نزل ماجد وبابا شهد قعدو في الكافيتريا فطرو وماجد عمل كذا مكالمه عشان يلغي مشاغله في الشغل انهردا وميروحش اصلا
عالساعه 12 كان موبايل ماجد بيرن ..
ماجد " دا جلال .. اكيد عرفو حاجه "
الاب " يارب خير "
ماجد " باشا "
جلال " اهلا حبيبي بقولك ايه .. مين صاحب العربيه اللي ادتني رقمها دي "
ماجد " دا جوز زميلتي في الشغل .. خير طمني لقيتوها "
جلال " البقاء لله "
ماجد وقف على حيله واستغرب اوي
ماجد " بتقول ايه "
جلال " انا اسف جدا بس لقو العربيه عامله حادثه على طريق اسكندريه الصحراوي والناس اللي كانو عالطريق وقت الحادثه قالو ان العربيه كانت بتيجي يمين وشمال منو قبل الحادثه بعشر دقايق تقريبا .. ولما العساكر بصو في العربيه بعد ما طلعوه جثه لقو انواع كتيره من الحشيش وعلى وشفايفه اثر للحشيش الظاهر انه كان بيتعاطى حاجه وقت الحادثه "
ماجد " لا اله الا الله استغفر الله العظيم يارب "
الاب " خير يابني طمني في ايه "
ماجد " ثانيه واحده ياعمي "
وبعد شويه عن بابا شهد وكمل كلام مع جلال .. .
ماجد " طب هيا فين الجثه دلوقتي ياجلال "
جلال " والله هيا في مستشفى في القاهره لسه ناقلينها حالا وعايزين يشرحوها بس بعد الاذن "
ماجد " لالالا يشرحو ايه بس لا طبعا بلاش الراجل عندو بنت وولد في ثانوي ومش محتاجين فضيحه "
جلال " طب فين مراته يروحو يشوفو الدنيا هناك "
ماجد " والله يا جلال مراته دلوقتي في المستشفى .. ماعلينا انا هجيب حماه وهنروح نشوف الموضوع دا "
جلال " ماشي يا ماجد والبقاء لله "
ماجد " ونعم بالله متشكر جدا ياحبيبي تعبتك معايا والله "
جلال " عيب عليك دحنا عشرة عمر خليني اشوفك بأه "
ماجد " اكيد ان شاء الله "
قفلو مع بعض وماجد فضل واقف باصص على موبايلو مش عارف يقول لوالد شهد ايه
وفجأه لقاه قدامه
" ايه يابني ما تطمني هوا في ايه "
" مش عارف ياعمي اقول لحضرتك ايه بس "
" لا حول ولا قوة الا بالله ماتقول يابني ومتخوفنيش اكتر من كدا "
" البقاء لله في سعد "
" ايه ! "
بابا شهد مسك دراع ماجد سند عليه حس انه مش قادر يقف على حيله
ماجد راح خلاه يقعد على كرسي وقعد جنبه
" انا بعتذر لحضرتك عالخبر والله "
" البقاء لله وحده .. بس ازاي دا حصل "
وماجد قام حكاله اللي حصل كلو ..
" حشيش !!!!!! كان بيتعاطى !!! انتا بتقول ايه يابني "
" زي ما بقول لحضرتك كدا والله "
" حسبي الله .. حسبي الله !! اكيد اتجنن على بنتي بسبب القرف دا وفضل يضربها بسبب الموضوع دا .. اتاريها مكنتش عايزه تحكيلي حاجه عشان منظرو قدامي .. ااااخ يابنتي وكنتي مستحمله كل دا !! ربنا يقومك بالسلامه يابنتي يارب .. ويسترها عليكي "
" اللهم امين يارب .. دلوقتي يا عمي لازم حضرتك او شهد تكونو حاضرين هناك عشان عايزين يشرحو الجثه بعد اللي شافوه في العربيه عايزين يحققو في الموضوع "
" لالالا يشرحو ايه احنا ناقصين "
" ماهوا دا اللي انا قلتو لجلال .. وغير كدا كمان عشان تصاريح الدفن والكلام دا كلو "
" لا حول ولا قوة الا بالله "
" معلش ياعمي قدر الله وما شاء فعل "
" الحمدلله على كل شيء .. طيب انا ازاي بس هسيب شهد ماهو بردو مينفعش "
" طب ايه العمل "
" هكلم حد من اخواتو وهوا يتصرف .. رغم اني مش طايق سيرته ولا سيرة حد من اهلو بعد اللي حصل دا كلو بس الله يرحمو بأه "
" ربنا يسامحو ويرحمو .. طيب كلم حد يروح يستلم الجثه ويخلص اجراءات الدفن وفهمه الموضوع عشان يرفض تشريح الجثه "
" حاضر يابني حاضر اديني هكلم علاء اخوه اهو "
مسك بابا شهد موبايلو واتصل بعلاء اخو سعد ..
اول مره مردش ..
