عمر " ما تتكلم عدل بأه شويه قرفتنا ياشيخ "
شهد " ياولد "
سعد " الله الله على تربيتك .. شايفه يا هانم التربيه اللي انتي مربياها "
عمر " لاء لو عالتربيه فـ الواد لابوه "
سعد " احترم نفسك يا قليل الادب "
سعد راح على عمر عشان يمد ايده عليه وعمر مسك ايده من تاني
عمر " مش هتتكرر تاني .. ابدا مش هيحصل "
ميار انهارت عياط ومبقتش عارفه تعمل ايه
شهد شافت المنظر دا كلو وحست انها السبب في كل دا
شهد " بس يا عمر خلاص بس "
ميار " ارحموني بأه كفايه ايييييييييييه "
شهد " عمر خد اختك وادخلو جوا لو سمحتو "
عمر " مش هسيبك مع الراجل دا "
شهد " عمر عيب دا باباك .. اسمع الكلام "
عمر بصلها ومرضيش يتحرك اما سعد ف رجع قعد عالكرسي وولع سجاره وابتسم ابتسامه استفزاز
شهد " يلا يا ميار ياحبيبتي ادخلي انتي وعمر جوا "
عمر " انا مش طفل يا ماما بلاش الاسلوب دا .. انا اللي احميكي منه "
شهد راحت همست في ودن عمر " عشان خاطري يا عمر ميار مش ناقصه خدها وادخلو الاوضه وانا هقعد اتكلم معاه "
عمر حس ان فعلا ميار مش مستحمله من كتر العياط اللي بتعيطو وبص لشهد
عمر " حاضر "
سعد بصلهم وسقف بإيديه
سعد " ههههههه برافووووو "
عمر بص لسعد وجز على سنانه ومسك ايد ميار ودخل معاها الاوضه وقفلو الباب
شهد اتنهدت وحطت الورد عالسفره وقعدت وبصت لسعد بقرف
سعد بصلها بابتسامه وكأن مفيش اي حاجه حصلت
" ايه يا جميل .. تيجي تشربي معايا!؟ هتعدلك المزاج والله "
" اللهم طولك يارووووووووح .. انتا مين اللي قالك عاللي حصل انهردا معايا "
" هههههههه فاعل خير بأه .. وبقولك ايه .. ايه بس متعصبه ليه تعالي اقولك "
وقام من عالكرسي بتاعه وراح حط ايده على كتفها
" شيل ايدك يا سعد "
" الله !! وانا مليش نفس ولا ايه .. اشمعنا اللي كان معاكي في المستشفى "
" انتا بتخرف بتقول ايه .. انتا مجنون يا سعد؟ محتاج دكتور ؟ "
" الله .. وليه الغلط دا بأه "
" الله ايه يا اخي هوا انتا تعرف ربنا "
" استغفر الله العظيم يارب هتعكر مزاج الواحد تاني اهي "
" انتا كمان وصلت بيك الجرأه انك تشرب حشيش في البيت "
" ما تفكيها بأه وتعالي نهزر شويه ههههههههههه "
" سعد .. ابعد عني ... ولاخر مره بقولك يا تتعالج يا تمشي وتحل عننا بأه احنا في غنا عنك "
سعد اتعصب وطفى السجاره اللي في ايدو على اخر نفس وبصلها
" بقولك اييييييييه .. البيت دا انا مش سايبه .. عايزين تسيبوه انتو يلا مع الف سلامه اهو الواحد بردو ينتفع بيه "
" انتا ايه يا اخي معندكش دم ولا مبتحسش ! "
" لاء "
شهد بصتله من فوق لتحت بقرف وسابته ودخلت على ميار وعمر الاوضه
لقت عمر واخد ميار في حضنه وميار نايمه
عمر بص لشهد وشاورلها انها متتكلمش عشان ميار متصحاش
شهد هزت لعمر راسها وراحت قعدت عالكرسي قصاد السرير وبصت لميار
حست انها هيا السبب في كل دا وانها ظالمه ولادها معاها وهما ملهمش ذنب
ودراستهم ممكن تضيع منهم بسببها وكل واحد فيهم في سنه اهم من التاني
قامت من عالكرسي وهمست لعمر
" انا رايحه انام شويه "
" طيب وانا هنام هنا انهردا عشان فضلت تعيط كتير اوي وقالتلي متسبنيش "
