" انتا ايه الاسلوب اللي بتكلمني بيه دا "
" هوا انا هكرر السؤال كام مره يا مهندسه يا محترمه "
" ااه دنتا شكلك انهردا شارب وطالع عينك وبتطلعو عليا بأه .. بس المرادي مش هسكتلك المرادي احنا لوحدنا في البيت ومش هعمل حساب لولادي "
سعد اتعصب اوي من كلامها وراح لحد عندها ومسكها من شعرها
ونزلها عالارض وهيا بتحاول تخلص من ايدو وبتصرخ ودا مفيش فايده غير انو بيزعق فيها وبس
" كنتي فيييييييييييييييييييييييين "
" سبني يا حيوااااااااااااان سبنييييييييييييييييي .. سيب شعرررررررررري "
" قسم بالله انا مجنون وممكن اخليكي تنسي شكلك كان عامل ازاي "
" سبنييييييييييييييييي "
" دايرالي على حل شعرك في الشوارع مع رجاله يا هااااااااااااانم "
" اسمعني طيب اسمعنننننننننننننني "
وسعد كاان بس ماسكها وقاعد بيضرب فيها ويخبط في دماغها في الحيطه والكرسي
لحد ما قطعت صوت خالص من بعد الصراخ دا كلو
فضل يضربها على وشها لحد ما لقاها قاطعه نفس خالص ..
مسكها من شعرها ورفع راسها من شعرها لقى وشها كلو دم
رماها عالارض وقعد عالسرير
ولع سجاره وقعد باصص عليها حس انها ماتت
زقها برجله لقاها مبتتحركش .. اتصل بالاسعاف ونزل من البيت .. ساب باب البيت متوارب ونزل
ركب عربيته ومشي بيها وهوا ماسك في ايدو سجاره
الاسعاف وصلت للبيت لقو الباب متوارب فتحوه ودخلو لقو شهد مرميه عالارض وحواليها دم
والاوضه متبهدله .. وكل حاجه عالارض
نقلوها للمستشفى وعرفو من الجيران رقم باباها واتصلت المستشفى بيه ..
باباها عرف ونزل خد عربيته والسواق وصلو لحد المستشفى .. طلع عرف انها في العنايه وحالتها متدهوره جدا
فضل قاعد مستني يعرف اي اخبار عنها وماسك القرآن بيقرأ فيه ..
" سلام عليكم "
" وعليكم السلام "
" حضرتك والد مدام شهد .. ؟ "
" ايوا انا "
" انا دكتور صبري المشرف على حالتها .. "
" اهلا وسهلا يادكتور .. هيا ايه حالتها طمني "
" والله مقدرش اقولك حاجه دلوقتي بس هيا عندها كسور في مناطق مختلفه من جسمها وللاسف جالها ارتجاج في المخ .. حالتها في خطر ... لو الـ 24 ساعه الجايه عدو وهيا لسه عايشه يبأه هيا كدا عدت مرحلة الخطر "
" حسبي الله .. حسبي الله .. استر يارب استر على بنتي "
" ان شاء الله خير بس انا بعد اذن حضرتك ممكن افهم ايه اللي حصل "
" والله يا دكتور ما اعرف اي حاجه انا قاعد في بيتي مع ولادها وجالي تليفون من المستشفى بيقولولي انها في العنايه انا جيت على ملى وشي ولا اعرف ايه اللي حصل بالظبط "
" اللي حصل ان في حد اتصل بالاسعاف وقالهم على العنوان وقفل .. ولما راحو لقو الباب متوارب بتاع البيت دخلو لقوها مرميه عالارض اظن في اوضتها وحوليها دم كتير والاوضه متكركبه جدا "
" مكنش في حد في البيت يا دكتور "
" على حد علمي مكنش فيه لاء "
" هوا مفيش غير ابن الـ ... "
" اعصابك .. بس ممكن تفهمني في ايه "
" جوزها يا دكتور مفيش غيرو "
" في خلافات بينهم ؟ "
" اه "
" طيب عمتن هيا تقوملنا بالسلامه والشرطه لازم هتحقق في الموضوع دا .. "
" متشكر جدا يا دكتور .. بس هوا انا اقدر اشوفها امتى "
" في الوقت الحالي مش هينفع .. هيا بس تعدي مرحله الخطر وان شاء الله تقدر حضرتك تشوفها .. بس حضرتك وبس ولادها مينفعش "
" اصلا ولادها ميعرفوش ياعيني عليهم .. حاضر يا دكتور متشكر جدا "
" الف سلامه على مدام شهد "
" الله يسلمك "
" اه على فكره الموبايل دا لقوه جنبها وجابوه معاها .. اتفضل حضرتك "
" دا موبايلها .. شكرا يا دكتور "
مشي الدكتور وقعد بابا شهد عالكرسي وهوا مصدوم .. مش عارف يفكر مش عارف يتصرف
مسك موبايلو واتصل بسعد لقى موبايلو مغلق
حط الموبايلات جنبه وغمض عنيه ورجع براسه لورا
غمض عنيه ودموعه بتنزل على خده مش عارف يقول ايه غير حسبي الله ونعم الوكيل
وهوا قاعد سمع صوت موبايل بيرن بص جنبه لقى وبايل شهد
مسح دموعه ومسكو ويص عليه لقى " ماجد " بيتصل
بص في الساعه لقاها 4 الفجر استغرب اوي
مسك الموبايل و رد
" الو ! "
" ا .. الو سلام عليكم "
" وعليكم السلام ايوا !؟ "
" ممكن اكلم مهندسه شهد لو سمحت "
" مين معايا "
" انا ماجد عميل عندها "
" عميل !! حد يتصل يابني في وقت زي دا "
" انا اسف جدا بس افتكرت حاجه وكنت هقولهالها بس مش اكتر ... هوا انا ممكن اعرف مين معايا "
" انا باباها "
" باباها ! ااه اهلا وسهلا بحضرتك .. طب هيا شهد فاضيه "
" شهد في العنايه المركزه "
" ايييييييييييييييييييييييييييييييه "
بابا شهد حكالو الموضوع وماجد مستناش لحظه واحده عرف مكان المستشفى وقفل مع باباها
غير هدومه ونزل ركب عربيته وراح عالمستشفى ..
