" بص يا باشا بصراحه .. انا شفت عمر بيه من شويه
وهوا "
" وهوا ايه ما تنطق ياراجل انتا "
عم راضي وطى راسه وبص في الارض
" بيشرب سجاير "
" انتا بتقول ايه "
" والله ياباشا زي ما بقول لحضرتك كدا .. "
" ازاي .. ! ازاي الكلام دا .. انتا شفته امتى اصلا
"
" يا باشا انا لما وصلتهم فضلت قاعد في العربيه قلت
يمكن تحتاجوني في اي مشوار بدل ما اتأخر عليكو خليني تحت
فضلت قاعد في العربيه تحت مستني ومن شويه كدا قبل ما
تكلمني حضرتك بـ يجي عشر دقايق "
" ايوا !!؟ "
" لقيت عمر بيه نزل من المستشفى وقعد على عربيه كدا
قصادي وطلع من جيبه علبة انا فضلت باصص ومستغرب لحد ما طلع سجاره وولعها وخلص
ورماها وطلع عالمستشفى ومفيش دقيقتين وحضرتك كلمتني "
" انا مش قادر اصدق ! "
" اقسم بالله يا باشا ما بكدب عليك انا هيفيدني ايه
من الموضوع دا يعني .. انا قلت احكي لحضرتك من غير ما انسه ميار تسمعنا بس ابوس
ايدك يا باشا ما تقول للبيه الصغير اني قلتلك حاجه "
" خلاص خلاص ياعم راضي روح انتا شوف شغلك "
" حاضر يا باشا عن اذنك "
ومشي بسرعه عم راضي . . اما الجد ف فضل واقف دقيقه بيفكر
بعدين دخل عالفيلا
دخل على اوضته ونام على سريره وبص في الساعه لقاها 7
بليل
" استغفر الله العظيم يارب .. كان مستخبيلنا فين دا
كلو بس .. سامحني يارب استغفر الله !!
طب ودا اتعلمها فين .. مفيش غير ابوه !! بس لاء دا مكنش
طايقه ولا عايز يسمع سيرته .. اومال ازاي .. والاهم .. ليه ! ليه بس كدا يا عمر ..
لا اله الا الله اعمل ايه انا دلوقتي شهد مش ناقصه اصلا ..
وبعدين بأه ! الله ! مش ممكن يكون بيشرب السجاير دي
ملفوفه !! معقوله !؟ اه ليه لاء !! مهو مكنش معقول انه يشرب سجاير .. لالالا انا
كدا هتجنن انا لازم اتكلم معاه لما اشوفو بس ! "
رجع بص في الساعه تاني وغمض عنيه ونام ..
في المستشفى عمر كان قاعد عالسرير باصص على مامته وبس ..
الباب خبط واتفتح .. عمر بيبص لقى الدكتور داخل ومعاه
ممرضه
الدكتور " سلام عليكم "
عمر " وعليكم السلام اتفضل يادكتور "
الدكتور " انتا ابن مدام شهد "
عمر " تمام يادكتور .. انا عمر "
الدكتور " ها .. حمدلله على سلامة مامتك .. قيسيلها
الضغط "
الممرضه " حاضر يادكتور "
عمر " الله يسلم حضرتك يادكتور .. بس هيا ماما
هتفوق امتى دي مفاقتش كل دا "
الدكتور " ها ايه الاخبار "
الممرضه " تمام ضغطها طبيعي جدا . . بس الكدمات
اللي في جسمها ووشها لسه واضحه زي ما حضرتك شايف "
الدكتور " متقلقش ياعمر مامتك ان شاء الله في الكام
ساعه الجايه هتبدأ تفتح عنيها بس هتحس بدوخه شويه وبعدين هترتاح واحنا هنا هنفضل
موجودين عشان اي حاجه هيا تحتاجها "
عمر " طب والكدمات اللي في جسمها دي كلها يا دكتور!
"
الدكتور " مع الوقت هتروح متقلقش .. هيا بس جالها
ارتجاج في المخ دا اللي انا قلقان منه شويه ومستنيها تفوق عشان نكشف عالمخ ونشوف
فيه حاجه ولا لاء "
عمر " ربنا يستر يارب .. طيب هيا هتطلع امتى من
المستشفى "
الدكتور " عمر .. لسه لما تفوق ان شاء الله الاول
ربنا يسهل .. "
الممرضه " المحلول خلص يادكتور اركبلها واحد غيرو
"
الدكتور " لاء مش دلوقتي .. كمان 3 ساعات عالاقل
"
الممرضه " تحت امرك يادكتور "
الدكتور " طيب ياعمر الف سلامه على ماما ولو محتاج
اي حاجه الممرضات موجودين ماشي "
عمر " شكرا يادكتور "
وطلع الدكتور والممرضه
عمر حس انه ارتاح شويه بعد كلام الدكتور بس بردو لسه
قلقان ومن موضوع الارتجاج
لما لقى ان الدكتور قال لسه في الكام ساعه الجايه هتبدأ
تفوق اتطمن انه ممكن ينزل ويرجع تاني
طلع من الغرفه وقفل الباب وراه ونزل ..