" ياحبيبتي !! طيب ماشي تصبح على خير "
" وانتي من اهلو يا ماما "
شهد باست على راس ميار بالراحه وباست عمر على خدو
وطلعت وقفلت الباب وراها
راحت عالصاله ملقتش سعد دورت عليه في البيت ملقتهوش
قالت في نفسها " احسن في داهيه "
خدت بوكيه الورد بتاع ماجد بصتله وابتسمت لا ارادي
ودخلت على اوضتها حطت الورد عالتسريحه وبصت لنفسها في المرايه
حست انها مرهقه وتعبانه جدا
راحت عالسرير وفردت جسمها ومسكت موبايلها واتصلت بماجد
" الو "
" حبيبت قلبي الف الف سلامه عليكي معرفتش اقولهالك عشان ميار وعمر سامحيني "
" الله يسلمك يا ماجد متشكره على كل اللي عملتو معايا "
" ايه اللي بتقوليه دا .. عيب عليكي دنتي احلى حاجه في حياتي "
" ماجد احنا بجد لازم نبعد عن بعض كفايه لحد كدا .. "
" بردو تاني! طب ليه كدا بس ماحنا كنا كويسين "
" عمرنا ما كنا كويسين طول ما في جوزي وولادي في حياتي .. مينفعش يا ماجد مينفعش
مقدرش افضل نفسي على ولادي .. اللي بعملو دا اكبر غلط واكبر حرام .. انا قاعده بغلط غلطة عمري من يوم ما حبيتك .. مش عايزه اخسر حياتي وولادي وبيتي بسبب قلبي "
" لكن تخسريني انا عادي مش كدا ؟ "
" ليه مش قادر تفهمني ! "
" لاني بحبك "
" لاء .. لانك معشتش اللي انا عايشاه دا .. صراع مش عايز ينتهي .. وانا تعبت خلاص "
" عايزه تعيشي مع واحد بيحشش يا شهد "
" وايه الجديد يعني .. منا بقالي كااااام سنه معاه "
" وجالك اللي يحميكي منه ويشيلك في عنيه .. في حد يرفس النعمه برجله يا شهد "
" حرام عليك بأه يا ماجد .. مش هينفع "
" وكان ايه لزمتها من الاول تعلقيني بيكي "
" طيش ! مش عارفه .. قلبي دق للاسف "
" يبأه سيبيه يفضل يدق .. لاول مره سيبيه "
" مش هينفع "
" بصي يا شهد .. اسيبك مش هيحصل .. اعملي اللي تعمليه براحتك .. وقولي اللي تقوليه .. لكن متكسريش قلبي بإيديكي "
" اااااااااه تعبت "
" خلاص ياحبيبتي اهدي وسيبيها على الله اللي ربنا عايزو هيكون صدقيني والله "
" ونعم بالله "
" يلا روحي ارتاحي انتي ونامي ولما تصحي كلميني ويكون في علمك بكرا مفيش شغل انتي تعبانه ومحتاجه ترتاحي "
" مينفعش بكرا عندي حاجات كتيره في المكتب وشغل كتير جدا "
" طز في اي حاجه كلمي السكرتيره والغي اي حاجه من دلوقتي عشان تلحق هيا تظبط الدنيا "
" هيا الساعه كام دلوقتي "
" 8 ونص "
" طيب يا ماجد حاضر "
" حبيبي شطور بيسمع الكلام .. يلا تصبحي على خير يا احلى شهد في الدنيا "
" وانتا من اهل الخير خد بالك من نفسك "
" وانتي كمان "
" سلام "
" استني "
" ها؟ "
" بحبك "
شهد ابتسمت وغمضت عنيها ومرضتش
" ماشي ياحبيبتي سلام "
" سلام "
قفلت مع ماجد واتصلت بالسكرتيره قالتلها تلغي كل مواعيد بكرا عشان حصلتلها حادثه وقفلت معاها ونامت ..
تاني يوم الصبح صحيت شهد ملقتش سعد قامت من عالسرير حست انها دايخه جدا
وجسمها كلو بيوجعها رجعت تاني نامت حست بإرهاق اكتر من امبارح
حست ان ماجد فعلا كان كلامه صح لما قال متنزليش الشغل انهردا
غمضت عنيها وراحت في النوم من تاني
مصحيتش غير على خبط الباب
فتحت عنيها ومقدرتش ترفع صوتها وتقول ادخل ..