اتصل مره تانيه .. الخط اتفتح
" سلام عليكم "
" اهلا اهلا محمد باشا "
" اهلا ياعلاء ازيك يابني "
" بخير الحمدلله عاش من سمع صوت حضرتك "
" الله يخليك يابني انا اسف اني متصل في وقت زي دا زمانك في شغلك "
" اه والله انا في اجتماع بس مش مشكله انا طلعت .. في حاجه ولا ايه "
" والله مش عارف اقولك ايه بس "
" خير يا باشا "
" ماهو انا لازم اشوفك عشان الكلام مش هينفع عالتليفون "
" لا دا شكل الموضوع كبير .. طب اخلص بس الاجتماع واجي اعدي على حضرتك نشرب القهوه سوا "
" لا يابني مش هينفع لازم تجيلي حالا "
" طب .. ماشي حاضر .. حضرتك قلقتني والله جدا .. حالا هتحرك على عند حضرتك على طول "
" انا مش في الفيلا "
" طيب اجي لحضرتك فين؟ عند سعد في البيت "
" لاء .. انا في المستشفى "
" مستشفى !! خير في ايه .. حضرتك كويس؟ طيب سعد وشهد كويسين؟ ميار ؟ عمر؟ في ايه بس "
" لما تيجي هفهمك كل حاجه .. "
" طيب ايه اسم المستشفى "
والد شهد قال لعلاء عالمستشفى وقفل معاه ..
قعد هوا وماجد ولقو ممرضه جايه عليهم
الاب " بعد اذن حضرتك "
الممرضه " ايوا يا فندم "
ماجد " خير شهد عامله ايه "
الممرضه " الحمدلله اتجاوزت مرحله الخطر وهنطلعها من العنايه خلال ساعه "
الاب " والله العظيم؟ ياما انت كريم يارب .. الحمدلله الحمدلله .. الله يجزيكي الخير يابنتي "
ماجد " الحمدلله يارب الحمدلله "
الاب " حمدلله على سلامتها .. "
وبصت لماجد ورفعت حاجبها
الممرضه " هوا حضرتك جوزها ؟ "
ماجد والاب بصو لبعض
الاب " لا يابنتي دا زميلها في الشغل "
الممرضه " ااه افتكرت ! اصل عايزين يعملو تحقيق مع جوزها .. عموما حمدلله على سلامتها "
الاب " الله يسلمك يابنتي .. اقدر ادخل اشوفها امتى "
الممرضه " من ساعه ونص لساعتين نكون بس نقلناها والدنيا هديت "
الاب " ان شاء الله .. شكرا يابنتي "
ماجد طلع 50 جنيه من جيبه واداها للمرضه وابتسملها
ماجد " دي عشان الخبر الجميل دا "
الممرضه " شكرا يا استاذ "
وسابتهم ومشيت
" ليه بس يابني التعب دا كلو حرام عليك "
" ولا تعب ولا حاجه .. عمر وميار المفروض يروحو امتى "
الاب بص عالساعه لقاها الساعه 1
" يعني كمان نص ساعه "
" طب مش تقولهم بأه ؟ "
" لما روحو البيت تكون هيا طلعت من العنايه ويسمحولهم بالزياره "
" تطلع لحضرتك بالسلامه ان شاء الله "
" الله يخليك يابني "
شويه وموبايل الاب رن بيبص عليه لقاه علاء
" الو "
" ايوا ياباشا انا في المستشفى اجي لحضرتك فين "
الاب وصف لعلاء المكان وعلاء طلع سلم عليه وعلى ماجد وماجد استأذن يقوم شويه وراجع عشان يسيبهم يتكلمو براحتهم
والد شهد حكى كل حاجه لعلاء اللي كانت دموعو بتنزل على خده غصب عنه
مش عارف يزعل من اخوه ولا على اخوه
بعد ما والد شهد خلص كل الكلام اللي عندو علاء مسك ايد والد شهد وباسها وقام باس على راسه
" سامحني يا باشا "
" على ايه يابني وليه كل دا "
" انا اسف عاللي عملو اخويا .. الله يرحمو بأه "
" فيك الخير والله .. انتا ملكش ذنب .. على رأيك .. الله يرحمو بأه "
" طيب انا مش عارف اعمل ايه دلوقتي افضل هنا اطمن على شهد ولا اروح ادفن الجثه واخلص الاجراءات ولا ايه بس "
" لا يابني روح انتا خلص الموضوع دا وانا هنا قاعد مع شهد "
" طب الولاد عرفو ؟ "
" الولاد الحمدلله كانو بايتين عندي الليله دي ف ميعرفوش اي حاجه لسه "
" طب اروح اجيبهم من المدرسه واوديهم عندي البيت "
" لالا ملوش لزوم انا لما يروحو البيت هخلي السواق يجيبهم على هنا لازم يعرفو كل حاجه عشان ميحسوش اننا بنعاملهم كأطفال وخصوصا عمر انتا عارفو "
" ايوا طبعا معاك حق حضرتك .. طيب عموما انا هخلص كل حاجه وهاجي اطمن على شهد على طول .. انا اسف ياعمي على كل اللي حصل دا "
" متعتذرش يابني وروح شوف حالك الله معاك "
" حاضر .. ولو حضرتك احتجت اي حاجه انا تحت امر حضرتك "
" الله يخليك يابني "
" عن اذنك سلام عليكم "
" وعليكم السلام "
مشي علاء وقعد والد شهد بيفكر ..
ومستني يقوم يشوف شهد بكل ما فيه
شويه وجت الممرضه تاني وقالتلو انهم خرجوها من العنايه وشويه وهيسمحولو يدخل يشوفها
حمد ربنا وسجد شكر لله وقام بص في ساعته ولسه هيتصل بعمر لقاه بيتصل على موبايل شهد
ليست هناك تعليقات:
إرسال تعليق