خرج برا المستشفى ووقف ولع سجاره وفضل واقف شويه
خلصها ومسك موبايله بص في الساعه لقاها 8 ونص
وقام متصل بميار
فضل الموبايل يرن شويه وفي الاخر ميار ردت
" الوو "
" انتي نايمه يابنتي "
" ااه ليه "
" مش عندك حصه الساعه 9 "
" هيا الساعه كام دلوقتي "
" 8 ونص "
" يااااااااه اتأخرررررررت .. طيب طيب هقوم اهو
"
" ماشي وخدي بالك من نفسك ومتلبسيش حاجه مبحبهاش
قدام المستر "
" حاضر "
" صحابك هيحضرو معاكي انهردا ؟ "
" ااه سهى وسلمى هيجو "
" سمر مكلمتيهاش تاني "
" اتكلمنا في الموضوع وقالتلي حصل خير والكلام دا
"
" طيب كويس "
" عمر؟ "
" نعم "
" هوا احنا مش هنشوف بابا تاني؟ "
" ميار .. الراجل دا بهدلنا كلنا .. كل اللي احنا
فيه دا بسببه .. ربنا يرحمه مش عايز افتكره "
" بس دا مهما كان بابانا ياعمر .. انا حاسه انه
وحشني مع اني مكنتش بشوفو كتير "
" انا معاكي ياحبيبتي وماما ان شاء الله تقوملنا
بالسلامه وجدو موجود .. ومش هيبأه ناقصك اي حاجه "
" طيب ياعمر .. ماما عامله ايه "
" لسه مفاقتش ادعيلها "
" حاضر "
" يلا خدي بالك من نفسك ياحلوه "
" حاضر ياعمر "
" سلام "
" سلام "
قفلو مع بعض وراح عمر دخل المستشفى تاني
طلع الغرفه عند شهد ودخل لقاها لسه مفاقتش
بص عليها وراح لحد عندها باسها على راسها وهمس بصوت واطي
" وحشتيني اوي يا ماما "
مشى ايده على شعرها
وفضل باصص عليها وزعلان عاللي هيا فيه
وقلبه من جوا بيدعي ربنا يشفيها من اللي هيا فيه
فضل ماسك ايدها بالراحه وباس عليها وسابها وراح بص من
الشباك
وقف شويه ورجع قعد عالسرير اللي جنب سرير شهد
وفرد جسمه عالسرير
لسه عيونو هتغفى لقى موبايلو بيرن
بص فيه لقاه جدو ..
" الو "
" ايوا يا عمر ازيك يابني "
" كويس ياجدو انتا عامل ايه "
" بخير الحمدلله .. شهد عامله ايه "
" لسه زي ماهيا الدكتور قاللي ان كلها كام ساعه
وتفوق ان شاء الله ولسه عايزين يكشفو على دماغها عشان يشوفو ايه اللي جرالها بعد
الارتجاج "
" طيب خير ان شاء الله .. ميار بس تخلص حصتها هاجي
انا وانتا تيجي تقعد معاها "
" لا ياجدو نام انتا في البيت براحتك وانا هفضل مع
ماما كدا كدا والله مش نازل المدرسه بكرا وكدا كدا عندي حصه العصر بكرا ف وقتها
تبأه انتا هنا وانا في الفيلا "
" طب يابني اول لما تفوق شهد تكلمني على طول "
" حاضر .. جدو بقولك ايه "
" ها "
" مال صوتك "
" بعدين نتكلم في الموضوع دا "
" الموضوع دا؟ هوا فعلا في حاجه بأه ! .. ميار عملت
حاجه ولا ايه "
" ميار؟ ميار دي ملاك يا عمر .. سيبك انتا من الكلام
دا كلو يابني .. وزي ما قلتلك مجرد ما شهد تفوق كلمني "
" حاضر ياجدي ! "
" يلا مع السلامه "
" سلام "
قفلو مع بعض وعمر مستغرب اوي من جدو
فضل يفكر وقطع افكاره صوت شهد وهي بتكح ..
ليست هناك تعليقات:
إرسال تعليق