كلهم بصو عالباب وعمر لسه هيقوم يفتح الباب
لقى الباب اتفتح و علاء عمه دخل
كلهم استغربو من وجودو بس محدش ادى رد فعل خالص
علاء " سلام عليكم "
الجد " وعليكم السلام ورحمة الله وبركاته اتفضل
يابني "
شهد " وعليكم السلام "
ميار جريت على عمه وحضنته
ميار " انا مخصمااااااااك "
علاء " هههههه ليه بس "
ميار " كدا كل دا متسألش عني "
علاء " معلش حبيبتي مشاغل والله "
ميار " طيب ياسيدي سماح المرادي "
وباسته على خده ودخل علاء ووراه ميار وقعدو ..
علاء " حمدلله على سلامتك ياشهد "
شهد " الله يسلمك ياعلاء عامل ايه "
علاء " بخير الحمدلله انتي اللي عامله ايه طمنيني
الدكاتره قالولك ايه "
عمر " هقولك قالولها ايه بس بعد ما تسلم عليا
"
علاء " هههههه حبيبي ياعمر واحشني والله .. معلش
ميار خدتني في الكلام بأه "
ميار " يوووووه براحتي "
الجد " ههههههههه حبيبتي هوا حد يقدر يقولك حاجه
براحتك طبعا "
ميار " حبيبي ياجدو "
شهد " هههههه ياولاد خفو على عمكو "
علاء " لا طبعا ولا تخفو ولا حاجه سيبيهم دنا
مبشوفهمش غير في المناسبات "
شهد " على
رأيك "
علاء حس ان شهد اتدايقت فـ سكت
الجد " قوللي ياعلاء عملت ايه "
علاء " اتكلم عادي؟ "
شهد " خد راحتك كلنا عرفنا .. البقاء لله "
علاء " ونعم بالله .. سامحيني ياشهد على كل حاجه
امسحي كل حاجه فيا "
شهد " والكلام دا هيجيب بفايده! ما خلاص ياعلاء
اديك شايف انا وصلت لايه "
الجد " وحدي الله يابنتي "
شهد " لا اله الا الله .. مقصدش حاجه ياعلاء متزعلش
مني بس .. اديك شايف "
علاء " ربنا يشفيكي ويعافيكي وانا بعتذرلك ولو
محتاجين اي حاجه انتي عارفه انك تقدري تعتمدي عليا "
شهد " الله يكرمك يارب "
الجد " ها يابني عملت ايه "
علاء " مفيش والله روحت استلمت الجثه ورفضت طبعا
يشرحوها وخدتها وطلعت اذن الدفن ودفناه في المقابر بتاعت عيلتنا "
ميار " هوا كان شكله ايه ياعمو "
كلو بص لميار ومحدش قدر يتكلم .. وفجأه ميار نزلت دموعها
علاء راح خد
ميار في حضنه ومتكلمش ولا كلمه
الجد غمز لعمر انه ياخد ميار ويطلعها برا شويه
عمر خد ميار وطلعو قعدو في الكافيتريا
" بقولك ايه يادلوعه انتي "
" نعم ياعمر "
" بطلي بأه وفوقي كدا .. هقوم اجيبلك الشوكلت اللي
بتحبيها .. عايزه تشربي حاجه؟ "
" لاء متجبش اصلا حاجه مليش نفس "
" انا مش قلت دلوعه "
وقام قرسها في خدها وراح يجيبلها اللي هيا بتحبو
ابتسمت ميار وجواها بتقول " يارب يخليه ليا "
راح عمر جاب لميار شوكلت هيا بتحبها وجابلها عصير وراح
قعد معاها تاني
" مش قلتلك مش عايزه "
" مش بمزاجك ياحلوه .. انا هأكلهالك ولا يهمك
"
" لالالا بلاش احسن الناس يفكرونا بنحب بعض "
" واحنا يعني مبنحبش بعض ولا ايه .. "
وفتح الشوكلت ومسكها
" ها يلا "
" هههههه مجنون "
وأكلها الشوكلت
ميار فعلا حست انها ارتاحت
وجود عمر جنبها بيغير حاجات كتير جواها .. دايما للاحسن
في الغرفه ..
علاء " هيا مالها ميار ؟ "
شهد " متأثره بموت ابوها الله يرحمه مع انها كانت
عارفه كل حاجه من غير ما حد يقولها ومع انه بهدلها وبهدل صحبتها في مره بس انتا
عارف ميار قلبها حنين اد ايه "
الجد " اما انا فـ مكنتش اعرف حاجه يا شهد "
شهد " كنت هقولك ايه يا بابا .. جوزي حشاش؟ "
علاء " صلوا عالنبي ياجماعه "
شهد وباباها " عليه الصلاة والسلام "
دخلت ميار وعمر عليهم
شهد اول ما شافت ميار مبتسمه ارتاحت
علاء " طيب عموما بكرا هنعمل العزا لمدة 3 ايام
"
الجد " ان شاء الله لازم نحضر وانا هكلم كل معارفي
واقولهم وانتا كمان ياعمر "
عمر " عمر مين ! انا مش رايح عزا حد "
شهد " عمر ! "
عمر " هوا بعد كل اللي عملو فينا دا وفيكي انتي
بالذات هحضر عزاه "
شهد " احترم نفسك في الكلام معايا ياولد "
الجد " عمر .. هتحضر العزا ومفهاش كلام تاني "
عمر " محدش هيغصب عليا حاجه "
ميار " عمر دا بابانا "
عمر " محدش يتكلم معايا في الموضوع دا لو سمحتو ..