وصل ماجد للمستشفى وراح لبابا شهد
" سلام عليكم "
" وعليكم السلام "
" انا ماجد كلمت حضرتك في التليفون من شويه "
" اهلا يابني .. ايه لزومو التعب دا بس "
" لا ابدا لا تعب ولا حاجه بس هيا ايه حالتها دلوقتي "
" حالتها خطيره وقدامها 24 ساعه عشان تعدي مرحلة الخطر ادعيلها يابني "
" لا اله الا الله استغفر الله العظيم يارب .. هيا جوزها كان عنيف معاها دايما كدا ولا ايه "
" والله يابني ما اعرف دي اول مره تحصل بس انا كنت عارف ان في مشاكل بينهم لكن ايه هيا معرفش "
" طب والولاد عاملين ايه "
" نايمين ميعرفوش حاجه ياعيني وقلت للداده لما يصحو الصبح للمدرسه قوليلهم اني رحت ازور جدتهم الله يرحمها "
" استغفر الله العظيم يارب "
" ونعم بالله "
" طب وجوزها دا فين .. عمل عملته وجري "
" باين كدا .. بتصل بيه مغلق "
" خير ان شاء الله انا عموما مش هسيبو وهعرف اجيبه .. بس بعد اذن حضرتك ممكن تديني رقم عربيته "
بابا شهد ادى ماجد رقم عربية وفضلو قاعدين مستنيين اي جديد ..
وعالساعه 7 كان موبايل بابا شهد بيرن
" ياااااه .. دا عمر ! ... الو "
" الو صباح الخير يا جدو "
" صباح النور يا حبيبي عامل ايه انتا وميار "
" الحمدلله تمام كويسيين .. انتا فين يا جدو "
" عند جدتك الله يرحمها بزورها "
" بدري اوي كدا "
" معلش منتا عارف هيا واحشاني اوي وبقالي كتير مجتلهاش "
" امممم طيب يا جدو انا وميار نازلين عالمدرسه اهو مش عايز حاجه "
" لا ياحبيبي سلامتك خد بالك من ميار والسواق مستنيكو بالعربيه انا متفق معاه "
" اه ما الداده قالتلي .. ماشي ياجدو مع السلامه "
" مع السلامه يابني "
قفلو مع بعض وعمر حس انه مش مطمن .. ركب هوا وميار العربيه مع السواق وخدهم عالمدرسه
عمر كان قاعد ورا جنب ميار وقاعد سرحان ومش مركز
" عمر مالك في ايه "
" ها .. مفيش يا ميار "
" لاء في .. مالك "
" مش عارف بالي مشغول مش عارف ليه "
" بتحب جديد ولا اييييييه "
" لا ياحبيبتي هوا اللي عندو ميار هيحب ازاي يعني "
" هههههههههههه سبتني سبتني "
" ابدا والله ياحبيبتي ... انتي عارفه انك كل حاجه عندي "
" ربنا يخليك ليا يا احلى اخ في الدنيا "
" ويخليكي ليا يارب "
وصلو المدرسه ودخلو ..
في المستشفى ...
كان ماجد قاعد هوا وبابا شهد مسك ماجد موبايلو وبص في الساعه لقاها 8 الا ربع
وقام متصل برقم ..
" الو سلام عليكم "
" اهلاااااااا وعليكم السلام ازيك يا ماجد عامل ايه "
" الحمدلله بخير يا صاحبي انتا عامل ايه يا سيادة اللوا "
" بخير والله الحمدلله "
" بقولك ايه يا جلال هوا انا لو اديتك رقم عربية تقدر تعرفلي هيا فين "
" اكيد طبعا .. "
" حبيبت قلبي .. طيب خد عندك "
واداه الرقم وسلم عليه وقفلو مع بعض ..
" عملت ايه يابني "
" ابدا دا صاحبي من زمان عشرة عمر وقصدته في خدمه عشان يعرفلي مكان عربية سعد دا فين "
" ربنا يكرمك يارب والله ما عارف اشكرك ازاي .. انتا مش وراك شغل انهردا "
" مش مهم اروح المهم اطمن على شهد وبعد كدا كل حاجه تتصلح مش مشكله .. "
" والله ما عارف اشكرك ازاي "
" على ايه بس دا اقل حاجه ممكن اعملها يافندم .. تعالى بس معايا ننزل الكافيتريا نشربلنا اي حاجه سخنه ونفطر عبال ما نعرف اي حاجه جديده "
" والله ما ليا نفس لحاجه غير لما اطمن عليها "
" والله ولا انا بس معلش تعالى معايا اكيد هيا لو فايقه دلوقتي هتطلب منك متعذبش نفسك كدا وتاكل وتشرب حاجه سخنه "
" هيا بس تقوم واشوفها "
" ان شاء الله ترجع لحضرتك بألف سلامه .. يلا بينا؟ "
" يلا يابني ... "
ليست هناك تعليقات:
إرسال تعليق