عمر وميار والجد بصو عالباب ..
الباب اتفتح والممرضه دخلت ومعاها اكياس كتير
الجد " ايه دا يا انسه "
الممرضه " دا الاكل المطلوب دليفيري "
عمر " انتا طلبت حاجه ياجدو "
الجد " لا يابني .. طيب فين يابنتي بتاع الدليفري
دا اتكلم معاه "
الممرضه " مشي "
عمر " مشي ازاي يعني ومين دفع تمن الاكل "
الممرضه " معرفش والله .. اتفضلو الفاتوره اهي
"
الجد خد من الممرضه الفاتوره وبص فيها وهوا مستغرب
واول لما شاف الاسم المكتوب ابتسم
الجد " طب يابنتي اتفضلي انتي "
الممرضه طلعت برا الغرفه وقفلت الباب ..
عمر وميار بصو لجدهم وعايزين يعرفو مين اللي جاب الاكل
دا
ميار " ها ياجدو مين جايب كل دا "
الجد " دا ماجد الله يكرمو والله تعب نفسو جامد اوي
انهردا .. اما اتصل اشكره "
عمر " استغفر الله العظيم يارب .. هوا عايز مننا
ايه الراجل دا "
ميار " عمر بس "
الجد " في ايه ياعمر ايه اللي انتا بتقولو دا
"
عمر " في اني عايز افهم هوا عايز مننا ايه .. عايز
من ماما ايه .. بيحاول يعمل ايه "
الجد " يابني دا راجل محترم جدا .. دا هوا اللي
شايل اليوم كلو من ساعة ما عرف تعب مامتك وهوا معايا مفارقنيش لحظه من امبارح بليل
"
عمر " تقدر تديني سبب "
الجد " هيا الجدعنه والرجوله اليومين دول ليها
اسباب ياعمر "
عمر " ياجدو مقصدش .. انا اقصد ان مفيش حد دلوقتي
بيعمل حاجه من غير سبب
فـ انا عايز اعرف اسبابه "
الجد " يابني انا مشفتش منه اي حاجه وحشه ربنا
يكرمه يارب ويديه على أد نيته "
ميار " طب ياجدو مش هتتصل تشكرو؟ على فكره باين
عليه زوق اوي "
الجد " اكيد هكلمه اشكره .. تعالو بس كلو انتو عشان
زمانكو مش واكلين حاجه من الصبح "
ميار " اه والله دنا جعانه جدا "
عمر " مليش نفس "
الجد " عمر ! "
ميار " عمر بطل غلاسه بأه طب والله والله لو مش
هتاكل مش هاكل بس كدا هاه ! "
عمر " ياربي عالدلع ياميار "
ميار " هههههه يلا بأه "
الجد " يلا يابني "
عمر " حاضر ياجدو .. طب انتا مش هتاكل "
الجد " هتصل بس بيه الاول وبعدين اكل "
الجد خلص الجمله دي من هنا .. لقى موبايل شهد بيتصل
عمر " مين "
الجد " سبحان الله .. دا ماجد كأنو سمعنا واحنا
بنتكلم .... الو يا ماجد "
ماجد " ازي حضرتك ياعمي "
الجد " الحمدلله بخير .. ليه يابني التعب دا كلو
حرام عليك "
ماجد " تعب ايه بس يا عمي .. يعني لو شهد ليها اخ
مش كان عملها كل دا .. اعتبرني بأه انا اخوها وابن حضرتك انا كدا كدا اختي برا مصر
ووالدي ووالدتي برا الدنيا كلها "
الجد " الله يجزيك الخير ياحبيبي طب ما تيجي تاكل
معانا الاكل كتير جدا "
ماجد " لالالا ربنا يخليك ياعمي بالهنا والشفا انا
عندي حاجات هعملها وهاكل بعد كدا مش مشكله متشغلش بالك انتا بيا بس .. طمني على
شهد انا متصل اسأل عليها فاقت ولا لسه "
الجد " لا والله يابني لسه مفاقتش .. انا قلقان
عليها جدا "
ماجد " متقلقش ياعمي ان شاء الله خير طلاما طلعت من
العنايه واتجاوزت مرحلة الخطر يبأه خير ان شاء الله "
الجد " امين يارب "
ماجد " طب ياعمي مش محتاج اي حاجه "
الجد " سلامتك ياحبيبي ربنا يخليك يارب "
ماجد " يارب .. وان شاء الله شهد تقوم بالسلامه
اكيد بس تفوق هاجي اطمن عليها بإذن الله "
الجد " ان شاء الله يابني شكرا .. مع السلامه
"
ماجد " مع السلامه "
قفلو مع بعض وقعد الجد مع ميار وعمر يتغدو