عشان مش رايح مكان "
علاء " معلش عشان خاطر عمك علاء "
عمر " بس ياعمي "
علاء " معلش .. بكرا بس "
عمر " ربنا يسهل ياعمي "
علاء " هيسهل بإذن الله .. يلا استأذن انا ..
وحمدلله على سلامتك ياشهد عقبال ما تطلعي من المستشفى خالص "
شهد " الله يسلمك .. يارب ان شاء الله "
علاء سلم عليهم ومشي ..
الجد بص لعمر بصه غضب عمر معرفش يفسر سببها ايه بالظبط
شهد " هيا الساعه كام "
ميار " 10 "
شهد " الوقت اتأخر اوي خد اختك يلا وروحو "
عمر " لا انا هبات معاكي انهردا "
الجد " انا هبات انهردا وروح انتا البيت مع ميار ..
استنى اتصل بالسواق يجي ياخدكو "
عمر اتكسف وسكت معرفش يرد ..
والجد اتصل بعم راضي قالو يجي ياخد عمر وميار
نص ساعه وكان عم راضي وصل راحو نزلو ميار وعمر وروحو
عالبيت
في المستشفى
" انا واخد على خاطري منك ياشهد "
" ليه يا بابا بس "
" بأه كل دا متقوليليش عليه "
" اقولك ايه بس ياحبيبي .. دا مهما كان جوزي "
" ومتطلقتيش منه ليه "
" وولادي؟ "
" مالهم ولادك ! "
" يتقال عليهم ايه .. امهم اتطلقت؟ ولا ابوهم
بيحشش؟ ولا دراستهم اللي هتروح منهم وكل واحد في سنه اهم من التانيه .. ونبي يا
بابا ماتتكلم في حاجه خليني انسى .. الحمدلله ربنا حلها من عنده "
" الحمدلله .. "
" هوا فين موبايلي صحيح "
" اهو معايا .. ماجد جه "
" ااه ما عمر قاللي "
" والله الراجل دا ربنا يكرمه صراحه تعب معانا جدا
وبوكيه الورد والشوكلت اللي هناك دول هوا اللي جايبهم وناوي يجي يشوفك ويسلم عليكي
بعد مافوقتي "
" الله يجايزيه الخير يا بابا "
" اه والله راجل قمة في الذوق والاخلاق "
شهد ابتسمت من غير كلام
دخل دكتور ومعاه الممرضه
الدكتور " سلا عليكم .. حمدلله على سلامتك يامدام
"
شهد " الله يسلمك يادكتور "
الدكتور " ها حاسه بـ ايه "
شهد " دماغي وجعاني جدا وجسمي متكسر "
الدكتور " لا الف سلامه عليكي ان شاء الله بكرا
الصبح هنكشف على دماغك هنعمل اشعه ونشوف ايه النتيجه "
شهد " هوا انا جرالي ايه يادكتور "
الدكتور " ابدا كسور خفيفه ودراعك الشمال هيفضل
مربوط فتره وجالك ارتجاج في المخ عشان كدا لازم نطمن على حالته "
شهد " ايه! ارتجاج ! "
الدكتور " متتخضيش اوي كدا مفيش حاجه دي حاجات
خفيفه .. بكرا ان شاء الله هنعمل اللازم "
وبص للممرضه
الدكتور " حطيلها المحاليل والمسكن "
الممرضه " حاضر يادكتور "
الدكتور " طيب حمدلله على سلامة حضرتك مره تانيه
وانا عرفت من الشرطه ان جوز حضرتك توفى البقاء لله "
شهد " ونعم بالله شكرا يادكتور "
الدكتور " عن اذنكم "
شهد " اتفضل "
طلع الدكتور وطلع وراه بابا شهد
" دكتور بعد اذنك "
" تحت امر حضرتك؟ "
" هيا شهد هتطلع امتى "
" والله لو بكرا الاشعه بينت ان دماغها سليمه وهيا
قدرت انها تتحرك ممكن تطلع من بكرا "
" بجد والله "
" بإذن الله "
" ان شاء الله .. شكرا يادكتور "
" تحت امر حضرتك "
مشي الدكتور ودخل بابا شهد الغرفه وكانت الممرضه طالعه
.. قفل الباب وراح عالسرير اللي هينام عليه
" يلا يابنتي لازم ترتاحي بأه كفاياكي كلام كدا
انهردا نامي شويه عشان بكرا الصبح هيعملو الاشعه "
" حاضر يابابا بس انتا رحت للدكتور تقولو ايه
"
" كنت بسألو بس على خروجك امتى "
" وقالك ايه "
" بكرا ان شاء الله لو الاشعه كويسه وانتي قادره
تتحركي هتمشي بكرا "
" طيب كويس اوي .. يارب احسن انا زهقت "
" ان شاء الله يابنتي .. يلا نامي وريحي نفسك انتي
"
" طب كلم الكافتريا خليهم يجيبولك اي حاجه تشربها
"
" لا مش عايز انا هنام على طول "
" طيب تصبح على خير يا بابا "
" وانتي من اهلو يابنتي "
تاني يوم الصبح ..
عمر وصل ميار بالعربيه مع السواق للمدرسه وراح عالمستشفى
دخل الغرفه لقى شهد نايمه وجدو مش موجود
نزل الكافتريا لقاه قاعد بيشرب شاي
راح قعد معاه
" صباح الخير ياجدو "
" صباح النور "
" عامل ايه "
" كويس "
" مالك ياجدو زعلان مني ليه "
الجد بص لعمر بصة عتاب ورجع كمل الشاي
" كل دا زعل يعني؟ "
" بتشرب سجاير ياعمر !!! "
ليست هناك تعليقات:
إرسال تعليق