مهما كان بيني وبينو خلافات بسبب الموضوع دا "
ميار " انا شفتو .. بعنيا ! عشان كدا عرفت "
عمر " كماااان !! وليه محكتليش يا ميار زي ما دايما بتحكيلي على كل حاجه !! ليه يا ميار "
ميار " لنفس سبب ماما .. مقدرتش انطق .. وكنت فاكره اني الوحيده اللي عارفه "
عمر " انتو بجد .. كسرتوني "
وطلع جري برا الاوضه
شهد وميار فضلو يندهو عليه وقامت شهد جري وراه طلع بسرعه برا الشقه وقفل وراه الباب
شهد فضلت تنده عليه من غير اي فايده
فضلت تعيط .. ولقت ميار طالعه من اوضتها هيا كمان وبتعيط
" متسبنيش يا عمر .. متسبنيش !! "
" بس يابنتي بس .. هوا هيهدى ويرجع اهدي انتي بس وتعالي على سريرك انتي مش ناقصه "
" ازاي انام وهوا مش موجود في البيت يا ماما ... "
" اهدي يابنتي وتعالي "
خدتها ورجعو على اوضة ميار ونيمتها عالسرير وفضلت تحاول تخفي دموعها بأي شكل عشان تهدي ميار
غطتها وفضلت تقرالها قرآن لحد ما نعست وقامت شهد قفلت وراها الباب وراحت على سريرها
نامت عليه ودموعها على خدها ومسكت موبايلها فضلت تتصل على عمر موبايلو مقفول
" اخس عليك يا عمر هوا انا ناقصه اقلق عليك كمان .. كدا بردو !! اعمل ايه ياربي بس .. اعمل ايه "
فضلت تحاول تتصل بيه كتير اوي بردو موبايلو مقفول ....
سابت موبايلها وقعدت عالسرير رجعت راسها لورا وسندت راسها وفضلت تفكر
في كل اللي حصل ..
في سمر اللي خلاص كدا ميار اتفضحت قدامها
في ماجد اللي مش عارفه تحكيلو ولا لاء
في نفسها انها تستغل اللي حصل وتطلب الطلاق
في عمر اللي راح فين مش عارفه وهوا مصدوم ومتعصب
في ميار اللي منهاره وتعبانه اصلا
في باباها اللي متقدرش تحكيلو كل دا لانو كان اختيارها من الاول
مش عارفه تعكل ايه وتفتح الموضوع مع سعد اصلا ولا لاء
تسكت ولا تتكلم وتعمل مشكله ..
فضلت تفكر كتير اوي
لحد ما تعبت ومبأتش عارفه توصل لحل وحتى مش عارفه تحكي لمين
اقرب الناس ليها مش قادره تحكيلهم ....
ووهيا قاعده بتفكر ودموعها على خدها باب اوضتها اتفتح
ليست هناك تعليقات:
إرسال تعليق