عمر كان باين عليه الضيقه بس اكل عشان خاطر ميار وجده
ميزعلوش
خلصو اكل وعمر جاله تليفون قام يرد عليه برا الغرفه
" الو "
" ازيك ياعمورتيييييي "
" عمورتك! كويس يا ياسمين انتي عامله ايه "
" الحمدلله تمام .. ايه مزعلاك عمورتي اوي كدا ماهي
لو كانت ميار اختك قالتهالك مكنتش تزعل مش كدا "
" بردو تحط ميار قصادها! انتي بتقارني نفسك باختي
بتاع ايه يابنتي انتي صحبتي لا اكتر ولا اقل "
" بس انا بحببببك "
" ياسمين ارحميني انا مش ناقصك والله العظيم "
" كدا .. طب انا هروح اقول لميار دي اخوكي بيشرب
سجاير ونشوف ساعتها مين هتنفعك لما ميار تزعل منك "
" ابو اللي يعرفك ياشيخه استغفر الله العظيم ايه
حركات العيااااااال دي ماتكبري يابنتي .. بصي روحي قوليلها وشوفي ساعتها هيجرالك
ايه "
" انتا بتهددني "
" ههههههه مش اخلاقي .. شوفي نفسك الاول .. بقولك
ايه يا ياسمين متشوفيلك حد غيري تتسلي عليه انا خلاص بعد كلامك انهردا دا قفلت منك
"
" كمان !! طب ماشي ياعمر ماشي "
وقفلت في وشه التليفون
عمر ابتسم ابتسامة سخريه وحط موبايله في جيبه ودخل
الغرفه
عمر " بقولكو ايه انا نازل اجيب حاجه وطالع عايزين
حاجه "
الجد " سلامتك يابني "
عمر بص عالسرير اللي جنب سرير شهد لقى ميار نايمه
عمر " ايه دا هيا ميار نامت ولا ايه "
الجد " اه نعست وهيا قاعده عالسرير فـ نامت ..
"
عمر " طيب انا نازل ومش هتأخر "
الجد " طيب يابني "
نزل عمر من المستشفى وطلع علبة السجاير من جيبه مسك
سيجاره ولعها وقعد على عربيه
فضل قاعد شويه بيفكر في اللي ياسمين قالته
خلص السجاره ورماها على الارض وداس عليها وبصلها
" ربنا يعفيني منك بأه واقدر ابطلك "
مسك لبانه وكلها وطلع تاني المستشفى
دخل الغرفه لقى جده نايم عالكرسي ومش مرتاح
راح جه جنبه وخبط على دراعه بالراحه
جده فتح عنيه وبصله
" ايه ياحبيبي انتا جيت "
" بقولك ايه ياجدو انتا من امبارح بليل هنا وزمانك
هلكان روح البيت انهردا وتعالى بكرا الصبح وخد ميار معاك "
" لا ياحبيبي اطمن على بنتي بعدين كل حاجه تتحل روح
انتا مع ميار وتعالو بكرا بعد المدرسه "
" لاء انا كدا كدا مكنتش نازل المدرسه بكرا .. قوم
يلا كلم السواق وروح .. ميار اصلا عندها حصه انهردا "
" طب يابني روح معاها انتا "
" لاء روح ارتاح انتا وانا قاعد وليك عليا اول ما
تفتح عنيها هكلمك اقولك "
" اسيبها لوحدها كدا "
" كدا بردو ياجدو الكلام دا ؟ "
"معلش يابني مقصدش "
" طب يلا اسمع الكلام بأه "
" حاضر ياسي عمر "
عمر ابتسمله وسكت
الجد مسك موبايله واتصل بالسواق
" ايوا ياعم راضي تعالى خدني "
" حضرتك فين يا باشا "
" في المستشفى "
" انا راكن تحت من ساعة ما الانسه ميار والبيه عمر
نزلو "
" يعني انتا تحت؟ "
" اه يا باشا "
" طيب انا نازلك اهو "
قفل معاه التليفون وصحى ميار خدها ونزلو سوا
ركبو العربيه ومشيو .. وعمر قعد عالسرير اللي ميار كانت
نايمه عليه وفضل باصص على شهد
في العربيه بعد ماوصلو ..
نزلت ميار ونزل وراها الجد وقبل ما يدخلو عم راضي نده
عالجد
" ياباشا بعد اذنك "
" ايوا ياعم راضي "
" ممكن اقولك كلمتين لوحدنا "
" طب ادخلي يا ميار انتي وانا داخل وراكي .. "
دخلت ميار الفيلا وراحت على سريرها كملت نومها
" خير ياعم راضي في ايه "
" والله يا باشا ما عارف اقول لحضرتك ايه "
" الله! ماتقول ياعم راضي في ايه "
ليست هناك تعليقات:
إرسال تعليق