الباب اتفتح وميار دخلت
" صباح الخير يا ماما .. ممكن ادخل "
" صباح النور يا حبيبتي تعالي طبعا اتفضلي "
ميار دخلت وباست شهد على راسها وابتسمتلها وقعدت عالسرير جنبها
" تعبانه يا مامتي؟ "
" جسمي حاسه انو كلو متكسر 100 حته "
" الف سلامه عليكي يا ماما "
" الله يسلمك .. "
" ماما متزعليش من عمر هوا بيغير وبيخاف عليكي انتي عارفه "
" لا ياحبيبتي مش زعلانه منو ازعل منو ليه بس "
" يعني عشان موضوع عمو ماجد وموضوع بابا "
" انا عارفه عمر دماغه ماشيه ازاي متقلقيش يا ميار ياحبيبتي وسيبك انتي من اي حاجه وخليكي في مذاكرتك "
" ماما ينفع اطلب منك طلب "
" اكيد "
" ينفع اروح اقعد عند جدو شويه .. محتاجه ابعد عن جو المشاكل دا .. عندي امتحانات ومش قادره نفسيتي بجد تعبت "
" اكيد ياحبيبتي طبعا .. شوفي عمر لو عايز يروح معاكي اوديكو انتو الاتنين تقعدو عند جدو اسبوع ولا حاجه "
" عمر قاللي مش عايز يسيبك هنا لوحدك مع بابا ومش عايز يسبني لوحدي ف قاللي سيبيني افكر "
" ياحبيبتي انا مش هيجرالي حاجه مالكو في ايه بس دا باباكو مش حد غريب "
" انتي اصلم مشفتيش يا ماما اللي حصل امبارح "
" ايه اللي حصل امبارح "
ميار حكتلها اللي حصل بين عمر وسعد وشهد اتدايقت جدا ومعرفتش تعمل ايه
رجعت راسها لورا عالسرير ودموعها بتنزل على خدها
ميار لما شافت منظر شهد زعلت اوي من نفسها انها حكتلها
" ماما انا اسفه متزعليش مني "
" ازعل منك ليه بس يابنتي .. "
" اومال بتعيطي ليه "
" مكنتش اتخيل ان ابني وجوزي يعملو كدا مع بعض .. دا اب وابنه .. حرام عليك يا سعد اللي بتعملو فينا دا .. هتدمرنا "
" طب يا ماما ايه رأيك انا اتكلم معاه هوا بيحبني انا عارفه "
" اوعي تفكري تعملي كدا .. دا مجنون يا ميار اوعي "
" هقولو بس يتعالج "
" ياما قلتلو ولا رضي .. خليه لما نشوف اخرتنا ايه معاه "
" معلش يا ماما ربنا يستر ان شاء الله "
" ان شاء الله .. يلا روحي حضري شنطتك وشوفي عمر لو هيروح هوا كمان يحضر شنتطه .. هوا صاحي ؟ "
" اه صاحي بيذاكر "
" ماشي حبيبتي شوفي هتعملو ايه وقولولي "
" طب انتي تعبانه يا ماما .. عمر يوصلني وخلاص "
" لا ياحبيبتي انا كويسه .. يلا قومي انتي بس "
" حاضر "
قامت ميار طلعت من الاوضه وقفلت الباب وراها وراحت دخلت على عمر
لقته قاعد بيتكلم في التليفون
" عمر "
" ثانيه واحد .. نعم يا ميرو "
" انا هعمل شنطتي عشان اروح لجدو هتيجي "
" اه هاجي مش هسيبك تروحي لوحدك "
" طيب يلا بسرعه بأه قوم شوف هتاخد ايه معاك عشان ماما هتوصلنا "
" حاضر "
راحت ميار على اوضتها تلبس وعمر قفل المكالمه اللي معاه وقام لبس هوا التاني وجهزو وخلصو شنطهم
وراحت ميار دخلت على مامتها لقتها بتلبس
" هيا يا ميرو خلصتو؟ "
" اه يا ماما خلاص "
" عمر جاي معاكي ؟ "
" اه "
" طيب حبيبتي ثواني واجيلكو خدي مفاتيح العربيه ونزلو الشنط وانا جايه "
" كلمتي جدو طيب؟ "
" اه قلتلو انكو رايحين تقعدو عندو كام يوم "
" ماشي يا ماما "
وخدت مفاتيح العربيه وراحت ادتها لعمر ونزلو عالعربيه حطو الشنط وقعدو استنو شهد
شهد نزلت وراهم على طول واتحركو على بيت جدهم ..
شهد " هتعملو ايه في موضوع الدروس طيب "
ميار " انا هكلم اللي بيجولي يجولي على بيت جدو وعمر نفس الحكايه "
عمر " وسمر هتعملي معاها ايه "
ميار " مش عارفه بأه هتصل بيها واشوفها .. انا مليش عين اكلمها اصلا مش عارفه هقولها ايه "
شهد " سامحيني يابنتي "
ميار " انتي ملكيش ذنب يا ماما اللي حصل حصل خلاص "
وصلو الفيلا عند جدهم ودخلو ودخلت وراهم شهد ...
ليست هناك تعليقات:
إرسال تعليق